تسجيل الدخول

مشاهدة النسخة كاملة : كتمه بالباترول أفيدونا الله يحفظكم ؟


أبو خولة
13/12/2010, 08:23 PM
بسم الله الرحمن الرحيم

السلام عليكم ورحمة الله بركاته

فزعتكم يأخوان عندي باترول مديل 90 فيه كانه كتمه او كنه تقل واحد ماسكه ويفكه اذا مشيت وحنيت عليه تفك ويرجع العزم واذا بدلت النمره ترجع واشد عليه وتروح
مرات بالخامس ما يمشي مره مايصل 120 بالخط غيرت البواجي وصفاية بانزين ونظفت الكبليتر خفت شوي ولكن الى الان موجود وش اسوي هل هي كهرب او وشو افيدونا تكفون
قناص خلاوي
13/12/2010, 08:35 PM
وعليكم السلام ورحمة الله بركاته
صارت معي يابوخولة بباترول95
أول النمرة مكتوم واذا شديت عليه يفك ويشد
صارت من طرمبة البنزين
شيك عليها قبل كل شي
أبو خولة
13/12/2010, 10:09 PM
وعليكم السلام ورحمة الله بركاته
صارت معي يابوخولة بباترول95
أول النمرة مكتوم واذا شديت عليه يفك ويشد
صارت من طرمبة البنزين
شيك عليها قبل كل شي



هلابك اخوي قناص ... مع العلم انه يصرف بنزين صرف ماهو طبيعي ...
لكن بعد منظفت الكبليتر صار عند التبديل بالقير يرمي ويكتم وبعدين يدوس مره وانبير البنزين ينزل معه شي خيال الصرف ...

طيب اخوي قناص خلاوي كيف افحص الطرمبه ؟
سوبر2005
13/12/2010, 10:47 PM
هلابك ابو خوله انا عندي نفس المشكله مديل 2005 فتك وعلى قولتك يرمي ولا ادري وش السالفه وصرفيه البنزين شفط ياليت الاخوان يفيدوننا
أبو خولة
13/12/2010, 10:49 PM
هلابك ابو خوله انا عندي نفس المشكله مديل 2005 فتك وعلى قولتك يرمي ولا ادري وش السالفه وصرفيه البنزين شفط ياليت الاخوان يفيدوننا


هلابك سوبر 2005 ان شالله يفيدونا الشباب .....
الدبيخي
13/12/2010, 11:17 PM
أتوقع لو تروحون لورشة التركي بالصناعية القديمه هو متخصص في الباترول والله يوفقكم مخرج 17 على الدائري
أبو خولة
13/12/2010, 11:27 PM
أتوقع لو تروحون لورشة التركي بالصناعية القديمه هو متخصص في الباترول والله يوفقكم مخرج 17 على الدائري

الله يعافيك اخوي الدبيخي والله انا الان بعيد عن الرياض وادي ارجع عليه بالخط بس اخاف يتكي نتقهو انا وياه
ابونقاء
14/12/2010, 01:48 AM
هلا ابوخوله...
معاي باترول 2008 ونفس اللي حاصل معاك...
الموتر غيرت له بواجي وطرمبة بانزين ومانفع فيه..

المشكله طلعت بسيطه ولله الحمد ..رح لاقرب محل شكامييين وخله يقص لك الشكمان
وخله ينظفه من الكربون وان شاء الله راح تدعيلي انت وكل الاخوان اللي عندهم نفس المشكله..

موتري كان يصرف بانزين صرف مو صاحي ...والحين الحمدلله ...

موفقين خير.....
باترول888
14/12/2010, 10:38 AM
هلا اخوي ابو خوله
البنزين 91_والا95
غاوي رومانس
14/12/2010, 11:18 AM
انا صارت معاي نفس اللي معاك الحين

قبل اسبوع

وطلعت المشكلة من طرمبة البنزين وغيرتها وضبط معاي الموتر
أبو خولة
14/12/2010, 01:18 PM
هلا اخوي ابو خوله
البنزين 91_والا95
هلابك اكثر اول كنت اعبي 91 وامس فللت 95 ..


طيب يأخوان وشلون افحص الطرمبه ؟
أبو خولة
14/12/2010, 01:19 PM
انا صارت معاي نفس اللي معاك الحين



قبل اسبوع



وطلعت المشكلة من طرمبة البنزين وغيرتها وضبط معاي الموتر



والله مادري لكن انا موتر مايقطع يكتم ؟؟ هل الطرمبه تسوي كذا
يزيد العبيلي
14/12/2010, 08:33 PM
يعطيكم العافيه والله الباترول غثيث اخوكم متعذب منه

الله يفكني منه
فهد33
14/12/2010, 08:41 PM
هلا بالشباب والله الباترول مثل ماقال اخونا يزيد غثيث راحت السيارات اللي حنا خابرين نبي عزم مانبي سرعة انا معي 98 باترول تماتيك غيرت البواجي والطرمبة والفلتر الصفاية وتحسن شوي ورجع مثل اول وغيرت فلتر القير والزيت والحين يتأخر مايعشق بالدي بسرعة مادري الزيت ناقص أو فيه مشكلة المهم العزم ضعيف ويكتم مثل ماذكرتوا ..
sa3t
14/12/2010, 08:51 PM
يعطيك العافيه اخوي ابوخوله ابداباالبليتن والبويبينه وشيك على اسلاك البواجي
HW80
14/12/2010, 09:43 PM
انا معي شروكي ونفس المشكله لاكن يوصل 160 وفوق لاكن متا يوصلها بالخامس وفيه تقطيع واكثر الي معهم شروكيات يقولون من الطرنمه

[QUOTE=أبو خولة;5760361]
كانه كتمه او كنه تقل واحد ماسكه ويفكه اذا مشيت وحنيت عليه تفك ويرجع العزم واذا بدلت النمره ترجع واشد عليه وتروح



مرات بالخامس ما يمشي مره QUOTE]
الله يعيناويعنكم واخوي يزيد شكله متعذب صدق
أبو خولة
14/12/2010, 10:55 PM
اليوم فكيت الكبليتر سويت له اصلاحات وتنظيف وغيرت البليتين ونفس المشكله ...

لا حولا لاقوة الا بالله .. الله يغفرلنا ما يصيبنا هو من عند انفسنا ومن ذنوبنا الله المستعان
ابو سلطان س
15/12/2010, 12:24 AM
السلام عليكم ورحمة الله وبركاته
بالنسبة للباترول موديل 90 يجي أغلبه بليتين تأكد من صلاحيته ثانيا ربما يكون عند الكبريتر يدخل هوا اي غير صالح للاستعمال حتي ولو ركبت له طقم اصلاح . الزبده مر علي المكانيكي واحد ورا الثاني وشوف آرائهم في هالتكتيم الله يصلحه لك في اقرب وقت .
مكرم الضيف
15/12/2010, 12:24 PM
يعطيك العافيه اخوي ابوخوله ابداباالبليتن والبويبينه وشيك على اسلاك البواجي

بغيت ارد على الاخوان لكن جبت اللي ببالي.موفقين خير

شوف الباترول بعد ماتغيرخمس اشياء ومانفعت وده للورشة:

1- البلاتين الاصلي
2-بوبينه اصلي
3-بواجي اصلي (انا ركبت بواجي رياضي ابو راسين)
4-اسلاك البواجي
5-صفاية البنزين