المساعد الشخصي الرقمي

مشاهدة النسخة كاملة : البحث عن رواق


عبدالله السهل
13/12/2010, 12:45 AM
السلام عليكم ورحمة الله وبركاته
ياخوان الفزعه الله يرحم والديكم ابي اشتري رواق مهوب كبير من الرياض وماادري كم اسعارهم
حزوبر
13/12/2010, 12:48 AM
وعليكم السلام يا أخي عبد الله
ما وضحت أكثر عن الرواق الي تبيه
كم طوله؟
كم ارتفاع الرواق؟
نوعية قماش الرواق؟
Ra3e aljeep
13/12/2010, 12:53 AM
اخوي عبدالله .. الاروقه اشكال وانواع ومقاسات .. هل في بالك شيء معين ؟
المهم اي شيء يجي في بالك تلقاه بحول الله في محلات :
السنيدي .. الدائري الشرقي بتجاه الجنوب قبل مخرج 13
الكشاته .. مخرج 15 بتجاه الشرق ثاني اشارة بعد ميزان العضيب
القاضي .. طريق المطار بتجاه الشمال بين مخرج 11 _ 10
او في البطحاء بعد عمائر الراجحي بتجاه الجنوب سوق الخيام وبيوت الشعر
والاخوان يفيدونك بالاماكن الاخرى
تقبل تحياتي
عاشق السيل
14/12/2010, 06:27 PM
وعليكم السلام ورحمة الله وبركاته ،،

مثل ماقالوا الشباب تراها مقاسات وخامات وأسعار تختلف ،، لكن أهم شي الجودة وخصوصا في الأعمدة وأنا بدلك على محل شغله جدا ممتاز وإن شاء الله تدعي لي :

رح طال عمرك لمحل اليوسف بحي الريان شارع الإمام الشافعي تبي تلقى اللي يرضيك بإذن الله تعالى .....
اصيل نجد
14/12/2010, 06:36 PM
احب اضيف لشباب رح لبرق الحياء عندهم انشاء الله طلبك واوصيك بحق البريه صراحه شغل تمام خاصه حديده وراس الطنب صراحه اوصيك عليه وبقوه لاانه فعلا ممتاز جدا ولايمكن ينثني من عند اللحام زي باقي الاروقه المهم اشير عليك حق البريه صحيح غالي شوي لكن لك ولزمن اعرف انك منت شاري غيره باذن الله
سرهيد
14/12/2010, 06:36 PM
السلام عليكم

مرحبا بك اخي الكريم

اولا - انصح بالخامة الممتاز واللي تتحمل

ثانيا - فيه انواع رفيعه وانواع منخفضة وهي اما تكون ساتر وفي نفس الوقت ذرى وفيه نوع يكون ذرى وهو اللي يكون منخفض ارتفاعه تقريبا 120 .

الغالب في الرواق ان يكون ذرى لذا فالارتفاع يكون ما بين 120 -150سم

كذلك الطول هناك 6 م وهناك 80 وهناك 10 م

ثالثا - الطنب ( الوتد ) يجب الاهتمام به لانه هو ما يتم التعامل معه وهو الاكثر في التلف .. فالنوعية التي في الغرابي بالذات نوعية خامة لحديد خفيفة ، فمع الطرق ينطلق اللحام او ينعفط لان حديده خفيف .

لذا فالاسعار يحكمها الخامة والطول والارتفاع

مر على محلات السنيدي او برق الحيا او البرية عندهم تشكيلة من الخامات والاطوال

راجع هذا الرابط لاحد الروقات الجديدة والتي فيها مفصل بحيث يكون طولها قصير عندما يتم تركيبها في السيارة

رواق السنيدي المسفط بعدة مقاسات ( فكرة جميلة جداً ) بالصور ... (http://www.mekshat.com/vb/archive/index.php/t-281261.html)

وهذي بعضا من الصور عنه

http://www.mekshat.com/pix/upload01/prof009/mk17809_rwagalsnaidi%20(1).jpg

http://www.mekshat.com/pix/upload01/prof009/mk17809_rwagalsnaidi%20(2).jpg

http://www.mekshat.com/pix/upload01/prof009/mk17809_rwagalsnaidi%20(3).jpg

http://www.mekshat.com/pix/upload01/prof009/mk17809_rwagalsnaidi%20(4).jpg

http://www.mekshat.com/pix/upload01/prof009/mk17809_rwagalsnaidi%20(5).jpg

واذا فيك حلم اشتر القماش انت واشتر الحديد انت وفصل اللي على مزاجك واذا تقول مستعجل مثل ما قلت عندك السنيدي وبرق الحيا والبرية

تقبل مودتي
اصيل نجد
14/12/2010, 07:23 PM
عزالله وفيت العلم يابوعبدالله بارك الله فيك
الشعله 105
14/12/2010, 09:12 PM
عزالله وفيت وكفيت يابوعبدالله بارك الله فيك