كدلك حوض يبيله رفع

[قنوع]

السلام عليكم ورحمة الله وبركاته


حيا الجميع بلا استثناء


يالربع انا شريت موتر ولله الحمد (( قل على البركه )) :D


المهم الموتر الظاهرخواله كدالك


الموتر ناااااااازل حسيت يوم مسكت به خط اني راكب موستنق والا زد


ومع المطبات يطير ويدبج ((مثل المواتر المطيحه ايام ال200 ال والكرديسا اي الكرسيدا


شاريه من الشرقيه والظاهر راعيه منزله عن الوكاله وحاط له كفرات كابرس الظاهر


او ما ادري وش مسوي فيه ولا عندي خبر لكن الوكاد ماهو جمس اباً عن جد


ابي ارفعه 10 سني من قدام وورا


طبعاً الموتر حوض 2005 ........غماره شاص طويل بدون دبل


ستاندر :D


مايخالف كلش جايز لي لكن عيبه الطمن


((( لحد يقول بعه واشر هايلوكس والا ددس))


:good2: .................


فياليت اللي عنده خبره وسبق ان جرب يفيدنا


واللي ماعنده خبر لا يفتينا الله يجزاكم خير لأني مابي احوس في الصناعيه


نظامي احب 1+1 =6


((ابي طريقة ماتكلف وعمليه ))


واذا فيه ورشه مجربه وشغلهم مضبوط واسعارهم معقوله تنصح بها اخوك فأرجوا اعطائي مكانها ورقم الهاتف ان امكن


(( والأولويه للسعوديين حتى لو زادو شوي عن السوق ))


تحياتي للجميع

[قنوع]

السلام عليكم ورحمة الله وبركاته

الله يعطيكم العافية

لكي تعم الفائدة............. ولعل احد يستفيد ويدعي لنا

تم رفع السياره من الخلف ب3 بلاطات لكل جهه (( القطع من عند بالبيد للسست ب180)) والشغل عند رزاز ب180

وتم تركيب كعكات امامية عند مبارك ب250 قطع وشغل يد

والحمد لله ارتفع من الخلف تقريبا 6 سم ومن الأمام 4 سم تقريباً

وصار يحتاج تبديل مساعدات امامية اكبر من حقات الوكاله لأنه يوم تم رفعه صارت المساعدات شاده وفيها رفسه

مع تمنياتي للجميع بالتوفيق والسداد