رائحه من داخل فم الصقر

[سلمان علي]

السلام عليكم ورحمة الله وبركاته
شلونكم عساكم بخير
اخواني الاعزاء اصحاب الخبره
عندي وكري ويطلع من داخل حلقه رائحه كرية بمجرد اني اقترب من الصقر واشمه
مع العلم ان المرش اكرمكم الله له رائحه كرية ايضا بس الصقر نظيف من الخلف

مع العلم اني اطعمه كل يوم فري واحده و بالنسبه للماء حاولت اكثر من مره اني احط له صحن فيه ماء
او اني اشربه من فنجان القهوه وهو موب راضي يشرب الماء


تحياتي لكم

[راعي الطييب]

عليكم السلام ورحمه الله


احتمال تكون الرائحه اكرمكم الله من ريحه الريش من كثر المرش الله يركم من يقرأ



المهم

جب له صحن كبير المهم وحط فيه ماء وحركه الماء فيه وخل الصحن فووول ماء المهم وحرك الماء وخل الطير يطالع الماء واذا مجى على الماء برقعه وحطه على الماء وبعد ماتفك برقعه راح يطلع من الماء واذا طلع راح يرجع للماء وحاول انك تكثر عليها الماء علشان يتنظف زين ههههه والله يوفقك يارب


وهذي الطريقه مجربه وميه ميه ناجحه


والتوفيق بيد الله سبحانهـ

[المستشار10]

بسم الله الرحمن الرحيم
اخي الكريم الريحه الكريهه من فم الطير تدل على انه مصاب باالقلاع(الكنكر)
وعلاجه كورس حبوب لمده خمس ايام كل يوم حبتين تروح للبيطري وتقوله عطني حبوب القلاع حق الحمام كرتون لونه اخضر بلجيكي وتعطيها الطير قبل العلف بساعه وبنسبه للماء
في برواز ابره وداخل الحلق ياسنايدي وبعد الحبوب عطه برواز ماء وبنسبه لريح المرش
طبيعي دامه ياكل فري عطه سيقان مبرده ولا حمام وتروح الريحه الي بالمرش :good2:

[جرناس الغربيه]

بسم الله الرحمن الرحيم
اخي الكريم الريحه الكريهه من فم الطير تدل على انه مصاب باالقلاع(الكنكر)
وعلاجه كورس حبوب لمده خمس ايام كل يوم حبتين تروح للبيطري وتقوله عطني حبوب القلاع حق الحمام كرتون لونه اخضر بلجيكي وتعطيها الطير قبل العلف بساعه وبنسبه للماء
في برواز ابره وداخل الحلق ياسنايدي وبعد الحبوب عطه برواز ماء وبنسبه لريح المرش
طبيعي دامه ياكل فري عطه سيقان مبرده ولا حمام وتروح الريحه الي بالمرش :good2:
:good::good::good:
انا كان ففم طيري ريحه كريهه وديته المستشفى طلع فيه قرحه و الحين ياخذ كورس عندهم

[قرناس شماالي]

بسم الله الرحمن الرحيم

اخي الكريم الريحه الكريهه من فم الطير تدل على انه مصاب باالقلاع(الكنكر)
وعلاجه كورس حبوب لمده خمس ايام كل يوم حبتين تروح للبيطري وتقوله عطني حبوب القلاع حق الحمام كرتون لونه اخضر بلجيكي وتعطيها الطير قبل العلف بساعه وبنسبه للماء
في برواز ابره وداخل الحلق ياسنايدي وبعد الحبوب عطه برواز ماء وبنسبه لريح المرش
طبيعي دامه ياكل فري عطه سيقان مبرده ولا حمام وتروح الريحه الي بالمرش

:good2::good2::good2::good2:

:good::good:

[راعي طلاع]

كلام المستشار 10 صحيح وانا معاه لكن اذا علفت الطير علف مبرد ايضا تكون ريحة فمه

كريهه والقلاع بين الطير ماياكل العلف كله يقوم ينثل واذا فتحت فم الطير تلاقي حبوب بيض

على جوانبه قدام حلق الطير عطه الكورس وان شاء الله ماعليه الا العافيه........

[الطرس ممدوح]

كلام المستشار 10 صحيح وانا معاه لكن اذا علفت الطير علف مبرد ايضا تكون ريحة فمه

كريهه والقلاع بين الطير ماياكل العلف كله يقوم ينثل واذا فتحت فم الطير تلاقي حبوب بيض

على جوانبه قدام حلق الطير عطه الكورس وان شاء الله ماعليه الا العافيه........
:good2::good2::good2:

[راعي فلحه]

اخوي نوع الفري اللي تعطيه طيرك طازج ولا مجمداذاكان مجمد هذا هو السبب اما تعطهيا وهوا بارد او تضعه في ماء حار وهذان السببان اللي يؤدي للتسمم وينتج مرش سريع اولونه متغير وله رئحه كريهه من الفم والمرش اكرمكم الله غيرالعلف لمدة يومين اوثلاثة ايام اذاصارتحسن الحمدللله واذا لا لازم تروح للطبيب زي مفادو الا خوان والسلام

[ابشر بسعدك]

بسم الله الرحمن الرحيم



اولا : اخي الكريم وجميع الصقاقير الحذر الحذر خاصة اذا الطير غالي ثمن او غالي عشره لايقربه اللحم المجمد تراه سم ياخي الله جعل طعامه في الطبيعة صيدة طازه لحم حار



ثانيا : دائما خذها قاعدة اذا لاحظة على طيرك تغير في المرش او رائحة نفس او ماشابه على طول الدكتور البيطري وعندك بالرياض عيادات بيطريه كثير منها مركز فهد بن سلطان مقابل جامعة نوره من شمال وانت وجهك غرب مع مخرج 9


ثالثا : اذا تبي تعطية سمان عطه حية اشتر لك مجموعة وحطها عندك افضل من المثلج ونوع للطير دايم مره لحم غنم ومره حمام ومره سمان حي وخله يفرسها حيه افضل له بريشها

وعلى وصف الشاعر العطاوي

اشقر وصافي جوهره له وهاجي
ياخذك عن غيره بالاوصاف مفروق

سواد عينه في بياض الحجاجي
فنجال صينن سيق والبن محروق

سودن احدادن في قحوفه لواجي
عين العديم انغيض في وجه زاروق


ودمتم سالمين

[k.n.h999]

مشكور ويعطيك العافية
اما عن رائحة الفم مالي فيها علم ولاكان افدتك
على العموم ماقصروا الاخوان
7
7
7
7
7
7
7
7
7
تحياتي للجميع

[ولد شمال]

السلام عليكم ورحمة الله وبركااته

افادوك الصقاقير وبيض الله وجهم ووجهك
انا واحد اعاني من هذا الشي رائحه كريهه ووديت الطير للعياده والحمدلله طلع سليم
ولا اعلم من ايش هالريحه الكريهه معني غيرت له العلف

واما بخصوص المحط من يوم غيرت له العلف تغير المحط واصبح رائحته عاديه
كنت اعطيه فري مجمد اما الان اعطيه حمام وسلم المحط
لكن الفم لحد الان كريه الرائحه

اما بخصوص الماء من تجربتي واللي انا الين اليوم اسويها
اخوي اخرج الطير في الشمس منها يتشمس خبرك الشمس زينه ومنها الطير راح يحس بالتعب والجهد في الشمس
الين شفت الطير بدء يفح
حط لك داخل غرفة الطير صحن الماء وفيه ماء وادخل الطير وحطه في وسط الماء يعني داخل الصحن وفرع عنه وحرك الماء بتشوفه خلاص يشرب من التعب اللي بالشمس

بس مرتين سوها له وخلاص عقب تلاقيه من تحط الماء ينزل عليه باذن الله

ولاهنت على هذا الموضوع انا شخصيا استفدت من الصقاقير وراح اطبق اللي قالو بخصوص الفم وبنشوف عسى الله يعطينا نتيجه

وعساك تلاقي مرادك

[سلمان علي]

جزاكم الله خير انا الحين

حطيت له صحن موية كبير وجطيته بالشمس ان شاء الله هو ينزل من لحاله

وبالنسبه للحبوب اليوم راح اشتريها واحاول احطها مع اللحم

مع العلم اني اعطيه سمان حي

[رحلت عني]

الله
يعطيكم العافيه
على الموضوع الجميل
والردود الاجمل
والله
يعافي طيرك

[ولد الجنوب]

اخي العزيز اول شيئ هل طيرك يروبج
واذا كان العلف بدون ريش لازم يطلع ريحه لان الريش يساعد على على تنظيف حوصلة الطير
وغير العلف وابتعد عن المبرد مامنه الا الامراض وشرب الطير ماء برضوا هذا من الاسباب
وان شاء الله مافيه الا العافيه

[سبع الصحراء]

الاخ سلمان


فيما يخص رائحة نفس الطير
اولا لا بد ان تعرف بأن نفس الطير السليم كريهه نوعا ما وهذا طبيعي لأن الطير ياكل لحوم نية


لكن إذا زادت الريحه عن الطبيعي فالسبب الاول هو القلاع لكن إذا كان علف طيرك زين ياكل وما عليه أخلاف ولا يقذف شي من العلف معناته ان الطير سليم من القلاع يعني أستبعد الشي هذا


السبب الثاني إستمرارك على نوع واحد من العلف مثل ما تفضلت ( سمان ) الطير بحاجة للريش عشان ينظف المعلف ويروبج وأفضل طريقة لتنظيف معلف الطير عطه جربوع بجلده


قد يكون عند الطير بكتيريا بالمعلف وعلاجها بسيط عن المستشفى مرهم يحط على عود راسه قطني وتدخله في معلف الطير وتحركه بشكل دائري


ونصيحه لك إذا الطير أموره زينه وطيارة ما فيه شي وعلفه تمام وما تنقد على صحة الطير بشي لا تودية للمستشفى ولا تغفص الطير
والبرواز ما أنصح فيه مرت علي طيور ماتت بسببه
لأنه قد يرجع شي من الماء للرئه ويسبب له ألتهاب رئوي ويموت
أفضل طريقة تشرب فيها طيرك موية إذا كان ما يشرب من الفنجال او الصحن أنك ترش العلف أثناء الاكل بالماء
وبخصوص المرش أعزكم الله
رائحته كريهه بشكل ما تتصور إذا كان علف الطير سمان
يعني الرائحة مهما كانت كريهه فهي طبيعية بسبب السمان
وستلاحظ بأنها راح تخف وتصبح عادية بمجرد تغييرك للعلف


ونصيحه لك يا أخ سلمان
حاول قدر المستطاع تغيير علف الطير خصوصا لا صرت قانص
جرابيع -- قوابع -- حويمة
وستلاحظ بأن مرش الطير زاد بياضه وأصبح مثل الجبس


وتقبل تحياتي
أخوك أبو تركي

[آلجنيدي]

الاخ سلمان


فيما يخص رائحة نفس الطير
اولا لا بد ان تعرف بأن نفس الطير السليم كريهه نوعا ما وهذا طبيعي لأن الطير ياكل لحوم نية


لكن إذا زادت الريحه عن الطبيعي فالسبب الاول هو القلاع لكن إذا كان علف طيرك زين ياكل وما عليه أخلاف ولا يقذف شي من العلف معناته ان الطير سليم من القلاع يعني أستبعد الشي هذا


السبب الثاني إستمرارك على نوع واحد من العلف مثل ما تفضلت ( سمان ) الطير بحاجة للريش عشان ينظف المعلف ويروبج وأفضل طريقة لتنظيف معلف الطير عطه جربوع بجلده


قد يكون عند الطير بكتيريا بالمعلف وعلاجها بسيط عن المستشفى مرهم يحط على عود راسه قطني وتدخله في معلف الطير وتحركه بشكل دائري


ونصيحه لك إذا الطير أموره زينه وطيارة ما فيه شي وعلفه تمام وما تنقد على صحة الطير بشي لا تودية للمستشفى ولا تغفص الطير
والبرواز ما أنصح فيه مرت علي طيور ماتت بسببه
لأنه قد يرجع شي من الماء للرئه ويسبب له ألتهاب رئوي ويموت
أفضل طريقة تشرب فيها طيرك موية إذا كان ما يشرب من الفنجال او الصحن أنك ترش العلف أثناء الاكل بالماء
وبخصوص المرش أعزكم الله
رائحته كريهه بشكل ما تتصور إذا كان علف الطير سمان
يعني الرائحة مهما كانت كريهه فهي طبيعية بسبب السمان
وستلاحظ بأنها راح تخف وتصبح عادية بمجرد تغييرك للعلف


ونصيحه لك يا أخ سلمان
حاول قدر المستطاع تغيير علف الطير خصوصا لا صرت قانص
جرابيع -- قوابع -- حويمة
وستلاحظ بأن مرش الطير زاد بياضه وأصبح مثل الجبس


وتقبل تحياتي
أخوك أبو تركي



آفآدك آخوي آبو تركي :good2::good2::good2::good2::good2::good2::good2:
ولآ يهونون بآقي آلآخوآآآآن

[صقار مبتدئ511]

افادوك الاخوان الله بيض وجيهم و يوفقهم