الخبر الصريح فيما يخص التصاريح

[عبار درب]

اليوم مريت على قسم الأسلحة في عليشة معي المبروكة ام خمس وتعريف من العمل وثلاث صور ملونة وصورة البطاقة و فحص الخبير البندق و عبيت نموذج مدري وش فيه ووقعت وسلموني ترخيص مؤقت وقالو تراجعنا بعد اربعة اشهر ومعك الترخيص المؤقت لتحصل على الترخيص الأصلي
والله يديم علينا عز حكومتنا ويحفظ بلدنا
والسلااااااااااااااااااااااااااااااااااااااااااااا اااام عليكككككككككككككككككككككككم

[خالد20]

عبار درب
ماشالله عليكم ياهل الرياض
حنا عقدونا حقين الاسلحه والمتفجرات ببريده((بس ما يلامون من كثر العالم ماصدقو انه فتح))
قالو كلن يصرح من ديرته رحت لم شرطة عنيزه قالو ما عندنا لك شي ما عندنا خبير اسلحه؟ وشلون نرخصلك ارجع لمهم !!(( الواحد ما يقول الا الهم اني صايم))
رجعت والربع ماخلفو هاذي المره بس اني جاي بدري
وللعلم طلباتهم تختلف شوي عن الي كاتب
الصور2*2 والعدد6
وملف علاقي
ولا عطونا تصريح مؤقت مادري ليه
وقالو تعال بعد اربع شهور

[غيّام]

مشكور على اللي قلت لكن اللي يقراء عنوانك يقول الاخ مؤلف كتاب
تقبل تحيتي

[عبار درب]

الأخ خالد اختلاف الأجراءات والشروط ( لا يفسد للود قضيه ) هههههه هذي مدري من وين جت
المهم التصاريح فتحت وشكراً على المرور والمطافي بعد :p :p :p
الخ غيام اذا ماجازلك العنوان نغيره خذ هذا ((الخبر الصحيح عن فتح التصاريح )) هاه هذا اخشن
عموماً شكراً على المرور و الشرطه بعد :p :p :p :p

[غالي]

رجائا يا اخوان الي تم التصريح لهم
ان مرت اربع شهور وراجعتوهم لأخذ التصريح الرسمي علموني الاسلحه مازالت معكم والا لا :)
وموفقين وشكرا لكم

[سلطان القلوب]

رجائا يا اخوان الي تم التصريح لهم
ان مرت اربع شهور وراجعتوهم لأخذ التصريح الرسمي علموني الاسلحه مازالت معكم والا لا :)
وموفقين وشكرا لكم


بشرك الله بالخير ياعبار درب

الاخ /غالي

الله يشفي والدتك ويعطيها الصحه هي وامهاتنا وامهات المسلمين

بعدين والله كلامك يخوف

[الفحل 2003]

اخواني الاعضاء

السلام عليكم ورحمه الله وبركاته

انا كنت ناوي اصرح الشوزن أم خمس اللي عندي كذلك الخرازة البرنو اللي عندي ، لكن بعض الاعضاء يقولون لا تصرح الا بعد ما ينزل الخبر ( فتح التصاريح ) في الجرايد ، وبعض الشباب يقولون ان الخرازة ما يصرحونها ، وكثرت الاشاعات تقلب الرأس .

اخواني اذا كان فيه أحد من الاعضاء صرح خرازة هاليومين يعلمني وبعدين وش سالفه هالتصريح المؤقت .

تكفون ردو علي اليوم بسرعة الله لا يهينكم .

وسلامتكم

اخوكم

الفحل 2003

الرياض

[**الجدي**]

السلام عليكم
على طاري التصاريح ابقول شي بخاطري والله اعلم ... الظاهر ان الشغله كله حصر وجرد ويبي يسوون كذا ويسجلون بياناتك على امل انك يالضعيف تبي تاخذ تصريحك عقب اربع شهور بس هالاربع شهور تبي تكون كافيه ان الجميع جو وسجلوا اسلحتهم علشان اذا قضت الاربع شهور يقولون الله لا يهينك تعال هات اللي عندك ( بيصادرونها ) وانت عيونك طايره هههههههه واذا قلت موب انا قالوا موب ذا وجهك ( علشان الصور اللي هم اخذوا ) << مسوي كافشهم هالكمخه ههههههه
السموحه ان كنت كتبت كلام بغير محله وسلامتكم

الله يوفقنا وياكم

[عبار درب]

اخوي غالي اولاً اسأل الله ان يشفي والدتك وأن يجعل ماأصابها تطهيراً ويشفي كل مرضى المسلمين
ثانياً ليش ما تصير معنى اسلحتنا، ياخوي الي يبي يصرح يعني يتبع النظام واذا استدعى النظام تسليم الأسلحة نسلم وولاة الأمر مسؤلين عن مصلحة البلد ومشكور على المرور
سلطان القلوب جزاك الله خير على الدعوه الطيبة من وجه طيب ومشكور على المرور
الفحل مسيك بالخير اولاً وبعدين الموضوع يحتاج الى تقصي عن طالب التصريح مهوب حيى الله جيتك وكل من بغى تصريح عطوه تصير فوضى ((انت توحي)) والموضوع والله احسن من اول تصريح مؤقت اليين يطلع الأصلي وياخوي متى ماقالو سلمو اسلحتكم فدوه نسلمها
اخوي الجدي حياك الله على كل حال لا تطير العيون ولا توقع وانا اخوك تبي تصرح التصاريح مفتوحة ما تبي الله يحفظك و يستر عليك !!!!!!!!!!!!!! بس هاه في الموسم الجاي تطلع بسلاحك وعند نقطة تفتيش تطير العيون والأذان بعد :D :p :p :p :p الله يحفظ الجميع

[ريش القطا]

الله ييسر لنا كل امر ويحفظنا واياكم وكل مسلم يارب

ومشكوووور اخوي عبار على هالأفادة الطيبة والرائعه

[القطاع عشره]

السلام عليكم

تصدقون قبل اربع سنين عام ال 1422 هـ

يوم صرحت عطوني مؤقت لمدة اربعة اشهر بس ان التصريح الاصلي ماطلع الا عقب 6 شهور المهم ان التصريح المؤقت يفي بالغرض بعدين ياشباب حكومتنا تستاهل كل خير وبمكانكم ترجعون الي نضام الاسلحه والذخائر الجديد وتشوفون النضام ومن ضمن بنود النضام فتح محلاات ووكلاات لبيع اسلحه الصيد ويبداء تطبيقه باذن الله تعالي في بداية عام 1427 هـ الله يعز حكومتنا وقد سئلت احد الشباب في عن نضام المحلات والوكلاات قال الخبر صحيح واضاف قالي ايضا سيكون هناك اندية رماية حق اطباق طائره بامكان الفرد الاشتراك بها وسيبداء تطبيقه ان شاء الله ايضا عام ال 1427 هـ وبعدين متى ماطلبت مملكتنا الغالية اسلحتنا سنعطيها انفسنا وارواحونا فدوه للدين ثم لها فما بالك بالاسلحه وحكومتنا تستاهل كل خير وخلوا عشمكم بالله ثم حكومتنا كبير تحياتي اخوكم القطاع عشرة

[عبار درب]

اخوي قطاع عشرة كلامك عشرة على عشرة كلام عقلاني كثر الله من امثالك خارج المنتدى اما داخل النتدى فالكل شرواك وشروى الطيب

[الفحل 2003]

اعضاء المكشات

السلام عليكم ورحمة الله وبركاته
سؤالي فيه احد صرح سلاحه من فترة يعني هاليومين ، وهل الخرازة يصرحونها .

عطونا العلم الله لايهينكم

والسلام عليكم

اخوكم

الفحل 2003

الرياض

[كايد]

مشكورين يالربع


طيب بالنسبة للطلاب (جامعي)
هل يقدر يصرح

وكذلك كم تصريح ؟؟يعني مثلا خرازة +شوزل ؟؟

[خالد20]

الفحل 2003
انا رخصة أم خمس والخرازه ويقول الموظف انهن يطلعن برخصه واحده ((ام خمس له الترخيص والخرازه اضافه)) هذا الي فهمت منه

كايد
عادي طالب جامعي ولا ليلي
اهم شي العمر بس التعريف مادري ياخذون من الكليه او لازم تجيب تعريف من العمده
والامر سهل همام فتحو التصريح لو يبون التعريف من ((ابن لادن)) :d جبته

[الفحل 2003]

اخوي / خالد 20

السلام عليكم ورحمة الله وبركاته

مشكور على المرور والرد الجميل ، وعندي نصيحة لجميع الاعضاء وهي :

ياجماعة الخير ويا شباب المنتديات نصيحتي انكم تصرحون اسلحتكم ترى بعدين تنتهي المهلة اللي منحتنا الدولة ايدها الله وتخلون انفسكم في وضع حرج جداً مع رجال الامن ، انا صرحت كل اللي عندي ويالله لك الحمد .

والسلام عليكم

اخوكم

الفحل 2003

الرياض

[سلمون]

العام الماضي شريت أم خمس مرخصة أخذت التصريح بعد شهرين فقط
أما بخصوص الأسلحة الإضافية ( الخرازة مثلاً ) في نفس الترخيص لكن في الخلف


ما عندي ماسح في الوقت الحالي والا حطيت الصورة


الله يوفق الجميع

[أبو صقــر]

السلاااااااااااااااااام عليكم /
أنا عمري 17 هل يسمحون بالتصريح لي أولا تكفون يأهل الخبرة أفيدون بسرعه

[شاص]

يالربع وش طلبات قسم التراخيص بالرياض لأني أشوف تفاوت في طلبات بعض المناطق؟؟
وبعدين موقعهم هل هو اللي بعليشة وإلا به محل غيره ؟؟

[ذيب999]

السلام عليكم ورحمة الله وبركاته
يالربع الموقع الي بشارع علي بن ابي طالب يصرحون والا لازم عليشه
وسوال ثاني الطالب الجامعي يقدر يصرح وهل لا رحت تصرح لازم يعدون الرصاص

[الوسم]

صح لسانك على الأبيات بالتوقيع يا خالد عشرين
وتسسسسسسسسسسسسسسسسسسسسسلم
على ها الخبر يا عباردرب
والخير قداااااااااااام انشاء الله

[خالد20]

أبو صقــر
السلام عليكم ورحمة الله وبركاته
شف وانا عمك(( اكبرمنك بأكثر من النص))
ام صتمه اذا جيت تطلعها من الوكاله لازم يصير عمرك فوق ال18سنه
بس لا يضيق صدرك ان كان عندك بندق حليله رخصه بأسم احد يقربلك وتثق فيه عشان اذا صار عمرك 18 يتنازلك بالبندق+الرخصه :good:
الوسمي
صح بدنك

[شاص]

الرشاش هل يصرح ؟؟؟؟؟؟؟؟؟؟؟؟

[amar]

السلام عليكم ورحمة الله وبركاته الاخ شاص نعم الرشاش يصرح اقتناء وانا اليوم 16/9/1426 رحت صرحت رشاش وخرازه لكن قالوا مافيه تصريح موقت مثل اللى فى الرياض سجلوا ارقام السلاح وقالوا راجعنا بعد ثلاثه شهور والله يستر

[أبو صقــر]

هذا ألي أبسويه قبل ما تقوله يا خالد 20

لاكن الله يجزاك خير يويكثرلي من أمثالك يالنشمي ومشكور

[ستيف فنس]

عبار درب

يعطيك العافيه اخوي

بس انا خايف انها تكون فخ وهي اقرب شي مثل ما قالوا بعض الاخوان

والله يستر

[UUNUU]

شباب يصرحون قنابل يدويه ؟ إذا في احد صرح يعلمنا

[الطلقة]

ياشباب هل فتح باب التصريح في المنطقه الغربيه وخصوصاً جده
وأين موقع قسم التصاريح

ارجو الرد بأسرع وقت نبي نصرح اسلحتنا قبل فوات الأوان