اللي عنده المقدره على المحاوره يجي بسرعه ...

[الزمان مغبرنا]

السلام عليكم ...

اللي عنده المقدره على لعب المحاوره يتفضل ...

مرحبا يا صحيبي وانت توك شباب / جاك شاعر قوي وناوين للثقال

احسب احسابك الليله نبيها كباب / او شديده شديده مثل شد الحبال

بس ابي اللي يلعب واحد يعني ما نبي نضيع الملعبه رجاء خاص جدا ...

[ساحووق]

البقا يالمرحب عد وبل السحاب//والشاعر اللي لفا يتحمل مايقال

جااك شاعر من حرب وانتبه للمطاب//ترا الرجل يعرف الدرب العداال

وترا ماني شااعر لاكن احب الشعر

يعني اعذرني ههه

[اهل الردات]

مرحبا بك يانوي العنى . جاك المطيري حزم حزامك
جود العمامه وانتبه للعقال . لاني ابيها اليوم نيران
جتني وانته اللي طلبة الشقى. مرحبا بك يمدور الرجال البقوم

معك الشاعر <محمد المطيري > هلابك ياطيب

[الزمان مغبرنا]

يا الحربي فيه كسور في بيوتك حاول تعدلها والكسر واضح ما اقدر اشيل البيت زين يمكنك ما عرفت الطاروق زين ...

[الزمان مغبرنا]

هلا بك يا المطيري بس ابيك تلتزم ب الطاروق والقافيه ...

[الزمان مغبرنا]

يا الربع اللي عنده المقدره على الطاروق والقافيه يجي تكفون يا الرياجيل لا تخربون الملعبه ...

[الصقار111]

والبـــقا يالمــــرحب عد منشا السحاب ... عد وبـــل المطر واعداد برد الشمال
ماعرفت الرساله ويش محوى الكتاب ... كان تبغي الاجابه جيب جيب السؤال

[عناز الحره]

الموت وحد لاكن كثرت عليك الاسباب...واختار انت بالسيف تبغاها والا بالنبال ((وان كان تبغا الكباب عليك بسوق الكباب...سقهااا يمهم وقدامك تلقا نبيل وجمال))

[الزمان مغبرنا]

يا الصقر هات علمن للغلا والحراب كان عندك خبر ولا نجيب المحال

الشعير ارتفع مدري وشنهو السباب مدري من التاجر الملعون راع الخبال

[الزمان مغبرنا]

يا الصقار تصبح على خير ابرقد بكره ان شاء الله نكمل المحاوره ...

[عناز الحره]

يا الصقر هات علمن للغلا والحراب كان عندك خبر ولا نجيب المحال




الشعير ارتفع مدري وشنهو السباب مدري من التاجر الملعون راع الخبال


اخوى تطلب من لديه المقدره وقصيدك مكسر
تلقاااا خير

[الزمان مغبرنا]

مهب مكسر يا راعي الحره بس انت ما عرفت طاروقي ...

وانا ما عرفت افصل الشطر عن الثاني ولو سمحت لا تقول شي قبل ما تتأكد منه بس الغلط اني ما فصلت بس ...

[الصقار111]

سلط الله على التجار بأقوى عذاب ... ماتعيف الحرام ولاتـعـيـف الحلال
والوعد عند والـيـنـا بـيوم الحساب ... وقتها ماحد(ن) ينفعه جاهٍ ومال



وانت من أهل الخير والوعد بكرة فالليل
لاني ماافضى الا بالليل الصباح راقد والظهر مشغول بالبزران والمدرسه والعصر دعو طيور
والمغرب والعشاء مقابل الشيبان الله يطول عمارهم لين ينامون واتفرغ لك
وياويلك مني ياسواد ليلك :D:D:D:D:Dههههه أمزح أمزح

وعطني رايك في بيوتي اذا زينه اكمل معك واذا ماهي زينه انسحب واخلي واحد من اخواني يكمل معك

تقبل ودي واحترامي / الصقار 111

[الزمان مغبرنا]

لا يا الصقار بيوتك مضبوطه وان شاء الله الوعد الساعه 8/30 اذا انت موجود ما شاء الله عليك جبت الطاروق بالتمام ...
وهلا بك هلا ...

[الصقار111]

مرحبا ياذيبان انا موجود

لن اعذرني اذا تأخرت عليك فالرد لان الارسال عندي ضعيف جدا جدا جدا

[الزمان مغبرنا]

راح عز الغنم مدري الابل كالسراب .... بعتي عفشي ولكن ما بقالي مجال

انتــظر خالق الدنيا يــفك الكــــراب .... والله اللي يعرف الحال وكل الاحوال

[الزمان مغبرنا]

وينك يا الصقار ...؟؟؟؟؟؟؟؟؟؟

عجل علانا قبل يسري الليل ... هههههههههههه

[الصقار111]

شمسنا حارقه والــنفس فــيــها أكتــئاب ... جيت تحت شجرتنا مالقيت الظلال
مــن يهمل رعــيــته بتاكـلتها الــذيــاب ... غير حظ البشر بالناس قد مال مال

[الزمان مغبرنا]

انا ودي اذبح كل واحد يهاب ... يهاب من تاجرن ماهو بقاد الرجال

طير اسعار مأكلنا وكل الشراب ... ودي العن جدفهم بس ذولا طوال

[الصقار111]

خل عنك السوالف ياعزيز الجناب ... ماحدن يقدر التاجر ياجعه الزوال
جعل حظه دمار وجعل حظه خراب ... مابقى عند خــلــق الله حتى ريـال

[الزمان مغبرنا]

لكن نبى نذبح التاجر بذبحه سلاب ... او ابدعس عليهم مثل دعس النعال

وانا من اكبر قبيله ما تحب الارهاب ... شمر اللي تجيب الطيب وايضا السبال

[الصقار111]

ال مــره مـعـاكم فالخـطا والصواب ... لابــتة فعلها يطــحن كبير الجبال
ال مــره فــعـايـلهـم كـما ســم داب ... ينعرف فـعلهم في ماضيات الليال

[الصقار111]

الزمان مغبرنا : تصبح على خير والوعد ان شاء الله بكرة بطاروق جديد واذا تبي موال حاضرين لعيون الطيبين

[الزمان مغبرنا]

الــــــــمــــــــشــــــــــــــكـــلــــه ما فيه احد يـــــشـــــــجــــــــــع ...

[صاحب الذئب]

مااشاءالله تبارك
الله يعطيكم العافيه ياالربع
ياهلا ومرحبا والفين ترحاب *** بطاروقك يازمان ياحلو المقال
ولاهان صقار به الذكر طاب *** استمروا وانا معكم وللخير فال

[ابو سعود الغامدي]

لاهنت يالمري ولا هنت يا شمري وبيض الله وجيهكم طيب اسمعو نباها رباعيه وش رايكم ونا معكم

[الصقار111]

مرحبا بالجميع والله لايهينك على التشجيع

واذا تبون رباعية ابشروا لكن بعد هذا الطاروق بنسوي موضوع جديد
وابشروا باللي بيرسل لكم رسايل خاصه ويعلمكم متى الوعد

وانت يالزمان مغبرنا استلم الطاروق الجديد

مرحبا بالشمري والليل ضاوي من عماني ... وانتبه ياصاحبي خطوتك لاترجع وراها
خابرك تصهل صهيل حصان ياولد الحصاني ... والمصيبه بيننا يالشمري دارت رحاها

[كتكوت مكشات]

جتك العواصيف والخيام تبي شد الاطناب اشيل حملك وحملا ماتشيله الجبال
احسب حسابك اجعل الليالي لك عذاب واجعلك تشد المحازم بشديدات الاحبال

مبتداء

[الصقار111]

الزمان مغبرنا : وينك ماقدرت تجيب بيتين من البارح

[الزمان مغبرنا]

طيب طيب اســـــــــتـــــــلم ...


والبقى بك يا المسلم بعد ما جتني عواني ... هاتها واقدح عليها ولا لا تلعب علاها

جيتكم ذا الليل صامل ما ترجيت الزماني ... كان عندك علم واضح ولا لا تخفي خفاها

[الزمان مغبرنا]

يا الصقار انا اليوم في الليل مشغول يا ليت نكمل يوم الاربعاء ...

لان عندي عزيمه لكن تفضل معنا منت غريب يا الطيب ...

[zzzz1390]

يا شباب وشياب احب اشارك ببيتين ترحيبيه للجميع (الصبحي )
يامرحبا باللي غلاه ساقني شوقه .. الف هلا ومسهلا باللي لفا وزار
مية هلا يا اربوعنا يانعم الرفوقه .. لكم التحيه اعداد ما هلت امطار

[ذيب الطبيق]

صح لسان الشعار
متابع بصمت

[الصقار111]

بنشدك ياصاحبي كانك خبيرن فالمعاني ... ويش بنتن عند خــلق الله يــعــرف مــســتواها
ياصحيبي تختلف ذا البنت من شخصٍ لثاني ... لظهرت وقت المصيبة أكشفت خافي بلاها

[رعود ابريل]

بنشدك ياصاحبي كانك خبيرن فالمعاني ... ويش بنتن عند خــلق الله يــعــرف مــســتواها
ياصحيبي تختلف ذا البنت من شخصٍ لثاني ... لظهرت وقت المصيبة أكشفت خافي بلاها


======================================

كان ماهي نية الرجال ياسمح اللساني --- مانقول الى النفوس الله عليماً في خفاها
كيف راعي نجد ياخذ شور اهل دبياني --- والنجوم تقدي السارين من عالي سماها

[المحترم أحمد]

ممتاز ممتاز
موضوعكم جيد بس ابا اتفرغ لكم واجيكم
سلامي على اللي عطروا منتدى مكشات *** بجديد العلوم, وحي كاتبها وقايلها
وترى يالنشامى تو زين السوالف جات *** نستقبل جديد البيوت منكم ونرسلها

[الــفــيــصــــل]

بارك الله فيكم جميعآ متابع بقوه

[الصقار111]

سهيل العازمي مرحبا بك تراحيب المطر والرد تحت لك وللزمان مغبرنا

المحترم أحمد : أسم على مسمى مرورك شرفني وأبياتك حلوه وانتظرك على البحر والقافية

الفيصل : الله لايهينك ويبيض وجهك تشجيعكم هو هدفنا يالغالي

الزمااان مغبرنا : يومين ماقدرت ترد ولا وش السالفه أذا بتكمل عطنا خبر واذا بتنسحب طلبت واحد غيرك




ياسهيل العازمي بدعيك بــ سهيل اليماني ... والجواب اسف خطا والبير ماكشفت غطاها
وين متعب ماحدن شافه عطيته ماعطاني ... فايدة الأشـــــــنـــاب قلي دام ماتحمي لحاها

[الزمان مغبرنا]

مرحبابك يا خويي بس جاني ظرف ثاني ... وانت خابر وقتنا ذا اليوم ما نلحق مداها

لا تعديها الحدود وانت عارفنا خواني ... لا لاتقول الرجل هذا ماهو بحامي حماها

اسمحولي يالربع كنت مسافر للشمال وتوني جاي ...

[رعود ابريل]

ياسهيل العازمي بدعيك بــ سهيل اليماني ... والجواب اسف خطا والبير ماكشفت غطاها
وين متعب ماحدن شافه عطيته ماعطاني ... فايدة الأشـــــــنـــاب قلي دام ماتحمي لحاها
-------------------------------------------:::


انـت يـاصقـار حـر ولاتـصـيد الى السمانـي == ورمعـتي جرة قدم لنكان ماغيره وطاها
يوم مديت الرشا فالبير واضرس بالسواني == قول ياصقار وش بعد الدلي عن زل ماها



الصقار الله يحييك ويبقيك والشطر الثاني من بيتك الاخير الظاهر فيه خطأ املائي ..

[بارق الريف]

إبدااااع ياشعرانا

أنت يالشمري وأنت يالمري وأنت يالعازمي وجميع المشاركين

متابعين معاكم بس عجلون بتلت أدبل على التحديث

أحتري رد أحتري شيء جديد

بارك الله فيكم

تحياتي..

[الزمان مغبرنا]

هلا والله ببارق الريف وهلا بسهيل وش لونكم ان شاء الله طيبين ...

انا والله كنت مسافر ولا جيت الا يوم الجمعه الساعه 8 في الليل وهلا بكم وهلا بكل واحد مطفي النور ...

[رعود ابريل]

سلامات الاسفار يالزمان مغبرنا وحنا بخار الحمدلله

اعذرني وراي الجهمه مسراح نلتقي بكره ان شاء الله

[الصقار111]

الزمان مغبرنا





أستلم أستلم






غيبتك ياصاحبي ماهيب ساعات وثواني ... غيبتك يومين والا خــوتك محدن شناها



مد عشرك ياصحيبي غير لاترجع ثماني ... تنتظر للغاز منكم واحد(ن) يهدر دماها






سهيل العازمي





الشطر الاخير من البيت الثاني





فايدة الأشناب قلي دامِ ماتحمي لحاها






الميم اكسرها بالكسره





وأستلم استلم






مرحبا ويساق لك فنجال بن وزعفراني ... وانت فكر ياصــحــيــبــي لـين تاصل منتهاها



أكرب حزامك وشل البندق وشد البطاني ... لغزنا في وسط جسمك بس خارج محتواها






بارق الريف





مرورك نوووور الموضوع





تقبلو ودي واحترامي

[راعي سهوه]

ياسهيل العازمي بدعيك بــ سهيل اليماني ... والجواب اسف خطا والبير ماكشفت غطاها
وين متعب ماحدن شافه عطيته ماعطاني ... فايدة الأشـــــــنـــاب قلي دام ماتحمي لحاها
-------------------------------------------:::


انـت يـاصقـار حـر ولاتـصـيد الى السمانـي == ورمعـتي جرة قدم لنكان ماغيره وطاها
يوم مديت الرشا فالبير واضرس بالسواني == قول ياصقار وش بعد الدلي عن زل ماها



الصقار الله يحييك ويبقيك والشطر الثاني من بيتك الاخير الظاهر فيه خطأ املائي ..

متابع لكم ولكن تعلق على كلامك اخوي سهيل الشطر الثاني مافيه كسر ولاشي لكن ذي لهجة المره

فايدة لشناب قلي دام ماتحمي لحاها
كذا البيت يالمري ولا لا

[الزمان مغبرنا]

والله انك عارف بوضعي ولا يحتاج عاني ***غيبتي ياصاحبي لبد ما يظهر خباها

سفرتي لهل الشمال اهل الكرم واهل الصواني *** هات علمك يا ولد وانته عرفت اللي بغاها

[المكشاتي.]

بنشدك ياصاحبي كانك خبيرن فالمعاني ... ويش بنتن عند خــلق الله يــعــرف مــســتواها


ياصحيبي تختلف ذا البنت من شخصٍ لثاني ... لظهرت وقت المصيبة أكشفت خافي بلاها



السلام عليكم ورحمة الله وبركاته

يالصقر خذ الرمعة من مكانـي .................نقشت حورفها على الكيبورد ومبـناها
ضبط النفس اذا ما زلت لساني .............. . قليل من الناس ما يعرف مستواهـــــا


اسف على الابيات المكســــــــــــرة

[الصقار111]

انت للشعر المميز والمراجل دوم قاني ... والعــلــوم الطــيـــبـه ياكبر حظ اللي قناها
علمنا يامتعب ابن الشمري علمٍ بياني ... هات حل اللغز يابن الشمري واقطع نماها

[الصقار111]

راعي سهوة : بيض الله وجهك على التوضيح والبيت موزون 100% بس هذي لهجتنا

المكشاتي : شرفني مروروك العطر وبيوتك مع انها مكسره عسل على قلبي والرمعه أسف مالك لوا يالغالي

[رعود ابريل]

استلم يالصقار ..::



ياصحيبي سلعة التجار مافـيها ضماني == ماتّْحمل نرخص المشوار نـبغى مشتراها
والله إنا نصفق الشدات ويطوع العناني == وقاصرات الشوف عنا ياعساها ياعساها

:)

[رعود ابريل]

راعي سهواء : مشكور على التوضيح وطلع مثل ماقلت غلط املائي وليس كسر

[مكرم الضيف]

جيت اشارك والقصيد اللي تقولونه سماني****والمباني بيض الله وجه صنديد بناها
اعتلت مابينكم واطربتوا اللي بالمحاني*****والنعم فيكم رجال. المرجله اكبر غناها

[الصقار111]

الحديد الصلب بعد الطـق يصبح بـه لياني ... وطقكم يالعازمي للغز خفف من قساها
ياصحيبي حل لغزي وسط كف المودماني ... قلت أسهـلــها عليكم قبل يتعبكم عناها

[الصقار111]

مكرم الضيف : مرحبا بك تراحيب المطر ولا عليك زود ومرحبا بك رد زادنا شرف

[الصقار111]

لا بلاك الله بعاقه ... من مقاريد الرفاقه
لاتوريه الحماقه ... لين ربك يقلعه

أخواني الأعزاء

وصلني قبل قليل رساله خاصه من الزمان مغبرنا يقول فيها


هلا بك ...


ولا تقولي الحمد لله على السلامه ولا شي صدق انك ما فيك خير ابد ...

وشرايكم فيه وانا لي اسبوع العب معه ولسانه حلو ماهقيت انه .......؟ ولا كان مالعبت معه من الاساس وانا ماني مجبور اهنيه السلامه .... اذا هنيته طيب مني واذا ماهنيته مايلحقني بلوم

حسب خبرتي انه ماعرف حل اللغز وقال اطلع منه بالطريقه ذي مااقول الا الله يهديه

تقبلو ودي واحترامي

سهيل العازمي : جعل يفدونك الرخوم الوعد بكرة ياذيبان
تصبحون على خير

[رعود ابريل]

استلم يالصقار11

..
..

يالمرر مافيه امان وجنبكم ضلع اهمداني === لايعوث الذيب ليل وتْـتـرك الديره وراهـا

راعي الكف المحنى كان شفته يالحصاني=== علمه بالبصمه اللي تثبت التهمه علاها

:)

[رعود ابريل]

تسلم يالصقار 111

وانت من اهله

[مكرم الضيف]

قلت اعسف الخيل وادركها بشدي للعناني***أو أخليها على درب المعاني فالته تتبع هواها
ومن سبق في حلها يربح ولا يلحقه شاني***والحقايق واضحه باليد تعرف بينتها من خفاها

[الصقار111]

مانخاف الذيب لو هو جنبنا والعمر فـاني ... والله انا مانـــخاف من الذيـــــاب ومن عواها
جبتها ياراعي الفزعات والــذود المقاني ... صاب سهمك والخلايق نطلب المولى رضـاها

بيض الله وجهك ياسهيل.........ز نعم حل اللغز هو البصمه

مكرم الضيف : صح لسانك والحل عند أخوي سهيل ........... البصمه .........

بيض الله وجيهكم جميع وانت ياسهيل اذا بغيتنا نلعب على طاروق جديد تراه عندك بشرط يكون في موضوع جديد تقبلو ودي واحترامي / الصقار 111

[مكرم الضيف]

ماشاالله عليك ياسهيل. وبيض الله وجيهكم جميع .ماقصرتوا سواء اعضاء او زوار

[ولد عياد]

والله اني معرف اللغز لكن الحق جاني/نبا نعصر المخ ونبا نلعن ثواها
نبا نشارك مع رجالا تعرف اعلومن ثماني/كلمةالحق نحماها يوم كلن حماها

[رعود ابريل]

يعطيكم العافيه جميعاً :l
وتشكر يالصقار على اللغز والطواريق الرائعه :good2:

[مكرم الضيف]

الذيابه من قديم الوقت ماتقنص مثاني..... وساطي القلب المحنك خوته هو مبتغاها
وبيض الله وجه من حل القصيدة والمعاني....ووجه من جاب الغباوي والنوايا لمن نواها