ودي طعام يدفي الجسم ويزيد مناعته ( بدون اضرار جانبية)

[مفخرة فورد]

السلام عليكم ورحمة الله وبركاته

ودي العلم عن تجربة بارك الله فيكم

خاصة اللي يزيد من مناعة الجسم ضد الفيروسات والبكتيريا

وفقكم الله

[@..ابن الدلم..@]

في شراب اذا استمرت عليه
والله تشوف القوه والتحسن
تعرف الحلبة
تحطها في موية كأس وتخليها يوم حتى تروح الريح وتشرب الموية
كل يوم حط كذا
طبعا اذا شربته مايكون فيه ريحه مره
حتى لوكان عندك عزيمه وشربته مايطع ريحه
والشيء الثاني عليك بالبر
كل هذا مجرب والعسل الطبيعي
كل هذا انا جربته
اما اللي يدفي عليك بالمرقوق والقرصان
والمطازيز واترك الرز لان دائم ناكل رز
والعصيده يسلاام

[ما هقيت]

فيتامين سي

في الحمضيات ( البرتقال _ الليمون ) ... الخ

أو في الصيدليات يأتي حبوب مص و حبوب فوار

[مفخرة فورد]

حياك اخوي @..ابن الدلم..@
الله يسعدك - يعني الحلبة و العسل و البر : تقوي مناعة الجسم ؟
لكن ايش القرصات :(

والمشكلة في العسل نادر تحصل الأصلي ؟

اخوي ماهقيت
شاكر لك هالاضافة - لكن هل لها فايدة ملحوظة خاصة اللي بالصيدليات ؟

[بن حاضر]

اللي يعتبر مضاد طبيعي ويحمي من الفيروسات وغيره ..

عليك بالبصل والكراث والثوم يعني حوار الخضروات ..

يعني لو تسوي كل يوم سلطة من بصل وبصل اخضر وجرجير وكراث وفجل وتضيف عليها بقدونس و رشة زيت زيتون وتعصر عليها ليمون بإذن الله تحميك وهي مضاد ..

إما وش اللي يدفي في هالبرد والله ماظنيت فيه شي يدفي بردنا في العظم بس عموما عليك بالبر مثل المرقوق بالسمن .. المحلى بالسمن والفلفل الاسود الحنيني عموماً مؤكلات الشتاء معروفة عند الجميع ..
ولا واوصيك اشرب زنجبيل بالعسل الاصلي والله تدعيلي ياخي تخليك حصان تطمر العرفجة ..

[دايت]

الحلبة والثوم والبصل ..
تقوي المناعه + تصفي الدم + تخفض الكولسترول و و و و و ..

الفوائد كثيره جداا وكلها من نعم رب العالمين ..

وإن بغيت للدفى الزنجبيل والشعبيات من قرصان ومطازيز مع شوية فلفل ..

وعليك بالعافية ..

:)

[الخيمة والذرا]

اثني على كلام ابن الدلم الله يوفقه كذلك ما قال اخي دايت الله يوفقه ايضا ويسعده وابن حاضر الله يوفقه(تسني من اهل الحوطة ):D

وازيد على ذلك اليانسون .....تحط لك فنجال قهوة في كاس ماء مغلي وتخليه لين يبرد ثمن تكبه;)

[@..ابن الدلم..@]

حياك اخوي @..ابن الدلم..@
الله يسعدك - يعني الحلبة و العسل و البر : تقوي مناعة الجسم ؟
لكن ايش القرصات :(

والمشكلة في العسل نادر تحصل الأصلي ؟

اخوي ماهقيت
شاكر لك هالاضافة - لكن هل لها فايدة ملحوظة خاصة اللي بالصيدليات ؟


أقصد القرصان
تبي عسل طبعي مية بالمية
أعطيك الان واحد من الاعضاء يبيع
ايه تقوي
رح شف شياب عسير
وش ياكلون رح اسأل ويعلمك الشياب
عمره 80 ونشيط
ولاتنس حليب النوق
والله مافيه فضل منه
خاصه بعد الي عندهم حرقااان
وانتفاخ البطن
احد اعضاء مكشات وموثوق
http://farm6.static.flickr.com/5167/5240725862_86097bea0b_z.jpg (http://www.flickr.com/photos/32567697@N03/show/)



http://www.mekshat.com/vb/member.php?u=131064

[منصور2]

أي شي معلب أنحش عنه كلها خرابيط
شوربة مع فلفل أسود
حليب طازج مع زنجبيل وشوية سكر
هذا الي أعرفه صحي ويخلي جسمك حار ويدفا

[AL3ASHEG_999]

وخفف السكريات والحركه مهمه جدا (المشي)

[لحظةوداع]

الحليب الساخن
العصييييييييد

[مفخرة فورد]

اللي يعتبر مضاد طبيعي ويحمي من الفيروسات وغيره ..

عليك بالبصل والكراث والثوم يعني حوار الخضروات ..

يعني لو تسوي كل يوم سلطة من بصل وبصل اخضر وجرجير وكراث وفجل وتضيف عليها بقدونس و رشة زيت زيتون وتعصر عليها ليمون بإذن الله تحميك وهي مضاد ..

إما وش اللي يدفي في هالبرد والله ماظنيت فيه شي يدفي بردنا في العظم بس عموما عليك بالبر مثل المرقوق بالسمن .. المحلى بالسمن والفلفل الاسود الحنيني عموماً مؤكلات الشتاء معروفة عند الجميع ..
ولا واوصيك اشرب زنجبيل بالعسل الاصلي والله تدعيلي ياخي تخليك حصان تطمر العرفجة ..



بن حاضر الله يحضر لك الخير ومن يقرا
والله انك صادق بردنا في العظم خاصة برد الشمال :(
راح اجرب هالمنوعات الغذائية ان شاء الله وخاصة اللي تخليني حصان طمر :D
عسى الله يوفقك

[مفخرة فورد]

الحلبة والثوم والبصل ..
تقوي المناعه + تصفي الدم + تخفض الكولسترول و و و و و ..

الفوائد كثيره جداا وكلها من نعم رب العالمين ..

وإن بغيت للدفى الزنجبيل والشعبيات من قرصان ومطازيز مع شوية فلفل ..

وعليك بالعافية ..

:)
عشت يادايت الله يوفقك -
الاطفال وانا اخوك هل فيه تأثير عليهم من الاكل - يعني هل يفضل تكون يومياً والا كل اسبوع مثلاً ؟؟

اخوي ابن الدلم - الله يوفقك أنا بالشمال وويني وين الجنوب - ماتخبر احد بتبوك موثوق ؟


اثني على كلام ابن الدلم الله يوفقه كذلك ما قال اخي دايت الله يوفقه ايضا ويسعده وابن حاضر الله يوفقه(تسني من اهل الحوطة ):D

وازيد على ذلك اليانسون .....تحط لك فنجال قهوة في كاس ماء مغلي وتخليه لين يبرد ثمن تكبه;)
حياك الخيمة والذرا - ايش الفايدة :D

حياك منصور2 - المعلبات صراحة ماأثق في قيمتها الغذائية - والله النافع
وصفتك تنفع للأطفال ؟ 4 -5 سنوات ؟

حياك AL3ASHEG_999
السكريات الله يكفي شرها ويعطي خيرها
وعز الله ان الحركة لها فايدة كبيرة بعد توفيق الله

حياك لحظةوداع
الحليب الساخن مع الزنجبيل - هذي منتشرة عن كثير خاصة بهالبرد:)

[@..ابن الدلم..@]

عشت يادايت الله يوفقك -
الاطفال وانا اخوك هل فيه تأثير عليهم من الاكل - يعني هل يفضل تكون يومياً والا كل اسبوع مثلاً ؟؟

اخوي ابن الدلم - الله يوفقك أنا بالشمال وويني وين الجنوب - ماتخبر احد بتبوك موثوق ؟

:)

ليس هنالك تأثير على الاطفال لكن يكون حجم الكأس صغير أفضل
أخوي هنالك توصيل للعسل كلم وشف
انا أروح الجنوب كل اجازه ونشتري دبتين زي حقة الماء نوفا

[صقر السديرات]

بعد التوكل على الله
عليك بالعسل والخضيراء فعلا تقوي منا عة الجسم
يوم سافرت لروسيا موصي المعزبة تحطه في الشنطة ونست وبعد مرور شهرين فلوزت فلوزة عمرها ما مرت علي قمت احبي على ركبي
اما الدفا وان حصل مع هذا فريك مع السمن والعسل
والله ان يدخن راسك
شكرا

[سوالف]

اخوي
إذا تحب الدفي وجسمك يبوخ من الدفى مشروب الزنجبيل الطازج مع اليمون
عليك بالزنجبيل الطازج تقشره وتفرمه بالخلاط وتحطه بالبريق
وتعصر عليه حبتين ليموووون وتصب عليه الماء المغلي
وانتظر دقيقتين تقريبا وشرب منه ..بتشوف الدفى والمناعه تزيد

وبخصوص الاكلات
البر ثم البر ثم البر
مرقوق و مطازيز
مراصيع مع العسل
والحنيني والمحلى

[الخيمة والذرا]

شف يا عم اما اليانسون تراه علاج .....لا تكبه بل (اشربه )معليش الللي قالت كبه الجنية حقتي الله يصلحها خبله

واذا تبي الدفا لا تعدا البر (يعني المطازيز والمرقوق والحنيني والقرصان) وترا العسل الطبيعي الناس يشتغلون عليه الحين ...ناس موثيقين تلقاهم بديرتك

المربعانية على قولة الشيبان توصي الشبط وش تقول ((إسمع يا ولدي عليك باللي شبتهم ..........................كملوها

[قمرا]

الأكلات اللي إتدفي وعن تجربة
عيش إموش
طريقتة
يغسل الماش بماء دافي
يقطع البصل ويضاف إلية سمن وملح ويقلب لــ 5 دقايق
بعدها يضاف الماش مع التقليب ثواني ويضاف الماء الساخن ويتركــ يغلي 10 إلى 15 دقيقة
يغسل الرز ويضاف إلية وتغلقة مع تخفيف النار مدة نص ساعة
ويقدم على السفرة ساخن مع سمنة مرشوشة أو بإناء آخر
00000
السمن بثواني يدفي
سواء كان مع الخبز
أو مع مأكولات مطبوخة أو مع تمر فهو يعطي طاقة ودفا هائلة لدرجة الشخص يبدأ يشعر بالحر
ويخفف من ملابسه
00000
العصيدة من الأكلات اللي إتدفي لكثرة السمن فيها
0000
خبز بدهن = خبز مقلي
طريقتة
تجهز العجينة المعتادة
وبعدها بنصف ساعة
تجهز القلاية بزيت كمية وسط حتى يسخن
وتجهز الرغيف بطرقات الخبازين بالحجم الذي تريدة ويفضل الوسط
ثم تضعة بالقلاية بحذر عشان لايطش الزيت من موية الرغيف وتتركة حتى يشقر
وتقلبه ع الوجة الآخر
وبعدها تضعة على الورق النشاف ( ورق سندوتش المطاعم) حتى يخف الزيت
ويقدم ساخن مع شاي
أو
تحشوا الرغيف بالجبن قبل أو بعد القلي وهذي لو حاب إتضيف شي زيادة
وطبعن الجبن قبل القلي أحلى طعم
أو تعمل تشكيلة شي بجبن وشي سادة

الزنجبيل
تضيفة ع الحليب أو على طعامكـــ وقهوتكــ يوميا
القرنفل
تضيفة لقهوتكــ وطعامكـــ

غير الأكلات
اللبس
البيجامات القطنية اللي تكون قطعتين
الشرابات الصوف عن برد الرخام وبرد الجو

زيوت العطارين
مهمتها
إتدفي - تعطي رائحة طيبة للجسم والملابس
مثل
زيت القرنفل
زيت البرافيل ( جلسرين سائل )
زيت الورد
أغلبها بالتولة تلقاها خذ كمية منها وإستعملها
الطريقة
تزييت الجسم بزيوت دافية بعد كل إستحمام
وبعد الوضوء

هذا بالحالات الطبيعية
أما لو حاشتكــ خشة برد وهو أن البرد يتمكن من العظام والظهر فهذي لازم إتعالج لأنكــ بتحس بالبرد في كل الفصول
وهذي لها معالجين

وعلاجها بالطعام هو
الإكثار من التمر يوميا طاسة تاكلها على مدى اليوم كلة مع قهوتكـــ لأنه يعالج العظام من الهوا والبرد
ومع السمن بيكون أحلى فالتمر مع الإستمرار يقضي ع المشكلة إن شالله
وعلى قولتهم التمر مسمار العظم

[أبو مالك ibb]

شكرا اخي ابن الدلم على الثقه
فعلا الغش في العسل كثير والمغشوش او ذو الجوده الضعيفه يأثر سلبيا على الشخص
لأنه يتوقع نتيجه في الدفئ ومنه الشفاء وقوه في الجماع
وبالاخير لا يجد شيئا من هذا !!
لاكن العسل الطبيعي المتميزذو الكثافه والكميه الكبيره من العسل الخالي من السكر والغش
يجعلك تنسى شيئ اسمه البرد وتكون المناعه قويه جدا بإذن الله
وطبعا يوجد لدينا نوعيات ممتازه وجرب واحكم بنفسك
وانصح بالزعتر مفعلوه قوي جدا في الدفئ
وينصح بشربه مخلوط مع الحليب
مودتي
http://sphotos.ak.fbcdn.net/hphotos-ak-snc4/hs1170.snc4/154242_167002376669517_100000792665721_288922_1456 975_n.jpg

[مخطط 2008]

كل الي ذكرو الاعضاء صحيح تدفي لكن مؤقت فقط ولازم تستمر علية مايدفي الا حضن ام 15 تزوج طال عمرك من بنت عمرها من 15 الى 20 وتشوف الدفاء بعينك سوى كنت متزوج ولا اعزب

[hightech]

من ناحية المناعه عليك بالثوم وفيتامين سي × ومن ناحيةالدفاء عليك بالزنجبيل واردم على نفسك من الخلقان الله يحفظنا وياكم ومن يقراء


اخوي فيه حبوب زيت سمك موجوده في جي ان سي ممتازه انصحك انك تستخدمها ضروريه فوايدها جدا مفيده بعد الله سبحانه×