(ياشينه)<<<<رحلتنا الا النفود الكبير>>>>(من رحلة)

[عاشت القصيم]

بسم الله الرحمن الرحيم

والصلاة والسلام على اشرف الانبياء والمرسلين واما بعد...
هذة رحلتنا الا النفود الكبير .
طلعنا من الرياض ومعنا جدتي وثنين من الاخوان وثنين من عيال خالي والخال >>>(عميد الرحلة)<<<
واتجهنا الا منطقة القصيم نزلنا الوالدة في عنيزة وذهبنا للبدايع وبتنا ليلة في بيت خالت خوالي واخذنا احدى الشباب وهو مزبط الرحلة الا الفرش هو اللي جايبة وصلينا الفجر في البيت وتوكلنا على الله والساعة 12:30 وحنى في احدى منتزهات حايل وتغدينا وصلينا الظهر والعصر وتوكلنا على الله الا النفوود
الساعة (7) بالتمام وحنى هناك ونزبط المقلقل ونفرش السفرة وسمينا بالله الا ويجي ذااك الصوت واعتقد ان محد سمعة الا انا لاني كنت بعيد اغسل واروح وصبلي بيالت شاهي واتعوذ من بليس الا ويجي مرتن ثانية خاالي خمزلي قالي: كأننا ما سمعنا شيء يا ولد وتجي الثالثة والجميع يسمعة وقلنا يا خال مشينا لا انا منب متحرك ويفرش فراشة اخينا فالله وينام والخط مهب قريب تقول صوت شباب ولا كذا ويجي يقوم ولد خاالتي الكبير ويستقبل القبلة ويقول الله اكبر الله اكبر وقال رددوا وراي(اعوذ بكلمات الله التامات من شري ما خلق) وقام اخينا فالله تغطا ونام وقلت اجل وراه ما ننام معة وكان اخوي الصغير خايف قلت خلة يصير رجال وجاء اخوي الكبير وقاله تعال نم معي وولد خالي نام تحت رجول ابوه بس الحمدالله قمنا الصبح سالمين غانمين وعلى طول افطرنا وحركتنا لمكان حول الصمان ومرحنا هناك ويوم قمنا الصبح والا تجيك هاك العجة
ثمن رحنا للمطل اللي بالزلفي وتغدينا وتوكلنا على الله للبدايع اخذنا استراحة ومرحنا ومن بكرى حركت انا لبريدة لعيال عمي وخاالي اخذ الوالدة وتوكل على الله للرياض

واعتقد ان الرحلة كانت في عطلة الربيع (بين الترمين) لعام 1430
يعني قبل سنتين
والله الله بالردود



والسلام عليكم ورحمة الله وبركاته
ولعيونك كتبته لك يا محمد الظاهري

[-ظل الجزيرة-]

مشكووووووووور

[المشتاق 2009]

الله يعطيك العافيه

يعني الصوت جن ولا ايش


تحياتي لك

[المحترم أحمد]

ســــلـــمـــت ,,


عاد اما الزميل محمد الظاهري يستاهل لأنه معودنا دايم على السواليف الممتعة والمفيدة

[الرحال 2003]

[مشكور وماقصرت =المشتاق 2009;5791391]
الله يعطيك العافيه



يعني الصوت جن ولا ايش
مايدري لان خاله نام وخلاهم ثم ناموا هم



تحياتي لك
[/QUOTE]

[أسطورة زمانه]

والله الرحله لك عليه
مافيه متععه ماطعسوت ماانبستطتو عاديه
اخوي تقبل نقدي البناء انا صريح تقبل مني وشكرا

[أبو أمير]

وبتنا ليلة في بيت خالت خوالي واخذنا احدى الشباب

هذي أحلى جمله قريتها في السالفه
ههههههههههههههههههههههههههههههههههههه

بس حلوه احدى الشباب ههههههههههههههههه

[badr_1]

اهم شي ذكر الله ،،،،،،
وسلامات من السفر والرحلات

[ابو99]

ماعليش لا تزعل علي
1- يجب علي الا نسان معرفة الا صوات واعتقد الصوت اللي سمعتم صوت البوم دايم باليل يدوي
2- الشي الا خر مايطلع الا نسان للبر الا معه سلا ح مثل هالحال سم بالحمن واطلق بالهواء فوق لك طلقتين كل الي حولك يهجد ويخاف ورحله موفقه ثانيه تعاد كاشو عليك انت وخالككككككككككككككككككككككككك والسلام

[عاشت القصيم]

والله مادري هو صوت جن بووم

[هوايتي مكشات]

المفروض قبل نزل المكان تعوذ من بليس وتقراون الورد

[Al3rands]

الحمد لله على السلامه

[تفآؤل]

يعطيكم العآفية ..

والله يوفقكم .. ويسدد خطآكم ..

إلى التميز دومآ ..|~

[ريف نجد]

قصه حلوووه مرررررره هههههههه
لاتزعل ....
حايل ؟؟ثم الصمان؟؟ثم الزلفي والمطل ؟
وامرحتوا ليله ؟؟
ممكن تعيد القصه مرتبه ؟؟

[BO-SARA]

الحمد لله على السلامه

وما قصرت وبيض الله وجهك

[alrsash911]

أعتقد أن الصوت الي سمعتوا صوت (ثلاجة الشاي)

[عادل بن جابر]

هذي أحلى جمله قريتها في السالفه
ههههههههههههههههههههههههههههههههههههه

بس حلوه احدى الشباب ههههههههههههههههه




بدليـــــــــــــــات قــــــــــــويه :D:D:D:D:D

[على رمشي تمشي]

اخاف انه حصني يبي ياكلكم بس فككم الله
وماشاء الله عليكم راعين خطوط من حايل للصمان وبعدين للزلفي راعين مشواير والله
زين الحمد الله على سلامتكم

[YUKON_GMC]

ههههههه قصة محيوسه من اولها لاخرها وبادي بالقصه من قبل اسبوع والمكشات ليله وجنون وعج وبلاوي .. خخخ لاتجيب قصص مرة ثانيه ..

لا .. وبعد كاتب ( ياشينها من رحله ) اجل وشو له كاتبها لنا ..

والله شوف وبدون زعل اعتقد ان عمرك صغير والا كان ماجبت طاري جدتك بالقصه ..لأن الحريم ماله داعي ذكرهم في سوالف الرجال سواء كانت جده والا غيرها

[_Abu Omar]

قال صلى الله عليه وسلم: " من نزل منزلاً ثم قال: أعوذ بكلمات الله التامات من شرّ ما خلق؛ لم يضرّه شيء حتى يرتحل من منزله ذلك " الحديث صحيح..رواه مسلم..


بالتوفيـــــــــــــــــــق،،

[وله النفود]

والله سالفه تخوف بس عادي اهم شي رجعتو بسلامه

[غسلاوي]

الحمد لله على السلامة ..

رحتوا توسعون صدوركم وتروعتوا .. يالله خيرها في غيرها ان شاء الله ..

[المنتهي2000]

يعطيك العافيه

[بدنية2002]

حنا ما بهذلنا وكسر روسنا إلا التحطيم

الواحد ما يمديه يغلط إلا كل العالم ناقزين بحلقه ,, لين ما عاد يكون عنده جرأة يتكلم

عكس المصريين والفلسطينيين , يخلون الواحد يدرسع بالسوالف ويمدحونه ويشجعونه

ما يوصل عمره 10 إلا ما أحد يسد حلقه

على العموم أخوي الفكرة وصلت وبيض الله وجهك وبانتظار جديدك

[راشد الحربي]

رحلة محيوسة وفيها دش اكثر من اللازم ..

لكن ترا الا غير إلى .. وتحوس المعنى كثير ..!!

[دحمي رويبع]

شكرا لك ،،،،

[الصارم1]

وش السالفه

[ضاربن طريق]

الله يعطيك العافيه ياخوي
والله القصه حلوه ومغامرة جميلة

بس يالغالي لي كم ملاحظه على القصه الله يسعدك

اول شيء لازم تتنبه لــ الاملاء

يعني مثلا الا غير الى !
وفيه فرق بين ة ت !
اسماء النساء دائم ة مثلا نورة ... وبنسبة لــ ت تكون في الافعال مثلا ذهبت!

والفرق بين ه وا ة اذا تبي تفرق حط تنوين واذا زبطت يعني ة واذا لا يعني ه !!

هههههههه معليش ترى شرحي سريع ومن خلال معلوماتي العاديه

ثاني شيء لازم ترتب القصه! يعني تتنبه لمجريات القصه
وكل قصه لازم يكون لها بدايه ونهايه وتركيب مقدمتها ونهايتها !

ثالث شيء ترى البر فيه اصوات كثيره من حشرات ومن دواب يعني
ترى الامر عادي ياخوي واذا الانسان قايل ورده ترى مايجيه شيء باذن الله

رابع شيء كل الشكر لك على القصه الممتعه ولاتزعل مني والله يوفقك

[الطير الازرق]

والله انى انلخمت من رحلتكم هذى
#-طلعنا من الرياض ومعنا جدتي وثنين من الاخوان وثنين من عيال خالي والخال ..
( وين النفود الكبير ؟؟؟) مسافه صدق وطالعين من الرياض !!
#-واتجهنا الا منطقة القصيم نزلنا الوالدة في عنيزة وذهبنا للبدايع وبتنا ليلة في بيت خالت ( خالة ) خوالي واخذنا احدى ( احدى .. ماتجى قل---احد الشباب ) الشباب ..
#- وصلينا الفجر في البيت وتوكلنا على الله والساعة 12:30 وحنى في احدى منتزهات حايل وتغدينا وصلينا الظهر والعصر وتوكلنا على الله الا النفوود..
من النفود الكبيير الى الصمان..
وعلى طول افطرنا وحركتنا ( من النفود ) لمكان حول الصمان ومرحنا هناك ويوم قمنا الصبح والا تجيك هاك العجة ..
#- ثمن رحنا للمطل اللي بالزلفي وتغدينا وتوكلنا على الله للبدايع ( مرتين ) اخذنا استراحة ومرحنا ومن بكرى حركت انا لبريدة ( انت تقول طلعنا من الرياض ) لعيال عمي وخاالي اخذ الوالدة وتوكل على الله للرياض


اقول الله يعينكم
بس انتبه للإملاء تراه يغير معاني اشياء كثيره
صدق رحلة شينه ..
ابو حمد،،

[عاشق الكمب]

مشكووووووووور