استفسار لاهنتوو يا اهل الباترول ادخلوو

[ابوالولد]

السلام عليكم ورحمة الله وبركاته
يااخوان اليوم لقيت الدبل يهرب منه زيت من الصوفه الداخليه
رحت للمشحمه بيعاير الزيت حصله مليان بس قالي الزيت منتهي لازم
تغيره ... وابي رايكم في تغيير زيت القير ضروري تغيير ؟؟ السياره ماشيه 250 الف واذا ضروري ايش افضل زيت احط وهل يخلط معه شي ؟؟

طبعاً القير عادي ..

[برايدوي عنيد]

هلابك اخووي ...

اول مره اسمع ان القير العادي يغير زيت القير بالعاده القير التماتيك يغير مع فلتر القير .

ثاني شي مر راعي ورشه مهب راعي بنشري.

هذا مالدي وتقبل مروري ...

[ابوالولد]

الله يعطيك العافيه
انا اتكلم عن زيت الدبل والسياره قير عادي

[ابوصالح77]

لالالالالالالالالالالالالالالالا لا تغيره

[الثويرات]

زيت الدبل لازم يغير اذا كان الموتر ماشي ولافيه فرارات .
بدله بزيت سي ديلوكو الاصلي سعر العلبه كاني مانسيت 60ريال او90 ريال ما اذكر بظبت

وللمعلوميه ترى الدبل ماياخذ الا لترين يعني علبتين تقريبا

[ابو نواف المطرفي]

لالالالالالالالالالالالالالالالا لا تغيره

انا مع ابو صالح في عدم تغيير زيت الدبل

[نآآآصر]

لاتغيره نصيحه

[الثويرات]

الدعوى صارحت خرررررررررررررط فاضي من بعض الجهال .

خذ العلم الوكاد مني غيره"الدبل"

ياخي انا يرتفع ضغطي من ردود بعض الناس يتكم عن شي لايعرفه...

[oula]

الدعوى صارحت خرررررررررررررط فاضي من بعض الجهال .

خذ العلم الوكاد مني غيره"الدبل"

ياخي انا يرتفع ضغطي من ردود بعض الناس يتكم عن شي لايعرفه...

الزيت يتغير مافيه شك ابد لاكن على حسب ممشى السيارة يعني موتري ماشي الحين ميتين الف وناوي اغير الزيوت كلها ماعدا القير لأنة تبترونيك الواكاله يوقولون مايتغير يزاد اذا كان ناقص

[العابر2222]

اخي العزيز الأخوان ليش قالولك لا تغيرة ؟؟

لأن الموتر ماشي 250 الف فأذا غيرت الزيت في الوقت الحالي يمكن تطلع مشاكل في الجنزير وغيرة

ولا تعتمد على كلام البنشري لأنه يبي يتكسب من وراك ... وزيت الدبل يزاد فقط وهذا المعروف

[ابوالولد]

ياا خوان والله انلحس مخي واحد يقول غير واحد يقول لاتغير ... وش رايكم ههههههههههه

[ابوالولد]

مشكور كل من ساهم في الموضوع

[قناص خلاوي]

اخوي ابوالولد إذا أنت من أهل الرياض راح ادلك على ورشة تعطيك العلم الصامل النافع بإذن الله





الدعوى صارحت خرررررررررررررط فاضي من بعض الجهال .

خذ العلم الوكاد مني غيره"الدبل"

ياخي انا يرتفع ضغطي من ردود بعض الناس يتكم عن شي لايعرفه...

على هونك ياراعي الشماسية
لا يرتفع ضغطك ترى ماحدن حاس فيه إلا أنت

اللي عطاك عرف عطا غيرك مثلك وزود
مالكلامك داعي تتهم الناس بالجهل كأنك مولود عالم ؟؟

عن نفسي لي عشرين سنة بالسيارات من نيسان وتويوتا بعضها ممشاه تعدى الـ 300 الف ولا عمري فكرت اغير لا زيت الدبل ولا القير ولا شفت الا العافية اللهم لك الحمد
الـآن معي فتك تماتيك ماشي حول الـ 200 ألف ومشيك على زيوته ( القير والدبل ) عند أبو صالح التركي وهو رجال فاهم وناصح ومعروف وقالي الزيت زين ولا تلمسه ..
ماادري حتى راعي الورشة بعد يدخل ضمن بعض الجهاااال ؟؟؟؟؟؟

[الثويرات]

اخوي ابوالولد إذا أنت من أهل الرياض راح ادلك على ورشة تعطيك العلم الصامل النافع بإذن الله






على هونك ياراعي الشماسية
لا يرتفع ضغطك ترى ماحدن حاس فيه إلا أنت

اللي عطاك عرف عطا غيرك مثلك وزود
مالكلامك داعي تتهم الناس بالجهل كأنك مولود عالم ؟؟

عن نفسي لي عشرين سنة بالسيارات من نيسان وتويوتا بعضها ممشاه تعدى الـ 300 الف ولا عمري فكرت اغير لا زيت الدبل ولا القير ولا شفت الا العافية اللهم لك الحمد
الـآن معي فتك تماتيك ماشي حول الـ 200 ألف ومشيك على زيوته ( القير والدبل ) عند أبو صالح التركي وهو رجال فاهم وناصح ومعروف وقالي الزيت زين ولا تلمسه ..
ماادري حتى راعي الورشة بعد يدخل ضمن بعض الجهاااال ؟؟؟؟؟؟


يابن الاجواد انا ماقطع ايديني الا الدبل . وش الي مايغير اذا صاحبك قال انه مايغير خذها مني ماعنده ماعند جدتي الله يرحمها.

واول شي يدل على ان الزيت خربان هو تهريب الصوفه تقولي ليه .
لان الزيت مع الحراره والمشي يفقد شي من الزوجه ويصبح خفيف ولذالك الصوفه ماتمسك الزيت وخاصه على السرعات العاليه بشرط اذا الموتر مافيه فرار ..لانه اصبح خفيف وفقد الزوجه المطلوبه... وانا ماني سواق طاره انا اشتغل بيدي... معلومه لصاحب الموضوع استفد منها او ذبها بالبحر...... سلام

[الثويرات]

يابن الاجواد انا ماقطع ايديني الا الدبل . وش الي مايغير اذا صاحبك قال انه مايغير خذها مني ماعنده ماعند جدتي الله يرحمها.

واول شي يدل على ان الزيت خربان هو تهريب الصوفه تقولي ليه .
لان الزيت مع الحراره والمشي يفقد شي من الزوجه ويصبح خفيف ولذالك الصوفه ماتمسك الزيت وخاصه على السرعات العاليه بشرط اذا الموتر مافيه فرار ..لانه اصبح خفيف وفقد الزوجه المطلوبه... وانا ماني سواق طاره انا اشتغل بيدي... معلومه لصاحب الموضوع استفد منها او ذبها بالبحر...... سلام

وللمعلوميه الباترول من موديل 2002 وطالع زيت الدبل يجي خفيف مررره زي الماء. لوتلاحظ ان كثير الفتكات يعانون من تهريب الصوفه.

افضل شي انك تبدل الزيت وتضع زيت 90 سي ديلكو اصلي .

[alwssam6]

والله انا من الناس الي غير اكثر من مره ولم يمشي سوى 120

[ابوالولد]

احترناا بين امرين

[الهاون]

طيب يالثويرات يالفاهم
هل زيت الدفرنس يغير

[ابو عود]

تبي نصيحتي

فك الدبل وخله في البييت