سؤال للجميع

[عساف الاصايل]

السلام عليكم ورحمة الله وبركاته

ومبارك عليكم الشهر واعانكم الله علي صيامه وقيامه

اخواني انا سؤالي عن الخيام ماهي افضل نوعيه في السعودية

انا سامع عن خيام القاضي انه من الخيام الممتازه اللي

تقارن في جودة خيام الصباح بالكويت واذا في افضل من القاضي افيدوني

عنه وابي بالتحديد الخيمه مقاس 4×7 ( الشراع ) كم سعره بالدمام وجزاكم الف خير

وتحياتي للجميع بالتوفيق

[غيّام]

انا انصحك بخيام توافق مالها مثيل حجم ووزن خفيف وسهلة التركيب وتجي مقاسات كبيره عندي ومجربها لها اكثر من اربع سنين وحتى الان وهي على احسن حال توافق تلقى مكانهم على طريق الملك فهد مقابل هايبر بنده رقمهم 014702406

اخوك
غيّام

[حرباش]

انا من سكان الشرقيه ولا انصحك بشراء خيمه من الدمام :no2:

اذهب الى الرياض ترى اسعارهم خياليه مقارنه بسوق الدمام

شريت العام خيمه 4*7 بقيمه 1600 ريال

وفاجئني احد اقاربي عندما زارني وهو من سكان الرياض عندما قال لي انه شرى خيمتين نفس هذه الخيمه الي معي وبقيمه اجماليه للثنتين 1500 ريال :(

على الرغم من اني درت محلات الدمام جميعها وجميعا نفس السعر

( جميع الخيام اشتريت في نفس الوقت وقبل الموسم )

احببت ان اشير عليك هذا الشور وتحياتي لك واعذرني على الإطاله



تحياتي لك ;)

[الأعصـــــار]

السلام عليكم مســـــــــــــــــــــــــــــاء الفل والعنبر وشلونكم شباب أن شالله طيبين بصراحه في حركه
عجبتني سواها واحد من الشباب وأن شالله تفيدكم في واحد من الشباب نزل الكويت ومر الحراج الي عندهم وخذا خيمه
حجمها الله يسلمكم 5 في 8 متر أذا مني بواهي ماشالله كبيره وشرحه أنا شفتها ماشالله عليها شبه جديده الى حد ما وبسعر
مقارنه بالي عندنا أعتبره سعر رمزي بصراحه أنا ماتذكر بكم بس يوم علمني عن سعرها قلت يا بلاش لأن أهل الكويت الظاهر
يشترون خيام سنويا الله العالم بس لاتفوتكم هالحركه ويلا خلوا هذا سر بينا لايدري أحد ههههههههههههه بالتوفيق أن شالله




أخوكم
الأعصار

[عاشق المزون]

الله يعطيكم العافية اخوي غيام ابي اسال عن توافيق للخيام هل عندهم خلفية كبيرة في تخيط خيام البر لاني اعتقد ان اكثر شغلهم داخ البيوت يعني يفصلون بيت شعر وياليت تعطينا موصفات خيمك واذا حصل صور منتب مقصر وشكرا

[عبدالله123]

السلام عليكم ورحمة الله وبركاته الاخ عساف الاصيل ما ودي ازيد على الشباب ولكن عندي اقتراح صغير وانا مجربه في خيمه عندي وهو انك تفصل خيمه حسب طلبك وحسب المقاس الى تبي ولكن ان الموجود في السوق ابو 800 ريال هذا ردي وادنى هبة هواء تطير ومواصات التفصيل هو قماش رقم 24 مشمع واضافه الى ذلك ان تظع شراع بلاستيك بين الغطاء والبطانه ويكون لونه ابيض علشان المطر مستقبلا ولو انها مشمعه ولو زاد سعرها