مشكلة لمبة رفيق الدرب و مخرج الولاعه !

[كاكتور123]

السلام عليكم ورحمة الله وبركاته
الحمدلله اشتريت لمبة رفيق الدرب اللي تشتغل على ولاعة السيارة
والحق يقال اللمبه جدا رائعه مقارنة بسعرها واستهلاكها للطاقه


لكن المشكله هي كالتالي :-
مخرج الطاقه (الولاعه) ما يشتغل إلا إذا كان السويتش على وضع ACC ( طقه واحده ) ؟!
ما أدري هل في حل لهذي المشكله اللي بصراحه أعتبرها غبيه ؟
هل يضر البطاريه أو السويتش إنه يكون شغال لفتره طويله على هذا الوضع ؟
نوع السياره ماكسيما 2010
شكرا لكم مقدما

[ن م ر]

تقريباً كل السيارات اليابانيه ما يشتغل مخرج الولاعه الا والمفتاح بالسوتش على الوضع AAC
والحركه هذي لتأمين كهرباء السيارة والحفاظ عليه

لكن اذا اردت كهرباء على طول خذ من البطارية
لكن ينبغي تشغيل السيارة بعد ساعتين لتعويض الفاقد من الشحن

[كاكتور123]

مشكور اخوي علي ردك وتفاعلك لكن المشكله ان اللمبه ماتركب الا علي فتحة الولاعه مباشره!

[الربذي]

وعليكم السلام
اعتقد ان وضع الطقه ACماياخذ كهربا كثير المشكله لو لازم على الطقة الاخيرة
طيب انت تقول اللتيما اجل ماهي زر للتشغل ولا لا الا حقين الزر كيف تشتغل عندهم الولاعة..

[سارق الكحل]

شف يالغالي

انا معي مثل اللمبة ( رفيق الدرب )

وفيه محول في ساكو بس المشكلة انه غالي شوي :( وأفكر اشتريه سعره 560 ريال

المحول ذا تشحنه بالبيت ويخزن كهرباء ويمديك تشغل عليه أكثر من لمبه

جربه أحد الاخوان هنا وقال انها تظل فوق 14 ساعة شغل متواصله

اذا انت راعي كشتات انصحك ونفسي فيه :D :D

[ابوسعودد]

معليش اخوي كاكتور انا دخلت الموضوع على بالي هناك مشكله في لمبة رفيق الدرب ولكنك قمت بصياغة الموضوع بطريقه تشكك المكشاتيه ان هناك مشكله في لمبة رفيق الدرب

اما موضوع انها ماتشتغل الا اذا كان السويتش في وضع التشغيل فهذي ليست مشكله في اللمبه انما نظام في جميع السيارات
اجل ليش المكشاتيه يقومون بتمديدات مباشره من البطاريه للثلاجه والكنود واللمبات وغيرها , كله عشان ( كهرب قوي + عدم ارتباط تشغيلها في مفتاح السياره )
مشكلتك الاساسيه هي انك تبي لك ولاعه مباشره من البطاريه والحل راح يكون انك تشوف لك كهربائي يسوي لك ولاعه مباشره من البطاريه ويركب لك فيها فيوز .

اتمنى قبول مداخلتي ووجهة نظري اواتمنى اني اكون افدتك .

[دورانقو]

اغلب السيارات فيها اكثر من مدخل ولاعه الاساسي اللي علي الطبلون وثاني داخل الدرج واظن الثاني يشتغل علي طول بدون الحاجه لمفتاح السياره ارجو انك تجرب وتفيدنا

[ابوطلال2]

السلام عليكم
اخي الحبيب هذه مشكلة تتعلق بتصميم السيارة و المقصود الحفاظ على البطارية كي لا تنسى أي جهاز مشبوك على الولاعة و تترك السيارة و يستمر الجهاز في سحب الكهرباء فتفرغ البطارية
و بعض السيارات يتوفر فيها مخرج ولاعة لا تنقطع عنه الكهرباء حتى لو طفيت السيارة و سحبت المفتاح لكن لازم تكون حذر.
و يمكنك تركيب مخرج ولاعة مباشر مربوط على البطارية و ننصح باستخدام واير قوي على الأقل 2.5 ملم و فيوز 15 امبير و قرب الفيوز من البطارية قدر الإمكان لمزيد من الحماية
مدير مؤسسة رفيق الدرب - ابو طلال

[البرتقالي]

عليكم السلام
اخوي عند السنيدي وغيره من محلات الرحلات توصيلة بعشرة الى خمسطعش ريال
تركب بالسلك اللي يركب بالولاعة والمخرج الثاني يكون ملاقط مثل حق الاشتراك
تشغله على البطارية مباشرة بدون وجع راس

موفق للخير

[البرتقالي]

http://www.mekshat.com/pix/upload03/images140/mk23101_1.jpg


صورة ملطوشه من موضوع للعضو صليب الراي جزاه الله خير :)

[fahad86]

اخوي مر محلهم بالرياض ويغيرون لك السلك بدال الولاعه تصير علي البظاريه مباشره

[عاشق السيل]

وليش التعب هذا كله ؟؟؟؟

وحدة من ثنتين إما إنك تشتري التوصيلة اللي قالوها الشباب ،، أو إنك تقص السلك وتركب قضابات وتصير على البطارية مباشرة !!!

على فكرة اليوم مريت البرية بسأل عن لمبة رفيق الدرب لقيتهم مسوين وحدة خاصة بالبرية وفيها اختيارين تبيها على الولاعة وإلا البطارية مباشرة وسعرها 35 ريال فقططططططططططططططط !!!!!