المساعد الشخصي الرقمي

مشاهدة النسخة كاملة : دبل الجمس 1999 الكهربا ماشبك خربان ولمبات الازرار شغاله..نرجوا الافاده يالنشاما


أبا مجاهد
12/12/2010, 06:47 PM
مساكم الله بالخير ياخوان

انا شريت لي جمس بليزر قبل اسبوعين ويافرحه ماتمت والحمدلله :(

اخترب عندي الدبل مايعشق..

مع العلم اللمبات اللي في الازرار شغاله بدون مشاكل..لكن مافيه صوت الطقه حقت الدبل عند شبكه الخفيف او الثقيل كلها

اذا شغلت السياره تشتغل لمبات الدبل كامله ثم يشتغل الدفع الثنائي اوتوماتيكيا


ذهبت لاكثر من عشر ورش كلا يفتي من راسه..اللي يقول الدينمو مايشبك جيب جديد..واللي يقول توظيب..واللي يقول اشتر دبل كااامل..واللي يقول حساسات.....الخ





نرجو الافاده من اهل الخبره والله يوفقنا وياااااكم وان شاءالله المشكله بسيطه
كنز المشاعر
12/12/2010, 07:03 PM
ابو مجاهد حياك الله وراجع الرسائل الخاصة عندك راح تلقى الافادة

اخوك

كنز المشاعر
ابوغريب2006
12/12/2010, 07:42 PM
نفس المشكله الازرار الداخليه خربانه ما توصل كهرب


http://img841.imageshack.us/img841/2826/aftersolve1.jpg (http://img841.imageshack.us/my.php?image=aftersolve1.jpg)
YUKON_GMC
12/12/2010, 08:19 PM
اول شي يالغالي هذا يقال له يوكن للجمس وتاهو للشفر وماهو بليزر .. البليزر يختلف شكل وقطع غيار ..

انا عندي اخوه زي ماتشوف بالتوقيع لكن القير عادي وكان عندي قبله واحد 99 استخدام امريكي الدبل ازره زي اللي بالصوره فوق ...

ومن واقع خبره ... الدبل بهذا النوع من السيارات ضعيف ويخرب بسرعه وسبق ان غيرته مرتين ..

احدى مشاكله انه يجيم زي كذا ومايعشق معك نهائي على الرغم من وصول الكهرب للحاس والدينو في الدبل ودينمو الدفرنس الامامي

.. والمشكله الاخرى فضاوة الجنزير وصوت طقه اثناء الوقوف حتى والدبل بالفاضي ..

افحص الدينمو اوكلتش التعشيق الكهربائي المدور اللي فوق الدفرنس الامامي ودينمو القير بفكه من مكانه وابقاء الاسلاك فقط مشبوكه وتعشيق الدبل

إذا خرج لسان التعشيق من مكانه للخارج اي تحرك من مكانه معناته شغال لو ماتحرك افحص الكهرب الفيوزات والازره


لكن اعتقد ان الازره شغاله .. دام انها تولع اللمبات في بداية التشغيل معناته انها شغاله كلها بس عليك التأكد من الدينمو تحت

رح لأي مختص دبلات وخله يفكه من تحت ويعشقه يدوي ... لو لقم معناته الدينمو ... ولو رفض الله يعينك تفك الدبل وتصلحه او تغيره مستعمل مع البديل ب 2000 ريال في الرياض الصناعيه القديمه ثلاث شوارع كلها ورش دبلات


ولو عندك وقت اقرأ المواضيع هذي

رد رقم 11 واللي بعده
http://www.mekshat.com/vb/showthread.php?t=151482

وكذلك بس لاتقراه الا وانت فاضي لأن تبي تطول
http://www.mekshat.com/vb/showthread.php?t=155824
أبا مجاهد
14/12/2010, 05:48 AM
اخوي كنز المشاعر اشكرك عزيزي وبارك الله فيك


اخوي ابو غريب فكيت الازرار وشافها الكهربائي وسليمه مابها شي


اخوي safare2 (http://www.mekshat.com/vb/member.php?u=177274)

اثريتني بالمعلومات بارك الله فيك

وان مثل ماتفضلت اتوقع ان الشغله من الدينمو او الحساس تبعه

وشكلي ابا اغير هالحساس تبع الدينمو وان مانفع شريت دينمو من التشليح والله يعين


اخيرا اشكركم اخواني على افادتكم وبارك الله فيكم..
أبا مجاهد
14/12/2010, 11:23 PM
رفع..........ز
YUKON_GMC
15/12/2010, 12:01 AM
^^^

تبدل :D
http://www.mekshat.com/pix/upload04/images192/mk177274_yukon99.jpg
أبا مجاهد
15/12/2010, 12:17 AM
8
8
8

ركبله رفارف حمرا وارفعه من قدام وابشر :)
YUKON_GMC
15/12/2010, 12:40 PM
اهاا بس موترك باب واحد !!! ماأنتبهت ..؟؟

عموماً ترى فيه رابطه لأصحاب اليوكن والتاهو البليزرات ... اكتب مشكلتك هنا وبتلاقي الحل خصوصاً رابطة البليزر مشعللينها
أبا مجاهد
15/12/2010, 07:32 PM
طيب اخوي سفاري بارك الله فيك..
moooj
15/12/2010, 11:36 PM
ابو-مجاهد
مر-على-الشباب-على-هالرابط-وان-شاء-الله-يفيدونك:
http://mekshat.com/vb/showthread.php?t=307293
أبا مجاهد
16/12/2010, 06:38 PM
الله يعطيك العافيه اخوي موج
وبانتظار الحلول
عاشق الموج
17/12/2010, 01:58 AM
اتوقع من حساس الدبل وقيمته حوالي 250 ريال امريكي الاصلي اتوقع 400 ريال

وتركيبه سهل جدا
يوجد في الكرونه الاماميه
جوالة
17/12/2010, 06:19 PM
شف وأنا أخوك جرب تطفي السيارة وتحط القير على N والسويتش شغال وخلي يديك على زر الدبل الخفيف أو الثقيل وشغل السيارة ... في حال شبك الدبل معك فالشغلة شغلة حساس.

والله أعلم ...

ننتظر ردك
أبا مجاهد
17/12/2010, 08:05 PM
اخوي عاشق الموج اتمنى ان الشغله حساس فقط..لكن الدبل مااايشبك خير شر..عموما الله يوفقك عزيزي


اخوي جواله بارك الله فيك ..احاول اطبق الطريقه اليوم وارد منك..
جوالة
18/12/2010, 11:48 PM
اخوي جواله بارك الله فيك ..احاول اطبق الطريقه اليوم وارد منك..

موفق خير
وننتظر ردك