عطل في عداد السرعة (باترول نيسان93 )

[متعب الفرسان]

السلام عليكم
عندي عطل في عداد السرعة الامبير شغال بس العداد اللي يعد الارقام ما يعمل ؟ طبعا السيارة باترول ربع موديل 93 المشكله سئلت عنه في الشركة يقولون يجي قطعتين وسعرة فوق الالف ريال ؟ مدري فيه حل او احد صارت معه المشكله وحلها بشكل فني بسيط غير مكلف وياليت اذا فيه احد يعرف كهرائي جيد يسوي مثل ها الاعطال في الغربية يعطيني رقمه او يوصف لي موقعه وشكر لكم

[قرم العيال]

بسيطه يالغالي ,,

الظاهر

هذي قطعه تركب بالقير تحت ,, ما تكلف كثير ,, اسمه قاري كيلو ,, مثل هذي

هذا حق ددسن هو مثله تقريبا


http://img35.imageshack.us/img35/9422/resized24112010007.jpg (http://img35.imageshack.us/my.php?image=resized24112010007.jpg)

[متعب الفرسان]

بسيطه يالغالي ,,

الظاهر

هذي قطعه تركب بالقير تحت ,, ما تكلف كثير ,, اسمه قاري كيلو ,, مثل هذي

هذا حق ددسن هو مثله تقريبا


http://img35.imageshack.us/img35/9422/resized24112010007.jpg (http://img35.imageshack.us/my.php?image=resized24112010007.jpg)


الله يعطيك العافيه اخوي قرم العيال
بس انا مريت كهربائي وقالي المشكله في الطبلون نفسه يقول القطعه اللي داخل الطبلون عبارة عن مكرات بلاستك هي الخربانه وتحتاج تغيير وهو قالي الكلام هذا من غير ما يفك الطبلون او يكشف على القطعة اللي في القير ويوم سئلت في شركة نيسان عن العداد قالوا لي انها قطعتين مع بعض وسعرها غالي فوق الالف ؟ ولا ادري المشكله فا فيه كهربائي محترف يعرف يحل مثل ها الامور ياليت اذا احد يعرف كهربائي في الغربية يدلني وشكر لكم

[قرم العيال]

شف اجل انا مثلك مره الطبلون (( حق الكيلو بس )) وقف .. ومن حاله فجاء رجع يقراء وزي الحلاوه .
وانا سبق وسمعت بسالفه المكرات هذي والظاهر انه ما تسوى إلا بتبديل واحد كامل من التشليح ,,

والله يعينك او خله ,, اغلب الباترولات واقفه ...

[الثويرات]

الساعه تجي لحاله دورها بتشاليح حق الاستعمال الياباني .


لاكن جرب وانت تمشي ابيك تضغط العود الي طالع من الساعه بس بشكل سريع شوي لعلها ان تنفع ويمشي العداد

[متعب الفرسان]

شف اجل انا مثلك مره الطبلون (( حق الكيلو بس )) وقف .. ومن حاله فجاء رجع يقراء وزي الحلاوه .
وانا سبق وسمعت بسالفه المكرات هذي والظاهر انه ما تسوى إلا بتبديل واحد كامل من التشليح ,,

والله يعينك او خله ,, اغلب الباترولات واقفه ...
مشكور اخوي قرم العيال على التعقيب والله لا يهينك ويعطيك العافيه وفعلا هو حلها يا تركب جديد يامن التشليح بس اخاف التشليح بعد ما تحصل فيه شئ نظيف لعبه فيه الشمس والغبار لانها كلها بلاستك وسهل تتلف بسرعه

[متعب الفرسان]

الساعه تجي لحاله دورها بتشاليح حق الاستعمال الياباني .


لاكن جرب وانت تمشي ابيك تضغط العود الي طالع من الساعه بس بشكل سريع شوي لعلها ان تنفع ويمشي العداد
مشكور اخوي الثويرات والمشكله السيارة في الورشة جالس اضبط المكينه بس قلت لعلي احصل حل مجرب وسهل وان شاء الله اجرب طريقتك وان شاء الله تضبط معي

[ابويعقوب4]

اخوي انت ساكن بالرياض شف ورشة الباترول تحصلها بالصناعيه القديمه متخصص باترول اسئل عن التنجيد حق العطاس جنبه بالضبط عند ورش البنز مرسدس

[متعب الفرسان]

والله يا ابو يعقوب انا من الغربية ماني من الرياض وتسلم على التعقيب انا ودي بورشة في الغربية مختصه في ها الامور وشكر لك

[ابراهيم الريس]

السلام عليكم أخي متعب
الله يعينك على البترول أنا عندي نفس المشكلة بس العداد مايعد بعد قال الكهربائي لابد من تغيير الطابلون وياويلنا من قطع نيسان قيمتة 3000 بس رحنا وطي وقلنا نشو ف التشليح وإلى الحين وخوك حايس مالقيت عموما شفلك كهربئي فهمان يمكن يتصلح أو لابد من واحد بديل

[متعب الفرسان]

مشكور اخوي ابراهيم الريس وفعلا نيسان قطعه غاليه الله يعين عليه وان شاء الله نحصل حل غير مكلف للمشكله وتحياتي لك