الجاكيت+الملابس أستفسار للأيام شدية البروده ؟ [الأرشيف]

الأعصـــــار

07/10/2005, 02:26 AM

السلام عليكم ورحمة الله وبركاته ............ وصلي وسلم على محمد سيد الأنبياء والمرسلين ..

وشلونكم حبايبي أن شالله أنكم بخير وبأتم صحه وعافيه ... أخوكم (الي هو أنا) لا جى الشتاء مايعرف يختار
في الملابس الشتويه وخصوصا الجاكيتات وتشوفني أشتري من ذا وذا ولا جى البرد الشديد وخصوصا في البر في الليل تلقاني متجمد ولو تشوف الي أنا لابسه تحمد الله على العافيه لابس فانيله وعليها بجامه قطن وثوب وجاكيت وأحيان أحط عليه بشت عند الطواريء وخوياي ملابسهم مو ذاك الزود تلقى عليه سديري ولا قفاز ويقولك أنا كذا مرتاح ........... الله يسلمكم ترى السوق معبى من التقليد والرخيص وبصراحه ماصرنا نقدر نفرق بينهم لبسهم زي عدمهم فودي من الشباب ولا عليكم أمر تقولون لنا وش الجاكيتات الثقيله الأصليه العمليه وغيرها من الملبوسات الشتويه الي تنصحون فيها علمونا ماركاتها ومحلاتها وأسعارها ولكم جزيل الشكر .....

أخوكم الأعصار

الأعصـــــار

07/10/2005, 02:34 AM

يمكن يا جماعه تشوفون موضوعي وتقولون موضوعك مثل موضوع أخونا حد السيف
ال أبيه هنا وش أزين شي وأدفى شي أعطيكم مثال ( أزين فروه هي الطفيليه )
طيب نبي نعرف من وين نجيب دقلات واللبس من وألى شي أصلي دافي
من الراس ألى الله يعزكم الرجول أفيدونا من خلال تجربتكم وخبرتكم في هذي الأمور........

عاشق هدوء

07/10/2005, 01:44 PM

السلام عليكم ورحمة الله
اخونا الاعصار عسى منت بكاترينا بس ! امزح معك
اما بالنسبه للجاكيت او الكوت بالعربي على حسب خبرتي المتواضعه مامثل البالطو البولندي صحيح أن سعره غالي شوي لاكن لك وللزمن ان بغيت الدفاء دفاء وأن بغيت الجودة جودة والكشخه مايحتاج اما البجامات فعليك بالانجليزي وخاصة الصوف صحيح خشنه شوي لاكن دافيه
هذا ما استطعت ان افيدك فيه أخوي واعذرنا على التقصير

الأعصـــــار

08/10/2005, 02:39 AM

مرررررررررررررحبا مليون عاشق هدوء هههههههههههههههه موتني من الضحك
وأنا مني بأعصار كاترينا ولا ريتا تقدر تقول دوامة الهواء الصغيره الي تجي مع العج الله يكافيك شرها
بس ياعاشق ماعلمتني وين ألقى محل البالطو البولندي في الشرقيه وبعدين بجامات الصوف البس تحتها فانيله
علشان ماتحكك الله يكون بعونك ههههههههه يسلمووووووووو عاشق الهدوء على نصايح الذهب
الي قلتها لنا.................أخوك الأعصار

nahham

08/10/2005, 11:33 AM

اخوي الاعصار

الشهر عليك مبارك

البجامات الممتازه بجامات اسبانيه تجمع بين جودة الانجليزية والنعومه

تلقاها عند محلات بيع الملابس في اي مكان لكن هي تمام وان كانت غالية شوي

يعطيك العافيه

عاشق هدوء

08/10/2005, 02:01 PM

اخوي الاعصار
السلام عليكم
بالنسبه وين تلقى محل البالطو البولندي في الشرقيه ماادرى لاأنني لست من أهلها ولكن أعتقد أنه كان يباع في اسواق الشعله اللي كانت في الخبر وأعتقد انك لوبحثت عنه ستجده بكل سهوله لانه معروف

الأعصـــــار

09/10/2005, 11:39 AM

هلا وغلا باخوي نهـــــــــــــــام يعطيك ألف عافيه على هالنصيحه
البجامات الأسبانيه هذي لونها أبيض ولا ملونه (رصاصي أو بني ) مثل الأنجليزيه بس على
العمـــــــــــــــــــــــوم تسلم على هالنصيحه الذهبيه ونورت الموضوع بحضورك ..........

مرحبا عاشق هدوء الظاهر أني بدور عليه عند سوق الجوهره الي مواجه الشعله سابقا الله يجزاك خير
ماقصرت .........

نصيحتي لكم من ناحية الغتر لايفوتكم الشـــــــــــــــال الثقيل في النهار مثل ماقال واحد من الشباب حمدانيه وفي الليل لطمه

nahham

14/10/2005, 10:01 PM

هلا اخوي الاعصار

اولا البيجامات الاسبانية لونها ابيض

ثانيا كان عندي مشكلة البرد ما اتحمل اي برد على طول تلقاني ارتجف تقول شايف الاعصار ههههههههههههههههههههه

اقصد من البرد

اخيرا جار لي دكتور سوداني الله يجزاه خير نصحني بتناول فوار قيتامين سي من بداية الشتاء

طبقت النصيحة وصرت استمتع بالبرد

فكر بتناول فيتامين سي وتدعي لي ولا تخاف ماله اي عوارض جانبية

سلام

ابوقاسم

15/10/2005, 03:10 AM

انا اشوف يخوي البيجامات المصرية افضل شي ..........وانا كنت مثلك اموت من البرد الين طحت بالبيجامة المصرية وتراها مناسبة بالسعر وجودة والقطن المصري معروف ولا يعلى عليه..................
وعليك طالعمرك بالشرابات الله يعزك ومن يقرا ترى البرد يبدا من الرجول ولا حميتهم من البرد فارقد وامن.............
وعساك على القوة

الأعصـــــار

15/10/2005, 10:19 AM

نهـــــــــــــام ههههههههه أحرجتني شكلي بغير الأسم الفني من الأعصار الى نسايم أو هبايب المهم أي شي بس كله ولا تحس ببرد
من ناحيتنا بس أهم شي تدفى مزبوط علشان ماتمرض وتعديني أقصد علشان أنا ما أعديك هههههههههه وألف شكر على نصيحة
الفيتامين سي الفوار عز الله أنك جبتها أبو حمد أنت لادخل الشتاء والبرد ترجف من البروده .. أنا غير أذا أشتد البرد على طول أدخل
في فترة السبات الشتوي ((دب بس فيه فقر دم )) وتلقاني نايم طول الطلعه الله يجزاك ألف خير ياتاج راسي.........

nahham

15/10/2005, 10:35 AM

اخوي الغضى البجامات المصريه قطن مثل ما تفضلت الدفا يابعدي في البولستر

في العاده ملابس الشتاء يكتبون عليها نسبة لاتقل عن خمسة وثلاثين بالمائه بولاستر وكل مازادت النسبه ادفا

اخوك راعي محل ملابس ........... خبره

الا عصار ..... بالعكس اسمك مثلك روعه لا تغيره ههههههههه

اذا جيت الخميس ان شاء الله نكمل كلام

حياك

محب الشمال

15/10/2005, 11:03 AM

مرات البس بجامتين
يعني اذا كثير تبرد كثي عليك بالملابس الجيدة الدافية والفروه لا تنساها مهمه جداً

الله يحفظك ويعافيك

الأعصـــــار

15/10/2005, 04:31 PM

هلا أخوي الغضى مشكوووور على مرورك الكريم وأما بالنسبه لشرابات الله يعزك هذا لازم
تدبل شرابات ( راح فيها البوووت ) وكلامك سليم لا دفيت الرجول دفى الجسم كله أما بالنسبه للقطن المصري حلو
ويفضل لبسه طبعا في الصيف ........ أخوك الأعصار

نهـــــــــام أما في أمووووور اللبس أنا أشهد لك خبره خبــــــــــره وبصراحه نصيحة فيتامين سي الفوار عجبتني مررره
تسلم يالغالي لاخلى ولاعدم .....

ههههههههههههههههههه موتني من الضحك يامحب الشمال وأنت تقول كثر من الملابس بصراحه بعدها بتصير ماتعرف تمشي ولا تحرك من كثر الثياب وترى أنا أول واحد كل من شافني قال بس هذا عليه جسم يلعب حديد (من كثر البجامات) ولا شليتها شفت جلد على عظم الله يشافينا ويشافي جميع المسلمين تسلم على النصيحه يامحب الشمـــــــال...

أخوكم
الأعصـــــــــــار

خبوبي

21/10/2005, 10:17 PM

ياشباب

انا ما انصح بالفروه الطفيليه لانها
1/ غاليه سعرها 1000 تقريبا والوطني ب 400 وحولها
2/ ثقيله بالمره يعني بتبلشك
3/ ريحت الوبر شينه
4/ تتشقق بسرعه
يعني خذ العاديه احسن من شارع الثميري طب وتنق
وذا تبي الدفا اهم شي دف رجلينك بشراب
فيه شراب عليه رسمه راس نعيمي صوف والله ان تعرق من قوه الدفا
ولبس مداسيس ليدينك
اما الصدر والبطين
عليك بالجيكيت الى يجيك فيه سفنج شكله غبي
لكن والله من الخف والدف ولاتشكل عليك القومه ولا القعده

وسلامتكم

الأعصـــــار

21/10/2005, 11:24 PM

كلامك سليم خبوبي الفروه الطفيليه صحيح أنها دافيه بس ثقيله
وماتخليك تحرك واجد (غسيل الصحون ووو .... الخ ) وأما الجاكيت
الي تقول عنه زين بس نصك الفوقي دافي والنص الي تحت متجمد
في جاكيت شايفه على واحد من العيال الي هو حق العساكر الي شغالين في الجيش والبحريه
أشهد أنه دافي ...... بس غير البالطو البولندي الي قالي عليه
أخوي عاشق هدوء هذا أحس أنه مناسب لبردنا ماجربته بس نقول أن شالله
تسلم أخوي خبـــــــوبي ماقصرت يعطيك الف عافيه

أخوك الأعصار

nahham

24/10/2005, 03:47 PM

هلا بالاعصار - الدرجة الخامسة

يوم شفتك ترتجف من البرد يوم الخميس في الرياض وانا قايل يبي لك تروح للغرابي وتاخذ لك فراش بر وتفصله فروه

هههههههههههههههههههههههههههههههههههههههههههههههههه هههههههههههههه

لا تصدق <<<<<<<<<<<<<<<< يمزح

الأعصـــــار

24/10/2005, 11:51 PM

طشي وامطري

25/10/2005, 04:08 AM

أنا شفت باللطو بالامارات بـ9000 ريال ، قيمة أم خمس.
يمكن يصلح لك يالإعصار.

طخيمان

25/10/2005, 08:39 PM

أنا والله يا جماعة أشين شيء عندي في البر الفروة لأنها تخليك ثقيل وما تقدر تتحرك ويالله تمشي وبعدين اذا بغيت تسوي شاهي واللا قهوة واللا عشاء تتعيجز تقوم تعبي ماء أحسن شيء بجامة داخلية وثوب شتوي وان كانك بردان مرة البس فنيلة صوف فوقها ولابد من اللطمة وعلبة مناديل جنبك.

الأعصـــــار

25/10/2005, 11:41 PM

هههههههههههههههههههه طشي وأمطري تسلم على المرور نورتنا يالغالي .... ( مافي مانع أذا بتجيبها لي هديه ) ترى مانقول لا
حياك الله ياطشي وأمطري وتشرفنا بمعرفتك يالغالي ....

ههههههههههههههه فديت عمرك يابو الطواري ماقصرت تسلم على تشريفك للموضوع وعلبة المناديل هذي عندي
أهم من الفروه هههههههههههههههه ألف شكر لك يالغالي

nahham

26/10/2005, 12:15 PM

ههههههههههههههههه ماشالله عليك يانهــــــام فهمتها وهي طايره
للأسف التجهيزات القديمه الي عندي الي ضاع والي لك عليه بس على فكره
أنا لي جيه أنشالله الرياض بعد العيد وبطق لي تجهيزات جديده طبعا
هذا كله بعد أذنك وشووورك حبيب قلبي
===========

الاعصار واللي يرحم والديك لاتجي للرياض خلك على سواحل امريكا

ههههههههههههههههههه

ترا امزح

اقول اخوي نايف لي طلب ولا تردني ............ قول تم <<<<<<<<<<متأثر بطاش ماطاش

اذا جيت الرياض تعال ابيك ضروري

اتفقنا ؟

عريدان

26/10/2005, 01:08 PM

المربعانية توصي عيالها الشبط وتقول
مريت ولا ضريت (بإذن الله) ولكن بأوصيكم:
عليكم باللي شبوبهم ليف وأكلهم دويف ولبسهم رهيف
وجنبوا عن اللي شبوبهم جمر واكلهم تمر ولبسهم وبَر
ولاحظ هنا كلمة (وبر) يعني شي من فرو الأرانب أو لبعض الحيوانات مثل الأبل أو ذات الفراء مثل والظباء.

الأعصـــــار

27/10/2005, 03:45 AM

(الاعصار واللي يرحم والديك لاتجي للرياض خلك على سواحل امريكا ) ههههههههههههههههه تسلم على هالردود والمتابعه يالغالي
والله يشرح صدرك ويفرحك الله لايخلينا من هالضحكه تسلم يارعي الأوله تسلم يانهام و ماقصرت ومايحتاج
تقولي أذا جيت الرياض لازم أجي ترى كذا تعدني غريب هذا بيتنا ومحلنا وياجعله مايخلى من أهله.....

مرحبا بأخوي عريدان تسلم على هالمرور الكريم .... بعدين لاتحرجنا الله يجزاك خير
لاتعطيني لغز ماعرف أحله (بيني وبينك أرسلي الأجابه بسرعه قبل لأحد يدخل الموضوع) وألف شكر لك مره ثانيه
أخوك...... الأعصــــــــــــــار

الخيال

27/10/2005, 04:41 AM

أخوي الأعصار عليك بالفنيله الداخليه نسميها الأم الحنون اللتجيك كأنه مشخله والله اني ماأدري وش يسمونها
تدري عطني مقاسك وعنوانك وأرسلك درزن للشرقيه وانشاءالله تدعيلي .

الأعصـــــار

27/10/2005, 04:53 PM

هههههههههههههه تسلم يالخيال الله يوسع صدرك ويجزاك
خير خلاص أنا أعتبرها وصلتني وبروح للمحل وبقوله عطنا
فانيلة الام الحنون .....تسلم يالذيب ماقصرت أخوك الاعصـــار

المرابط

28/10/2005, 03:28 AM

موضوع ممتاز اخى الاعصار

الدهن زين ويساعد على الحمايه

من البرد لانه يقلل من احتكاك

البرد مع العضام والدهن طبقه

عازله صارت فيزياء وش السالفه :D :D

ويمدحون الزنجبيل مع الحليب

تراه دواء انشد مجرب. :good:

الأعصـــــار

28/10/2005, 09:31 PM

تسلم يالمرابط على هالنصايح الذهبيه وقد قالي واحد
أهن رجيلك عند الضو وبتدفى أن شالله وأما عن حليب الزنجبيـــــــــــل
فهذا مالنا غناة عنه أصلا الطلعه ماتحلى الا بحليب الزنجبيل
والف شكر لك مره ثانيه ولا خلى ولا عدم .......... أخوك الاعصــــــــار

nahham

28/10/2005, 09:39 PM

مرحبا

اقترح ادراج هذا الموضوع على مجلس الامن الذي سيعقد اجتماعا يوم الاثنين القادم ليتم مناقشة الموضوع

<<<<<<<<<<<<< صار مشكلة

الأعصـــــار

29/10/2005, 02:15 AM

:d نهام أخوي الكبير لك حق التصرف (تصريح عام ) في الغاء الموضوع
لأن الحمد لله أستفدت منه والموضوع أخذ أكبر من حجمه ألف شكر لك أخي أبو حمد :d

nahham

29/10/2005, 10:03 AM

بالعكس الموضوع مفيد جدا وجا في وقته والدليل تجاوب الاعضاء

انت طيب وما يجي من الطيب الا طيب

وافكارك دوما رائعه

الله يخليك لنا ولا يجرمنا من طلتك الجلوه ومواضيع الاحلى

الأعصـــــار

30/10/2005, 02:27 AM

تسلم يالغالي بارك الله فيك

هشام عزيز

12/11/2005, 10:27 PM

إخواني الكرام
السلام عليكم ورحمة اللوبركاته .. أما بعد
فموضوع جميل وتفاعل أجمل :) (( ولو إني توني مفتح عليه ألحين الله لا يعمينا )) :cool:
سؤال لأخينا الكبير أبي هشام : أين تباع البجامة الاسبانية التي ذكرت .؟؟ وكذلك البالطو البولندي ؟؟ :confused: وإن بغيت بعد توصف لنا المحل نحط هالفلوس فيك يا الغالي ولا في غيرك ترى ما عندنا مانع ;)
وشكرا لكم

الأعصـــــار

12/11/2005, 11:00 PM

حياك الله أخوي هشام عزيز نورت الموضوع وأنا بعد عندي سؤال لأخوي نهام ولكم
دورت على البالطو البولندي في الخبر ولقيته عند محل في الجوهره (قدام الشعله من اول)
بس ماهو مبطن بفرو (أنا في بالي أنه مثل الي البالطو الي يلبسونه جيش هتلر البالطو الي لونه أخضر)
متأثر بالأفلام صح سؤالي هنا هو يجي له بطانه فرو وثقيل ؟؟؟

الأعصـــــار

15/11/2005, 04:23 PM

هههههههههههههههه مانستغني عن الرياض وأهل الرياض تسلم
ياسندي بعد الله والله لايحرمنا منك يابو حمد (أنت بس لو عندك محل بالطوات كان أفتكينا من زمان) ..

ابو موضي

22/11/2005, 01:27 AM

السلام عليكم .....

فيه فكره كنت افكر فيها من زمان بالنسبة لحل مشكله البرد .... فد تكون غريبة ومضحكة ولكن اتوقع انها مررره مفيدة ....
رحت وشريت بطانية من النوع الخفيف ... ووديتها لخياط وفصلها لي ثوب ...

الصراحة ان ( الثوب ) يدفي وراح نكشت هالاسبوع في ام رقيبة و اجربه ...و اعطيكم الاخبار ....

محبكم ابو موضي