المساعد الشخصي الرقمي

مشاهدة النسخة كاملة : استفسار لاهنتوا.. عن تعبئة الدافور بالرياض


راعي المعازل
16/12/2010, 11:56 AM
السلام عليكم ورحمة الله وبركاته



يا اخوان ان بالرياض وبالتحديد بالسليمانية بالقرب من مدينة الملك فهد الطبية

دورت على محل تعبئة الدافور ولا لقيت

محسوبكم دلولته بالرياض لك عليها

فالله يجزاكم خير دلوني على محل يعبي الدوافير مع الوصف ..


رحم الله والديكم
اشاهين
16/12/2010, 12:01 PM
وعليك السلام ورحمة الله وبركاتة
اذا تبي دافور محلات الرياض اكثر من الحصى اقربها لك علشان ما تتوه المحطة الي بجنب مسجد الراجحي ولاتقولي ما اعرف مسجد الراجحي الي على مخرج 15
بالنسبة للتعبية اي اسطوانة غاز تقدر تعبي منها وخذ من نفس المحل لي التعبية
وسلامتك
واذا ما عرفت تعالي وانا اعبيلك دافورك والله يسهل امرك
najazy
16/12/2010, 12:03 PM
اللي أعرفه محل قريب من مخرج 14 إسمة البرية

إذا دخلت من مخرج 14 وتوجهة شرق (أي تلف يسار إذا أنت جاي من مخرج 13)

يبي يجيك أول إشارة بحرف T
تلف يمين وأول إشارة تجيك تلف يمين أيضا يبي يجيك المحل على اليمين
راعي المعازل
16/12/2010, 12:07 PM
الله ييسر امرك الشاهين


ماقصرت


انا اخبر بحايل بعض محلات الغاز يعبون الدوافير

هنا الله لا يبلانا ما شفت ولا محل غاز.. يالله يالله يمديني على الدركسون والبريك

مزبوط كلامك
راعي المعازل
16/12/2010, 12:31 PM
najazy

جزاك الله خير


ماقصرت
مشعل العيسى
16/12/2010, 12:36 PM
اخوي راعي المعازل

شف عندك محل بالرياض وانت ماسك طريق الشرقية يجيك كبري خالد بن الوليد .. اطلع مع الكبري فوق واول اشارة خذ معها يمين .. يعني يصير وجهك جنوب .. امش لين تجيك الإشارة بعد الإشارة بيجيك البنك الاهلي وبعده صيدلية .. جنب الصيدلية مباشرة من جهة الجنوب محل صغير يفتح شرق يصلح الدوافير ويعبيها لك بسعر رمزي جدا .. وبصراحة المحل ممتاز ..


تجربتي معه قبل كم يوم جيته وكان عندي دافور ينسم .. عطيته الدافور ودخل جو المحل وجلست اتفرج على بضاعته وعشر دقايق وجاب لي الدافور وعباه غاز .. قلت وش سويت قال نظفته وعبيته غاز .. تدري كم خذ مني ..
والله ما خذ الا خمسه ريال ... وانا اعبي الدافور برا ب 10 او 15 ريال ..

طبعاً الفضل لله ثم الأخي العضو مفتون صيد لانه قام بوصف المحل لاحد الاخوه في هذا الرابط


http://mekshat.com/vb/showthread.php...E1%E6%E1%ED%CF (http://mekshat.com/vb/showthread.php?t=345217&highlight=%CE%C7%E1%CF+%C7%E1%E6%E1%ED%CF)


وقمت بزيارة المحل وبحق يستحق الشكر ....



وهناك موضوع للاخ الغالي سرهيد - بعنوان طريقة تعبئة دبة الغاز - الحقيقة سيغنيك عن محلات تعبئة الدوافير ... وفقك الله اخي سرهيد لكل خير

http://mekshat.com/vb/showthread.php?t=141105
سرهيد
16/12/2010, 12:43 PM
السلام عليكم

يا احبتي الكرام ، بما انكم في الرياض وانتم خابرين دوشة زحمة الرياض

انصح بشراء لي التعبئة ومن ثم التعبئة كل ما بغيت ، ولا تلتزم بمحل ولا غيره

راجع الرابط التالي

طريقة تعبئة دبة الغاز ( الزرقاء ) في دقائق .. بالصور .. من سرهيد ... (http://www.mekshat.com/vb/showthread.php?t=141105&page=4)

http://www.mekshat.com/pix/upload02/images72/mk40450_dsc02700.jpg

تقبلوا احترامي
راعي المعازل
16/12/2010, 12:55 PM
مشعل العيسى .. سرهيد


بيض الله وجيهكم

الله يجزاكم الجنة
abusulum
16/12/2010, 03:11 PM
اي محل غاز يعبيلك
ابوصالح77
16/12/2010, 03:17 PM
فادوك الإخوان جعلهم يحييون
ارتست
16/12/2010, 03:34 PM
دامك من حائل
عندي لك محل أتحداك ماتدله هههه
شف وإنت طالع من الرياض قبل كبري قوات الامن الخاصة على يمينك يجي محل غاز بعد مقهى جار القمر يعبي لك