طريقة اعادة برمجة كمبيوتر السيارة ريست

[مكشاتي 505]

بما ان الكثير يقول فصلت البطارية عشان يتبرمج الكمبيوتر ومافيه فايده اليكم

طريقة اعادة برمجة كمبيوتر السيارة كالتالي :
1= افتح السويتش بوضع ON يعني انوار الطبلون مولعه:s
2= افصل اصبع البطارية السالب
3= طلع المفتاح من السويتش;)
4=بعد 5 الى 10 دقائق ركب اصبع البطارية السالب
5= سم بالله وشغل السيارة

تكون كذا تمت البرمجة بطريقة صحيحه بأذن الله


تمنياتي للجميع بالتوفيق

[ابويزيد1]

مشكور اخوي على الطريقة وبيض الله وجهك
بس سوأل هل هي لجميع السيارات او نوع واحد

[moooj]

مشكور-وما-قصرت
تتوقع-على-جميع-انواع-السيارات-او-ماركة-معينة؟

[الباحث_6610]

ياخوي وش السيارة اللي تصلح عليها وشكرررررا

[اسير العيص]

مالهدف من تلك الطريقه وهل لها مشاكل

[مكشاتي 505]

اعتذر لتأخري بالرد
الطريقة لجميع انواع السيارات وتختلف مدة الفصل فقط واغلبها تكون 10 دقائق
لا تسبب اي مشاكل
اتصل علي مره مكانيكي سارات وقالي عنده فورد ماشتغل بعد ماركبو قير وحاولو مافيه فائده وقال تجي تبرمج مفتاحه
قلت اول شئ فك البطارية والسوتش فاتح وانا جائك بالطريق وصلت ركب البطاريه شغلت وانتهى الموضوع
واحد غير بطارية وندستار وصارت السيارة ماتعشق وقالي افحصه فحصت بالجهاز وبرمجة وانتهت مشكلته طبعا بالطريقة اللي فوق تؤدي نفس الغرض

هناك انواع من السيارات مع الامطار او فصل اسلاك حساسات ويلعب فيها بعض المكانكين المتعلمين يتسجل بالكمبيوتر انه الحساس عطلان او القطعة اللي انفصل سلكها ويصير خلل بالسيارة وحلها بالطريقة السابقة

[abc-00-abc]

بارك الله فيك

سؤال
اذا اعدت تركيب السلك السالب للبطارية هل يكون المفتاح على وضع التشغيل

[المنتهي2000]

الله يجزاك خير على المعلومات

[paper]

مشكور على المعلومة
.......................

[الخيمة والذرا]

بيض الله وجهك

[jed_sir]

سيارتي جمس يوكن 2004 وارد
جربت الطريقه ( لاكثر من 10 دقايق )بس ما فرق شي عن فصل صباع البطاريه بدون فتح السويتش

[هوايتي مكشات]

الله يعطيك العافية ياغااااااالي

[alimuhammed]

بارك الله فيك

[alimuhammed]

بما ان الكثير يقول فصلت البطارية عشان يتبرمج الكمبيوتر ومافيه فايده اليكم

طريقة اعادة برمجة كمبيوتر السيارة كالتالي :
1= افتح السويتش بوضع ON يعني انوار الطبلون مولعه:s
2= افصل اصبع البطارية السالب
3= طلع المفتاح من السويتش;)
4=بعد 5 الى 10 دقائق ركب اصبع البطارية السالب
5= سم بالله وشغل السيارة

تكون كذا تمت البرمجة بطريقة صحيحه بأذن الله


تمنياتي للجميع بالتوفيق


بارك الله فيك

سؤال
اذا اعدت تركيب السلك السالب للبطارية هل يكون المفتاح على وضع التشغيل

اذا اخرجت المفتاح فلا تعد ترجعه الا بعد شبك السالب

[خليفه-1911]

لو سمحت اخوي انا عندي زد وبدلت

الكلتش وبعدين حاولت اشغل السياره مشتغلت

الكهرب ميوصل وجاني واحد يبرمج مفاتيح قالي في

خلل فالكمبيوتر او شريحة المفتااح حاول يبرمج ومضبطت

تنصحني اسوي الحركه الي قلت عنها مع اني بدلت طرمبة البنزيل

وشيكنا ع الكهرب ميوصل طلعنا البوجي شراره وحده من اول دقة سلف

بعدين ميوصل الكهرب ارجو الافاادهـ وشكرآآ

[1GL1000]

السلام عليكم ورحمة الله وبركاته

أخي الطيب .... لدي مشكلة بالجمس شفر صالون 1500 موديل 2003
الصبح فقط عند تشغيل السيارة اسمع صوت طرقعة بالشكمان الخلفي وتكتيمة خفيفة وبعدها تولع لمبة فحص الماكينة ..

كل هذه المشاكل فقط والسيارة باردة .. بعد ماتحمى السيارة وتمشي بخمس دقائق تروح وتختفي التكتيمة ولمبة ( فحص الماكينة )

رحت للعليمية بالصناعية واللمبة والعه وفحصوها بالكمبيوتر وقالوا (miss fire) وطلبوا تغيير البواجي علما بأن البواجي جديده وبيضاء ونلمع .. ولا نفع .. رجعوا قالوا تنظيف بخاخات وبوابة البنزيز ... وطرمبة التانكي

بيني وبينك خفت اسويها واورط ولا يطلع منها الاالخساير

نصيحتك اخي الكريم ..... عاجل في انتظار الرد ... تخبر الجو شتاء والمشكلة تتكرر صباحا ومسا ء مع برودة المحرك

[1GL1000]

للرفع..............

[البناوي 12]

مشكور وبارك الله فيك على المعلومه الطيبه والمفيده .......

[أبوسعد111]

بارك الله فيك
وزادك علماً نافعاً وعملاً صالحاً

[talal69]

السلام عليكم ورحمة الله وبركاته
اخوي سوية الطريقه بس من افصل السالب السويتش ما يطلع من مكانه
وش السواة

[الحازمي com]

طريقه هاذي دايما اسويها في الجمس 99 كل فتره اذا صار القير يتأخر في تعشيق افصل اصبع البطارية السالب 10 دقايق و يزبط القير يرجع تعشيقه طبيعي كأني موضبه