تكفون يا الفاهمين بالباترول

[تكفون يا رجال]

السلام عليكم ورحمة الله وبركاته ؛؛؛
اسعد الله ايـــامكم
انا عندي باترول موديل 90 الحراره ترتفع علي وهو واقف وتوصل الى النص في المناطق الحاره بدون تشغيل المكيف واذا كان المكيف شغال تزيد عن النص في اقل من 10 دقايق وتتعدى النص اما في المناطق البارده تكون ثابته على الربع والثلث اذا المكيف شغال . واللي اعرفه ان الباترول بالذات صعب ترتفع حرارته بالسهوله هذي

بالنسبه لللصيانه:
انا غيرة له تماتيكـ المروحه اصلي من الوكاله وغيرة الخراطيش ووزنت الديلكو والبلوف ونظفت الرديتر وغسلت المكينه وحطية له المويه الحمراء وغيرت الهوايه ولا خليت شي يختص بالحراره الا سويته

افيدونــــــــــــــــا يا اهل الخبــــــــــــــــــــــــــــــــــــــــــــــ ــــــــــــــــــــــره

[HW80]

اخوي اذا مشيت تعود تنزل ولالا

[سيف العلا]

الحل يطويل العمر تكد من المروحه يمكن مقلوبه او التماتيك او خرطوش صافط وغيرها اظنه اراس مشعور

[abo_hoor]

وعليكم سلام ورحمة الله وبركاته
شيت اخوي او فحصت طرمبة ماي
نفس شي حصل وياي سويت كل شي طلع عندي راس فيه ميلان ويسبب حراره
وان شاء الله مايكون جذي اللي عندك

[قرم العيال]

إذا مشيت تنزل !! .. مغير بلف الحراره !!

[فارس المدى]

تاكد من البلف يكون يبتل قافل .. واذا انت متأكد من كل شئ


اتوقع يكون راس منشعر

[تكفون يا رجال]

اخوي اذا مشيت تعود تنزل ولالا

اخواني الله يعطيكم العافيه اجابه على سؤال اخوي ايه اذا مشيت تنزل طوالي الى الربع

[تكفون يا رجال]

تاكد من البلف يكون يبتل قافل .. واذا انت متأكد من كل شئ


اتوقع يكون راس منشعر


اخوي فارس الله يعطيكـ العافيه انا عندي مفكوكـ

[سفاري959]

اتوقع ضعف في وجه الراس والله اعلم

[تكفون يا رجال]

اخواني اشكر لكم ردكــم السريع الله يعطيكم العافيه ويديمكم على القوه

[تكفون يا رجال]

تاكد من البلف يكون يبتل قافل .. واذا انت متأكد من كل شئ


اتوقع يكون راس منشعر


اخوي اشكركـ على اجابتكـ بس لو الراس مشعور خلط المويه والزيت ..؟

[تكفون يا رجال]

وعليكم سلام ورحمة الله وبركاته
شيت اخوي او فحصت طرمبة ماي
نفس شي حصل وياي سويت كل شي طلع عندي راس فيه ميلان ويسبب حراره
وان شاء الله مايكون جذي اللي عندك


اشكركـ اخوي بس الطرمبه مغيرها قبل 9 اشهر تقريبا الاصلي من الوكاله بس الطرمبه يكون لها علاقه بالشي هذا ..؟

[تكفون يا رجال]

الحل يطويل العمر تكد من المروحه يمكن مقلوبه او التماتيك او خرطوش صافط وغيرها اظنه اراس مشعور

الله يعطيك العافيه يخوي بس المروحه مو كهربائيه حتى تلف عكس ؛؛؛

[قرم العيال]

غير البلف بس .. وتظبط

[KFC]

اول ماتشغل افتح غطى الرديتر وشوف يطلع فقاقيع هواء ولا لا

اذا فيه هوا فهذا الراس والله يعينك

[سارق الكحل]

اولا يالغالي تاكد من :
1- كلتش المروحه تاكد منه ( يدفع بس ضعيف )
2- الرديتر فيه صدأ ( يمكن يحتاج لتنظيف بالمكينة مع فلاش )
3- بلف الحرارة تاكد انه أصلي
4- غير غطاء الرديتر بواحد أصلي

[تكفون يا رجال]

اول ماتشغل افتح غطى الرديتر وشوف يطلع فقاقيع هواء ولا لا

اذا فيه هوا فهذا الراس والله يعينك


والله يخوي اول ما فتحت الرديتر الوضع عااادي وهادي لقيته ناقص يمكن ربع غرشة مويه ابو نص اللهم ان اللي طلع الرغوه بس ما فيه فقاقيع ...

الله يعطيك العافيه وابيض وجه وطمنتني ...

[باترول888]

تأكد من الانبير حق الحراره
وتاكد من الاديتر احتمال كبير ان فيه تنسيم 0000

[هوايتي مكشات]

الله يعينك ياغاالي

[أبو خولة]

هلابك اخوي انا صار معي زيك بالظبط واقف حول النص امشي تنزل ... واخر شي غيرت الرديتر المنيوم وضبط وعلى كيفك وقيمته 480 ريال الله يفرج همك

[يزيد العبيلي]

السلام عليكم كيف حالكم التفتفه وما ادراك ما التفتفه
من عنده خلفيه في الباترول 1991غيرت صفايت البنزين وزنت الديلكو عادي وبالجهاز ونظفت الكلبريتر وركبت اصلاح يباني واصلي والحين الضغط عند اربعة ويفرقع وفيه كربون الله لايوريك الي عنده خلفيه في الخراب يعلمني الله لايهينكم ولا لقيت كربريتر رخيص مافيه الا اصلي و2000وزياده

[سبع البوادي]

يفيدونك الأخوان ان شاء الله

[ســــهــــيل]

السلام عليكم ورحمة الله وبركاته ؛؛؛
اسعد الله ايـــامكم
انا عندي باترول موديل 90 الحراره ترتفع علي وهو واقف وتوصل الى النص في المناطق الحاره بدون تشغيل المكيف واذا كان المكيف شغال تزيد عن النص في اقل من 10 دقايق وتتعدى النص اما في المناطق البارده تكون ثابته على الربع والثلث اذا المكيف شغال . واللي اعرفه ان الباترول بالذات صعب ترتفع حرارته بالسهوله هذي

بالنسبه لللصيانه:
انا غيرة له تماتيكـ المروحه اصلي من الوكاله وغيرة الخراطيش ووزنت الديلكو والبلوف ونظفت الرديتر وغسلت المكينه وحطية له المويه الحمراء وغيرت الهوايه ولا خليت شي يختص بالحراره الا سويته

افيدونــــــــــــــــا يا اهل الخبــــــــــــــــــــــــــــــــــــــــــــــ ــــــــــــــــــــــره

انا صارت معي هالسالفه
ولقيت طال عمرك مبرد الزيت الي على جنب المكينة فيه شق بسيط ويهرب مويه بسيطة وكان ينقص مثل ماقلت شي بسيط مايذكر ولا تشوف تهريب تحت السيارة وغيرته والحمدلله ضبط
بس رح للميكانيكي وخله يفحصه يتأكد منه

[أبومفلح]

السلام عليكم ورحمة الله وبركاته مساكم الله بالخير جميع
أخوي تأكد من قوة دفع المروحه يعني خذ لك عصا مكنسه وحاول توقف المروحه
ان وقفت ولابغت شي فالبلا منها والله أعلم