متى يدخل الوسم ها السنة ؟؟؟

[سلاح ذو حدين]

متى يدخل الوسم ها السنة :

ناس يقولون 13/9

وناس يقولون 4/9

متى بتدخل المربعانية ها السنة ؟

واشبط ؟ والعقارب ؟ والربيع ؟؟

تكفون علمونا الصحيح ! لان كل يتكلم ويعتقد انه هو الصحيح ؟؟؟

وشكرا للجميع

[صمانكو]

الوسم يا طويل العمر يدخل في تاريخ 15/9

والمربعانيه تدخل في تاريخ 6/12
واحسب عقبها الشبط والعقارب

ونفس التواريخ كل سنه ما تتغير

وغير هالكلام ما اعترف فيه :)

[شاص]

دخول الوسم بإذن الله يوم 12 رمضان 1426هـ.ق الموافق 15 أكتوبر2005م الموافق 24 الميزان 1384هـ.ش ..
والتاريخ ثابت بالميلادي أما الهجري فيتغير من سنة إلى أخرى

[خالد العوض]

الوسم يدخل في 4-9 وان زاد يوم علشان شهر شعبان 29 يوم مافيه اشكال وطريقة حساب الوسم سهله وسبق اكثر من مره وذكرته وهي
بعد تساوي شروق الشمس مع غروبه بعشر ايام تصبح انت في اول ايام الوسم مثل في القصيم تشرق الشمس في 24شعبان الساعه
الخامسه وخمس وخمسون دقيقه وتغرب الخامسه وخمس وخمسون دقيقه وبعده بعشر ايام ذلك هوبدية الوسم
والمربعانيه ياصاحبي تدخل في 27-10-1426 وهي اول ايام البرد واستعد للبرد هالسنه البرد غير شكل الله اعلم
والله كريم يجود علينا من جوده ويرسل السماء عليناء مدرار
والله تعالى اعلم مني ومنك ومن جميع من خلق
صمانكو وش لونك عساك طيب المربعانيه اجل في 6-12

[nahham]

حسب التوقيت الميلادي ما تتغير كل سنه

لان التقويم بالتوقيت الشمسي

شف لك نسخه قديمه من تقويم ام القرى وشف تاريخ اليوم اللي انت فيه الان تلاقي كل شي مثل اليوم بمواعيد الصلاه والنجوم

شكرا لك

[صمانكو]

الوسم في 15/10/2005 .. سقط سهوا مني

.
.


خالد العوض .. بخير عساك بخير :D انت اللي وش لونك :)

ايه المربعانيه في 6/12/2005 ميلادي :)

[سلاح ذو حدين]

= صمانكو

=نهام

= خالد العوض

= شاص

شكرا لكم اخواني على ها التوضيح 000وجزاكم الله الف خير 0000

الحين زي ما اختلف : خالد وصمانكو : كل من سالته خاصة كبار السن يعطيك جواب

وصار الواحد يحتار !!!!

عموما الف الف شكر وتحية للجميع