............. وتتوالى انسحابات ملاك الابل من ام رقيبه .............

[راعي طلاع]

في تصريح اعلن عن طريق قناة الساحه

عن اعلان ثلاب بن سعيد السبيعي الانسحاب

من مزاين ام رقيبه مع احترامه وتقديره لراعي

الجائزه وجميع المشاركين علما ان ثلاب مشارك


في فئة 100 مغاتير الخبر في قناة الساحه

[محمد العوني]

هناك خلل في ام رقيبه ..

كل الي انسحبو مشهود لهم بالخير والرزانه ما انسحبو الا من شي دبل كبودهم ..

عسى الله يستر عليهم

[أبو سولاف]

هههههه
الله يستر وش العلم الناس قامت تنسحب !؟

[ذيبان الخرج]

هناك خلل في ام رقيبه ..

كل الي انسحبو مشهود لهم بالخير والرزانه ما انسحبو الا من شي دبل كبودهم ..

عسى الله يستر عليهم
صحيح صحيح صحيح

[الرويضة اون لاين]

اتوقع اللجنة ماهيب مضبووطة والعلم عند الله

[هواوي ملهم]

ماهو السبب في انسحابه؟

[أبو البرنس]

ياإخوان ان بعض الظن إثم لا تحملون ذممكم شي ماتدرون اسبابه ومسبباته.
ننتظر حتى نسمع تصريح المنسحبين والقائمين على أم رقيبة

[الــحـاكــمــ]

متى نفتك من أم رقيبه


الشعير وصل حد لا يطاق ولا عاد يقدر عليه ذوي الدخل المحدود

[الزمان مغبرنا]

يا الرجاجيل انتم خلوكم من ان سحاب الناس من ام رقيبه وفكرو في الشعير اللي الله اعلم من المتسبب بارتفاعه لان ذوي الدخل المحدود خلاص ما عاد يقدرون يشترونه لانه غالي عليهم وتدرون ان الرودس اللفه الكبيره كم وصلت الحين كنت اشتريها ب 80 ريال والحين 150 ريال يعني صدق مهزله في الاسعار يعني شوفولنا حل يا الرجاجيل ...

[وليم]

مالومهم يوم ينسحبون والظفره تعطي ملايين وم ارقيبه جائزتهم سياره وعطني بعيرك

[راعي طلاع]

مالومهم يوم ينسحبون والظفره تعطي ملايين وم ارقيبه جائزتهم سياره وعطني بعيرك
كلام سليم يجب النظر في جوائز ام رقيبه..............

[fusfus]

الإ ام رقيبه كلها مالها داعي مهايط وبذخ زايد اللي يبي الخير يروح يبني له مسجد ويلقاه محفوظ له في يوم لا ينفع فيه مال ولا بنون الا من اتى الله بقلب سليم نسأل الله السلامه

[هوايتي مكشات]

غريبه كل شوي منسحب وش السبب

[بازار شريف]

ثلاب مرشح قوي وانسحابه اكيد لشي

[ابوساعد]

السلام عليكم ورحمة الله وبركاته،،،،

في الحقيقة أنني من مؤيدي مسابقات الإبل لوجود إيجابيات كثيرة تعود على ملاك الإبل بالفائدة ،

ولكن الشئ الذي أتمنى زواله هو عملية المفاخرة العلنية والرقص أمام الإبل والمسيرة وجمع الصغار والكبار والتراقص قدام البل في منظر لا يخلو من الطرافة والغرابةكما أنه من وجهة نظري منظر غير حضاري يقود النشأ إلى الفوضى والتفاخر الممقوت ويبعدهم عن الفهم الصحيح لمحتوى التنافس الشريف وأحترام المتنافسين كما أن وضع الذهب كقلادة لبعض النوق فيه جرح لمشاعر الفقراء وعدم إحترام للنعمة،
(أقول هذا الكلام وأنا راعي إبل ابا وجد وأعرف غلاوتها ولكن ليس بهذا الشكل )

كذلك يجب عمل مسابقة للأكثر حليباً كما هو حاصل في أبوظبي ، ومن فوائدها التشجيع على شرب الحليب لما له من فوائد على الصحة ويتم الإستفادة من الحليب الذي يحلب أثناء المسابقة لصالح الفقراء والمحتاجين عن طريق الجمعيات الخيرية ، ولكي يبارك الله لنا في هذه الثروة ، ويرزقنا من واسع فضلة ،،،،

[قزيزالنعام]

بخصوص كيف يعرفون عن المراكز

يقولون الا صاحب النخبه واول وثاني اجلس لا تشد

كي تعرض ابلك قبل الحفل تدخل الشبك ويدخل عليها الجمهور للعرض المجهور وبوابه وتذكره مية اريال

وثلاب علم في هذا شي علاشان مقالو له اجلس مع ثلاثه الاوائل 000 وثلاب بن سعيد السبيعي من المرافقين الخاصين للامير مشعل ونسحابه مهو بسيط على المهرجان

[ماتت الفرحه]

<< لا يخلو من الطرافة والغرابة
^
^
>> بس زودها ( طرافه , غرابه , ســـــذاجـــــــــه )
يعني وصلت الى درجه

>>شي لا يوصف << انكـ تشوفهم يناقزون ويطامرون قدام الابل >>

شيبان وشباب واطفال

والعتب على الشيبان >>


الحمد لله والشكر

تحياتي

[قزيزالنعام]

<< لا يخلو من الطرافة والغرابة
^
^
>> بس زودها ( طرافه , غرابه , ســـــذاجـــــــــه )
يعني وصلت الى درجه

>>شي لا يوصف << انكـ تشوفهم يناقزون ويطامرون قدام الابل >>

شيبان وشباب واطفال

والعتب على الشيبان >>


الحمد لله والشكر

تحياتي
مرحبا اخوي خلهم يطامرون عند حلالهم وفيه ناس تطامر عند كوره

[القويطير]

فيه مشكله في اللجنه الله العالم

[بن حاضر]

ياليت يلغون ام رقيبه كلها ونرتاح من هالمزاين اللي ما وراه إلا الذنوب ..

لا حول ولا قوة الا بالله ،، استغفر الله واتوب اليه ..

[الواااااااافي]

ياشباب ليش تحطون اللوم على اللجنه ثلاب وهيف سبب انسحابهم انهم عرفوا انهم ماراحوايأخذوا النخبه ولا المركز الأول ولا الثاني علشان كذا انسحبوا وبعدين اللجنة مسؤلون عنها ناس يخافون الله
بالنسبه لي لو تلغى هاذي المزاين يكون أزين ماجاء منها الا عوار الرأس والعنصرية والأسراف في النعم وبعدين انا اقول للي يشترون الأبل بالملاين ان يتذكروا ان لهم اخوان مايلقون اللي يأكلونه

[راعي طلاع]

مشكورين عالمرور وسبب الانسحابات واضحه ان اللجنه غير كفؤ.......

[القطاوي490]

لاحول ولاقوة الا بالله

[رادار قديم]

أبل يلبسونها ذهب !!!

أذا صدقت هذه المعلومه ... ما قول ألا الله يخلف

أمة ضحكت من جهلها الأممـ

[النتاوي]

الله اعلم .. ؟؟؟!!!

[وبل الامطار]

أبل يلبسونها ذهب !!!

أذا صدقت هذه المعلومه ... ما قول ألا الله يخلف

أمة ضحكت من جهلها الأممـ
ابل يلبسونها الذهب لاتستبعد وانا اخوك
بعد الاسعار اللي شفتها لاكن الابل تستاهل
وهي غالية لاكن ماهي لدرجة ذهب وخرابيط
حريم
انا ماريفع ضغطي المهايط انا قريت مقال
اعجبني في الجريدة عنوانه مدينة المهايط
يقصد ام رقيبة اخ ياعهد الدولة الاالعباسية والاموية وعهد عمربن عبدالعزيز كان لايوجد فقراء لان الصدقة جارية من بيت
مال المسلمين زمان المسلمين قلوبهم على
بعض ورحماء مع بعضهم لاكن الوقت الحالي اجلس مع ناس من تجار الابل وتجار الاسهم وشوف الكره بينهم والمسبة فلان مافية خير
ماضرب من بعيري وفلان وين عرف الابل
هذا راعي بقر وفلان وعلان ان جلست وتاكد
واغلبهم على هلحال الامن رحم الله نحن نحترم جائزة الملك لاكن في السنوات الاخيرة اثارت العنصرية بشكل كبير نتمنى
انهم يلغونها وفي بعض الناس قالو انهم سيضعون مزاين مناطق لاكن اتمنى انهم
يلغونها ولايحطون مزاين حتى فيه مزاين للغنم حطوه اتمنى انهم يلغونها الله يعلم بكره
ويش يحطون مزاين دجاج يامسلمين ارتفعو
عن الاسراف والتبذير الغرب يتنافسون باصواريخ والقنابل الفسفورية والقنابل الذرية وانتم باقين تعيشون في الماضي وقصايد من اساطير الاولين حنا وحنا من لابة مامثلها يامسلمين تكاتفو وتراحمو والله
النظر والفخر في الماضي عمره ماراح
يقدمنا
كل واحد يحس في اخوانه المسلمين الفقراء
اللي يعانون من غلاء الاسعار الشعير والطماط وازيد على ذلك البيبسي والمطر انحبس والجفاف ضربنا بقوه حتى الرمث
ماعاد نشوفة بكثره في منطقتنا الله يلطف
بحالنا ويدخلنا جنات النعيم

[توتاري]

^^^^^^^^^
100% كلام سليم

[عطيب الشوق]

جعلهم ينسحبون كلهم ولا يبقى منهم احد مما نشوف من تبذير ومهايط وتصرفات ما ادري منين جات لنا الموتر لاندكروزر اخر مديل والسواق سرواله اصفر من القلح وبهايم ربي ماتدري وش السالفه من الصياح والمطامر خراااااااااط فاضي

[الصيهد.......]

والله اني اتمنى انها تلغى او تكون كل ثلاث سنوات تقام
وتكون الجوائز بسيطه مثل درع وشهاده
وتلغى هالمباهات بالملايين والسيارت الي كسرت قلوب الضعوف
الناس ملت من الديون والدنيا غلا في غلا وبزود
فيه ناس معاد تشتري الادجاج من غلا الغنم
وهم الحواشي الذبايح في الهواء
مع بدايه البرد رحت ادور حطب ومريت شقراء يمكن ارخص من الرياض
لقيت جمس احمر قلت بكم قال 2000 قلت كم حدك 2500 والكوم على 1000
غبني التسعير بالمزاج عنده !!!!رحت المجمعه نفس الطينه ددسن ب1200
رجعت الرياض وشدني الأثل الي عند بنبان شكلى بعدل من السمر له
الناس ماتقدر تحرك الا بقرض هالوقت
تبي ارض... عمار .....بيت ......سياره ...حتى بيسافر بعياله لابد قرضا
باقي جوال الايفون يبيله بعد قرض
لله يعينا على هالدنيا بخير

[مخاوي النادر]

والله اني اتمنى انها تلغى او تكون كل ثلاث سنوات تقام

وتكون الجوائز بسيطه مثل درع وشهاده
وتلغى هالمباهات بالملايين والسيارت الي كسرت قلوب الضعوف
الناس ملت من الديون والدنيا غلا في غلا وبزود
فيه ناس معاد تشتري الادجاج من غلا الغنم
وهم الحواشي الذبايح في الهواء
مع بدايه البرد رحت ادور حطب ومريت شقراء يمكن ارخص من الرياض
لقيت جمس احمر قلت بكم قال 2000 قلت كم حدك 2500 والكوم على 1000
غبني التسعير بالمزاج عنده !!!!رحت المجمعه نفس الطينه ددسن ب1200
رجعت الرياض وشدني الأثل الي عند بنبان شكلى بعدل من السمر له
الناس ماتقدر تحرك الا بقرض هالوقت
تبي ارض... عمار .....بيت ......سياره ...حتى بيسافر بعياله لابد قرضا
باقي جوال الايفون يبيله بعد قرض

لله يعينا على هالدنيا بخير



الله يرحمنا برحمة

[توفيق البلوي]

اتوقع اللجنة ماهيب مضبووطة والعلم عند الله
اي مضبوطه الله يرحم والديني ووالديك

والملايين رايحه جايه قدامهم :D

[راعي المقانيص]

اسئل الله تعالى بزوال مسابقة ام رقيبة ومزايين الابل وتكون من الاساطير القديمة

ما استفدنا منها الا العنصرية القبيلة وارتفاع اسعار الحلال واهل الحلال الي دخلهم محدود عافوا حلالهم بسبب ارتفاع اسعار الشعير

الي حاصل يا اخوان وطبعا من مصادر مطلعه في ام رقيبة ان العلم الاكيد صار فيه حارش ومارش وقامت المخابي تطلب وتطلب

واللبيب بالاشارة يفهم ماعاد اقدر اوضح اكثر من كذا

[binamerah]

الابل للركوب والاكل اما مزاين والله مادري وش الفايدة المرجوة من وراها

[مولع بالطير]

لا قوي ولاهم يحزنون والقوي الله عسي الله يفقرهم زي مابذخو بالنعمه الناقه صارت بقيمت ديت قبيله ولو يجيهم احد يطلبهم العون ماعطووه الدعوه صارت اخبال زايد لي متي هل التخلف . تقبل مروري

[الكليلي]

ياجماعة الخيرهذاتبذيرواسراف والله ماانقطع المطرالابسبب هالاشكال هذي ملايين تدفع في بهايم وناس مالقويصرفون على عيالهم والله يابيجي يوم يندمون على هالنعمه والحمدلله

[عيون الغالي]

صارت لعبه ام رقيبه يدخل ثم ينسحب لماذا ما يكون هناك لجنه للمنسحبين ويجيبونهم على التلفزويون ويقول الى عنده وش الى خلاه ينسحب عشان الناس تدري بل الاسباب ويكون فيها شوي رد للحقوق ما ندري من بكره بينسحب ,,,,

[tammam]

السلام عليكم ورحمة الله وبركاته،،،،

في الحقيقة أنني من مؤيدي مسابقات الإبل لوجود إيجابيات كثيرة تعود على ملاك الإبل بالفائدة ،

ولكن الشئ الذي أتمنى زواله هو عملية المفاخرة العلنية والرقص أمام الإبل والمسيرة وجمع الصغار والكبار والتراقص قدام البل في منظر لا يخلو من الطرافة والغرابةكما أنه من وجهة نظري منظر غير حضاري يقود النشأ إلى الفوضى والتفاخر الممقوت ويبعدهم عن الفهم الصحيح لمحتوى التنافس الشريف وأحترام المتنافسين كما أن وضع الذهب كقلادة لبعض النوق فيه جرح لمشاعر الفقراء وعدم إحترام للنعمة،
(أقول هذا الكلام وأنا راعي إبل ابا وجد وأعرف غلاوتها ولكن ليس بهذا الشكل )

كذلك يجب عمل مسابقة للأكثر حليباً كما هو حاصل في أبوظبي ، ومن فوائدها التشجيع على شرب الحليب لما له من فوائد على الصحة ويتم الإستفادة من الحليب الذي يحلب أثناء المسابقة لصالح الفقراء والمحتاجين عن طريق الجمعيات الخيرية ، ولكي يبارك الله لنا في هذه الثروة ، ويرزقنا من واسع فضلة ،،،،


لا فض فوك هذا كلام العقل

[tammam]

ياجماعة الخيرهذاتبذيرواسراف والله ماانقطع المطرالابسبب هالاشكال هذي ملايين تدفع في بهايم وناس مالقويصرفون على عيالهم والله يابيجي يوم يندمون على هالنعمه والحمدلله

هذه االاسطوانه المشروخة ممقوته الفقراء . . الفقراء...ماانقطع المطرالابسبب هالاشكال.....ماانقطع المطرالابسبب هالاشكال.... ان كنت من الفقراء رح للجمعية وان كنت من الاغنياء هم رح للجمعبة وعطهم مما اعطاك الله وان كنت لا في العير ولا في النفير امامك واحد من حلين يارجال دور لك مسجد واجلس تعبد فيه ابرك لك او انك اضرب في مناكبها وتسبب لعل الله ىيرزقك وتكون من الاغنياء ونفتك من رغائك الذي كرغاء الجمل الفحل ! . يا اخي بارك الله فيك الغنى والفقر من الله هو الرزاق والمطر ما للعباد يد في نزوله وانحباسه كل شي بتقدير العزيز الحكيم وهو يغيث البر والفاجر ويرزق البر والفاجر وخلوكم من كثر التنطع انا انصحك وانا والله احوج منك للنصيحة عسى الله يرحم الحال . !

[أبو مالك ibb]

ابل يلبسونها الذهب لاتستبعد وانا اخوك

بعد الاسعار اللي شفتها لاكن الابل تستاهل
وهي غالية لاكن ماهي لدرجة ذهب وخرابيط
حريم
انا ماريفع ضغطي المهايط انا قريت مقال
اعجبني في الجريدة عنوانه مدينة المهايط
يقصد ام رقيبة اخ ياعهد الدولة الاالعباسية والاموية وعهد عمربن عبدالعزيز كان لايوجد فقراء لان الصدقة جارية من بيت
مال المسلمين زمان المسلمين قلوبهم على
بعض ورحماء مع بعضهم لاكن الوقت الحالي اجلس مع ناس من تجار الابل وتجار الاسهم وشوف الكره بينهم والمسبة فلان مافية خير
ماضرب من بعيري وفلان وين عرف الابل
هذا راعي بقر وفلان وعلان ان جلست وتاكد
واغلبهم على هلحال الامن رحم الله نحن نحترم جائزة الملك لاكن في السنوات الاخيرة اثارت العنصرية بشكل كبير نتمنى
انهم يلغونها وفي بعض الناس قالو انهم سيضعون مزاين مناطق لاكن اتمنى انهم
يلغونها ولايحطون مزاين حتى فيه مزاين للغنم حطوه اتمنى انهم يلغونها الله يعلم بكره
ويش يحطون مزاين دجاج يامسلمين ارتفعو
عن الاسراف والتبذير الغرب يتنافسون باصواريخ والقنابل الفسفورية والقنابل الذرية وانتم باقين تعيشون في الماضي وقصايد من اساطير الاولين حنا وحنا من لابة مامثلها يامسلمين تكاتفو وتراحمو والله
النظر والفخر في الماضي عمره ماراح
يقدمنا
كل واحد يحس في اخوانه المسلمين الفقراء
اللي يعانون من غلاء الاسعار الشعير والطماط وازيد على ذلك البيبسي والمطر انحبس والجفاف ضربنا بقوه حتى الرمث
ماعاد نشوفة بكثره في منطقتنا الله يلطف
بحالنا ويدخلنا جنات النعيم

:good2::good2:

[tammam]

مع بدايه البرد رحت ادور حطب ومريت شقراء يمكن ارخص من الرياض
لقيت جمس احمر قلت بكم قال 2000 قلت كم حدك 2500 والكوم على 1000
غبني التسعير بالمزاج عنده !!!!رحت المجمعه نفس الطينه ددسن ب1200
رجعت الرياض وشدني الأثل الي عند بنبان شكلى بعدل من السمر له
الناس ماتقدر تحرك الا بقرض هالوقت
تبي ارض... عمار .....بيت ......سياره ...حتى بيسافر بعياله لابد قرضا
باقي جوال الايفون يبيله بعد قرض
لله يعينا على هالدنيا بخير


ما عليك تبكي ولا لك دموع يا الصيهد ! ما يجوز العيد بليا حنا ! ويش لك وذاك يا بوذاك ! اترك عنك السمر والغضا والاثل . تنكة ديزل او كيروسين مع دفاية قاز تظهرك من الشتاء هذا ان كان مقصودك الدفى .

[ملك الفكتوريا]

الحين وش المعنى فجأة واحد طفران صاير فجأة معه ملايين وسالفة بييع الأبل في الواجهة ولكن ما خلف الستار أعظم وأتعجب أنها مشت عليكم


الدعوة واضحة ما هي إبل ولا شئ الدعوة بيع **** فقط وبعديين ما ودي أذكر أسماء لكن اصحوا

[ملك الفكتوريا]

وعلى فكرة اللي قال لي واحد عمه مشارك بالمزاين هذي


ولا أحد يزعل

[باجيرو2001]

لاحول ولا قوة الا بالله

[ابوفهد06]

ماقول الى الله يفكنا من ام رقيبه والبذخ الزياد في ام رقيبه ياخوان والله شي يشيب منه الشعر واحد من اخوينا راح الى ام رقيبه في الليل وغرزت فيهم السياره نزلومن السياره وكانت الفجعه انهم مغرزين على كوم راز والعياذ بالله ياخي يمكن يكون سبب عدم نزول الامطار البذخ الزايد في ام رقيبه شف قناة الساحه والتحديات في العزيم والمهايط

[راجي الكريم]

كل واحد من حقه يدلي برأيه لكن الجميع محاسب على كل كلمة يقولها فياليت الاخوان اللي يشككون في الذمم يخافون الله ولا يدخاون في نوايا الناس ويتهمونهم
أما رأيي وأنا من محبي البل وملاكها إن المهرجان فيه مباهاة وإسراف ودعوة مبطنة للعصبية وكله كوم واللي يطامرون قدام المسيرة كوم

[tammam]

الحين وش المعنى فجأة واحد طفران صاير فجأة معه ملايين وسالفة بييع الأبل في الواجهة ولكن ما خلف الستار أعظم وأتعجب أنها مشت عليكم


الدعوة واضحة ما هي إبل ولا شئ الدعوة بيع **** فقط وبعديين ما ودي أذكر أسماء لكن اصحوا
والله ما عندك وانا اخوك ما عند ام جعد !

[ابوفهد06]

اخوي ملك الفكتوريا والله انك صادق اخوي tammam مايمدح البحر الى من كسب فيه وام الرقيبه والله اعلم سبب بعدم نزول الامطار على المسلمين بس مانقول شي غير الله يفكنا منه ومن شره

[المهمري]

قال تعالى(واذا اردنا ان نهلك قرية امرنا مترفيها ففسقوا فيها فحق عليها القول فدمرناها تدميرا)
اللهم ارحمنا برحمتك ولا تؤاخذنا بما فعل السفهاء منا

[المهمري]

لاحول ولا قوة الابالله
من يوم نشط مزاين ام رقيبة له 6 أو5سنين والمطر معدوم او نادر
اللهم اغثنا اللهم اغثنا اللهم اغثنا

[_دربيل_999]

شيء معروف سبب انسحاب ملاك الإبل..
قلة الأمانة والإنصاف..
وكثرة النفاق في اللجنة عند البعض..
وسيطرة المحسوبية..
وضبابية المناقسة الشريفة..

هذا والله أعلم..

[راعي طلاع]

مرحبا ومسهلا بجميع من مر من دون تخصيص الموضوع اللي كتبته

واضح من عنوانه عن انسحاب المشاركه تكون للتوضيح او لاسباب

الانسحاب او التكلم عن عدم مشاركات بعض الاسماء بكل موضوعيه

وعدم انحياز لكن من ناحية التبذير واسباب انحسار المطر فهذي علمها

عند الله لا عندي ولا عندكم ان كان جات على الذنوب والمعاصي فالله

يرحمنا برحمته نعرف شباب يجمع ويرفع من ذا الراتب عشان يسافر

شهر الى الخارج وش يسوي يروح هناك يتعبد مثلا فيه ذنوب ومعاصي

نشوفها يوميا ونعتبرها زلة شباب وهذولا يوم شرو بحلالهم قمنا نقول

ونحط ونزيد الدراهم وفلوسهم شرو ابل ما شرو شي محرم علومهم كفو

يقيمون الصلاه ويتنافسون يكرمون ضيفهم ويعطون ماهوب شرط اذا اعطو

انكم لازم تدرون عالعموم اشوف ان الواحد ما يتدخل في الشي اللي ما

يعنيه بعدين اشوف الاغلبيه كاره ام رقيبه واتعجب يوم انك تروح وتزورها

ليه تروح دامك محتج عليها اقعد في شحم وخلهم في شحم وشكرا للجميع

على المرور دون استثناء....................

[حفراوي 190]

من جتنا ام رقيبه ماعينا الخير حتى الامطار حبست وماتت الارض وتصدعت والله انها تصدعت ياجماعه والله اعلم يبي يجينا شين اكبر ان استمرت عسى الله ان يبرم لنا امر خير من عنده .

[راعي مرزوقه]

مااقول الا الحمدالله رب العالمين الله يخلف سعربعض النياق يساوي دية اربعين رجال

[امير الامراء]

هاذولا مفتونين بالابل ماهو عيب بالعكس علوم رجال ولاكن وش ها لغلا فيها والله اسعار ولا في الخيال
وبنسبه لنسحابه علشان حس انه بيخسر قال خلني اطلع ابرك لي ولا يطيح سوقه بهاذي الطريقه

[nayf01]

بذخ/ انفاق اموال طائلة ريا/
الله لايوخذنا بما فعل السفها منا

اذا المسولين عن الجائزة يريدون خير لملاك الابل
عليهم توفيرالاعلاف بالسعار مناسبة
ويوفرون رعاية صحية للابل في اماكن تربيتها
ويوفرون ابار الرتوازية لسقي الابل في اماكن تربيتها


اما ما نشاهده الان من هدر الاموال فوالله اننا نخاف من قارعة قد تحل بالجميع
والدليل ان القطر ارتفع عن الارض
وكثر الغبار
وغليت الاعلاف
وارتفعت الاسعار
وهذ موشر (ذنوب العباد) ولايرتفع الا بتوبه .

[رعد تميم]

مدام ام رقيبة فيه لاترجون من الله مطر

[alrsash911]

ابل يلبسونها الذهب لاتستبعد وانا اخوك
بعد الاسعار اللي شفتها لاكن الابل تستاهل
وهي غالية لاكن ماهي لدرجة ذهب وخرابيط
حريم
انا ماريفع ضغطي المهايط انا قريت مقال
اعجبني في الجريدة عنوانه مدينة المهايط
يقصد ام رقيبة اخ ياعهد الدولة الاالعباسية والاموية وعهد عمربن عبدالعزيز كان لايوجد فقراء لان الصدقة جارية من بيت
مال المسلمين زمان المسلمين قلوبهم على
بعض ورحماء مع بعضهم لاكن الوقت الحالي اجلس مع ناس من تجار الابل وتجار الاسهم وشوف الكره بينهم والمسبة فلان مافية خير
ماضرب من بعيري وفلان وين عرف الابل
هذا راعي بقر وفلان وعلان ان جلست وتاكد
واغلبهم على هلحال الامن رحم الله نحن نحترم جائزة الملك لاكن في السنوات الاخيرة اثارت العنصرية بشكل كبير نتمنى
انهم يلغونها وفي بعض الناس قالو انهم سيضعون مزاين مناطق لاكن اتمنى انهم
يلغونها ولايحطون مزاين حتى فيه مزاين للغنم حطوه اتمنى انهم يلغونها الله يعلم بكره
ويش يحطون مزاين دجاج يامسلمين ارتفعو
عن الاسراف والتبذير الغرب يتنافسون باصواريخ والقنابل الفسفورية والقنابل الذرية وانتم باقين تعيشون في الماضي وقصايد من اساطير الاولين حنا وحنا من لابة مامثلها يامسلمين تكاتفو وتراحمو والله
النظر والفخر في الماضي عمره ماراح
يقدمنا
كل واحد يحس في اخوانه المسلمين الفقراء
اللي يعانون من غلاء الاسعار الشعير والطماط وازيد على ذلك البيبسي والمطر انحبس والجفاف ضربنا بقوه حتى الرمث
ماعاد نشوفة بكثره في منطقتنا الله يلطف
بحالنا ويدخلنا جنات النعيم


كلام سليم .. لقد شخصت الواقع .. بكرى بيوصل سعر الدجاج المزاين بالعلالي ربو دجاج ينفع باليوم الأسود

[الكمبيوتر]

الانسحابات بدت

اولهم هيف بن عبود ومن بعده توالت الانسحابات

لان فيه ناس تريد النخبه والمركز الاول ولو بالملايين

واللجنه قالت اذا كان النخبه معروفه والاوائل معروفين وش فايدة اللجنه

من هنا ثار الملاك لانهم شافوا اللجنه منحازه لناس جدد يدفعون ملايين

وخافوا ان الذمم تغيرت من اجل الفلوس

وبداوا بالانسحابات

هذا ماسمعنا والله اعلم

[_دربيل_999]

مرحبا ومسهلا بجميع من مر من دون تخصيص الموضوع اللي كتبته

واضح من عنوانه عن انسحاب المشاركه تكون للتوضيح او لاسباب

الانسحاب او التكلم عن عدم مشاركات بعض الاسماء بكل موضوعيه

وعدم انحياز لكن من ناحية التبذير واسباب انحسار المطر فهذي علمها

عند الله لا عندي ولا عندكم ان كان جات على الذنوب والمعاصي فالله

يرحمنا برحمته نعرف شباب يجمع ويرفع من ذا الراتب عشان يسافر

شهر الى الخارج وش يسوي يروح هناك يتعبد مثلا فيه ذنوب ومعاصي

نشوفها يوميا ونعتبرها زلة شباب وهذولا يوم شرو بحلالهم قمنا نقول

ونحط ونزيد الدراهم وفلوسهم شرو ابل ما شرو شي محرم علومهم كفو

يقيمون الصلاه ويتنافسون يكرمون ضيفهم ويعطون ماهوب شرط اذا اعطو

انكم لازم تدرون عالعموم اشوف ان الواحد ما يتدخل في الشي اللي ما

يعنيه بعدين اشوف الاغلبيه كاره ام رقيبه واتعجب يوم انك تروح وتزورها

ليه تروح دامك محتج عليها اقعد في شحم وخلهم في شحم وشكرا للجميع

على المرور دون استثناء....................


راعي طلاع..
سبب إنقطاع الغيث لايعلمه الا الله..
ولكن أنا استغرب تنزيهك لمجتمع أم رقيبة كما لو كانوا ملائكة..!!
والغريب في الأمر إختيارك للمقارنة بين صنف من الناس مع محبي أم رقيبة..
سبحان الله ولا اخترت من بين فئات المجتمع الا اللي يسافرون ويكسبون المعاصي مدري هو لقرب الشبه بينهم وبين الكثيرين من عشاق حفلة ام رقيبة أو أنه اختيار عشوائي للمقارنة..

طيب فيه ناس بعكس الناس اللي ذكرتهم مايسافرون وحافظين القرآن الكريم وملتزمين ..
وفيه ناس يحبون الخير ويتصدقون ويساعدون الفقراء..
وفيه فئات كثيرة في المجتمع فيهم الخير..
ليش نجاوزت كل ذالفئات واخترت فئة قليلة اللي هم أصحاب السفريات والمعاصي..

إذا أنت ترى أن كل من يحضر ويؤيد حفلة أم رقيبة إنسان منزه وملائكي فأنت غلطان..
أم رقيبة فيها من الفساد الشيء الكثير..!!
وفيها من المعاصي الشيء الكثير..!!

أخوي من الصعب أن نحجب ضوء الشمس عن الأرض..
وحقيقية مافي أم رقيبة من الصعب التبرير له لأن الكل يعلم وش يحصل هناك..

أرجو تقبل ردي بصدرٍ رحب..

الروقي

[ديرتي]

المفروض المنسحب يحرررررررررررررم من المشاركة لمدة 5 سنوات على الاقل حتى يتأدب ..

[راعي طلاع]

راعي طلاع..
سبب إنقطاع الغيث لايعلمه الا الله..
ولكن أنا استغرب تنزيهك لمجتمع أم رقيبة كما لو كانوا ملائكة..!!
والغريب في الأمر إختيارك للمقارنة بين صنف من الناس مع محبي أم رقيبة..
سبحان الله ولا اخترت من بين فئات المجتمع الا اللي يسافرون ويكسبون المعاصي مدري هو لقرب الشبه بينهم وبين الكثيرين من عشاق حفلة ام رقيبة أو أنه اختيار عشوائي للمقارنة..


طيب فيه ناس بعكس الناس اللي ذكرتهم مايسافرون وحافظين القرآن الكريم وملتزمين ..
وفيه ناس يحبون الخير ويتصدقون ويساعدون الفقراء..
وفيه فئات كثيرة في المجتمع فيهم الخير..
ليش نجاوزت كل ذالفئات واخترت فئة قليلة اللي هم أصحاب السفريات والمعاصي..


إذا أنت ترى أن كل من يحضر ويؤيد حفلة أم رقيبة إنسان منزه وملائكي فأنت غلطان..
أم رقيبة فيها من الفساد الشيء الكثير..!!
وفيها من المعاصي الشيء الكثير..!!


أخوي من الصعب أن نحجب ضوء الشمس عن الأرض..
وحقيقية مافي أم رقيبة من الصعب التبرير له لأن الكل يعلم وش يحصل هناك..


أرجو تقبل ردي بصدرٍ رحب..



الروقي

مرحبا اخوي ورأيك على العين والراس والدعوى نقاش يمكن اكون مخطئ او مصيب طال عمرك اللي فيهم خير
معروفين ولا احد بيقول ان سبب انحسار الامطار بسببهم
ولكن تعميم ان اهل ام رقيبه واقصد المشاركين اناس ما يخافون الله وانحسار المطر وغيره هو بسببهم هذا شي
مغالط للواقع فيهم من نعرفه عن قرب ولا نزكيهم ولكن نقول ان شاء الله انهم من اهل الخير وبالنسبه للمثل فأنا
جبته واقول ان المعاصي موجوده ليه ما يكون هالانحسار
من الذنوب اللي انشوفها والتبذير وانا اخوك هل هو موجود بأم رقيبه فقط اجل وش تقول في لاعب يلحق كوره
وبملايين يشترى وش تقول بغيره وغيره وانا اخوك من هو راعي معصيه من اهل ام رقيبه لا يشرفنا ونسأل الله
ان يهديه هو وغيره ويهديني واما التعميم هو السلبي
فالموضوع اتمنى انك فهمت ليه ضربت مثل اللي يسافرون
واما اهل العلوم الغانمه فهم سبب بعد الله في نزول المطر
بسبب دعائهم الصادق ولك تحياتي طال عمرك...........

[tammam]

اخوي ملك الفكتوريا والله انك صادق اخوي tammam مايمدح البحر الى من كسب فيه وام الرقيبه والله اعلم سبب بعدم نزول الامطار على المسلمين بس مانقول شي غير الله يفكنا منه ومن شره
يمدح البحر ؟ يمدح السوق يمكن ولا يسبه الا اللي خسر فيه با ابن الحلال نزول المطر وعدم نزوله امور تصريف من الرحمن للبر والفاجر مطرها ودهرها والحمدلله على كل حال
انتم تشتكون من قل المطر وغيركم يشتكي من كثره مسلمين وغير مسلمين اذا شفت الدهر احمد الله على نعمة البترول هو اللي حطنا رجال .هذه النعمة تراها تسوى كل ربيع الدنيا

[شنقاقو 1]

الانسحابات بدت

اولهم هيف بن عبود ومن بعده توالت الانسحابات

لان فيه ناس تريد النخبه والمركز الاول ولو بالملايين

واللجنه قالت اذا كان النخبه معروفه والاوائل معروفين وش فايدة اللجنه

من هنا ثار الملاك لانهم شافوا اللجنه منحازه لناس جدد يدفعون ملايين

وخافوا ان الذمم تغيرت من اجل الفلوس

وبداوا بالانسحابات

هذا ماسمعنا والله اعلم



السلام عليكم

اخونا راعي طلاع طلب شيء معين والاغلبيه فرعو الموضوع الى مواضيع وانا والله مالومهم

ولكن السبب المقنع للأنسحابات وهذا شيء مؤكد والله اعلم


هذه السنه قامت اللجنه بوضع 3 شبوك تقسم الابل فئة 100 الى ثلاث اقسام 33 +33+34 ........ وتكون الطيبه في شبك والوسط في شبك واردى البل في شبك


هنا انكشف الستار عن بعض الابل والتي كان الزين فيها يغلب على الشين .

فكان صاحب الذود فئة ال 100 قد وضع مايقارب ال 50 او ال 60 ابل تستحق المشاركه اما الباقيات فهي فقط تكملة عدد ولا تمت للمنافسه بصله..

فشيء بديهي تفاجاء الملاك من هذا الامر وقالو مالنا الا الانسحاب


اخواني انا هذا ماسمعت وكما قيل لي وبالحرف الواحد .. حتى ان بعض الاشخاص الذين حظرو هذا التقسيم امام اللجنه قالو دخلت ابل فلان من الناس ( بدون ذكر اسماء ) وحين تم تقسيمها الى 3 اقسام بان فيها الخلل وحتى انهم قالو ان القسم الثالث الذي هو من اردى الابل , قالو انها ابل عاديه جدا ولا تستحق اسم المنافسه

الجدير بالذكر :: ان من يقوم بتقسيم الابل هو المالك للأبل نفسه

فأنا من وجهة نظري البسيطه اوؤيد هذه الفكره واقول ان اللجنه انصفت

وقبل ان يشك اي شخص باللجنه فلا تنسو انهم محلفون على كتاب الله عز وجل


اسف على الاطاله ودمتم بود

[عريدان]

ام رقيبه المفروض تكون لعرض الابل فقط بلا جوائز أو بيع وشرا ولكن من جتنا قل الخير والمطر وغليت الاسعار وزاد الشر وإنتشار التفاخر والبذخ والجشع والبخل وكثرت محلات الاجانب اللي ما يعرف وش عنهم من الأمور والقذاره وصارت كلها خيام في البر لا تصاريح أو تنظيم... يعني خنبقه وحواق سوادنه وبنغاليه ويمنيه وربعك.. إلخ والزبايل وصلت سماح شمال وحرض جنوب..

[_دربيل_999]

اخواني..
أسماء كبار ملاك الإبل غائبة عن ساحة المحتاجين..!!
وينهم أباطرة أم رقيبة عن دعم الفقراء والمساكين والأيتام والأرامل..
إذا بغى الواحد منهم يساعد شخص فلا يكون في الخفاء كما أمرنا ديننا..
وإنما تتم عطاياهم إن هم عطوا أمام الملأ..
ليقال أعطى فلاناً فلان..!
وفي نفس الوقت المُعطى غير محتاج ..


عطاياهم لغير وجه الله إنما هي للهياط ولا شيء آخر..
وعطايا الهياط أجرها عند المهايطية..


أجمل تحية..


الروقي

[ابا الصلابيخ]

الأبل - هي ولف لصاحبها يألفها وتألفه وينتفع بها
بئس القوم
يتجمل بناقة الأصل بها الأكل والتنفع بها با الترحال وشرب حليبها
لأنها مفيده لبعض الأمراض
نعم بئس القوم
الغرب يصنع طايرات وصواريخ ... والشرق الاوسط ضاع نفطه بلاشــي

حطوا لهم في صفحة العلم تاريخ ... وحنا لماضينا نعيد النــقــــــــــــاشي

من عقب ماكنا جبال شواميــــــخ ...صرنا تحت حكم الاجـانب ولاشـــــــي

شي يدوخ الراس تدويـــــــــــــخ ... وشلون عقب الحر حام الفراشــــــي

قولها والقلب اقوى من الصيـخ ... متى نشوف الحق في الارض ماشــي

نعم بئس القوم
جميع بلدان العالم تصنع وتطور ونحنوا أمامك راوح

تسائلات لماذا هذه الأسعار بلغت مابلغة
قيمة الاسلحة
هل ياترى نهج أنهيار الاسهم ؟؟
هل ياترى غسيل أموال ؟؟
هل ياترى خلفها شيئ ممنوع ويسوقها رعاع
؟؟
ما الذي يجعل ذاك الرجل ثيابة صفراء
من الأوساخ وروائحه النتنه ويبيع بملايين
الريالات
وهو با الاصل محروم منها ؟؟
تفاخر با القبيلة وتفاخر بكثرة الماشيى لديه
ورسولنا الكريم يقول دعوها فأنها منتنه

[وسيع البنايد]

والله اني اتمنى انها تلغى او تكون كل ثلاث سنوات تقام



وتكون الجوائز بسيطه مثل درع وشهاده
وتلغى هالمباهات بالملايين والسيارت الي كسرت قلوب الضعوف
الناس ملت من الديون والدنيا غلا في غلا وبزود
فيه ناس معاد تشتري الادجاج من غلا الغنم
وهم الحواشي الذبايح في الهواء
مع بدايه البرد رحت ادور حطب ومريت شقراء يمكن ارخص من الرياض
لقيت جمس احمر قلت بكم قال 2000 قلت كم حدك 2500 والكوم على 1000
غبني التسعير بالمزاج عنده !!!!رحت المجمعه نفس الطينه ددسن ب1200
رجعت الرياض وشدني الأثل الي عند بنبان شكلى بعدل من السمر له
الناس ماتقدر تحرك الا بقرض هالوقت
تبي ارض... عمار .....بيت ......سياره ...حتى بيسافر بعياله لابد قرضا
باقي جوال الايفون يبيله بعد قرض


لله يعينا على هالدنيا بخير




رح شف الدجاج كم وصل اليوم وبيواصل الارتفاع لين تصك الحبه مقاس وسط 50 ريال
اسال لي يماني امس الضحى وحنا نسولف عن الغلا بكم الدجاج عندكم ياعبده في اليمن ويحلف ان الحبه توصل 24 ريال سعودي ( 1200 ريال يمني) هذا وهم على الحديده وشعب مطفر كلوهم التجار ومصوهم مص وحولوا علينا شف اغلب السلع الي فيها غلا وراها يمنيه (خضار-حديد-ملابس داخليه--مطاعم المندي 45 للنفر وهلم جرا) استغفر الله العلي العظيم وربعنا قالو بدل ما ياكلها الاجنبي انا ابن البلد اولى بها وتناتفونا حسبنا الله عليهم طراه خوينا الصيهد يقول الناس ما عاد تقدر تشتري الا دجاج بيجيك وقت ان لم يرحمنا الله ثم المسؤولين حتى مريقة الدجاجه بيجيلها شفقه مثل مرقة الوبر

تقبلو تحيات اخوكم
وسيع البنايد

[الضاري]

موضوع أخذ أكثر من حقه في المناقشه
وللأسف إن أغلب المشاركات بعيده كل البعد عن صلب الموضوع
ومثل هذا الموضوع ـ في الغالب ـ يكون مثير للمشاكل ونضطر الى أيقاف بعض المعرفات
التي تتجاوز الأدب والحياء في المناقشه
نتمنى من أعضائنا الكرام أحترام الآخرين وتقديرهم والتقيد بأدب الحوار والمناقشه
لكي لا نضطر آسفين الى ايقاف معرفاتهم

ـــ عذراً على أغلاق الموضوع ـــ