مشكله في دافور كولمان موديل 533

[ناصر]

السلام عليكم
شريت دافور كولمان البنزين الموديل الجديد 533
ومن شهر كان تمام يتم تعبيته بنزين 91 ويجلس فتره طويله
والشراره قويه الصراحه

من ثلاث ايام وحتى الان
صار فيه مشكله
اعبيه هواء ويجلس خمس دقائق ويخلص الهواء
وتنطفي الشراره

ايضا البنزين مو مثل اول يخلص بسرعه او ينتهي في خمس دقائق
الكميه اللي احطها معقوله عشان لايسوي مشكله

انا متأكد من غلق الهواء بشكل جيد ..بنفس استخدامي السابق
ولايوجد تنسيم

شاريه من برق الحيا

اتمنى تشوفون لي حل
وتقبلو احترامي

[ناصر]

مرحب ... يعني مافيه حل:)
نرجعه للمحل ونستبدل
ولا كيف ؟؟
معا اني ماستغني عنه ابد ابد في الازمات
ناره من اقرب محطه بنزين بريال
وياما فك زنقه

مشكورين وننتظر الحل

[محترف]

ايضا البنزين مو مثل اول يخلص بسرعه او ينتهي في خمس دقائق
الكميه اللي احطها معقوله عشان لايسوي مشكله

وتقبلو احترامي


السلام عليكم
عب التانكي بمقدار ثلثين ولا تخاف وجرب
ويفيدونك الشباب أكثر

[drive]

شيك على الربلات والجلد

[ناصر]

السلام عليكم
عب التانكي بمقدار ثلثين ولا تخاف وجرب
ويفيدونك الشباب أكثر

راح اجرب اعبيه ثلثين
الصراحه يخوف ماحب اعبيه واجد
عشان مايطيح في المستودع ولا السياره وهو مليان الله يستر

لكن للتجربه راح اعبية ثلثين وشوف

يعطيك العافيه اخوي

[ناصر]

شيك على الربلات والجلد

مرحب اخوي ..انا فكرت افكه مسمار مسمار اشوف
رغم اني واثق مافيه تنسيم ما امداه
بس قلت لايكون عيب في الصناعه واخسر الضمان لو تم فكه

مشكور اخي

[wafi4sa]

إذا عليه ضمان
لحق على ضمانه واسأل اهله عن مشكلتة
الله يسمح دربك

[قناص مزاجي]

السلام عليكم
شريت دافور كولمان البنزين الموديل الجديد 533
ومن شهر كان تمام يتم تعبيته بنزين 91 ويجلس فتره طويله
والشراره قويه الصراحه

من ثلاث ايام وحتى الان
صار فيه مشكله
اعبيه هواء ويجلس خمس دقائق ويخلص الهواء
وتنطفي الشراره

ايضا البنزين مو مثل اول يخلص بسرعه او ينتهي في خمس دقائق
الكميه اللي احطها معقوله عشان لايسوي مشكله

انا متأكد من غلق الهواء بشكل جيد ..بنفس استخدامي السابق
ولايوجد تنسيم

شاريه من برق الحيا

اتمنى تشوفون لي حل
وتقبلو احترامي


والله يالغالي هذي النوعيه من الدوافير والمواقد الصغيره

لا تصلح لنا

اذا تبي الشغل الزين عليك بالموقد الايطالي عين وحده على الغاز تلقاه عند محلات الاواني هذا مجرب مني شخصياً
وخصوصا اذا ركبت عليه ساعة صغيره بتشوف شغله صح

ولا يكلفك شي وعملي جدا


http://www.caravanning-online.co.uk/acatalog/foker-single-boiling-ring-LRG.jpg

اما المواقد الصغيره هذي هي مخصصه لمتسلقين الجبال اما لنا حنا والله ماتصلح
انا الاحظ كثير من الشباب يشترون اشياء مالها داعي


لانك انت لا طلعت البر لازم تشب نارك وتسوي قهوتك على النار ولا فيها احلى من طعم الشي لا طبخته على النار

.

[drive]

والله يالغالي هذي النوعيه من الدوافير والمواقد الصغيره

لا تصلح لنا
............................................

لانك انت لا طلعت البر لازم تشب نارك وتسوي قهوتك على النار ولا فيها احلى من طعم الشي لا طبخته على النار



لكل شخص وجهة نظره وياحبذا لو احترمتهم وجهات نظر غيركم
وبعدين مواقد البنزين وش تطلع؟؟؟ ثلج ولا زيت... اكيد نار مثلها مثل غيرها

ولو ترجع للماضي ماكان فيه لا غاز ولا دافور ايطالي... كانت مواقد كيروسين ابيض او ما يعرف بالقاز وكل الطبخ و النارعليه......

[ناصر]

والله يالغالي هذي النوعيه من الدوافير والمواقد الصغيره



لا تصلح لنا


اذا تبي الشغل الزين عليك بالموقد الايطالي عين وحده على الغاز تلقاه عند محلات الاواني هذا مجرب مني شخصياً
وخصوصا اذا ركبت عليه ساعة صغيره بتشوف شغله صح


اما المواقد الصغيره هذي هي مخصصه لمتسلقين الجبال اما لنا حنا والله ماتصلح
انا الاحظ كثير من الشباب يشترون اشياء مالها داعي



لانك انت لا طلعت البر لازم تشب نارك وتسوي قهوتك على النار ولا فيها احلى من طعم الشي لا طبخته على النار

.


اخوي جزاك الله خير
انا كنت اسأل عن حل مشكله الدافور في تسرب الهواء

ولم اسأل هل الدافور يصلح للكشتات ام لا
مع العلم اني استخدم هذا الدافور ومقتنع بادائه 100%
شرارته قويه جداويطبخ اي شي من واقع تجربه
ولتر ماء في دقائق يغلي
ولو قضت عليك دبات الغاز ونت بعيد في البر مشكله
لكن كولمان البنزين من اقرب محطه بنزين وعبه بريال او من التانكي اشقط
:) يمشيك يومين

مشكور اخي

[قناص مزاجي]

طيب الافضل لك ان تبحث عن الوكيل وتسوي صيانه له عندهم

خله يكلفك مبلغ من المال بس اهم شي ما يتعطل عليك ونت تطبخ فيه

وبعدين الهواء تقول يجلس خمس دقايق ويخلص

ليه ماتسوي له ماصوره وترهمه على ماطور الهواء

واذا انت تستخدم بانزين 91 فهذا يخلص بسرعه جرب ال 95 افضل

[ناصر]

طيب الافضل لك ان تبحث عن الوكيل وتسوي صيانه له عندهم



خله يكلفك مبلغ من المال بس اهم شي ما يتعطل عليك ونت تطبخ فيه


وبعدين الهواء تقول يجلس خمس دقايق ويخلص


ليه ماتسوي له ماصوره وترهمه على ماطور الهواء


واذا انت تستخدم بانزين 91 فهذا يخلص بسرعه جرب ال 95 افضل


مرحب اخوي قناص
عموما جزاك الله خير على المساعدة
;)
الدافور هذا سعره حول ٢٤٩ وعليه ضمان ويتصلح او يستبدل ببلاش خلال فترة الضمان
وحتى وهو عطلان حاليا تراه شغال:)
راح يطبخ ويقلي ويمشيك بنفس المشكله الحاليه
حتى تخلص الكشته وترجع البيت
مجرد اشحن هواء بعد خمس دقائق لب المشكله
حتى يتصلح

اخوي
مواقد القاز والبنزين لها عشاق واجد واجد
رغم وجود دبات وموقد العنكبوت ضمن عزبه الطبخ عندي الا انني افضل الاول
تقدر تقول حب وهوايه:good:
وللأمانه جاء معه كتيب في الكرتون
لم اقراه في كيفيه التنظيف والطرق الصحيحه في التشغيل
ويجوز الخلل من سوء الاستخدام ونوع الوقود
وليس من الشركه المصنعة في الولايات المتحدة الأمريكية
اذكر اني قرأت احد المواضيع في مكشات البنزين 91 وليس 95
وليت احد يأكد او ينفي في نوع البنزين
تحيتي

[كوفيا 1]

السلام عليكم
شريت دافور كولمان البنزين الموديل الجديد 533
ومن شهر كان تمام يتم تعبيته بنزين 91 ويجلس فتره طويله
والشراره قويه الصراحه

من ثلاث ايام وحتى الان
صار فيه مشكله
اعبيه هواء ويجلس خمس دقائق ويخلص الهواء
وتنطفي الشراره

ايضا البنزين مو مثل اول يخلص بسرعه او ينتهي في خمس دقائق
الكميه اللي احطها معقوله عشان لايسوي مشكله

انا متأكد من غلق الهواء بشكل جيد ..بنفس استخدامي السابق
ولايوجد تنسيم

شاريه من برق الحيا

اتمنى تشوفون لي حل
وتقبلو احترامي


أبشر يخوي وما يكون خاطرك إلا طيب إن شاء الله.
يبدو لي أنك متخوف من تعبئة الموقد بالبنزين بأكثر مما تحتاجه لكل طبخة، والحقيقة أنه لا يوجد أي خطورة في ذلك، لكن يفضل تفريغ الهواء من التانكي عند الإنتهاء من الطبخ ولا حاجة لتفريغ البنزين إطلاقا، ولا يضره أن يبقى البنزين في الموقد لفترة بدون استخدام، وهو ليس خطرا لأنه مغلق جيدا ولن تشم أي رائحه.
سعة خزان الموقد أكثر من نصف لتر بقليل...أقترح تعبئته بنصف لتر من البنزين ثم ضغطه 30 مرة وبعد الإشتعال قم بضغطه 30 مرة أخرى حسب ماهو موضح في الدليل التالي:
http://dl.dropbox.com/u/2642786/%D8%AF%D9%84%D9%8A%D9%84%20%D9%85%D9%88%D9%82%D8%A F%20%D9%83%D9%88%D9%84%D9%85%D8%A7%D9%86%20%D9%A5% D9%A3%D9%A3.jpg

وإذا لم يعمل الموقد بصورة سليمة عطنا خبر.

تحياتي

[ناصر]

الاخ كوفيا 1
ابيض وجه بارك الله فيك
ويعطيك العافيه
فعلا هناك نقطتين مهمه راحت علي
1- ماكنت اعبيه الموقد بنزين كثير خوف من البنزين
2- شحن الموقد بعد الشراره 30 ذي فاتت علي

على فكره له تقريبا نص ساعه شغال 100% يوم زودت بنزين
وزودت الشحن 30

بارك الله فيكم اخواني
وهذه صورته :D:D
http://i1113.photobucket.com/albums/k514/albashery/th_mogaad.jpg
يطبخ بعير
خخخخخخخخخخخخخخخخ

[قناص مزاجي]

مرحب اخوي قناص
عموما جزاك الله خير على المساعدة
;)
الدافور هذا سعره حول ٢٤٩ وعليه ضمان ويتصلح او يستبدل ببلاش خلال فترة الضمان
وحتى وهو عطلان حاليا تراه شغال:)
راح يطبخ ويقلي ويمشيك بنفس المشكله الحاليه
حتى تخلص الكشته وترجع البيت
مجرد اشحن هواء بعد خمس دقائق لب المشكله
حتى يتصلح

اخوي
مواقد القاز والبنزين لها عشاق واجد واجد
رغم وجود دبات وموقد العنكبوت ضمن عزبه الطبخ عندي الا انني افضل الاول
تقدر تقول حب وهوايه:good:
وللأمانه جاء معه كتيب في الكرتون
لم اقراه في كيفيه التنظيف والطرق الصحيحه في التشغيل
ويجوز الخلل من سوء الاستخدام ونوع الوقود
وليس من الشركه المصنعة في الولايات المتحدة الأمريكية
اذكر اني قرأت احد المواضيع في مكشات البنزين 91 وليس 95
وليت احد يأكد او ينفي في نوع البنزين
تحيتي


هلا والله بخوي ناصر انا اشوف انه غالي صراحه وخصوصا انه صغير

والله متعب كل شوي تشحن هواء :D ماصار موقد

مو كلمة عشاق فيه ناس يشوفون هذه النوعيات من المواقد يفتكرونها للبر هنا
وانها هي الافضل

وهم لايعلمون ان هذه المواقد خصصة للحمل في شناط على الظهر
وخصوصا
لمن يهون المغامره في تسلق الجبال
ونحن هنا
لانحتاج حملها على ظهورنا
واحمل كله على ظهور السيارات

انت تعرف بيئتنا قاسيه شوي ماتنفع لها هذه المواقد الصغيره وعطالها كثير
وخطير من ناحية حملنا للبنزين داخل السياره

[drive]

اذكر اني قرأت احد المواضيع في مكشات البنزين 91 وليس 95
وليت احد يأكد او ينفي في نوع البنزين
تحيتي
نعم 91 افضل من 95 بسبب ثقل الاوكتين يحتاج الى هواء اكثر ودرجة حرارة اعلى للاحتراق

[ناصر]

هلا والله بخوي ناصر انا اشوف انه غالي صراحه وخصوصا انه صغير



والله متعب كل شوي تشحن هواء :D ماصار موقد


مو كلمة عشاق فيه ناس يشوفون هذه النوعيات من المواقد يفتكرونها للبر هنا
وانها هي الافضل


وهم لايعلمون ان هذه المواقد خصصة للحمل في شناط على الظهر
وخصوصا
لمن يهون المغامره في تسلق الجبال
ونحن هنا
لانحتاج حملها على ظهورنا
واحمل كله على ظهور السيارات


انت تعرف بيئتنا قاسيه شوي ماتنفع لها هذه المواقد الصغيره وعطالها كثير
وخطير من ناحية حملنا للبنزين داخل السياره



مرحب عزيزي قناص
السعر فعلا غالي
لكن واضح من الصناعه الجودة وقوة الشرارة
عارف ان حرارة الموقد ونا جنبه صار دفايه :)
غير قوة اللهب فيه شريحه حديد دائريه تحت مخرج اللهب وشرائح حديد اخرى
على شكل ضرب ثانيه صايره حمراه من قوة اللهب
تساعد جدا في الحراره من واقع تجربة يغلي القدر المتوسط
في وقت وجيز
شوف الصوره
http://www.m5zn.com/uploads/2010/12/11/photo/1211100412041dgzuvo1u52f2.jpg
بالنسبه لمشكلة الشحن كل خمس دقائق تم حلها
وكانت الاشكاليه من البنزين لم يكون كافي
وكما ذكر الاخ كوفيا
يتم شحن الموقد بعد الشعله
الحاصل
صار له الان ساعه الا ربع من غير شحن
ماشاء الله :D يمدي الرز والدجاج يستوي

انا اخالفك الرأي من حيث ان هذه المواقد مخصصه للحمل على شناط الظهر
لعدة اسباب
اولا الاتجاه الحالي في عدة الرحلات من سنوات هو تصغير الاشياء
بحيث تتسفط وماتخذ مساحات داخل السياره واثناء الرحله والنقل
وبعض المواقد اللهب اقوى من الكبير
موقد العنكبوت او العقرب يتسفط بشكل انيق في علبه صغيره بحجم الكف
وشرارته قد تتفوق عل المواقد القديمه الكبيره

اقدر اقول لك انتهى زمن تعبئة صنوق السياره اسطوانات غاز ومركب كبير
وشغلات مرهقة
نقطه اخيره
:D
والغاز بعد خطير .. لو ينسم داخل الجيب (الموتر) جاب العيد :(
وتقبل احترامي

[ناصر]

إذا عليه ضمان

لحق على ضمانه واسأل اهله عن مشكلتة

الله يسمح دربك


مشكور اخي وافي
الحمد لله انحلت المشكله يعطيك العافيه
تحيتي

لكل شخص وجهة نظره وياحبذا لو احترمتهم وجهات نظر غيركم
وبعدين مواقد البنزين وش تطلع؟؟؟ ثلج ولا زيت... اكيد نار مثلها مثل غيرها

ولو ترجع للماضي ماكان فيه لا غاز ولا دافور ايطالي... كانت مواقد كيروسين ابيض او ما يعرف بالقاز وكل الطبخ و النارعليه......
اشكرك اخي درايفر على ابداء رأيك
فعلا هذه المواقد ان كانت عندنا في الماضي
فاللمعلوميه في اوربا وامريكا لايزالو يستخدمونها للتدفئه والطبخ حسب ما قرأت
اقتصاديه وعمليه
تقبل احترامي


نعم 91 افضل من 95 بسبب ثقل الاوكتين يحتاج الى هواء اكثر ودرجة حرارة اعلى للاحتراق
شكرا اخي داريفر مره ثانيه على المعلومه
فعلا اكدت لي المعلومه السابقه اللي قرأتها قبل اشتري
في احد المواضيع ان بنزين 91 الاخضر هو المناسب
اشكرك ياعزيزي وتقبل احترامي