المساعد الشخصي الرقمي

مشاهدة النسخة كاملة : ابشركم لقينا راعي الأستبنة بفضل الله ثم بدعائكم


حبران والمسمى
16/12/2010, 12:31 AM
اعلنت قبل كم يوم عن استبنه ضايعه لسيارة لاند كروزر موديل 2009
على الرابطhttp://www.mekshat.com/vb/showthread.php?t=361529
والأخوان ما قصروا تفاعلوا بالدعاء والله استجاب هالدعوات
طلعت لنفس الشعيب وصرت امشي مع الخطوط حتى وصلت مخيم وشبك ابل وغنم وعنده راعي سوداني وسألته عن سيارة معزبه قال لاند كروزر جي اكس ار 2009 قلت فاقد له شي الأيام الماضيه قال ما ادري قلت خذ رقمي وخله يدق على اذا مضيع حاجه
وفعلاً دق علي في نفس اليوم وقلتله مضيع شي يخص موترك قال ايوالله الأستبنه قلت ابشر الله عقلها وتواعدنا بكرا ابعطيه حاجته
وانا يوم اذكر السالفه لكم يعلم الله ما هو تفاخر ولكن ليعلم الناس ان من ندعو ليس بمخيب ظننا
وان الله لايرد دعاء احد صغير او كبير وخاصة اذا كان بظهر الغيب
والله ياجماعه قبل ما انزل الزفلت اني ادعي ربي ان ما ارجع الا محصل راعيها
وقمت ادور عند المخيم ولا لقيت مدخل ومشيت كيلوين ورجعت له مره ثانيه عندي احساس ان راعيه هنا خاصتن ان اكثر الخطوط والأثر لنفس الكفر اللي معي والحمدالله ما رجعنا خايبين
الخلاصه
لا تتهاونون بالدعاء
حبران والمسمى
16/12/2010, 12:36 AM
ارجو من المشرفين الأفاضل نقل الموضوع لمكانه الصحيح
للفائده وشكرا لكم
Abu Mryea
16/12/2010, 12:43 AM
جزاك الله خير
اصيل نجد
16/12/2010, 01:26 AM
اخوي حبران المسمى بيض الله وجهك ياالاجودي وان دل على شي يدل على طيب اصلك واصاله معدنك الله يوقفلك عيال الحلال ويدفع عنك كل بلاء ويصلح لك النيه والذريه ويرحم والديك والله اني تفاعلت مع سالفك وانا مادريت عنها الا بقرائتي الموضوع كثرا الله من امثالك ياالاجودي
صقرحايل
16/12/2010, 02:22 AM
ماشاءالله تبارك الله
وشكرلك
وهذا والله من طيبك يا الطيب
عالي الكيف
16/12/2010, 02:37 AM
اخوي حبران والمسمى

بيض الله وجهك وكثر من امثالك

وماهي غريبه على ابناء هذا البلد الأمانه وحفظ الغايبه لوجه الله تعالى
حتى يردها الى صاحبها ولو لم تكن ذات قيمه فبلا شك صاحب الغايبه قادر على
ان يشتري بدلآ منها عشر او مئه ,,

ولكنها الأمانه تجري في عروق بني امتي مع دمائهم .
ابوفهيدان
16/12/2010, 05:56 AM
انا والله يالربع مسروووق مني دربيل المانيي وقارمن
والله يالدربيل ماتهنيت فيه توني شريته بالصيف ويوم بدا الشتا هذا انسرق
والقارمن رفيق عمري احداثياتي من سنين مجمعها راحت
الله يخلف علينا وعلي كل مسلم


وياصاحب الموضوع جزاك الله خير وتلقاها عند ربك إن شاء الله

وكل هذا يدل علي حبك للخير وتربيتك الصالحة ولايهونو الاخوا
ن
عبدالسميع
16/12/2010, 06:06 AM
الله يجزاك خير ...

أكيد راح تلقى صاحب الأستبنه لأنك تدور حول المكان المفقودة فيه ... يعني لو مخليها طايحة في مكانها كان

رجع ولقاها ...

وأبو فهيدان تبينا ندعيلك !!!؟؟

خخخخ
ناصح
16/12/2010, 06:18 AM
بيض الله وجهك وكثر الله أمثالك

تحيتي
حبران والمسمى
16/12/2010, 10:03 AM
الله يجزاك خير ...

أكيد راح تلقى صاحب الأستبنه لأنك تدور حول المكان المفقودة فيه ... يعني لو مخليها طايحة في مكانها كان

رجع ولقاها ...

وأبو فهيدان تبينا ندعيلك !!!؟؟

خخخخ
تحياتي لك واشكرك
تدري كم كيلو بين المكان المفقوده فيه وبين مكان راعي الأبل !!! خمن !!!
وترى ذكرت ان مافيه اثر يعني قبلها بيومين او ثلاثه على الأقل مكان وقوع الأستبنه
واقصد بالأثر والخطوط اللي حصلتها نفس نقشت الكفر اللي هو عند مدخل مكان راعي الحلال
وانا والله العظيم ما ذكرت السالفه الا علشان نتوكل على الله في كل شي ثم نتساعد بيننا على حفظ اللي ما هو لنا وادري ان يوم القاها ما فيه احد يشوف ولا يدري الا الله وبعدين حطيت مكاني نفس مكان راعي الحاجه واظن ان قيمة الجنط والكفر الأصلي ماهي بسيطه لأصحاب القلوب الضعيفه وانا اخوك
لكن نطلب من الله الأجر وتكفيني فرحه الرجل يوم حصل حاجته ودعوات هالرجال الطيبين شرواك
حبران والمسمى
16/12/2010, 10:05 AM
واشكر جميع الأخوان اللي تفاعلوا مع الموضوع
وجزاكم الله كل خير
وسيع البنايد
16/12/2010, 10:06 AM
الله يرزقك من حيث يممت وجهك
سرهيد
16/12/2010, 10:09 AM
السلام عليكم

هلا بك اخوي الكريم ويحيك ربي

بلا شك ان الدعاء له دور عظيم ودور تراه امام عينك ، فلا يجب التهاون فيه

اذكر بالكمرة اللي ضاعت مني قعدت لها ست شهور ولا عليها اي معلومات ، وسبحان الله العظيم ردها الله لي مع عدم وجود اي معلومات

فلا يجب التهاوي في الدعاء

وبيض الله وجهك على هذه الفعلة اللي ما يسويها الا نشمي ولد نشامى

تقبل مودتي
الصمان 2
16/12/2010, 10:22 AM
بارك الله فيك أخي / حبران والمسمى

وهذا ان دل فأنما يدل على أصالة معدنك وحسن تربيتك


فجزاك الله خيراً .




.
ابوصالح77
16/12/2010, 06:09 PM
بارك الله فيك يالكريم ابن الكرام
وليس بمستغرب ذلك منك
وأحمد الله أن تشرفت بالتواصل معك
وأسأل الله أن يكتب خطواتك حسنات وأن يدفع عنك كل مكروه

كما أدعو الله أن يرد ضالة المسلمين فلسطين المحتلة
وأن يعيد السيادة والعزة للعرب ، وأن ينصر المسلمين أجمعين
ساحووق
16/12/2010, 06:17 PM
بيض الله وووووجهك
ابوعبدالعزيز6
16/12/2010, 08:07 PM
بيض الله وجهك
وتأكد ان الله سبحانه ما يضيع عنده شي
وان صنائع المعروف تقي مصارع السوء
ابو الجمان
17/12/2010, 10:03 AM
بيض الله وجهك وكثر الله أمثالك

تحياتي
الستانس
17/12/2010, 12:59 PM
جزاك الله خير

والله يوفقك دنيا واخره وكثر الله من امثالك
دبسان
21/12/2010, 06:56 AM
جزاك الله خير

صنائع المعروف تقي مصارع السوء