تكفون الفزعة / مشكلة في تعشيقات الاكسبلور2005

[العقلانية]

السلام عليكم ورحمة الله وبركاته
مساء الخير ... مع صباحه وكل عام وانتم بخير 1432هـ
عندي مشكلة بتغييرات - تعشيقات - فورد اكسبلور
لما اتعدى 100 ك مافيه اي مشكله بعشيقاته
لكن لما يكون واقف او تحت 40ك مايعشق ادوس وكانه فاضي بـ N ادوووس ادووس ادووس له ويعشق
رحت للوكاله قالوا توضيب قير بـ 12 الف ريال حسيت ان كلامهم مو معقول
وديته لورشه بالقصيم لوجودي هناك شيك على الحساسات قال يمكن يصير منها وفك الكرتير حق القير وماحصل رايش يعني مايحتاج توضيب
وتولع عندي لمبة تشييك على القير ولمبة التشييك على المكينه وتشر اللمبة الصفراء حقت تبديل النمره
تكفون من جد جنن ابي ابيعه بس مابي اغش احد فيه ولو علمته يبي يكسر قيمته

والله يجزاك كل خير الدنيا ومافيها الا يدلن على احد يزينه لي

[هاوي غماره]

والله ياطويل العمر انا قبل يومين معي باجيرو صار حول مشكلتك غيرت له زيت القير وصار لا غير تقل ينزق ولا تعدى 40 وصار على نمره 3 خلاص يثبت توقف ماتوقف

وصار حساس او مثل ماتقول سلك وضبط

[العقلانية]

شكرا لك اخوي على ردك لكن يقولون الحساسات ثلاث حساسات وكل واحد فوق800 ريال وشيكوا على الحساسات يقول كويسه لكن تبينا نغيرها لكن بس مانضمن يزين

[YUKON_GMC]

مشكلة الحساس دائماً انه مايبدل في احد النمر او انها يطمرها (يتعداها ) يعني ينتل لما يبدل ..

لكن مشكله التخبيط تبين من ريحة زيت القير واي ورشة توضيب قيرات يقدر يعرف انه مخبط من ريحة الزيت على العيار

من علامات التخبيط بنمر وحده او عدة نمر انه يفضي في احدى النمر ولايعشق للي بعدها ابداً مهما عملت .. او الضعف بالعزم

ولو مخبط تقدر توضب النمر العطلانه فقط يعني القير 6 تعاشيق تقدر تغير كلتشات للنمر العطلانه فقط وبكذا تكون وفرت على نفسك ثلاث ارباع قيمة التوضيب كامل