تنوية / نهاية قصتي مع الجميح وسيارتي إللي دفرنسها عطلان

[زياد بن محمد]

بسم الله الرحمن الرحيم

أسعد الله أوقاتكم بكل خير ..

في البداية
جاء في تفسر البغوي
قوله تعالى: ( لا يحب الله الجهر بالسوء من القول إلا من ظلم )
يعني : لا يحب الله الجهر بالقبح من القول إلا من ظلم ، فيجوز للمظلوم أن يخبر عن ظلم الظالم وأن يدعو عليه.


تابع لموضوعي السابق
حسبي الله عليك يالجميح ، سياراتي جديدة والدفرنس عطلان !!
(http://www.mekshat.com/vb/showthread.php?t=360246)

ونهاية مسلسل الغبنة ،

أمس انتهت قصتي مع شركة الجميح للسيارات ، بفضل الله ثم بفضل الأستاذ خالد المالك رئيس تحرير جريدة الجزيرة ..

حيث أني راسلته عن مشكلتي معهم ، وقام بدوره بمراسلة الجميح لحل المشكلة في أقرب وقت وليسمع أيضاً من الطرفين ( أنا و وشركة الجميح)
( الله يوفقه ويجزاه خير وموقف لن انساه هو الوحيد اللي تفاعل مع اني مراسل 7 جرايد وصحف الكترونية )

ومنذ الساعة السابعة من صباح أمس وجوال والدي يرن .. وكانو هم المتصلين (شركة الجميح) ، وكانو يريدون إنهاء الموضوع بأي شكل ..
ولم يتصلوا علي ولم أدري عن شي مع أني أنا صاحب الشأن !!
ولعلمهم المسبق بتمسك رأيي وأن والدي ( أليَن ) منّي

الشاهد إن الوالد ذهب لهم وتجمّع 3 من أكبر وأقدم الموظفين ، وحاولوا في الوالد إنه يتنازل ويوقّع على ورقة إقرار واعتذار بخصوص ما بدر عنّي واني أخطأت بحق الجميح وافتريت عليه وووو ......
رفض الوالد مع إنه ما قرأ الورقة ! وكان يعتقد انها ورقة تنازل عن القضية فقط

وقالوا له ما المطلوب ؟
فطلب الوالد 130 ألف ريال ويتنازل عن الموضوع و أبيع سيارتي عليهم ...
واستلم شيك بالمبلغ ووقع على الورقة بعد ضغط شديد منهم واحراج و(حب خشوم)
طبعاً إللي عرفته بعدين ان الوالد وقع عليها على اساس انها تنازل ولم ينتبه انه اعتذار بهذه اللهجة التي أرى انها تجرح كرامتي

الموضوع الأن إنتهى يا جماعة ، مع إني ما استلمت المبلغ كامل بس مو مشكلة ..
أنا إللي رافع ضغطي الورقة الموقعه بإسمي ، ووالله لو عُرضت علي ما وقعت عليه لأني ما أخطأت على أحد وإنما ذكرت الحقيقه ..
وأعتبر هذه الورقة جرحة كرامتي .. ولم أرضى بها

لذلك جرى التنويه ، واللهم إني بريء مما كُتِب في الورقة

آرائكم

النهاية.

[alwssam6]

ماشاء الله على والدك قدر ياخذ حقه والله وبرافه عليه تستاهل هذه الشركات التي تعلب بالناس

[آلجنيدي]

ولو انها ماجت على المطلوب
لكن الواحد يبعد عن المشاكل ومدام ان
فلوسك رجعت لك احمد ربك انها جت على كذا
هم نصابين واكبر من النصابين لكن
الحق يرجع لصاحبه بالاخير
وارضاء بالمقسوم

على فكره وش السياره الثانيه الي تبي تشتريها ههههههههه
الله يوفقك ان شاءلله بشرياتك ولايطلعلك واحد زي الجميح

[أبوغيث 2003]

الحمدلله

والله اني فرحت لك اخوي زياد

وموقف رائع من الاخ خالد المالك الله يجزاه خير

والوكالات ماعندهم الا اللف والدوران اجل يتصلون على أبوك والمشكلة بينك وبينهم !!!

[abumohammad99]

الحمد لله على السلامة

وبيض الله وجهك..

ولو كل واحد سوا مثل سواتك

كان ما انضبطوا واشتغلوا مثل العالم والناس..

لأننا وللأسف ما نقدر ناخذ حقنا ( قانونيا ) مع ان الحق معنا ...

الحمد لله ان سالفتك انتهت وما طلعت صفر اليدين..

والموتر الثاني يوكن والا تاهو خخخخخخخخ

تشطيب على شركة الجميح..

وهذا شي يخجلني الصراحة اللي صدر منه لأنه ولد عم ومن نفس الفخذ ...

لكن الحمد لله انك قدرت تاخذ حقك..

[زياد بن محمد]

ماشاء الله على والدك قدر ياخذ حقه والله وبرافه عليه تستاهل هذه الشركات التي تعلب بالناس

الحمد لله ، وهذا درس لي ، آخر مره أتعامل مع الجميح بإذن الله تعالى
ويُفترض أن يكون درس لكل من يقرأ ما كتبت





ولو انها ماجت على المطلوب
لكن الواحد يبعد عن المشاكل ومدام ان
فلوسك رجعت لك احمد ربك انها جت على كذا
هم نصابين واكبر من النصابين لكن
الحق يرجع لصاحبه بالاخير
وارضاء بالمقسوم

على فكره وش السياره الثانيه الي تبي تشتريها ههههههههه
الله يوفقك انشالله بشرياتك ولايطلعلك واحد زي الجميح

صدقت
والله ياخوي ما أدري محتار ، يعني سعر اليوكن والتاهو مناسب جداً مقارنه بالسيارت البديله ، هذا عامل محفز ..
بس الجودة بديت أشك فيها ، وهالوكيل غسلت يدي منه
ويمدحون العيسى ، والله يكتب اللي فيه خير
:)





الحمدلله

والله اني فرحت لك اخوي زياد

وموقف رائع من الاخ خالد المالك الله يجزاه خير

والوكالات ماعندهم الا اللف والدوران اجل يتصلون على أبوك والمشكلة بينك وبينهم !!!

الله يسعد قلبك يا أبو غيث ، وتسلم على شعورك الرائع
خباااث ، يعرفون شلون ياخذون حقهم !




الحمد لله على السلامة

وبيض الله وجهك..

ولو كل واحد سوا مثل سواتك

كان ما انضبطوا واشتغلوا مثل العالم والناس..

لأننا وللأسف ما نقدر ناخذ حقنا ( قانونيا ) مع ان الحق معنا ...

الحمد لله ان سالفتك انتهت وما طلعت صفر اليدين..

والموتر الثاني يوكن والا تاهو خخخخخخخخ

تشطيب على شركة الجميح..

وهذا شي يخجلني الصراحة اللي صدر منه لأنه ولد عم ومن نفس الفخذ ...

لكن الحمد لله انك قدرت تاخذ حقك..

الله يسلمك
والله يا اخوي المفروض إنا ما نسكت عن حقنا ، ولا نخليهم يتمادون علينا .. عشان يوقفون عند حدهم !!

من ناحية الجميح أكيد تشطيب عليه
وعلى ما قال أحد الاشخاص
( اركب حمار ولا تشتري سيارة من الجميح )
أجل يقول أحد مدرائهم يوم قلت له عن مشكلت سيارتي
قال يا رجال السيارات حظوظ ، مثل اذا جاء يتزوج الواحد ما يدري تطلع له البنت زينه وإلا شينه
شوف التشبيه
حسيت اني رابح سياره أو شاري مستعمل

عموماً
أصابع يدك مب سوا :)
وأنعم وأكرم ببني زيد ، منهم الكثير من العلماء وتشهد لهم شقراء .. والمملكة كلها

[محمد الهديب]

هلا باخوي زياد بن محمد صراحه فرحتني يوم قلت انك خذت حقك ,, والحمدلله على كل حال و ما قصر الاستاذ خالد المالك

[abumohammad99]

الله يسلمك
والله يا اخوي المفروض إنا ما نسكت عن حقنا ، ولا نخليهم يتمادون علينا .. عشان يوقفون عند حدهم !!

من ناحية الجميح أكيد تشطيب عليه
وعلى ما قال أحد الاشخاص
( اركب حمار ولا تشتري سيارة من الجميح )
أجل يقول أحد مدرائهم يوم قلت له عن مشكلت سيارتي
قال يا رجال السيارات حظوظ ، مثل اذا جاء يتزوج الواحد ما يدري تطلع له البنت زينه وإلا شينه
شوف التشبيه
حسيت اني رابح سياره أو شاري مستعمل

عموماً
أصابع يدك مب سوا :)
وأنعم وأكرم ببني زيد ، منهم الكثير من العلماء وتشهد لهم شقراء .. والمملكة كلها


شهادة اعتز فيها وانا اخوك. واعتبرها وسام على صدري..

صارت لولد خالتي مشكلة وهي انه شراء سيارة من توكيلات الجزيرة وهي فيوجن..
ويوم رحنا تستلمها الى الموتر ماشي 55 كلم..

ولد خالتي من الفرحة واللخمة شغل الموتر وجا بيمشي مره..

طبعا حزت في نفسي 55 مهيب سهلة.
وبعد طلايب ولعنة جدف طبعا اللي غبنهم اني انا اللي اتلاقط معهم وولد خالتي ساكت وهذا الشي هبل بهم..

ما سكتنا وكلمنا مدير المبيعات مصري ولجله الله يعلم بها..

اخرتها رحنا للمستودع طبعا واختاروا هم خمس سيارات ( والعلم عند الله انهم متنقينها )
وكلها ماشية من 40 وفيها..

اخرتها انا مليت من كثر الصياح..

وقال لنا المندوب ..( يرضيكم عازل حراري مجانا للسيارة وعليه ضمان 10 سنين )

التفت على ولد خالتي وقلتله .. تراها ازين من نطلع بلوشي..

قلنا خلاص . ويركبون العازل ونستلم الموتر.

وقد صارت مشكلة قبلها مع معرض شاري الوالد كراون فكتوريا

وحسبي الله عليهم مورينه اردى موتر فيه طقتين صغار والممشى 24..
ورحمة من الله اني انا اللي رحت استلمه.

وملاسن معهم الين بدلوا الموتر بواحد انا اللي متنقيه وتخيل كم ممشاه .. 16 كيلو..

شي يغبن وبس..

كنهم يتصدقون عليك..

ما نقول الا حسبي الله عليهم ومن هو على شاكلتهم...

اسف على الاطالة اخوي زياد..

ومبروك السيارة مقدما قبل العالم :D

[اديب بن صالح]

اخوي العزيز هل راسلت المقر الرئيسي للشركة عبر الايميل ؟؟

وللعلم فقط حينما يأتيك مندوب رسمي من الشركة للتحقيق وفي قم الخبث

لديهم قائمه بكل الخيارات للتعويض

وتأكد انهم يبدؤون باقل الخيارات لتعويضك [ كلمة تصليح مجانا مثلا ] هذا خيار بسيط

وهكذا بناء على ذلك فقس

[moooj]

الحمد-لله-على-السلامة
والأعتذار-هو-عبارة-عن-رد-اعتبار-لأنهم-حسو-انك-جرحت-كرامتهم-وكبريائهم-وغرورهم-فعلى-مر-الأيام-يحسون-انهم-هم-من-يركع-الزبون-ويروضه-وفي-الغالب-يسوون-كذا-قدام-موظفينهم-الي-تحت-ادارتهم-لأن-في-مثل-بيئاتهم-يكون-تعاملهم-مع-العمال-بمنتهى-الوقاحة-وقلة-الأدب-لأن-موظفي-الصيانة-في-جميع-الوكالات-عبارة-عن-مرتزقة-شوارعجية-ومشردين(الا-من-رحم-ربي)
كلامي-من-واقع-تجارب-في-التعامل-مع-وكالة-الجميح-وهي-اوسخ-واقذر-وكالة-فعلا
الحمد-لله-انك-طلعت-قروشك-من-عيونهم-يالذيب-وليت-مثلك-لو-10%منالعملاء-كان-ما-تجرأو-على-الغش-والخداع
ولي-طلب-لو-تكرمت
ابرز-الأجرائات-الي-اتبعتها-غير-الجرايد
يعني-كلمت-الأدارة-الأقليمية-دبي-وش-ردهم
الشركة-في-امريكا؟؟؟؟
على-شان-نعمل-حسابنا

[alhrbe]

الحمد لله على السلااااااااااامه

[سعود محمد]

الله يعوضك خير

[YUKON_GMC]

الحمدلله على رجوع الحق لأصحابه وألف مبروووك

شوري عليك ابتعد عن الجميع والعيسى والتاهو و اليوكن والامريكي كله ...

روح ادخل رابطة الجموس والتاهو وتشوف المصايب ..

سيارات جديده وفيها اصوات كرونه وعطل قيرات وثقل وتحجير وبلاوي زرقاء لأن الخلل بالصناعه وليست من الوكيل

عليك يالياباني وكبر مخدتك ونام واسلم من الاعطال لمدة خمس سنوات

خاصةً التايوتا والخليجي افضل من ابوجميل النصاب الاخر

[You Like Me]

الحمد لله اللي جت على كذا
ورجع لك حقك
لكن ان طعت الشور ابعد عن الامريكي وانت في خير
انا اخذت يوكون 2009 والحمد لله ابشرك افتكيت بعته قبل كم يوم
والله يبارك ويعين اللي شراه ...... السياره ما كملت 25 ألف وكل مصائب الدنيا فيها
والقهر صحيح لما اروح للوكيل يقول هذا عيب مصنعي وكل الـ GMC كذا طبيعي يعني
ولما دفعت مبلغ وقدرة ماكان طبيعي بس لما قلت صلحوا السياره صار كل شي طبيعي
ويعلم الله ان خسارتي فيها قيمه سياره ثانيه ... ما اقول الا الحمد لله على كل حال
ابعد يارجل ومثل ما ذكر احد الاخوان ادخل رابطة الـ GMC وشوف بعينك
البلاوي جديده ومشاكل لها اول مالها آخر

[زياد بن محمد]

هلا باخوي زياد بن محمد صراحه فرحتني يوم قلت انك خذت حقك ,, والحمدلله على كل حال و ما قصر الاستاذ خالد المالك

هلا وغلا أخ محمد
الله يسلمك يا غالي وهذا من طيبتك .. الله لا يوريك مكروه





شهادة اعتز فيها وانا اخوك. واعتبرها وسام على صدري..

صارت لولد خالتي مشكلة وهي انه شراء سيارة من توكيلات الجزيرة وهي فيوجن..
ويوم رحنا تستلمها الى الموتر ماشي 55 كلم..

ولد خالتي من الفرحة واللخمة شغل الموتر وجا بيمشي مره..

طبعا حزت في نفسي 55 مهيب سهلة.
وبعد طلايب ولعنة جدف طبعا اللي غبنهم اني انا اللي اتلاقط معهم وولد خالتي ساكت وهذا الشي هبل بهم..

ما سكتنا وكلمنا مدير المبيعات مصري ولجله الله يعلم بها..

اخرتها رحنا للمستودع طبعا واختاروا هم خمس سيارات ( والعلم عند الله انهم متنقينها )
وكلها ماشية من 40 وفيها..

اخرتها انا مليت من كثر الصياح..

وقال لنا المندوب ..( يرضيكم عازل حراري مجانا للسيارة وعليه ضمان 10 سنين )

التفت على ولد خالتي وقلتله .. تراها ازين من نطلع بلوشي..

قلنا خلاص . ويركبون العازل ونستلم الموتر.

وقد صارت مشكلة قبلها مع معرض شاري الوالد كراون فكتوريا

وحسبي الله عليهم مورينه اردى موتر فيه طقتين صغار والممشى 24..
ورحمة من الله اني انا اللي رحت استلمه.

وملاسن معهم الين بدلوا الموتر بواحد انا اللي متنقيه وتخيل كم ممشاه .. 16 كيلو..

شي يغبن وبس..

كنهم يتصدقون عليك..

ما نقول الا حسبي الله عليهم ومن هو على شاكلتهم...

اسف على الاطالة اخوي زياد..

ومبروك السيارة مقدما قبل العالم :D


كفو والله إنك سنع :D
من جد تلاحظ كأنهم مهدينك سيارة وإلا متصدقين عليك .. الله يخلف علينا بس
اضافة جميلة ..
والله يبارك فيك يا أبو محمد ، مع إني إلى الأن ما أدري وش أشتري .. الله يعين


اخوي العزيز هل راسلت المقر الرئيسي للشركة عبر الايميل ؟؟

وللعلم فقط حينما يأتيك مندوب رسمي من الشركة للتحقيق وفي قم الخبث

لديهم قائمه بكل الخيارات للتعويض

وتأكد انهم يبدؤون باقل الخيارات لتعويضك [ كلمة تصليح مجانا مثلا ] هذا خيار بسيط

وهكذا بناء على ذلك فقس

وهذي إللي أكثرنا ما يدري عنها ..
بالنسبة للشركة الأم راسلتهم ، بس ما نفعوا زي ما نفعت جريدة الجزيرة
وحياك ربي يا غالي


الحمد-لله-على-السلامة
والأعتذار-هو-عبارة-عن-رد-اعتبار-لأنهم-حسو-انك-جرحت-كرامتهم-وكبريائهم-وغرورهم-فعلى-مر-الأيام-يحسون-انهم-هم-من-يركع-الزبون-ويروضه-وفي-الغالب-يسوون-كذا-قدام-موظفينهم-الي-تحت-ادارتهم-لأن-في-مثل-بيئاتهم-يكون-تعاملهم-مع-العمال-بمنتهى-الوقاحة-وقلة-الأدب-لأن-موظفي-الصيانة-في-جميع-الوكالات-عبارة-عن-مرتزقة-شوارعجية-ومشردين(الا-من-رحم-ربي)
كلامي-من-واقع-تجارب-في-التعامل-مع-وكالة-الجميح-وهي-اوسخ-واقذر-وكالة-فعلا
الحمد-لله-انك-طلعت-قروشك-من-عيونهم-يالذيب-وليت-مثلك-لو-10%منالعملاء-كان-ما-تجرأو-على-الغش-والخداع
ولي-طلب-لو-تكرمت
ابرز-الأجرائات-الي-اتبعتها-غير-الجرايد
يعني-كلمت-الأدارة-الأقليمية-دبي-وش-ردهم
الشركة-في-امريكا؟؟؟؟
على-شان-نعمل-حسابنا

يا سلام عليك ، هذا الكلام ..
بالنسبة للي سويته كثيير ، بس بذكر لك الأمبرز يا موج .
في الأول تكلم الشركة نفسها وتحاول توصل لأكبر راس
إذا ما نفع راس الشركة الأم .. ( وهذي تبي تستفزهم شي ) بس مو دايم تنفع ..
الثالث وهو إللي يبي يزلزلهم / راسل الصحافة واكتب لهم قصتك بالضبط مع الألهم إن وجد ..
لأن الشركة تهمهم سمعتهم ..
وأي خدمة حنا حااضرين .. وأهم شي لا يضيع حقك أبد ..



الحمد لله على السلااااااااااامه

الله يسلمك يا غالي
وتسلم :)


الله يعوضك خير

آمين ، جزاك الله كل خير


الحمدلله على رجوع الحق لأصحابه وألف مبروووك

شوري عليك ابتعد عن الجميع والعيسى والتاهو و اليوكن والامريكي كله ...

روح ادخل رابطة الجموس والتاهو وتشوف المصايب ..

سيارات جديده وفيها اصوات كرونه وعطل قيرات وثقل وتحجير وبلاوي زرقاء لأن الخلل بالصناعه وليست من الوكيل

عليك يالياباني وكبر مخدتك ونام واسلم من الاعطال لمدة خمس سنوات

خاصةً التايوتا والخليجي افضل من ابوجميل النصاب الاخر

والله إنك صادق ، بس مشكلة التويوتا لاندكروزر غاالي
الله يكتب لنا إللي فيه خير ..
ويرزقنا



الحمد لله اللي جت على كذا
ورجع لك حقك
لكن ان طعت الشور ابعد عن الامريكي وانت في خير
انا اخذت يوكون 2009 والحمد لله ابشرك افتكيت بعته قبل كم يوم
والله يبارك ويعين اللي شراه ...... السياره ما كملت 25 ألف وكل مصائب الدنيا فيها
والقهر صحيح لما اروح للوكيل يقول هذا عيب مصنعي وكل الـ GMC كذا طبيعي يعني
ولما دفعت مبلغ وقدرة ماكان طبيعي بس لما قلت صلحوا السياره صار كل شي طبيعي
ويعلم الله ان خسارتي فيها قيمه سياره ثانيه ... ما اقول الا الحمد لله على كل حال
ابعد يارجل ومثل ما ذكر احد الاخوان ادخل رابطة الـ GMC وشوف بعينك
البلاوي جديده ومشاكل لها اول مالها آخر

من جد شي يرفع الضغط ..
ومضيبه والله إذا كنت تحط مبلغ وقدره على سياره زي كذا ، والأدهى والأمر وكيل تعامله غير منصف !
عموماً الله يكتب إللي فيه خير .. آمين
وجزاك الله خير يا أخوي ..
:)

[الباثفندر 3.5]

الف الحمد لله و الشكر
و الله اني فرحت لك

[vxr99]

كفو بيض الله وجهك

[رحال7]

قلناا وسنستمر بالقول الى ماشاء الله الامريكى بشكل عاام صناعه هزيله وتترنح وانت وحظك يا تصيب يا تخيب!

اخوانى

اللى ما عنده سياره بديله ووتعب وكد يجمع قيمة السياره ولا يحتمل الخساره لو صارت فنصيحه ابعد عن الامريكى بكل اشكاله
مرتين اخذت امريكى ..مره مستعمل ممشى قليل سعودى وخسرت فيه الكثير وغير الخساره خست وقتى و صحتى وجاب لى الهم نعوذ بالله منه
الثانى جديد من جى ام وبعد شهر طلع به مشاكله مصنعيه وتم عمل اصلاحات كثيره على الضمان ولا زال عندى مشكله كبيره لم تحل لليوم! حاولت ارجاع السياره رفضو ولكن الحمد لله على كل حال نسأله ان يبارك لنا ولكم!

اخى كاتب الموضوع اسف على ما حدث لك فهو حقيقه جرح عميق لن تنساه! رغم انهم اعادو لك مالك مرغومين !

ما نقول الا حسبنا الله ونعم الوكيل عليهم يماطلون وهم يعلمون ان معك حق فما الفائده تشترى سياره جديده وكل شهر او شهرين او كل يوم وانت بالوكاله تشتكى او تصلح او كل يوم وانت تتشكى فى كل مناسبه وفى كل وقت من هذه السلعه المضروبه..حسبنا الله ونعم الوكيل

والحذر الحذر من السيارات الامريكيه افحصها جيدا قبل شرائها واستخير واستشير وتريث ثم تريث ولا تستلمها الا بعد ان تعمل ما تستطيع واعلم واحسب حسابك ان تقع فى نفس المشكله بشكل او اخر

والله اكبر

[sulaiman.fj40]

ماشاءالله عليك اخذت حقك وافي\لو حصل هذا في بلد اوروبي اوفي امريكا كان سلموك سياره وتعويض وحبوا راسك بس لاتروح للصحافه لانه يؤثر على سمعتهم \ نصيحتي لجميع الاخوان ان حصل مشكله مع الوكيل المحلي ولم يتجاوب ان يتصل مباشرة بقسم خدمات العملاء في المصنع ويشرح مشكلته وسوف ترى سرعة التجاوب وحسن المعامله وارضاء العميل رغم انف الوكيل المحلي\اتكلم من واقع تجربه حصلت معي مع وكيل مرسيدس قبل 6 سنوات\وبالله التوفيق

[فكسار الأزرق]

اخوي الجميح نزلوا عروض جديدة على اليوكن
ياتلحق يا ماتلحق :)

تكفى علمنا مواصفاتك موترك يمكن ألقاه معروض في الصالة عندهم

[عبدالرحمن السالم]

ماشاء الله تبارك الله ، زين انهم عوضوك ولا راح تكمل الفرح الا بإستلام المبلغ كامل
وعسى الله يوفقك ويرزقك يالغالي

[Rapture]

اخوي ايش هي الصحف اللي طرقت ابوابها وما فادتك غير الجزيرة ؟؟