تخبر لي محل تلميع جيد وسعره معقول بالرياض؟؟؟

[شاص]

السلام عليكم ..

ودي ألمع موتري داخلي وخارجي وكنت متعامل مع واحد جيد مواده ممتازة وشغله نظيف وسعره معقول لكنه للأسف عزل :(:( .. المهم إني مريت كذا محل ولقيت تفاوت كبير بالأسعار يعني من 300 إلى 800 ريال !! والشغل ماتدري عنه ..
فإذا أحد يعرف محل تلميع جيد شغله مضبوط ومواد التنظيف اللي يستعملها ممتازة وسعره زين ويكون بالرياض ياليت يدلنا وحتى يستفيد أعضاء المنتدى .. شكراً مقدماً

[GMC89]

للرفع ياشباب نرجوا التفاعل ..

[Ra3e aljeep]

حيالله الغالي شاص
محلات التلميع ماليه البلد
فيها اللي له سمعه وفيها اللي ماله داعي
بالنسبة لي انا متعامل مع محل في طريق عبدالرحمن بن عوف
جنب البنك الاهلي اسمه الامتياز
المسئول في المحل سوداني اسمه عمر رجل فيه خير نحسبه والله حسيبه
واسعاره معقوله وشغله عاجبني .. هذي اذواق ..
تحياتي لك

[ك ح ن 027]

وعليكم السلام ورحمة الله
.
.
انا اخبرلك محل ممتاز وسعره رخيص وشغل متعوب عليه وانا مجرب عنده اكثر من 6 سيارات للشباب وكلهم يمدحونه وسعره معقول جدا
في العزيزيه جنوب الرياض طريق العزيزيه العام باتجاه الشمال آخر محطه على اليسار مقابله الجبل الكبير
اسم العامل حنيفه
والله يوفقك وييسر امرك . :good2:

[نآآآصر]

مليان محلات عند معارض النسيم

[شاص]

GMC89 .. حياك الله
راعي الجيب .. ك ح ن 029 مشكورين على الإفادة .. جزاكم الله خير
نآآآصر .. حياك الله ومشكور على الإضافة .. صحيح أن ماهناك قل محلات تلميع لكن الشغل يختلف من محل لآخر وكذلك نوعية المواد المستخدمة وكذلك الأسعار .. أعلاف واحد من الأقارب لمع عند محل وأعدموا عليه كهرباء السيارة .. لذلك كان هذا الموضوع

[جهام القصيم]

وعليكم السلام ورحمة الله وبركاته

احسن شي تهج عن محلات التلميع والسبب لمعة البدي سوف تذهب وذلك بسبب انهم يقومون بتلميع السيارة بمادة تلميع خشن ثم ناعم بعد ذهاب المعة وهي الصورة العاكسة في البدي أحسن شي خذ لماع ناعم بسعر 10 ريال وقطن بـ 5ريال ولمع سيارتك بنفسك على السعة كل يوم رفرف وسوف تجد الفرق او دور لك عامل ويقوم بالمهمة الكلام من واقع تجربة

[شاص]

جهام القصيم .. مشكور على المرور والإضافة .. أنا لا أحرص على التلميع الخارجي واللي يهمني هو التلميع الداخلي ,,

[YUKON_GMC]

التلميع الداخلي ... علبة Armorall Dashboard Protect (http://www.atcacar.com/?attachment_id=265) وخرقه حمراء والصلاة على النبي ... أهم شيء تنشفه بعد التلميع وتبقى اللمعه شهرين

http://www.mekshat.com/pix/upload04/images192/mk177274_armorall-dashboard-protect.jpg

[شاص]

مشكور سفاري 2 .. لكن المراتب عندي والتندة وفرش الأرضية يبي له غسيل

[YUKON_GMC]

^^^
أجل قصدك - تنظيف داخلي وماهو تلميع ..

التنظيف الداخلي .. اي محل يقدر يغسله لك وينظفه .. بشرط ان تفك المراتب وتغسل برا السياره

لكن بالنسبه الى لبايس التنده ما انصح تغسلها لأنها تبي تتمزق وتخرب عليك الا كان تبي تلبسه مره ثانيه

ولبايس الارضيات انا افضل انها تغسل بدون اخراجها من مكانها لأنها لن ترجع كما كانت وسوف تشم الروائح وتحس بالحراره من اسفل الارضيات

لكن عموماً تحتاج لك وقت على الاقل أسبوع تنشيف قبل تركب

[ك ح ن 027]

وعليكم السلام ... !
وانت على الدائري الجنوبي رح فوق كبري الحراج ويجيك بعده مخرج معن بن زائده رح من فوقه يعني كبري ثاني وبعده امسك الخدمه تجيك مجمع مدارس الهدى الاهليه ادخل بعدها يمين وامسك الخدمه مره ثانيه هذا طريق العزيزيه العام باتجاه الجنوب واول محطه تجيك على اليمين اسال عن حنيفه طبعا ترى محله لك عليه يعني ما يحمس لكن شغله جيد جدا وقله انا جايك من طرف (( بدر ))
والله يوفقك وييسر امرك

[تركي12]

شركة التلميع الذكي
افضل تلميع في ×الرياض
شغلهم ممتاز جداً وموادهم أمريكية واسعرهم زينه مره و منافس بقوه .عمالتهم فلبينيين وعندهم تنجيد وتظليل وأشياء كثيره لكن عندهم زحمة بعض الأحيان بالمواعيد عشان الخدمه وسعر مناسبين مره


مكانهم في الرياض - مخرج 10 - طريق الملك عبدالله - بعد مسجد الحديثي - قبل قصر المقصور ب 500 متر - داخل محطه الدريس اللي فيها كوفي جافا تايم وورشه العيدي

ملاحظة: جنبهم محل تاجير

[abuahmed1]

شركة التلميع الذكي
عندهم افضل تلميع جربته . ممتازوموادهم امريكيا ميقوايرز وعمالتهم فلبينية ويعطوك ضمان وعندهم تظليلل
رائع جدا حسيت بالفرق جد بالصيف تظليلهم سيراميك نانو يعزل 99% من حرارة ووراني هالشي بجهاز يقيس العزل واعطاني ضمان مدى الحياة. وعندهم تنجيد وتلبيس ارضية بلاستيك وتغير الوان .
وعندهم حامي وجهية 3ام اصلي وضمان 5 سنين وكل 6 شهور يلمعونه مجاني
المحل ممتاز جدا ويستاهل الزيارة
موقعهم: الرياض - مخرج 10 - طريق الملك عبدالله- بعد مسجد الحديثي -قبل قصر المقصورة ب 500 متر داخل محطة الادريس اللي فيها جافا تايم .
جمبهم محل تاجير انا حطيت سيارتي واستاجرت