استفسار عن لمبة رفيق الدرب في عروق الشمال ببريده

[ابو ماجد vtc]

السلام عليكم
انا مريت محل عروق الشمال في بريده وحصلت عندهم لمبة رفيق الدرب المسطره وسألت المحاسب عن الكيس اللي يوضعن فيه حق رفيق الدرب بعد الانتها ء منها وينه قال لايوجد لهن كيس لم يعطوننا رفيق الدرب : السؤال يا شباب هل هذا صحيح الكلام او عشان ما يعرفون الناس انها من رفيق الدرب عشان ما يبثون دعايه لرفيق الدرب علما اني كلمته قلت ليش ما تعملون لهن كيس عشان حمايه لها لانها حساسه شوي بس ما عطاني علم ايش السبب يا اخوان.

[فارس ولدي]

ابو ماجد

اسعد الله اوقاتك بكل خير

بما ان مشاركاتك لم تتعدى 50 مشاركة

تم ارسال رسالة نيابة عنك

الى الأخ الفاضل رفيق الدرب وهو احدى الأعضاء الموجودين هنا

وان شاء الله سوف يرد على سؤالك

بالنسبة لي انا املك الشكل القديم وموجودة داخل جراب
اما الشكل الجديد اللي له فاصل ما ادري عنه للاسف

[عتيق]

الاخ ابو ماجد


وانا مريت عليهم ليلة الجمعه

واخذت لمبه وسألتى الشأب المحاسب عن الكيس وقال لي مافيه اتفاقيه بيننا وبين رفيق الدرب بخصوص الكيس

وفكرت اني افصل لها كيس عند ابو محمد م/ الحمود........

[رفيق الدرب]

الاخوة الاعزاء
نشكركم على اختيار لمبة رفيق الدرب, ومن باب التوضيح , نفيدكم بأن التقصير كان من جابنا حيث تم تجهيز اللمبات وكان هنا نقص في توفر الجرابات, ونظرا لحاجة الزبائن لهذا المنتج راينا بيعها بدون جراب لمن اراد.
وبعد توفير الجرابات , يمكن للزبون ان يدفع قيمة الجراب . وسوف ترسل الى عروق الشمال وكذلك المرباع الكمية المطلوبة من لجرابات اليوم بأذن الله,
ملاحظة : عروق الشمال والمرباع يعتبرون من الموزعين المعتمدين لدى رفيق الدرب في منطقة القصيم وهم ببيعهم اللمبة بدون جراب لم يقصدوا التعتيم على مصدر اللمبة والذي هو رفيق الدرب حيث الاسم مطبوع على اللمبة وليس على الجراب فقط هذا وتقبلو منا فائق الشكر والتقدير.

[هوايتي مكشات]

يفيدونك الاخوان ياغاالي

[رفيق الدرب]

نزف الى زبائننا الكرام بشرى افتتاح فرع موسسة رفيق الدرب في الرياض - الغرابي
تليفون 0555483212
http://www.travelmate.com.sa/up/files/tm_riyad.jpg

[طايربلي جنااح]

طيب اخووي كم سعرره وش راايك انت تنصحبه نبي افاده الله لا يهينك

[rakan038]

حبيبنا ممكن تعلمنا متى رحت لعروق الشمال لاني جيتهم قبل اسبوع وقال ماوفرها لنا رفيق الدرب ،، تحياتي لك

[رفيق الدرب]

حبيبنا ممكن تعلمنا متى رحت لعروق الشمال لاني جيتهم قبل اسبوع وقال ماوفرها لنا رفيق الدرب ،، تحياتي لك
عزيزي خذ الاجابه مني
لقد تم ارسال الدفعة الاخير لعروق الشمال بدون جرابات يوم الاثنين ويمكن توكون وصلتهم يوم الاربعاء واليوم ان شاء الله سوف نرسل الاجرابات ولعلها تصلهم يوم الاثنين
وتقبل تحياتي

[احب بريدة]

انا مريت عروق الشمال البارح (الجمعة بالليل)
وسالته عن قيمة اللمبه قال بـ58 ريال ,, علما ان شاريه من المرباع بـ55 ريال قبل شهر مع جرابه اخذت ثنتين, وسالت الشاب (المدير) قال رفيق الدرب يبيعه بـ60 وحنا جدعنا ريالين<< هذا كلامه .
سؤالي: هل زاد سعرها رفيق الدرب او لا؟؟ افتوني ماجورين

[دايم العز22]

سؤال وين مكان عرووووووووووووق الشمال بالضبط

[ابو ماجد vtc]

اهلين وسهلين يا شباب اليوم السبت موجوده عندهم لكن المشكله ليش ما فيها جراب حق رفيق الدرب او تم بيعهن من رفيق الدرب على عروق الشمال بدون جراب هذا السؤال والا موجوده الان شوف اخو دايم العز مكانهم طريق عمر ابن الخطاب شمال ( طريق الراشديات ) وانت جاي من الدائري الشمال يجيك كبري لوحه الاستاد الرياضي او طريق عمر ابن الخطاب اتجاه الجنوب 1كيلوا يجيك على اليمين

[جومانشي]

انا شاريها قبل شهر من رفيق الدرب بـ 55 ريال من موقعه بالدمام

وقبل امس مريت عليه قال لي بـ 60 ريال قلت وش السبب

قال اللمبه الجديده اقوى من ام 55 ريال والله اعلم

وباخذ لي وحده اليوم وبجربها وشوف الفرق

[سد الصفرات]

انا شاريها قبل شهر من رفيق الدرب بـ 55 ريال من موقعه بالدمام

وقبل امس مريت عليه قال لي بـ 60 ريال قلت وش السبب

قال اللمبه الجديده اقوى من ام 55 ريال والله اعلم

وباخذ لي وحده اليوم وبجربها وشوف الفرق

نحن في انتظارتجربتك

[go4z]

صحيح اللمبة اقوى من الاولى وانا شريتها من محلهم اللي بالغرابي 50 ريال سعر الجملة لكن تراني اخذت منهم نص درزن علشان كذا حسبها بالسعر هذا

[دايم العز22]

اهلين وسهلين يا شباب اليوم السبت موجوده عندهم لكن المشكله ليش ما فيها جراب حق رفيق الدرب او تم بيعهن من رفيق الدرب على عروق الشمال بدون جراب هذا السؤال والا موجوده الان شوف اخو دايم العز مكانهم طريق عمر ابن الخطاب شمال ( طريق الراشديات ) وانت جاي من الدائري الشمال يجيك كبري لوحه الاستاد الرياضي او طريق عمر ابن الخطاب اتجاه الجنوب 1كيلوا يجيك على اليمين



الله يجزااااااااااااك خير اخوي ابو ماجد

[asageel]

تم شراء من رفيق الدرب بالدمام بسعر 55 ريال عدد أثنين كامل مع الكيس

[السلسبيل 722]

مساء الخير ....

اخوي أنا مريت عروق الشمال أمس بعد الأخير وحصلتها عنده بجراب وكمية طيبة
بس المفأجاه أن سعرها 58ريال وأنا شريتها من المرباع قبل أسبوع بــ 55ريال وهي بدون جراب رفيق الدرب بل جراب المرباع مشابه لجرابها الأساسي وذلك لخدمة زبائنه ..
ودمتم،،،،

[ابوهيثم2008]

السلام عليكم
انا مريت محل عروق الشمال في بريده وحصلت عندهم لمبة رفيق الدرب المسطره وسألت المحاسب عن الكيس اللي يوضعن فيه حق رفيق الدرب بعد الانتها ء منها وينه قال لايوجد لهن كيس لم يعطوننا رفيق الدرب : السؤال يا شباب هل هذا صحيح الكلام او عشان ما يعرفون الناس انها من رفيق الدرب عشان ما يبثون دعايه لرفيق الدرب علما اني كلمته قلت ليش ما تعملون لهن كيس عشان حمايه لها لانها حساسه شوي بس ما عطاني علم ايش السبب يا اخوان.

اخواني
بخصوص الكيس تم توفره الان بعروق الشمال
البيع اللمبه مع الكيس الان