المساعد الشخصي الرقمي

مشاهدة النسخة كاملة : مطلوب قلس سحب سيارة


مسير عليهم
11/12/2010, 02:14 PM
السلام عليكم

مطلوب للفزعه او الايجار قلص لسحب السيارة

ابيه لمده اسبوع عندي سيارة خارج السعودية وبروح اجيبها

واللي عنده علم كم تسوى المستعمله او احد عنده امكانيه التأجير يخدمني في اقرب فرصه
مسير عليهم
11/12/2010, 10:28 PM
للضروره تم الرفع
ابوالهواوي
12/12/2010, 01:05 AM
طلبك موجود

ج 0504114269
مسير عليهم
16/12/2010, 12:41 AM
تم الرفع للأهمية
faisal98
16/12/2010, 12:53 AM
السلام عليكم ورحمة الله وبركاته

اسعد الله جميع اوقاتك بكل خير

اخوي الغالي (مسير عليهم)

انا قبل يومين مريت على ورشه تفصل قلوص للسيارات

وتذكرت موضوعك وسألته عن محل يأجر قلوص وقالي

مر على العليان اللي بطريق خريص تراهم يأجرون بس يقول غالين

والصراحه انا مامريت عليهم بس قلت يمكن تفيدك هالمعلومه

وعلى فكره سألته عن تفصيل قلص لتحميل السيارات نفس اللي انت تبي

وقالي تكلفته بـ 5000 ريال

والله يوفقك يارب

آسف على الاطاله وتقبل تحيات اخوك فيصل
مسير عليهم
17/12/2010, 01:20 PM
الله يجزاك خير وماقصرت

متوقع سعر التفصيل يوصل الى 5000 ريال

بس اللي ابي اعرف متوسط اسعار الايجار
راعي الأشهب
17/12/2010, 09:50 PM
عندي لك واحد 4محاور جديد وكفرات جديده إذا تبيه إيجار لمدة إسبوع فقط الف ريال إذا ودك ارسل رقمك علي الخاص موقعي الرياض بس علمني وش السياره الي تبي تحملها
مسير عليهم
18/12/2010, 01:09 PM
تسلم والف في اسبوع اشوفها واجد

اذا الجديد بـ 5000 اشتري جديد وأترزق الله من وراه دام كل اسبوع بألف ريال

يعني اقل من سنه مطلع دبل قيمته

عساك سالم

وصلني عرض مقارب لعرضك ورفضته

وحدث العاقل بما يعقل
سابح فضا
18/12/2010, 02:05 PM
ان شا الله تحصل طلبك
جومانشي
18/12/2010, 02:17 PM
والله ودي انه عندي وتقضي عازتك بدون مقابل

وما اقول غير عساك تلقى مطلوبك
مسير عليهم
19/12/2010, 09:02 AM
سابح فضا

آمين يارب


جوماشي

كثر الله من امثالك وعساك ماتعرف البخل ولا الطمع

مستعد ادفع لو لقيته لكن بالسعر اللي يصدقه العقل ويقتنع فيه

الله يرزقك ويرزقنا ويكفينا شر الطمع والبخل
مسير عليهم
25/12/2010, 10:45 AM
تم الرفع للأهمية