أريد تلميع شمعات موتري الفورد (بلاستيك) بمن تنصحون؟

[شاص]

السلام عليكم ..

عندي شمعات الفورد مغبشة شوي وتحتاج تلميع من الخارج .. رحت لمحل كار كير وأسعاره نار .. تشورون علي بمحل بالرياض شغله زين وسعره معقول

[مدري علامي]

اخوي شاص

بعطيك شئ رخيص وان شاء الله يفيدك

5 ريال معجون اسنان
1 ريال اسفنج < حق المواعين واستخدم القطعه الخشنه
مويه
قطعة قماش عاديه

الطريقه
اغسل الشمعات بالمويه وحط عليها معجون وافركه بالاسفنجه الخشنه حتى تشوف فيه فرق < طبعا يحتاج وقت الله يعينك
بعدها اشطفه بالمويه وقطعة القماش العاديه وشوف النتيجه

اتمنى اني افدتك
الطريقه ذي مجربها واحد من الشباب ويقول ظبطت معه

[عشق الجنوب]

هلا بك واسعد الله مساء الجميع بالخير
فكرة ثانية غير شمعاته الى نوع اسمه tyc وسعرة تقريبا 90 ريال للحبة الواحدة ممتاز جدا وعملي وانا غيرته بسيارة فورد ماركيز وضبط بالرغم اني لمعت الاول اكثر من مرة زبط معي فترة ويرجع زي الاول واللحين زبط مع التغير وجميل جدا واضحة اضاءة افضل من الوكالة

[شبح الصحراء]

مر شارع الغرابي بالرياض تحصل اللي تبي بسعر معقول جداً وشغلهم سريع ما يطول .

[أبو بسام]

الأخ الفاضل والقدير
شاص
حفظك الله ورعاك
السلام عليكم ورحمة الله وبركاته
طال عمرك في أحد الأيام شفت أخي وعنده فورد جايب ملمع بودي سيارات خشن
وأخر سائل وجالس فرك بهالشمعات بالخشن أولاً ثم بالسائل ثانياً
وأناظر الشمعه إلي شغال فيها إلا والفرق شاسع بينها وبين الشمعة الأخرى
الشمعة إلي لمعها أصبح يرى ما بداخلها والأخرى عزالله ما تشوف شيء
رايحه في خرايطها من السافي
بس للعلم أخي الكريم يراد لها جهد مو بالبسيط لكثرة الفرك خاصة للذي
ماهو متعود على الشغل
المهم أخي الكريم نتائجها طيبة
هذا ودمت ومن تحب بحفظ الرحمن
أخوك ومحبك في الله
أبو بسام

[VX-R 777]

http://www.m5zn.com/uploads/2010/2/1/photo/l37o1qn7c7vra.jpg


http://www.m5zn.com/uploads/2010/2/1/photo/vs09mntz4pv90u8wi.jpg


http://www.m5zn.com/uploads/2010/2/1/photo/04dct5gak8.jpg


http://www.m5zn.com/uploads/2010/2/1/photo/n3v7uedqpb8f6ldm8.jpg



ماشاء الله تبارك الله


الكشافات ما لمعته .. تجاريه ومتكسره . قلت اغيره احسن ..


وصف المحل :: طريق خريص - قبل نقليات البسامي تجيك محطه على اليمين - المحل بنفس المحطه أسمه طبيب الزجاج


سعر التلميع :: الشمعات 150 ريال .. والكشافات بـ 50 ريال ..

[محمد العوني]

نصيحه من مجرب ..

لاتلمعها

احذف الي فيه وركب شمعات صينيه قيمت الوحده 40 ريال على لو جيت قطع الغيار قالك اسمها انا نسيته

والله ترتاح وخاصه ان نور الفورد كله لك عليه

[الزعل ممنوع]

ياخي الكريم اسمع وخذ كلامي
فيه ورشة بالصناعية القديمة خاصة بالتلميع واحد جدا ممتاز والعلم للكل
يفك الشمعة ويلمعها من الداخل والخارج وتطلع وكالة

والشيء العجيب انه يلمع حتى الشمعااااااااااات القزاز والكشافات القزاز وبسعر معقوووووووووووووول
نااااااااااااااااااااادر من يلمع القزاز وانا مجرب والله شغله روعه ورحتله كذا مره والله يعلم بانني لاعرف صاحب المحل وانما يستاهل تراه فلبيني كبير وسوداني وصفه وانت رايح للصناعية من طريق الخرج قبل اشارة شارع العنوز على اليمين فتحتين بيبان خضر
دعاكم

[شاص]

الإخوة الكرام .. مدري علامي، عشق الجنوب، شبح الصحراء، أبوبسام،VX-R 777،محمد العوني، الزعل ممنوع .. شكرا لكم جميعاً على المرور والمشاركة بالرأي

[شاص]

أخوي الزعل ممنوع بكم يلمع المحل اللي ذكرت؟ إشارة العنوز أول إشارة وأنا نازل من الكبري اللي عندها محل السالم للزجاج؟ وكم بينه وبين الإشارة من محل؟

جزاك الله خير

[ملك الفكتوريا]

فيه ملمع للاصطب الخارجي


واسمه MAXClENأوCLERMAX

وسعره 15 ريال مع ورق رمل خشن حق الصنفره



والنتيجة ممتازة بس لازم فرك بقوة وكل اصطب من 10 دقائق الى 15 وراح تشوف الماده الصفراء تنزل







بالغرابي بتلقاهم يلمعون الاصطب بالمنظف نفسه وبعضهم معه مكينه تنظيف بـ30 ريال وتقدر تكاسرهم حتى 10 ريال مثلي


تحياتي لك

[ويلومني]

فيه طريقه جربته لموتري بس لازم تكون الشمعات بلاستيك والصراحه راح الترميل وطلعت زي الوكاله


http://www.assayyarat.com/forums/thread130909.html

[شاص]

ملك الفكتوريا .. ويلوموني .. شكراً جزيلاً لكما

[بدوي جنوبي]

طريقة تنظيف وتلميع الشمعات والجنوط والبدى بأدوات منزلية (http://www.mekshat.com/vb/showthread.php?t=362041)

[alwssam6]

افادوك الاخوان ان شاء الله

[الزعل ممنوع]

اخي الشاص بعد التحية
بالنسبة للسعر تقريبا 50 ريال اما بالنسبة للوصف فهو بالضبط قبل اشارة السالم ب محلين تقريبا معروف فلبيني كبير في السن شوي فتحتين مكتوب على اللوحة تقريبا تصليح الكسور او ماشابه ذلك وشكرا

[شاص]

جزاك الله خير ...