وش الحل مع القربه ..وكذلك المطارة

[كايد]

السلام عليكم ورحمة الله وبركاته


مساكم الله بالف خير

وكل عام وانتم بخير

عندي بعض الاشكالات


يالربع وهي اني شريت
مطارة السنيدي :فاشلة والغريب ان منتجات السنيدي حلو ة وجيدة الا مطارتهم خانت ثقة بعض الناس ومن ضمنهم انا .

السوال :
ثم شريت لي قربه جلد
وزبطت راحت ريحة الزفر منها لكن يابسه وتغدي الى حد معين

فلو يتكرمون الاخوان
ماذا اعمل عندما اشتري القربه ؟؟

حتى تزول الرائحة بسرعة ؟؟وتجلس القربه رويانه ما تيبس ؟؟


ولكم جزيل الشكر

[nahham]

اخي الفاضل مبروك عليك الشهر

فيه موضوع في هذا المنتدى لنفس مشكلتك

اخونا يقول تطلي خيوط المطاره حتى مطارة السنيدي بماده والله نسيت اسمها

ابحث وتلقاها

بالتوفيق

[الجندي2005]

اول ما تشري القربة لابد من دبغها اي عملية الدباغ والدباغ بنوعين الاول بالارطى وهذا له طعم مميز او بالعرن والطريقه كاتالي : ;)
تجيب اعواد الارطى (( تجدها تباع بالسوق الشعبي )) بعدين تضعها في قدر وتطبخ الين يصير لون الماء بني غامق وثقيل وتقوم تصبه
داخل القربه بعد ما يبرد طبعا داخل القربه ولايمنع تضع عليها قليل منه من الخارج وبعدين تخليها يومين تقريبا وتغير الماء كل فتره حتى تنظف . ملحوظه : نوع الدباغ ارطى او عرن هذا على حسب الرغبه لانه باختلافه يختلف طعم الماء بعدين وانا افضل الارطى
واسف على الاطاله .

[كايد]

اخوي
نهام شكرا لك
اخوي الجندي

الله يحرم وجهك ووجينا عن النار وواليدينا وواليديك

[غالي]

فعلا لي يومين شاري قربة السنيدي وانكبت صراحه راحت يومين وانا اتعب واخمر فيها بمويه وملح ولا فيه فايده
تقطر وتندي مثل البزبوز
للاسف :|

[أبو يوسف]

مطارة السنيدي فاشلة

خذ وارد الهيبي الكويت
ممتازة وتندي بشكل بسيط
وبااااردة


تحيتي

[الجيب الربع]

مطارة السنيدي فاشلة

خذ وارد الهيبي الكويت
ممتازة وتندي بشكل بسيط
وبااااردة


تحيتي

كلام أبو يوسف سليم

أنا جربت مطارة الهيبي ولا فيها خلاف بس أهم شيء ربصها كم يوم بمويه حلوه ولاتستعمل موية البلديه عشان ماتمسك طعم الكلور

تحياتي

[طشي وامطري]

حقت الهدلق مهيب شينة
واللي يعاني من التنقيط يربصها ( ينقعها ) بالطين بس طين صافي يسدد الفتحات.

[غالي]

وين القاء وارد الهيبي فيه؟
في الرياض طبعا
اذا ماعليكم كلافه
شكرا لكم