المساعد الشخصي الرقمي

مشاهدة النسخة كاملة : فراش البر ......ايش الفرق


nahham
08/10/2005, 11:40 AM
السلام عليكم ورحمة الله وبركاته

والشهر عليكم مبارك

كنت ابحث عن فراش للبر يستاهل قيمته قلت اخذ لفه قبل ما اروح للغرابي وافصل لي واحد خاصة وانا طويل والجاهز قصير

مريت محلات رحلات لقيت عندهم فراش صناعه كويتيه الحقيقه طويل وممتاز شكلا ومكتوب عليه ان الشراع تنزاني والسعر 320 ريال

رحت لمحلات ساكو لقيت عندهم فراش صناعه سعوديه من شركة الدريويش اللي يصنعون المفارش شكل الفراش رائع جدا شكلا ومتين والشراع تنزاني ومكتوب عليه المواصفات والسعر في حدود 345 ريال

قلت اخذ رأيكم قبل الشراء والاكيد اني عزمت على ترك التفصيل

الرجاء ممن جرب اي منها الايضاح

شكرا مقدما وبارك الله في الجميع
أبوأحمد98
08/10/2005, 01:40 PM
والله وأنا خوك الفرش اسعارها من 180 الى 220هذا التنزاني الاصلي والفراش وسيع وكبير ..وموجودعند اغلب محلات الرحلات ((السنيدي و عروق الشمال و ...الخ)) اما 345 والله غالي

أنا شاري فراش تنزاني أصلي ووسيع وكبير بــ200ريال قبل ثلاث سنوات تقريبا والفراش الى يومك اكده جديد مشاء الله
طخيمان
08/10/2005, 03:05 PM
والله كانت عندي نفس المشكلة كات عندي فراش تنزاني لكن اذا دخلت فيه رجولي تصقع في نهايته وأنا مابعد دخلت كلي وأتظايق في النوم
وكان طول الفراش 180 سم وعرضه 100 سم وكنت شاريه ب 175 المهم مالك بالطويله
رحت لمحل على شارع ال100 (سعد بن عبدالرحمن) ولقيت عندهم فراش من مصنع الدريويش طوله 220 سم وعرضه 120 سم وخذته ومعه وسادة بـ330 ريال وتنزاني أصلي والفرو اللسي جوا ثقيل ودافي ولا يخربه الماء بس مشكلته انه اذا طويته يطلع حجمه
كبير شوييية.
nahham
08/10/2005, 03:24 PM
هلا ابو احمد

مبارك عليك الشهر

يالغالي الجاهز ضيق صدري ياخوي هالبنقال غشاشين اردا مفرش يسوون جوا

ولو شريت المفرش الزين لا يقل عن 170 ريال غير الخياطه والشراع

يعني اشوف الكويتي والدريويش سعره معقول

جزاك الله على المرور والنصيحه
nahham
08/10/2005, 03:29 PM
هلا والله بابو الطواري

وشلونك يالغالي

الفراش اللي تقول عنه هو اللي لقيت في ساكو

كلامك صحيح انه بعد الطوي يصير كبير شوي

والكويتي مثله

لكن وشلونه والدفا

بارك الله فيك
أبو فراس
09/10/2005, 06:31 PM
السلام عليكم ورحمة الله وبركاته

الغالي أبوالطواري

هين كبره ولكن وشلون الدفا جوا

ولا بعد فيه ميزة ثانية اذا صرت لحالك خله ورا ظهرك وتبي تشوف هالهواجيس اللي يريحن بالك لان ظهرك مرتاح بالمرة
جفيل
09/10/2005, 11:16 PM
غير التنزاني لاتدور

السنه الي راحت واحد جابلي هديه لي هو داري اني قش البر وغثاه وجابلي هديه فراش والله زيين بس موب فرو بــ 180 ريال


بس نصيحتي لكم لاتشروون الفرو ماينفع بالحر ابداً ابداً وثقيل وحالته حاله اشتر عادي افضل لا ونفس الدفء بعد

هذي من وجهة نظري
عبد الله الفايز
10/10/2005, 01:55 AM
إذا تبي نصيحة أخوية خذ فراش القاضي

اسمه الصمان وعندهم موديلين عريض واقل شوي

روعة والله الجزء السفلي وثير للغاية ودافئ ومبطن ضد الرطوبة يعني لو تفرشه على منقع مايهمك

والجزء الأعلى لين ودافئ ايضا

أقولها بصدق جربت فراش التنزاني من الرماية ابو 500 وجربت أنواع اخرى مالقيت احسن من فراش القاضي
الأعصـــــار
10/10/2005, 03:01 AM
نهـــــــــــام أتوقع أن الزين كله عندك في السعوديه ولاقصور في محلات الكويت
وخصوصا في الرياض والقصيم هم ماشالله عليهم تخصص في أدوات البر من والى بس
أنحش من الشرقيه لأنها غاليه ودايم تلقى عندهم الحاجات الي ماهي أصليه
وهذا رايي بصراحه الا محلات تنعد بالأصابع ومارحم ربي وبالتوفيق أن شالله


أخوك الأعصار
عاشق المزون
11/10/2005, 03:50 AM
اخوي رحت الى محل الهدف مرة وحصلت عندهم فرش ممتازة وخصوصا انها جامعة شيئأن معا الدفاء والخفه معا وصناعتها امريكي وعالية الجودة بس المشكلة السعر من الـ 400 وطالع والمقاس صغير بس الخامة مايحتاج وتتحمل درجات خيالية تحت الصفر بس لو يكبرن شوي .

اخوي عبدالله الفايز وين القاء فراش القاضي فية اذا كنت في الرياض وشكرا
النجم الهاوي
11/10/2005, 04:00 AM
دور الخفيف لاطويته والا هو سهل ولاياخذ مكان معك بالسياره

لان العام الماضي شريت من الدرويش ويووم طويته طلع كبير وياخذ مساحه بالسياره

ورحت وعطيته واحد وخذت لي واحد من الغرابي صغير وحاط معي بطانيه من الداخل وش حليله

يدفي ولاياخذ مساحه وهذا اهم شئ عندي

لان الفراش اذا صكرت السحاب على نفسك جاك الدفى ولو هابتن عليك الشماليه


تحيااااااااااااااااتي
nahham
15/10/2005, 10:23 PM
شكرا جزيلا للجميع كل باسمه على المشاركه والنصيحه

ان شاء الله نناقش الموضوع على الهواء مباشرة في اجتماع الرياض يوم الخميس الفادم

لمزيد من المعلومات شوفو الرابط تحت التوقيع

لاتنسونا من الحضور
طخيمان
18/10/2005, 04:10 PM
آسف على التأخير بالرد لكن بالنسبة للفراش تراه ممتاز ودافئ ومريح لأنه مبطن من تحت بفرو وصايركأنه اسفنج.
nahham
18/10/2005, 04:28 PM
هلا ابو الطواري

كلامك عن ايش ؟

قصدي عن اي نوع ؟

يطول لي عمرك

ابو الطواري لاتنسانا بعد بكره في اجتماع الرياض
الكايف
18/10/2005, 05:18 PM
اخوي nahham
جربت انا اغلب الفرش وفصلت وتبهذلت علشان ابي فراش دافي ولا يخرة الماء مع المخايط .
اخر ماشريت من الرماية فراش عرضة موزون وطويل بحيث اذا سكرت على نفسك ما تضيع حرارة جسمك ولا تسفط رجليك وقماشة الماني .
والماء إذا انكب علية يبقى فوق الفراش ولا يتسرب للداخل. (عن تجربة ) واذا سفطتة يصير صغير
بس عيبة انة غالي حوالي بــ 500 وشوي

--------=====((( الــــكـــــا يــــــف )))=====-------
http://www.mekshat.com/pix/upload/sign/images/mk8711.gif
nahham
19/10/2005, 11:12 PM
هلا والله بالكايف

والله السعر عيب شرعي على قولة درب الزلق

ههههههههههههههههههه

غالي بالحيل

شكرا لك يالغالي
kty
20/10/2005, 05:03 AM
مرحبا بجميع الاخوة

اما بخصوص الفرش لي سنين طويلة وانا كل سنة اشري فراش او افصل كل سنة يقولون طلع فراش جديد حلو ومر وممتاز وضعيف هههههههههههه
المهم احسن فراش هو حق الدريويش بس الدريويش نوعين اقصد الاسم الفراش الصحيح هو حق خالد الدريويش تحصل عليه ستكر مكتوب عليه نفس الاسم اعتقد ان الاسم كامل(( خالد عبدالعزيز الدريويش )) اما بخصوص منتج هذا المصنع هو كتالي

1- نوع يكون داخليه بلوستر ممتاز بس عيبة ان اطراف رجليك تصقع من البرد القماش الخارجي تانزاني ممتاز مضاد للماء .

2- نوع يكون داخليه فرو ممتاز بس عيبه انه يمسك الرمل والا الدفاء 100/100 تنام مرتاح لاتصقع اطرافك ولاحاجة بس لازم تكون حذر من الرمل عند الدخول والخروج من الفراش .

اما بخصوص الحجم لازم يكون في البداية كبير شوي لانه توه جديد ما بعد انضغط يعني لازم ايذا طويته تخلي واحد نشيط يشده لك هههههههههههههههههههههههههههههههههههههه مع كثر الشد يصغر حجمه شيء مجرب
طبعاً لازم تكون الوسادة خارج الفراش لانها هي التي تكسبه الحجم الكبير والا ياخي استعمل الوسادة الي تنفخ

السعر اذكره قبل عامين يوم اشتريه 330 ريال

اما الفراش الي عند الهدف الي سعره ب500 ريال او اقل شوي لايعلا عليه من حيث التدفئة والخف وصغر الحجم لاكن لو تخيل انتلا الفراش ماء يعني اي رطوبة تروح فيها

على فكرة جميع ماسبق انا مجربه وليس يقولون

لكن تبي رائيي خذ الدريويش (((((الفرو))))))والله تستانس بالنومة لائن الرحل في البر اهم شيء فيها النوم اذا مانمت صح ماتمتعت بالبرو الربيع والبرد والنار والاكل والوناسه هذا رئيي وانت شف الي يخارجك
تحت الطلب في كل وقت
الواهج
20/10/2005, 05:20 AM
السلام عليكم
ممكن اشارك بالموضوع واطرح رأيي :)
الي اعرفه يالربع انه افضل قماش خارجي هو الياباني وبعدين التنزاني وبالاخر يجي الباكستاني ( المزعج ) انا مجرب سليب باق شركة الهدف بالكويت هي بالاساس شركة ذخائر ولاكن تبيع اغراض مثل التريكات و الجاكيتات وخيالات البط والخ ...
شريت منهم قبل 3 سنوات فراش تنزاني ب 28 دينار الي عجبني فيه انه من داخل فيه سحاب على اطراف الفراش كله يعني تقدر تفكة تغسله وترد تركبه وهالميزة مالقيتها الا عنده . وبعد الاستعمال الطويل اضطررت لتبديل الفراش الداخلي وكان الشي بالسهوله

اما عن الفرو فما انصح فيه لانه مجمع للاتربة والشوك خصوصا نبات الصمعا وصعب التنظيف

هذا رأي شخصي

والله يعطيكم العافيه
nahham
20/10/2005, 12:01 PM
هلا اخوي كي تي واي

اعجبني فراش الدريويش - مفرش وليس فرو - وذكرت هذا في اول الموضوع وسعره 340 ريال عند ساكو

مثل ما تفضلت حجمه كبير بعد الطوي لكن مو مشكله السياره واسعه

اللي حصلت مكتوب عليه الدريويش ولونه بني

يعطيك الف عافيه اخوي على الراي خاصة انك صاحب تجربه

الاخ الواهج

وعليكم السلام ورحمة الله وبركاته

اكيد ممكن تشارك والراي للجميع بارك الله فيك

وجود سحاب لنزع المفرش الداخلي عن الشراع شيء جيد والله وفكره ممتازه للتغسيل

الفرو انا مستبعده اصلا لعدة اسباب اهمها الرمل والشوك والرائحه

شكرا لمشاركتك اخي الكريم وما قصرت
الاداري
22/10/2005, 01:08 AM
شركة الدريويش اللي يصنعون المفارش شكل الفراش رائع جدا شكلا ومتين والشراع تنزاني ومكتوب عليه المواصفات والسعر في حدود 345 ريال

عندنا بالشمال سعره 400 ريال

والصراحه الفراش رائع ويدفي بدون اضافات

ومناسب لجو الماطر انا مجربه

والسلام
عروان
23/10/2005, 11:25 PM
السلام عليكم ورحمة الله وبركاتة

أخوي أبو هشام

فراش القاضي لا يعلا عليه. ارضيتة بلاستيك تحميك من الرطوبة لو نمت على أرض ممطورة.
دافي و شكلة ذرب. السعر حليو شوي.

فرائ الدرويش ممتاز ممتاز لكن مثل ما ذكر الاخوان فيه اثنين الدرويش ايهم الزين الله اعلم لاني ما جربته.

انا شريت مفرش فرو من السوق وخذيتة يم اللي يفصلون و لبسته قماش تنزاني اصلي. وهذا انا اكده له اربع سنين. في الاول كان منتفخ بس مع الستعمال صار صغير بالحيل.

انصحك تشوف قماش القاضي بالاول.


موفق ان شاء الله

ألافضل لك بما أنك ما شاء الله طويل أنك تفصل
الكشاح
23/10/2005, 11:52 PM
موضوعكم اخواني الكرام جذاب للغايه وهذا الفرش يحتاجه كل رحال...ولكن لو ان الموضوع مدعم بالصور سيكون افضل..ولي سؤال في معرض ابوظبي الاخير..بيع بعض الفرش من مؤسسة او شركة (نشميه) وكان الفرش من الخارج ما ادري بلاستك او شراع نوع الماني ومن داخل فرو...فعند سؤالي للاخ الذي اشتراه قال هذا النوع افضل لانه مايعلق فيه الرمل والشوك..وش رايكم اخواني الكرام..وهل مؤسسة نشميه رائده في هذا المجال بالسعوديه...اشكر صاحب الموضوع والاخوة المشاركين
أبو يوسف
24/10/2005, 12:15 AM
موضوع رائع استفدت منه كثيرا


كل الشكر لك اخي نهام على طرح الموضوع
والشكر موصول لكل من شارك

تحيتي
KEA2003
27/10/2005, 06:17 AM
ابو الطواري :good:
تميم
27/10/2005, 05:24 PM
بصراحة موضوع رائع ومفيد
انا اليوم الخميس 23/9 اشتريت فراش الدريويش واخذت منه 3 وعشان كذا نزل لي الى 295 ريال وموجود عليه استكر الدريويش
الحاتمي
27/10/2005, 06:31 PM
السلام عليكم ورحمة الله وبركاته
اخوي نهام
من خلال تجربتي
انصحك بفراشين الاول الدريويش ومافيه عيب الاانه مع الشد ينشق من جهة الخياط اللي عند الشدادت
يعني دبل الخيوط القريبه من الشدادات
والثاني فراش البريه سعره240 يباع في الرياض حي السلام شرق كلية المعلمين
عند محل اسمه البريه
وهذاالفراش اناحاليا استخدمه وممتازسعره مناسب وقماشه تنزاني ومن الداخل مفرش بسحاب ممكن ينفك ويغسل
ومعه مخده مريحه
والسلام
عبدالملك
13/12/2005, 03:13 AM
أحسن فراش بلا منازع من واقع التجربة
فراش الرميح مر على اقرب فرع لالرميح وشف فراشهم تنزاني من اروع ما يمكن
سعره بحدود 280بس معي له 10سنوات ما عمره قال لا والحمد لله
nahham
14/12/2005, 11:09 AM
تسلم اخوي عبدالملك

لو ممكن وين محلاتهم في الرياض

شكرا لك
بواسامه
14/12/2005, 11:31 AM
هلا اخوي
اشوف ان حجم الفراش اهم نقطه فيه والثاني يكون تنزانيا قماشه
والله اني اضيق على بعض الشباب اذا جاء يخاوينا للبر بسبب فراشه يبيله موتر لحاله
ودك والله من يصرفه والله يقلص مرقده :D
ودايم راعي الفراش الكبير راعي نوم :o ومكبر الوساده((عارف لهم)) تراي امزح
احرص على متوسط الحجم او الصغير
ومعك مثا مقال بعض الشباب بطانيه ولا الفروه تؤدي الغرض
وما دام معك رواق ولا خيمه بيكفي عن الفرش الكبيره
nahham
28/12/2005, 10:42 AM
للرفع

حتى يمكن للاخوه الاعضاء والزوار الكرام الاستفاده من تجارب الاخوه الذين ابدو رأيهم

تحيتي للجميع
compaq
31/12/2005, 12:39 AM
فراش الدرويش عند محلات الجمله حقت المفروشات اللي بمخرج 17

ب 270 ريال وراح تلقى كل الانواع
الدندون
31/12/2005, 12:58 AM
للجميع : :)



فقط زيارة قصيرة لمحلات الفالح للرياضه ومشاهدة أنواع فرش النوم .. :)


أحد الشباب اللي يسلمة أشترى لي من عندهم فراش نوم ( ويهرج ويغلط ) من كثر المدح .. :)


هو لم يصلني للان ولكن أتوقع أنه مثل ماقال خويي .. :)


للمعلومية يوجد لديه فروع كثيرة في أنحاء المملكة .. :)


ونبي رأيكم ..
kuwaiti_9
31/12/2005, 02:02 AM
عزيزي بالكويت احسن واجود فراش سعره 12 دينار وكل شي فيه احسن من اللي ذكرته اذا عندك اي احد تعرفه خله يجيبلك واد من الكويت وتحديدا بسوق السلاح
تحياتي...
راعي العوجاء
31/12/2005, 08:16 PM
موضوع جميل

انا شريت فراش الرماية الي داخله مثل جلد النمر حول ويدفي وضد الرطوبة ولا يجيك براد من الارض بس عيبه كبير شوي اذا طويته وداخليه ما تقدر تفكه وتغسله له عندي اربع سنين ممتاز
nahham
31/12/2005, 09:29 PM
هلا اخوي الغالي ابو اسامه

ههههههههههههه الله يوسع صدرك بالعافيه

لكن ياخوي مو المهم الدفا بس المهم الجوده

مثلك عارف شغل الغرابي التجاري ما ياخذ شهر الا صاير تقول بساط

وهذا اللي محيرني

شكرا لك على ابداء الرأي
nahham
31/12/2005, 09:32 PM
اخوي compaq

ممكن توضيح اكثر للمكان

الصراحه بهذا السعر مغري جدا

تسلم
nahham
31/12/2005, 09:33 PM
الاخ الدندوت

اذا شفته وجربت كرما لا امرا ممكن تقول رأيك فيه

تسلم
nahham
31/12/2005, 09:35 PM
اخوي كويتي

يبدو ان فرش البر متقاربه في التصميم ويبقى الشغل النظيف ومقارنته بالسعر المناسب

وهذا سبب طرح الموضوع ليستفيد الجميع

رأيك بالتأكيد يهمنا

تسلم
nahham
31/12/2005, 09:37 PM
اخوي راعي العوجاء

الكثير من الاخوه يمدح فراش الرمايه

ومن واقع اجابات الاخوه يبدو التقارب واضح لكن لكل فراش مميزات وله عيوب مقارنة مع الاسعار

تسلم
compaq
02/01/2006, 01:46 AM
مخرج 17

قبل ماتجي الصناعيه

تقريبا بعد ما تلف من عند المحرج وانت متجه غرب ثاني اشاره يسار

تخش شارع اكثر المحلات تبيع الفرش والبطانيات
الكويتي 777
02/01/2006, 04:08 AM
السلام عليكم ورحمة الله وبركاته

اشكركم علي المشاركة الفعالة بهذا الموضوع المفيد واود ان اشارككم الرأي لتعم الفائدة
بالنسبة لفراش البر قبل الشراء يجب ان تسال نفسك عدة اسئلة
1- متي تحتاج هذا الفراش ( الصفري او الشتاء ) يعني لجو بارد او لايام عادية
لان الفراش الدافي لايصلح اللا بالشتاء ولا يصلح للصيف او اول الشتاء والعكس صحيح
2- ماهي امكانياتك المادية؟كلما زادت الجودة زاد السعر وهو مربوط بالجوتة هذا لمن يبحث عن الجودة والشغل السنع
يعني مافي مجال لمقارنو فراش مصنوع من ديباج اماراتي او ماشابهه كالقاضي او الدريويش رغم غلاء اسعارها نسبيا بفراش امريكي مزود بعدة طبقات وانواع مختلفة من الريش ومطابق لمقاييس دولية ومصنعة تم انشاءة سنة 1881 ميلادية.
3- ماهو افضل فراش متوفر؟
يعني تقدر توصلة او تشترية اللي بالسعودية مايقدر يوصل الكويت او الامارات مثلا فا ينقي افضل الموجود بمنطقتة او دولتة واذا قدر يتعب علي الزين فهذا افضل
واود ان اوصيكم بان يكون لديك فراشين واحد عادي وواحد اتعب علية لان البرد مايرحم
وانصحكم بفراش يباع بالكويت بمحل رماي طولة 210 وعرضة 110 امريكي ويقاوم البرد الي درجة حرارة 5 تحت الصفر وهو مجرب انا شخصيا جربتة ببرد سوريا القارص ولاحظت الفرق بينة وبين الدريويش وغيرة
وسعرة 50 دينار وتحتاج لتفصيل طربال تنزاني لة قيمتة 15 دينار مفصل وجاهز وصدقني بينفعك اليوم وباجر
انا شارية من 12 سنة ولليوم استعملة ومالة مثيل.

اسف علي الاطالة
وحاضر لاي استفسار

اخوكم ابو حمود
nahham
03/01/2006, 08:50 AM
الغالي compaq

الوصف صار واضح جدا

تقصد مستودعات الغاله شرق الصناعية القديمه

جزاك الله خير
nahham
03/01/2006, 08:52 AM
الغالي حداق

ماشاء الله تبارك الله

تجربتك نعتز بها فهي تجربة مجرب مهنم

ان شاء الله استفيد منها ويستفيد منها الاخوه الاعضاء والزوار الكرام

تسلم
عبدالملك
04/01/2006, 01:00 PM
اخوي نهم فراش الرميح 220*220
يفك من جوا ويغسل
محلهم بالنسيم بشارع الأربعين مقابل مطاعم النافورة
وبالملز مقابل ملعب الملز
دكتور بر
06/01/2006, 09:19 PM
اخوي ابو هشام شكلك شريت الفراش بس فيه محل شمال أسواق العويس اسمه ذيب الصحراء عنده فراش بر محترم بكل المعاني وبتدعي لي لو شريت مثله
nahham
07/01/2006, 06:54 PM
هلا اخوي عبد الملك

بمرهم واشوف

يعطيك الف عافيه
nahham
07/01/2006, 06:57 PM
هلا اخوي خالد

لا يابعدهم الموضوع مو لي بس الموضوع لجميع الاعضاء والزوار ليستفيدو منه

وكل يقول رأيه في الجوده والاسعار واماكن البيع

وبعدين اشوفك تمدح محل في الشمال .. قلي وين يباع فيه

الشمال غالي على طول >>>>>> يمزح

مشتاق لك ياخالد . وين تكون فيه ايام العيد؟
مطوع
16/01/2006, 03:34 PM
ماشاء الله عليكم
شكلي بشتري لي واحد
Waleed1
17/01/2006, 03:16 PM
السلام عليكم

أخوى لاتدوخ نفسك روح ليم السنيدى وخذلك فراش قيمتة فى القصيم 250 يمكن أقل وبالشرقية قيمتة ب 280 النوع اللى داخلة فرو أبيض وألا القاضى عندة فراش قيمتة بين 230 و 250 ريال كيستة لونها أخضر وتحصلة فى محلات كثيرة مجرب الاثنين حلوة وخفيفة وتنطوى، العام كنت بالعلاء درجت الحرارة حول الصفر وفراشى السنيدى وأتغطى ودقايق ألا وأنا دافى هذا شورى لك ومقناص غالى على ولاشى والدرويش غالى وفراشهم يأخذ مساحة كبيرة وغثيث وشكراً
ابوفهد225
17/01/2006, 03:32 PM
الاخوان ماقصروا لكن ابي انصحك عن الامريكي اللي عند الهدف

لايقربك نصيحه مجرب صح انه لايعلى عليه من ناحيه الدفا لكن اذا هب الهواء ولا صار فيه نداء

ماينفع انا شاريه قبل ثلاث سنين والحين مركون بالبيت
ناجز
17/01/2006, 07:06 PM
اخوي نهام
في الغرابي محل اسمه السويدان اخذت منه العام كيس نوم القماش الخارجي تنزاني اصلي ومن الداخل فرو تركي اصلي اخذته ب250ريال واسع وطويل ودافي تقلب فيه على راحتك.
احلام سعيدة اخوي نهام








<CENTER><CENTER>إنسخ الرابط لإدراجه في التوقيع http://www.mekshat.com/pix/upload/sign/images/mk19528.gif


</CENTER></CENTER>
nahham
21/01/2006, 11:55 AM
الاخ مطوع : حياك الله يالغالي

الاخ وليد: الموضوع كتبته بالاول لحاجتي لفراش وحبيت اخذ راي المجربين لكن جاتني رسايل بالخاص تطالبني بالاستمرار للفائده لكل عضو او زائر ولا شك ان الاراء ممتازه ويبقى الاخيار مسألة شخصية
حياك الله

الاخ ابو فهد: صدقت والله وكلامك صحيح
حياك الله

الاخ ناجز : الصراحة على المواصفات اللي قلت يكون سعره مناسب جدا ان شاء الله امر الغرابي واسأل
حياك الله
راعي المستوي
22/01/2006, 12:08 AM
افضل الفرش اللي جربتها
الافضل حق الدريويش
واللي بعده حق القاضي ويتميز مثل ما قال اخوي عبدالله الفايز بوجود عازل مائي تحت الفراش
وترا ياخوان الشي المهم في الفراش المادة العازلة اللي يسمونها البلستر فهي اللي تدفي
منصور ع
22/01/2006, 12:51 PM
طيب يااخوان ودي انشدكم عن الفرش اللي تباع في الغرابي بسعر 150ريال وان بغيت فرو او بولستر او مخمل...
في احد مجربها ....؟؟؟
وماشاء الله كل واحد ادلى بدلوه واحترنا في الزين والمشكله تخاف تاخذ واحد غالي بعدين تكتشف انه مايسوى قيمته
افيدونا افادكم الله
][عزام][
23/01/2006, 05:16 AM
طر د القميري انا كان عندي فراس من رحلتي الصراحه عجزت القا مثل قماشه قماش قاسي وبطانته خفيفه لكنه يدفي وحجمه

احسن شيء فيه لكن للأسف عطيته واحد وضيعه وشريت من الغرابي فراش تنزاني ومن داخل فرو تركي بــ150 بعد المكاسر طبعن ما جربته لكن اللي ناصحن يمدحه ويقول دافي ولا يدخله ماء وبعدين صراحه حجمه موب كبير ومع الاستخدام يبي يصير حجمه مناسب انا اول ما رشريته فكيته وبرطته وجبت لي اسمن واحد اعرفه وقلت اجلس عليه خخخخخخخخ وعلى ما قالوا كثر الدق يفك اللحام
nahham
25/01/2006, 06:12 PM
الاخ الكريم : راعي المستوي

الاخ الكريم :طراد القميري

الاخ الكريم : عزام

حياكم الله وشكرا على تشريفكم الموضوع
الفتى المجازف
27/01/2006, 04:40 AM
حقيقة انا في الانتظار واعجبني الموضوع جدا واشكر الاخ نهام على طرحه ورفعه للموضوع
والنقاش اثرى الموضوع كثيرا ولم يستقر حول رأي معين.
لذا اتمنى ان تكون الأحصائية للأراء هي الفيصل في هذا الموضوع بمعنى تجميع الاصوات
وفرزها واخراج النتيجة وليس لها الا الاخ نهام.
تحياتي للجميع
nahham
31/01/2006, 04:06 PM
مرحبا اخوي الفتى المجازف

اخي الكريم اولا شكرا على المرور

وثانيا تم طرح الموضوع لغرض استفادة الاعضاء والزوار

حياك الله اخي الكريم
كشاتي
08/02/2006, 10:48 AM
السلام عليكم ورحمة الله وبركاته ..

اذا بتسمحون لي بعطاء رايي

ففراش القاضي مابعده هذا رايي ..

وفي منه حجمين الصغير تقريبا 150 ريال والكبير وهذا الاصلح للي في اعمارنا سعره 280 ريال...

هذا والله اعلم ...

والله الموفق...
nahham
15/02/2006, 09:44 AM
حياك الله اخي كشاتي

بالتأكيد رأيك يهمنا

حياك الله
ابومرتاح
18/02/2006, 06:17 PM
جربت انواع عدة من فرش البر ولا صلح لي منها الا القاضي ......الصراحة مسكت ......لا كن يعيبه الغلاء النسبي مقارنة بالمعروض بالسوق .....
nahham
19/02/2006, 12:53 PM
هلا ابو مرتاح

ان شاء الله تعالى انا الان انسق الردود واسوي احصائيه

بارك الله فيك
كليجا
20/02/2006, 02:36 AM
ياجماعة أنا جربت كثير من الفرش :cool: ... ولكن مرة لقيت فراش قبل كم سنة جابه واحد من الزملاء من أحد الأمراء كان جايبه من برا السعودية وهو عبارة فراش من الخارج تنزاني ومن الدخل ليس بوليستر ولكن ( ريش ) أنا أول ماشفته مع خويي ضحكت عليه :D شكله مهب يدفي ولا بالصيف لكن عطاني إياه أجربه ... ويوم جربته ... وإلاهو شي عجيب غريب :confused: ... ماشفت بالفرش مثل دفاه :eek: مع إنك تهاون فيه لأنه خفيف مرة لحاف الريش لكن عليه دفا غير طبيعي .:no2: .. وعلى طول رحت شريت لي لحاف ريش ورحت وديته للغرابي وفصلته على شراع تنزاني ... طلع الدفا فيه خيالي :good: .... وكل من شافه معي أحد قعد يضحك علي يقول هذا يدفي لكن كل من جربه تهول منه :eek: ... وغير كذا ميزته الخف لأن الريش خفيف وينصفط معك بكل سهوله مهب مثل البوليستر :( مع إني ماشفت بالسوق فراش ريش لحد الآن .. هذا الغريب ...:confused:
ابو عادل1
11/11/2006, 02:32 PM
اخوي نهام
السلام عليكم ورحمة الله وبركاته
بارك الله فيك لطرح الموضوع
موضوع مميز وبه كممممممم كبير من الاراء والفوائد
وعندي سؤال للاخ كليجا وين نلقى لحاف الريش
ننتظر
وعجل علينا بالرد الله لايهينك
لان




مثلكم خابرين





ان





البرد


وصل





وصل








وصل






وترانا









نبي الدفا
أبو دمعه
22/11/2006, 01:11 AM
دريويش ديباج وغيره لا تدور نصيحه
azozy
24/11/2006, 10:51 AM
اخوي نهام
السلام عليكم ورحمة الله وبركاته
موضوع ممتاز ومهم جزاك الله خير وبارك الله لنا ولكم
اللهم اغثنا اللهم اغثنا اللهم اغثنا اللهم اغثنا
اثني على سؤال الاخ ابو عادل للاخ كليجا او لمن يعرف
وين نلقى لحاف الريش
وأضيف
اين توجد مواده الخام وكيفية تفصيله
ننتظر الله يرحم والديكم ويغفر لكم
ابو عادل1
13/12/2006, 08:38 AM
يانهام .... يانهام .....يانهام
السلام عليكم ورحمة الله وبركاته
البرد ياخوك ذبحنا وتقرفصنا ونبي نكشت وماعرفنا ههههههههههه هاهاهههااااهاهههاهاهاااههه
افزع بالرد على التساؤلات
الحقققققققققققققققققققققق
السنع كله
13/12/2006, 02:48 PM
من شروط الفراش حق البر خف الوزن 0رخص الثمن0راحة الحركه وانت داخله0سهوله غلقه وفكه من جهة السحاب 0ان يكون القماش صحي 0غير قابل للاشتعال0او البلل0لاياخذ حيزا كبيرا 0سهل الغسل 0يمسك رائحة الطيب0تقدر تستعمله في البيت0يمكن ياخذ معك آخركتجربه بعض المرات
ابو عادل1
13/12/2006, 06:50 PM
جزاك الله خير يالسنع كله والله يوفقك دنيا واخرة
مواصفات ممتازة وواضحة
بس الله لايهينك
ليت توضح وين يمكن نلقى مثل هالنوع وبالمواصفات اللي ذكرت
hooy
15/01/2007, 06:32 PM
هلا بكم يا اخوان الفراش اللي تبون وعلى كيفكم هو فراش مصنع الدريويش خامات وخياطه وترتيب وقماش اصلي تنزانى رقم 303الجبر المقاوم للفرش على الحصى والتراب جربوه وتتذكرون كلامى بخير؟؟؟؟؟؟؟؟؟؟؟؟؟؟؟؟؟؟وسلامتكم وسلامتى؟
الكدن1
30/11/2010, 11:51 AM
ياجماعة أنا جربت كثير من الفرش :cool: ... ولكن مرة لقيت فراش قبل كم سنة جابه واحد من الزملاء من أحد الأمراء كان جايبه من برا السعودية وهو عبارة فراش من الخارج تنزاني ومن الدخل ليس بوليستر ولكن ( ريش ) أنا أول ماشفته مع خويي ضحكت عليه :D شكله مهب يدفي ولا بالصيف لكن عطاني إياه أجربه ... ويوم جربته ... وإلاهو شي عجيب غريب :confused: ... ماشفت بالفرش مثل دفاه :eek: مع إنك تهاون فيه لأنه خفيف مرة لحاف الريش لكن عليه دفا غير طبيعي .:no2: .. وعلى طول رحت شريت لي لحاف ريش ورحت وديته للغرابي وفصلته على شراع تنزاني ... طلع الدفا فيه خيالي :good: .... وكل من شافه معي أحد قعد يضحك علي يقول هذا يدفي لكن كل من جربه تهول منه :eek: ... وغير كذا ميزته الخف لأن الريش خفيف وينصفط معك بكل سهوله مهب مثل البوليستر :( مع إني ماشفت بالسوق فراش ريش لحد الآن .. هذا الغريب ...:confused:
لكن وين أحصل الريش او اجمعه من الطيور( أمزح) هههههههه
الكدن1
30/11/2010, 11:53 AM
من شروط الفراش حق البر خف الوزن 0رخص الثمن0راحة الحركه وانت داخله0سهوله غلقه وفكه من جهة السحاب 0ان يكون القماش صحي 0غير قابل للاشتعال0او البلل0لاياخذ حيزا كبيرا 0سهل الغسل 0يمسك رائحة الطيب0تقدر تستعمله في البيت0يمكن ياخذ معك آخركتجربه بعض المرات
جب لي هالفراش واشتريه لو 1000 ريال
بوسدن
06/12/2010, 10:40 AM
لحاف الريش موجود في أماكن كثيره وهو نفس شكل الديباج ولكن الحشو ريش
في الكويت أنا شاري من إيكيا ويكون درجات مثلا نسبة الريش 50% أو 80%....الخ
وكل مازادت نسبة الريش يزيد سعره ويزيد الدفا
الكدن1
06/12/2010, 01:59 PM
لحاف الريش موجود في أماكن كثيره وهو نفس شكل الديباج ولكن الحشو ريش
في الكويت أنا شاري من إيكيا ويكون درجات مثلا نسبة الريش 50% أو 80%....الخ
وكل مازادت نسبة الريش يزيد سعره ويزيد الدفا
ليت قرأت ردك انا يوم الخميس في الكويت
معشوقي الصمان
18/01/2011, 04:39 PM
أهلا ًبالأخواة الكرام :
من باب تجربة الوالد الله يحفظه ماخذ له قبل 10عشر سنوات فراش الدريويش الصراحة ما يبيله كلام ممتاز :good2: و عملي و شريت قبل سنه فراشين تبع الدريويش 300ريال الواحد قماش خارجي تنزاني 303 والداخلي بلستر ممتاز:good2: ودافيء ماشاء الله لا يعلا عليه .

دمتم بخير ...
أبو راكان
18/01/2011, 07:29 PM
إذا تبي نصيحة أخوية خذ فراش القاضي

اسمه الصمان وعندهم موديلين عريض واقل شوي

روعة والله الجزء السفلي وثير للغاية ودافئ ومبطن ضد الرطوبة يعني لو تفرشه على منقع مايهمك

والجزء الأعلى لين ودافئ ايضا

أقولها بصدق جربت فراش التنزاني من الرماية ابو 500 وجربت أنواع اخرى مالقيت احسن من فراش القاضي


هذا العلم الاكيد