حذف وما حذف طيري

[العيون الزرق]

يالربع ابي شوركم طيري إلى هالحين ما حذف النايفة والموس والمربط اللي هو فيه كل الطيو حذفت الا طيري طبعاً هو حر وتوه بكر ويقولون الفرخ يتأخر ويبيلك تعطيه كورس الحبوب اللي انتو خابرين عشان يحذف وش رايكم اخليه على مهلة والا لا ..................مع العلم أنه اول الربطه كان عنده مشكلة بداية حفات وحطوه على رمل عشان يطيب والحمد لله كل شي تمام بس يقولون انهم ما زادو له العلف عشان ما يزود وزنه وتتفاقم مشكلة الحفاة إلى مسمار والعياذ بالله .
ابي شوركم يالصقارة

[نايف الخالدي]

السلام عليكم
اخوي نصيحه عطه كورس وانشالله يحذف لانه اذا ماحذف الحين
متى بيحذف عطه كورس وتوكل على الله

[صوعان]

على العموم السنه هذي اذا سارت الامور تمام اتوقع يالله يمديك تقنص به في منتصف الموسم
لانه اذا حذف الموس يبي له شهر ونص اقل شي اذا مو اكثر
لكن ماله علاقه تاخير الحذف عشانه فرخ انا معي فرخ العام يعني السنه هذي بكر مثل طيرك وموسه تامه وصاكه من اسبوعين
حتى لو تعطيه كورس ماراح تستفيد
رايي انا ارفع وزنه وانشالله يحذف النايفه ووراها الموس

[جير شاهين]

انا اقول ترفق عليه
والكروس يمكن يأثر عليه خله على راحته وانشالله يحذفها في اسبوع واحد

وانا طيري باقيله موس ولا نقلته انشاء الله لاحذف نقلته وتركدت عليه لين يصك الموس

[العيون الزرق]

الأخ نايف الخالدي ، صوعان، جير شاهين
مشكورين على مروركم والله لا يحرمنا مشورتكم و من مشاركتكم