والله ماعرفت اكتب عنوان للموضوع

[شاعر وحساس]

السالفه ياطويلين الاعمار ان احد الزملاء اتصل عليه قبل قليل
وقال لي عن سالفته
قلت خلني انقلها لخواني في مكشات

يقول البارحه العصر رحت ومعي اربعه من الجماعه وشرينا حاشي ب3900
واخذت انا واحدهم نصف والاثنين الثانين نصف
يقول اللي معي قال يابو محمد عطني ربع وانت ربع ونزلها في البيت الله يجزاك خير قلت له ابشر
اثناء تقطيع الحاشي جاء واحد وطلب 2 كيلو حاشي من اليماني وقال طيب بس خلني اخلص من الرجال هذا اللي هو انا
يقول اليماني استمر بالتقطيع وحط اللحم بكرتونين متساويات
ووقال للهندي خذها وودها سيارت الرجال الهندي مشاء معي وقلت حطها في السياره هذي

والكرتون الثاني معي وحطيناهم في السياره
يقول الرجال وماهي الا ثواني وركب الرجال الشايب اللي احد اسنانه سوداء اللي قبل شوي طالب 2 كيلو
بالسياره اللي حطينا فيها الكراتين وفحط وانحاش
وانا والهندي واقفين نتفرج
يقول اثر السياره اللي حطينا فيها الحاشي ماهي سيارتي طلعت سياره الرجال ابو 2 كيلو
وسيارتي واقفه جنبها لكن الرجال شاف كل شي وفحط وانحاش وحاولنا نلحقه وماقدرنا

يقول قال اليماني الهندي يتحمل الخطاء قلت له انا اللي قلت له حطها هنا والهندي ماله ذنب

لكن ياخوان الخطاء وارد السؤال كيف الادمي هذا يهنا له بال وياكل عياله حرام واليعاذ بالله

القصه حقيقيه 100% وحدثت البارحه العصر

وسلامتكم

[الحوار الصريح]

دفع بلاء يارجال

بسيطه ان شاء الله

[شاعر وحساس]

دفع بلاء يارجال

بسيطه ان شاء الله
الله يدفع البلاء عنا وعنك وعن كل مسلم لكن الامر مضحك وطريف شوي

وانا والله العظيم انه حصل لي موقف مشابه قبل سنه تقريبا

مرت البقاله الصباح واخذت حليب وحاجات بسيطه وحطيتها في المرتبه اللي قدام ويوم جيت البيت مادري وش خلاني اطالع في شنطة السياره الا مليانه مقاضي واتذكر ان كان جيب نفس موتري واقف جنبي وارجع للبقاله ولياهذا اليماني وراعي الجيب واقفين براء اليماني يقول ياخي والله حطيتهم في السياره والرجال يقول وينها كانك صادق قلت ابشرو فيها
ياخي المسلم ماياكل ويوكل اولاده واهل بيته حرام اسال الله العافيه

[آخر العنقود]

اعوذ بالله ما عاد فيه ناس تخاف من الله ....

[تناهيت]

لا حول ولاقوة الا بالله العلي العظيم كيف يرضى على نفسه وعلى عياله

هذا اكل السحت بعينه وعلمه

لاكن نسال الله له الهدايه
وكم اتمنى ان يكون الرجل الشايب على نيته

تحياتي ومعوضين خير

[شاعر وحساس]

اخر العنقود
تناهيت
شاكر لكم مروركم العطر

[عبدالعزيز بن احمد]

اللي سرقها يحبكم لانه اعطاكم كم حسنه يوم القيامه تحتاجونها
والله يعوضكم ان شالله

[موادع الرياض]

لا حول ولاقوة الا بالله

[عشق الشمال]

لا حول ولا قوة الا بالله

[على رمشي تمشي]

مكتوبه له شف محاسن الصدف السيارتين نفس بعض وهو داخل يبي لحم حاشي
ياسبحان الله

[فهد الويلي]

دفع بلاء يارجال

بسيطه ان شاء الله
(بسم الله الرحمن الرحيم) سبحانك الله الهم انزل علين الغيث

[الشبح 2006]

حسبي الله عليه
انالله وانا اليه راجعون
يارجال الحلال مايضيع
ويعوضك الله

[قرعة نجد]

حسبي الله عليه
حصلي اردا من موقفك
هاك اليوم انا واقفن عند سوبر ماركت احتري اخوي ما دريت الا الباب ينفتح وتركب عجيز وانا اللي يحمر وجهي وانزل من السياره تقل مكهربن بي
مير لعل الخاله جته ام الركب عجزت تنزل ههههههههه لاكن جا ولده الظاهر ونزله
تصير هالمواقف دايم

[قمرا]

يمكنه يحسبها عطية لأن صاحبكــ وصلها بنفسة :D
فصاحبكــ برئ وإهو بري والحاشي فدووو

[دبسان]

سبحان الله ان كان الشايب يقصدها فهو اما مريض عقليا

او قلبه مريض نسال الله العافية ولا كيف يرضى يدخل بطنه هالاكل

[الجبل الراسي]

هذا ضعيف نفس ولاهوب رجال غض النظر عن الحلال والحرام الذي يجب على كل مسلم ان يراقب اعماله في كل شي وكيف يطيع النفس على فعل مثل هذا الفعل

[الجيب الاسود]

اخوي شاعر وحساس
اتمنى انك تسامحه وتحتسبها صدقه لوجه الله وانشالله ان الله يبي يعظملك الاجر سبحانه وتعالى
وراسلني على الخاص وانشالله تبي ترضى

[طرّاش]

بعضهم وسيع وجه لو سألته قال هذا رزق جاني .. الله يعوّض عليك

[الربذي]

بعضهم وسيع وجه لو سألته قال هذا رزق جاني .. الله يعوّض عليك
من متى مصوبه ماشفيت للحين :D:D:D
ماادري وشلون تسلطت على هالاسم فعلا مثل ماقلت بعضهم يتغضى ووجه وسيع ولايهمه من اين جاءه
لو يلقى البنك مفتوح ريوس سيارته وحملها فلوس واذا قلت له حرام قال خير ساقه الله لي

صدقني فيه عينات كذا مايحللون ولا غيره وسيعين ولايعرفون الحيا وضعيفين نفس
يعني ناس مافيهم قيم ولارجوله ولا كرامة نفس ولايخافون الله
فيه من هالعينات بس قله قله قله

[أطلال نجد]

للأسف هالعينات في أزدياد ملحوظ والسبب يعود لضعف التربية، وقلة الوازع الديني، ويمكن للفقر أيضاً دور كبير ولكن هذا ليس بمبرر

الله يخلف على خويك ويعوضه بأطيب منه