مشكلة في الفتك ارجو المساعده ..

[القناص المميز]

السلام عليكم ورحمة الله وبركاته
عندي فتك 2005 شغلته اليوم وطلعت عندي لمبة المكينه المهم تغير صوت الشكمان صار قووي والعزم تغير صار مايتعدى 100طفيت السياره وجلست شوي وشغلت ورجع كل شي مثل اول

السؤال وش الخلل اللي حصل عندي ومن اللي صار معه نفس مشكلتي ارجو الرد من اصحاب الخبره في الفتك ..
ملاحظه : المشكله هذي صارت معي اكثر من مره ..
وجزاكم الله خير ..

[النوخذه820]

هلابك اخوي القناص المميز انا حصلت معاي نفس المشكلة وراحت وترجع بس بعد مدة ولا اعرف من وين اساسة والحل ياريتاحد يفيدنا وطريقه اصلاح المشكلة وجزيتم خيراا

[صباح القايله]

هذا والله اعلم انه علبة الكتوتات الي بجنب فلتر الهواء واحد من الثلاثه الزرق لكن حق المكينه مادري ايهن

[يابعد حيي]

وعليكم السلام ورحمة الله وبركاته

شغلتك بإذن الله بسيطه
صارت معي نفس مشكلتك بالضبط مرتين
المره الأول مريت ورشة العثمان بتشاليح بريده وقال لي ابو عبدالرحمن (سليمان العثمان ) مشكلتك من منظم الهواء واشتريت واحد من التشليح وركبه لي وضبط الموتر
بعد خمس شهور رجعت المشكله ورجعته لابو عبدالرحمن قال عندك مشكله بالكمبيوتر واشار لي اني اروح به لورشة العثيم عند اشارة المحاكم داخل بريده يقال له ابو ابراهيم بيّض الله وجهه
وطلع لي المشكله اللي هي من كمبيوتر المكينه غيرته ورجع الموتر احسن من اول
قيمة كمبيوتر المكينه بالوكاله تقريبا حوالي 4000 ريال حصلته بتشليح العجلان ب 1800 ريال
واذا تبي شوري ارسل موترك لورشة العثيم عند ابو ابراهيم وهو مايقصر
مع العلم ان موتري فتك 2005 قيرين

هذا والله أعلم

[القناص المميز]

اخوي النوخذة وصباح القايله ويابعد حيي ماقصرتو‏‏
اخوي يابعد حيي المكينه صوته صافي بس الشكمان تغير صوته .

[يابعد حيي]

الموتر اخوي قومته اصبحت ثقيله بالحيل وبالخط مايتعدى الميه ولمبة المكينه طالعه عندك ؟
إذا كل هالامور عندك نفس اللي حصل لي..
توكل على الله وروح لورشة العثيم وأبو إبراهيم ماهو مقصر

[القناص المميز]

لرفع ......

[ابو ماجد vtc]

شوف اخوي اذا القير تماتيك وعزمه ضعيف واذا اسرعت ما يتعدى ال80 او ال100 عندك الكتاوتات الثلاثه في الكبتوت جانب القربه الاولات من يم الغماره شوف الوسط حق اللاهات واللي يم السواق حق القير والاخير لقدام الموتر حق الريوس غير الأوسط حق اللاهات كم مره يحصل معي مره القير ومره اللاهات وابدلهن وضبط الموتر , بس الغريبه كيف تولع اللمبه اللي تقول ماقد حصلت معي بس يضعف الموتر ولا تولع لنبات .

[الميلبي العيص]

أنا عندي أذني بي طريق سفر ولا سريع تعديت 120 يفصل العداااد ويرجع زي مكان بس تولع لمبت المكينه
وعزمها يضعف بس ,,,,, ويش الحل

[القناص المميز]

مشكور اخوي ابو ماجد والقير تماتيك وعادي << توسع صدره

[بدوي جنوبي]

ينقل لقسم الاعطال

[القناص المميز]

فحصت الموتر كمبيوتر وطلع المشكله من حساس الدعسه ..