اين يمكن شراء او تفصيل شوايات مطعم الطازج

[hani458]

السلام عليكم والشهر عليكم مبارك
مره من المرات دخلت مطعم الطازج اللي في خط انكاس في الرياض ودخلت داخل المطبخ ( من اللقافه ) اشوف وش سر هذا الشوي اللذيذ وكيف يتم الشوي بهذه السرعه واشوف لك العديد من الشوايات الصغيره التي غباره عن مجموعه من الشيوك مرصوص فيها الدجاج وتدور بشكل دائره وتمر اثناء دورانها على منقليين صغيرين مليانين جمر واحد تحت الاطار الدائري للشبوك والثاني داخل الاطار الدائري ( لشوي الدجاج من فوق وتحت ) وتتم العمليه اليا من خلال دينمو على كهرب

السوأل هل شاف احد منكم مثل هذا الجهاز او يعرف اين يمكن تفصيله وخصوصا في الرياض لسهولة استخدامه وخصوصا لشوي الكميات الكبيره

[شاص]

به شوايه شغل محلي بنفس فكرة شوايات الطازج .. حدد موقعك وأوصف لك

[hani458]

هلا اخوي شاص
قضدك الاحداثيات والا المدينه تكفي
لا عفوا امزح معك
انا من سكان الرياض حي الروضه
ارجو ان تدلني على مكان وجود هذه الشوايه
ولك خالص الشكر

[hani458]

وينكك ياخوي شاص ماعاد لك صوت عسى المانع خير

[الجيب الربع]

وعليكم السلام ورحمة الله وبركاته

أخي hani458

توجد لدى العديد من محلات بيع أدوات الرحلات رح لاي واحد واسأل عن شوايات تدور على الكهرب وحتي يمكن تاخذها معك للبر وتشغلها على المحول

تحياتي

[2500HD]

هذي موجودة عند مسجد عتيقة (((عند حقين المناقد)))
وتجي على الغاز أو الفحم على حسب اختيارك

[hani458]

حياك الله اخوي 2500hd
هل تقصد الي في اول طريق الملك فهد جنوب بعد سوق الخظار او قصدك موقع اخر
ارجو الايضاح
مع الشكر

[2500HD]

وانت متجه من الشمال الى الجنوب بطريق الملك فهد ديور من تحت الكوبري حق عتيقة يصير وجهك شمال خلك ماسك الخدمة بيجونك على اليمين باسطين ببضائعهم مناقد وشوايات وصناديق وتوانك مويه واشياء واجد
وهذا كروكي مبسط

http://www.twa9ef.com/uploads/d076cca77d.bmp (http://www.twa9ef.com)

اتمنى ان يكون المكان واضح

لا تنسى تعشينا :D

[الضاري]

لاتقول لي تبي تفتح سلسله مطاعم تنافس فيها الطازج :D :D

[الأحوذي]

السلام عليكم يا جماعة الخير الصور ما تطلع عندي :no2:

[الأحوذي]

فيه الشوايه الي على شكل منقد هذي صغيره وتحطها في شنطة الذراية بس وين نلقها الي عنده خبر عن محل بيعها لا يبخل علينا

تقبل الله منا ومنكم صالح الاعمال

وعيدكم مبارك

اللهم انزل علينا الغيث اللهم سقيا رحمه اللهم اسقي عبادك وبهائمك وبلدك الميت
اللهم صلى وسلم على نبينا محمد وعلى آله وصحبه اجمعين

[hani458]

مشكور اخوي 2005hd
والله يحييك والساعة المباركه

اخوي الضاوي لاوالله عندي وظيفتي ومبارك الله فيها ولا نيب من حقين الطردي والغربله والله يرزقنا جميعا من فضله وانا من اللي يدورون الراحه وسعة الصدر وراحة البال

,

[شاص]

ما وصلتك الرسالة أخوي هاني 458 ؟؟

[hani458]

اخوي شاص
السلام عليكم ورحمة الله وبركاته
ماوصلني منك شي انا بالانتظار

[شاص]

راجع الخاص كرماً ..

[ابو مشعل]

في شوايه مثل المنقله فوقها شبك يلف على الكهرباء موجوده عند القناص في الدمام شارع الملك فهد