محمد الظاهري
19/12/2010, 06:54 PM
السلام عليكم ورحمه الله وبركاته
مساكم الله بالخير
انشالله انكم بخير وبنعمه وصحه وعافيه
اسرد لكم يا اخواني هاذي القصه الرائعه والجميله
واتمنى انها تحوز لكم
وما ودي اطول الهرج عليكم واترككم مع القصه ولكم حريه التعليق
يقولون السالفه هاذي جرت على واحد من رجال من اهل القرى
تزوج الرجال والرجال عنده مال ودكاكين (محلات)
وجاه ولد وحيد الولد ما يشوف بالدنيا إلا الولد هاذا
المهم دارت السنين ودرات وماتت مرت الرجال وهو طاعن في العمر ودارت عليه الايام والسنين ومرض الشايب
وفيه يوم من الايام حس ان منيته قربت
وقام ينادي ولده يا فلان يافلان وهو على الفراش
وجاه ولده سم سم يابوي علامك عسى ما شر
وقال الشايب ياولدي انا احس اني ابغيب عنك يابوك
وما كثر من العمر راح ياوليدي
وقال الولد اذكر الله يابوي اذكر الله لا تقول كذا
الاعمار بيد الله والله يطول في عمرك يابوي
وقال الشايب ياولدي
انا بوصيك بثلاث وصايا ابيك تحفظها وتسلك دربها يا وليدي
وقال الولد الله يطول في عمرك يابوي
قال الأبوالوصيه الاولى:: ابن لك بيت في كل ديرة
والوصيه الثانية ::ام البنتي وام الكنتي وام المسمار الي ينتي لا تزوجها
والوصيه الثالثة :لاتخون من آمنك لو كان خاين
وذا ضاقت عليك السنين واحتجت شي عليك بصحيبي فلان في هاك الديرة الفلانية
قله انا ولد فلان ابن فلان وان شالله مايقصر معك
من عقبها بكم يوم مات الشايب :الله الدايم:
المهم
بعد هذي الوصايا الثلاث احتار الولد في وصايا ابوه
راح الولد وبنى له بيت في الشمال والجنوب والشرق والغرب
المهم سوى مثل ماقال له ابوه وبنى بيت في كل ديرة.
بعد كم شهر نوى الولد انه يتزوج وكان في الديرة عجيز ولها بنت مزيونة
مطلقة ولها ولد من زوجها الاول ويوم سمعت انه يبي الزواج جته
وقامت تمدح في بنتها له وعن زينها لين اقنعته في الزواج من بنتها
ووافق الولد واعرس على بنت العجيز المطلقة .
وبعد كم سنه قالت العجيز لبنتها يابنتى افطنى في العلم الى اقوله لكِ
انا مازوجتك الرجل هذا الى طمع في ماله وبيكِ تتسلطين عليه وتحفضين كل ماله لولدك
كل ما جمعله دراهم من تجارتة تاخذينها منه و تحفضينها لولدك
بنيتى يابنتي لا تنسين ولدك
قالت البنت :ابشري يمه.
مرت السنين وكل ماجاب الولد دراهم وربح من تجارته اخذتها زوجته
وحجتها انها تبي تحفظ ماله وسوت الزوجة خزانة في ركن المجلس و بنت عليها
تكنز فيها الفلوس وهو مايعرف عن الخزانة شي .
مرت السنين والولد احواله المالية صارت تعبانة
وراح وباع بيته الى في الشمال ويوم جاب فلوس البيت اخذته منه زوجته
مثل العادة وتكنزه في الخزانة وتعطي زوجها قدر يسير من المال يتصرف فيه .
انتهت السنة ورجع الوضع على ماكان راح الولد وباع بيته الى في الجنوب
وعلى هذي الحال لين باع كل مايملك من بيوت وزوجته تاخذ منة وتكنز
في هالخزانة وكل ماسألها زوجها وين المال الى اعطيتك اياه تعذرت انها
صرفته في لاوازم البيت .
مرت السنة وطلع الولد ماعنده مايملك شي من المال الي ورثه من ابوه
المهم
وتذكر وصيةابوه
يوم يقول اذا احتجت شي وضاقت عليك الدنيا عليك بصحيبي فلان.
ويوم من الايام علم الولد زوجته وقال لها انا مسافر ادور واترزق الله
شد على مطيته وحط زهابه عليها وسافر لديرة صحيب ابوه.
ويوم وصل ديرة صحيب ابوه قلط عنده
وقال انا ولد هاكالرجال وابوي يطلبك الحل توفى
وقبل وفاته وصاني بثلاث وصايا.
الاولى :قال لي ابن لك بيت في كل ديرة
والثانية : ام البنتى وام الكنتى وام المسمار الى ينتى لا تزوجها
والثالثة :لا تخون من آمنك لو كان خاين
وسويت مثل ماقال لي ابوي بنيت لي بيت في كل ديرة وتزوجت حرمة مطلقة
ولها ولد وبعد زواجي منها تغيرت احولي المادية وصرت بعد كم سنة ماملك وعلمه الي بصدره كله
شي وجيتك انا ومالى الا الله ثم انت ياعم
قال صحيب ابوه :
هلا فيك وحياك الله والله يرحم ابوك عزالله نعم الصاحب
لكن وش لي اذا رديت مالك لك
قال الولد :والله لصير ولد لك طول حياتي
قام صحيب ابوه ونادى بناته الخمس
وقال للولد اختر من هن وحدة زوجتن لك اختار الولد وحدة منهن .
قال صحيب ابوه :
اللهم انى وهبتها لك ( كلمة كانت تقوم مكان عقد النكاح )
وقال له ابيك تحفظ الي بقوله لك
ابيك ترجع لديرتك انت وزوجتك واذا سالتك زوجتك وش جبت من سفرك
قل لها ماجبت الا هذي العبدة الخادمة الصماء البكماء.
ونتى يابنيتى
قالت بنته :سم يبه
روحى واضربي جسمك بالفحم لين يصير لونه اسود وبيك اذا وصلتم بيت
زوجك لا تكلمين ولا كلمة على انك صماء بكماء وابيكِ تسمعين وش تقول
زوجة زوجك من كلام في غيابه وتعلمينه بالي يصير اذا زوجك اذا رجع.
قالت البنت :ابشر يبه.
قال صحيب ابوه :
ونت ياولدي امانة الله وامانتك لا تكشف ستر بنتى
( المقصود بة الجماع )لين ترجعون
قال الولد :ابشر ياعمى
سافر الولد هو زوجته يم ديرته ويوم وصل بيته قابلته زوجته
وقالت له:بشرعساك في طرقتك جبت لنا شي نسترزق فيه
قال الولد: لا والله ماجبت من عند صحيب ابوي الا هذي العبدة الصماء البكماء
ابيها تخدم لنا
قالت زوجتة:وحنى عندنا شي ناكله عشان نصرف على هذي الخادمة
قال الولد:الشكوة لله هذا الي حصلته في طرقتى
المهم صارت الخدامه كل شي تقوله زوجة عمها من كلام لمها تخبر به عمها الى هو في الاصل زوجها
ويوم من الايام جت العجيز ام زوجت الولد لبنتها
وقالت لها يابنيتى المال كله انتى كانزته في الخزانه الى في ركن المجلس
لولدك ورجلك مايملك شي ولا نستفيد منه شي
ابيكِ تطلبين الطلاق منه عسى انة يطلقكِ وتقولي له انت ماتملك شي يالفقير تصرف علينا ومن هاك الكلام
وذا طلقكِ زوجتك زوجك الاول صار ميسور الحال
وفتحله كم دكان في هاك السوق
والخادمة جالسة جنبهن تسمع وش يقولون.
المهم يوم جا تالي الليل راحت الخدامة يم عمها( زوجها) وقالت له
كل السالفة
قال الحين عرفت وين ضاع كل مالى .
يوم اصبح الصبح جت زوجته يمه تشتكي الحالة والفقر
وتطلب منه الطلاق
قال لها زوجها ماعندي الا ابيع البيت واليوم العصر ابجيب الدلال
وابيع البيت
راحت الزوجة وبلغت امها العجيز
وقالت لها يايمه زوجى يبي يبيع البيت والبيت كانزه الفلوس فيه لولدي تصرفي االفلوس لا تضيع الي انا اجمعه دول عمري
قالت امها:ابشري ابروح يم زوجك الاول اخليه يحضر المزاد على البيت
عشان يشتريه
راحت العجيز يم زوج بنتها الاول
وقالت له:يابو فلان زوج بنتى يبي يبيع البيت والبيت بنتى كانزه المال فيه
لولدك لا يفوتك البيت زود فيه لين تشتريه تكفى يابو فلان
وترى هي تبي ترجعلك
قال لها : ابزود في البيت لين اشتريه
المهم يوم جا العصر وحضر الدلال يبيع البيت حضر الولد وتجار الديرة
وحضر زوج بنت العجيز الاول
بدا المزاد وكل مازودا تجار الديرة زود عليهم زوج بنت العجيز الاول
لين وقف البيت علية وشراه
قال الولد :عندي شرط وهو ماسلمه البيت الا بعد ثلاث ايام لين احصل بيت ثاني
اسكن فيه
قال المشتري( زوج زوجتة الاول): مايخالف
رجع الولد للبيت وطلق زوجته وطردها يم بيت امها
وراح ودخل المجلس وكسر ركن المجلس ويوم كسره
حصل الجنيهات والفلوس والذهب مكنوز فيه
قال لزوجتة( الخادمة):عطينى خيشة اشيل فيها الدراهم
قالت ابشر
المهم اخذ الولد حلاله كله الى في الخزانة وحمل الولد على المطية
وشال المال عليها وقفل البيت وراح يم الدلال
وقال يافلان خذ مفاتيح البيت عطها المشتري ونا ترى لقيت بيت في جنوب الديره
وسرى الولد هو وزوجته من الديرة متوجهين يم عمه
يوم جا الصبح ودخل المشتري( زوج بنت العجيز الاول) هو والعجيز وبنتها
وولدها البيت حصلوا الركنه مكسوره وماخوذ
الدراهم الى فيه كله ماخوذ وصاحب البيت مايدرون
وين راح اختفى من الديرة.
المهم يوم مشو الولد وزوجته حوالى ثلاث ايام بالياليها ومروا غديرا مليان ماء
نزل الولد عن مطيته وبركها وقام وشب ناره وسوا قهوته وقال لمرته الحين روحي غسلي وتنظفي
قالت البنت الحين ابوي موصيك وانت تقول هذا القول
قال الولد الحين المشكله انحلت وماهو قايل شي ابوك
المهم
يم الغدير وتسبحت فيه ونظفت ماعليها من فحم وصارت مثل قمر اربعطعش
وجت تمشي لين جلست عند زوجها.
وتقهوا هو ومرته وقامو وركبو مطيتهم ومشو متجهين يم عمه
المهم يوم وصلوا ديرة عمه
قال عمه : من طول الغيبات جاب الغنايم
قال الولد : ابشر ياعمي بالغنايم والمال والحلال كله
قال عمه : بشر عساك ماكشفت ستر زوجتك
قال الولد: لاولله ياعمى هي الى غصبتى على نفسها امس
قال عمه: ياخاين الامانة قم ياصبى دخل يده مع فتحة الجدار هذا
ورح من الجهة الثانية واقطع يده
يوم دخل الولد يده مع فتحة الجدار جت زوجته وطلعت يد زوجها ودخلت يدها
مكان يده
وقالت: يابوي لو قطعت يده كيف تبيه ياكلنى ويصرف علي.
قال ابوها: شفت ياولدي انت مامسكت من وصايا ابوك شي
يوم يقول: ابن لك بيت في كل ديرة
قصدة معرفة الرجال تعرف على الرجال الطيبة في كل ديرة تحتاجهم
ويوم يقول:
ام البنتي وام الكنتي وام المسمار الي ينتي لاتزوجها
قصدة لاتزوج الى لها بنت من زوجها الاول وكل شوي رايحه يم بنتها تمشط شعرها
او تفقد احوالها
ولا تزوج ام الكنتى الى تزوجت واحد قبلك وكل شوي تعايرك وتقول لك
لو كنت مثل فلان فلان كان يسوي كذا وكذا
وام المسمار الي يانتي لاتزوج الى لها ولد وكل حلالك تحفظه لولدها
عليك بالبكر الى قلبها على قلبلك وانت شفت بنتى وش سوت لجلك
اما قول ابوك :
لا تخون من امنك لو كانا خاين
وانت خنتنى يوم قلت لك لا تكشف ستر بنتى
لكن تراك مسامح ياولدي مدام حلالك رجع لك ون شالله تكون استفدت
ارجو ان القصه نالت لكم
واسمحولي اذا حصل اي تقصير في السالفه
واسمحولي على الاطاله يا اخواني
وتحياتي لكم
محبكم
محمد الظاهري
مساكم الله بالخير
انشالله انكم بخير وبنعمه وصحه وعافيه
اسرد لكم يا اخواني هاذي القصه الرائعه والجميله
واتمنى انها تحوز لكم
وما ودي اطول الهرج عليكم واترككم مع القصه ولكم حريه التعليق
يقولون السالفه هاذي جرت على واحد من رجال من اهل القرى
تزوج الرجال والرجال عنده مال ودكاكين (محلات)
وجاه ولد وحيد الولد ما يشوف بالدنيا إلا الولد هاذا
المهم دارت السنين ودرات وماتت مرت الرجال وهو طاعن في العمر ودارت عليه الايام والسنين ومرض الشايب
وفيه يوم من الايام حس ان منيته قربت
وقام ينادي ولده يا فلان يافلان وهو على الفراش
وجاه ولده سم سم يابوي علامك عسى ما شر
وقال الشايب ياولدي انا احس اني ابغيب عنك يابوك
وما كثر من العمر راح ياوليدي
وقال الولد اذكر الله يابوي اذكر الله لا تقول كذا
الاعمار بيد الله والله يطول في عمرك يابوي
وقال الشايب ياولدي
انا بوصيك بثلاث وصايا ابيك تحفظها وتسلك دربها يا وليدي
وقال الولد الله يطول في عمرك يابوي
قال الأبوالوصيه الاولى:: ابن لك بيت في كل ديرة
والوصيه الثانية ::ام البنتي وام الكنتي وام المسمار الي ينتي لا تزوجها
والوصيه الثالثة :لاتخون من آمنك لو كان خاين
وذا ضاقت عليك السنين واحتجت شي عليك بصحيبي فلان في هاك الديرة الفلانية
قله انا ولد فلان ابن فلان وان شالله مايقصر معك
من عقبها بكم يوم مات الشايب :الله الدايم:
المهم
بعد هذي الوصايا الثلاث احتار الولد في وصايا ابوه
راح الولد وبنى له بيت في الشمال والجنوب والشرق والغرب
المهم سوى مثل ماقال له ابوه وبنى بيت في كل ديرة.
بعد كم شهر نوى الولد انه يتزوج وكان في الديرة عجيز ولها بنت مزيونة
مطلقة ولها ولد من زوجها الاول ويوم سمعت انه يبي الزواج جته
وقامت تمدح في بنتها له وعن زينها لين اقنعته في الزواج من بنتها
ووافق الولد واعرس على بنت العجيز المطلقة .
وبعد كم سنه قالت العجيز لبنتها يابنتى افطنى في العلم الى اقوله لكِ
انا مازوجتك الرجل هذا الى طمع في ماله وبيكِ تتسلطين عليه وتحفضين كل ماله لولدك
كل ما جمعله دراهم من تجارتة تاخذينها منه و تحفضينها لولدك
بنيتى يابنتي لا تنسين ولدك
قالت البنت :ابشري يمه.
مرت السنين وكل ماجاب الولد دراهم وربح من تجارته اخذتها زوجته
وحجتها انها تبي تحفظ ماله وسوت الزوجة خزانة في ركن المجلس و بنت عليها
تكنز فيها الفلوس وهو مايعرف عن الخزانة شي .
مرت السنين والولد احواله المالية صارت تعبانة
وراح وباع بيته الى في الشمال ويوم جاب فلوس البيت اخذته منه زوجته
مثل العادة وتكنزه في الخزانة وتعطي زوجها قدر يسير من المال يتصرف فيه .
انتهت السنة ورجع الوضع على ماكان راح الولد وباع بيته الى في الجنوب
وعلى هذي الحال لين باع كل مايملك من بيوت وزوجته تاخذ منة وتكنز
في هالخزانة وكل ماسألها زوجها وين المال الى اعطيتك اياه تعذرت انها
صرفته في لاوازم البيت .
مرت السنة وطلع الولد ماعنده مايملك شي من المال الي ورثه من ابوه
المهم
وتذكر وصيةابوه
يوم يقول اذا احتجت شي وضاقت عليك الدنيا عليك بصحيبي فلان.
ويوم من الايام علم الولد زوجته وقال لها انا مسافر ادور واترزق الله
شد على مطيته وحط زهابه عليها وسافر لديرة صحيب ابوه.
ويوم وصل ديرة صحيب ابوه قلط عنده
وقال انا ولد هاكالرجال وابوي يطلبك الحل توفى
وقبل وفاته وصاني بثلاث وصايا.
الاولى :قال لي ابن لك بيت في كل ديرة
والثانية : ام البنتى وام الكنتى وام المسمار الى ينتى لا تزوجها
والثالثة :لا تخون من آمنك لو كان خاين
وسويت مثل ماقال لي ابوي بنيت لي بيت في كل ديرة وتزوجت حرمة مطلقة
ولها ولد وبعد زواجي منها تغيرت احولي المادية وصرت بعد كم سنة ماملك وعلمه الي بصدره كله
شي وجيتك انا ومالى الا الله ثم انت ياعم
قال صحيب ابوه :
هلا فيك وحياك الله والله يرحم ابوك عزالله نعم الصاحب
لكن وش لي اذا رديت مالك لك
قال الولد :والله لصير ولد لك طول حياتي
قام صحيب ابوه ونادى بناته الخمس
وقال للولد اختر من هن وحدة زوجتن لك اختار الولد وحدة منهن .
قال صحيب ابوه :
اللهم انى وهبتها لك ( كلمة كانت تقوم مكان عقد النكاح )
وقال له ابيك تحفظ الي بقوله لك
ابيك ترجع لديرتك انت وزوجتك واذا سالتك زوجتك وش جبت من سفرك
قل لها ماجبت الا هذي العبدة الخادمة الصماء البكماء.
ونتى يابنيتى
قالت بنته :سم يبه
روحى واضربي جسمك بالفحم لين يصير لونه اسود وبيك اذا وصلتم بيت
زوجك لا تكلمين ولا كلمة على انك صماء بكماء وابيكِ تسمعين وش تقول
زوجة زوجك من كلام في غيابه وتعلمينه بالي يصير اذا زوجك اذا رجع.
قالت البنت :ابشر يبه.
قال صحيب ابوه :
ونت ياولدي امانة الله وامانتك لا تكشف ستر بنتى
( المقصود بة الجماع )لين ترجعون
قال الولد :ابشر ياعمى
سافر الولد هو زوجته يم ديرته ويوم وصل بيته قابلته زوجته
وقالت له:بشرعساك في طرقتك جبت لنا شي نسترزق فيه
قال الولد: لا والله ماجبت من عند صحيب ابوي الا هذي العبدة الصماء البكماء
ابيها تخدم لنا
قالت زوجتة:وحنى عندنا شي ناكله عشان نصرف على هذي الخادمة
قال الولد:الشكوة لله هذا الي حصلته في طرقتى
المهم صارت الخدامه كل شي تقوله زوجة عمها من كلام لمها تخبر به عمها الى هو في الاصل زوجها
ويوم من الايام جت العجيز ام زوجت الولد لبنتها
وقالت لها يابنيتى المال كله انتى كانزته في الخزانه الى في ركن المجلس
لولدك ورجلك مايملك شي ولا نستفيد منه شي
ابيكِ تطلبين الطلاق منه عسى انة يطلقكِ وتقولي له انت ماتملك شي يالفقير تصرف علينا ومن هاك الكلام
وذا طلقكِ زوجتك زوجك الاول صار ميسور الحال
وفتحله كم دكان في هاك السوق
والخادمة جالسة جنبهن تسمع وش يقولون.
المهم يوم جا تالي الليل راحت الخدامة يم عمها( زوجها) وقالت له
كل السالفة
قال الحين عرفت وين ضاع كل مالى .
يوم اصبح الصبح جت زوجته يمه تشتكي الحالة والفقر
وتطلب منه الطلاق
قال لها زوجها ماعندي الا ابيع البيت واليوم العصر ابجيب الدلال
وابيع البيت
راحت الزوجة وبلغت امها العجيز
وقالت لها يايمه زوجى يبي يبيع البيت والبيت كانزه الفلوس فيه لولدي تصرفي االفلوس لا تضيع الي انا اجمعه دول عمري
قالت امها:ابشري ابروح يم زوجك الاول اخليه يحضر المزاد على البيت
عشان يشتريه
راحت العجيز يم زوج بنتها الاول
وقالت له:يابو فلان زوج بنتى يبي يبيع البيت والبيت بنتى كانزه المال فيه
لولدك لا يفوتك البيت زود فيه لين تشتريه تكفى يابو فلان
وترى هي تبي ترجعلك
قال لها : ابزود في البيت لين اشتريه
المهم يوم جا العصر وحضر الدلال يبيع البيت حضر الولد وتجار الديرة
وحضر زوج بنت العجيز الاول
بدا المزاد وكل مازودا تجار الديرة زود عليهم زوج بنت العجيز الاول
لين وقف البيت علية وشراه
قال الولد :عندي شرط وهو ماسلمه البيت الا بعد ثلاث ايام لين احصل بيت ثاني
اسكن فيه
قال المشتري( زوج زوجتة الاول): مايخالف
رجع الولد للبيت وطلق زوجته وطردها يم بيت امها
وراح ودخل المجلس وكسر ركن المجلس ويوم كسره
حصل الجنيهات والفلوس والذهب مكنوز فيه
قال لزوجتة( الخادمة):عطينى خيشة اشيل فيها الدراهم
قالت ابشر
المهم اخذ الولد حلاله كله الى في الخزانة وحمل الولد على المطية
وشال المال عليها وقفل البيت وراح يم الدلال
وقال يافلان خذ مفاتيح البيت عطها المشتري ونا ترى لقيت بيت في جنوب الديره
وسرى الولد هو وزوجته من الديرة متوجهين يم عمه
يوم جا الصبح ودخل المشتري( زوج بنت العجيز الاول) هو والعجيز وبنتها
وولدها البيت حصلوا الركنه مكسوره وماخوذ
الدراهم الى فيه كله ماخوذ وصاحب البيت مايدرون
وين راح اختفى من الديرة.
المهم يوم مشو الولد وزوجته حوالى ثلاث ايام بالياليها ومروا غديرا مليان ماء
نزل الولد عن مطيته وبركها وقام وشب ناره وسوا قهوته وقال لمرته الحين روحي غسلي وتنظفي
قالت البنت الحين ابوي موصيك وانت تقول هذا القول
قال الولد الحين المشكله انحلت وماهو قايل شي ابوك
المهم
يم الغدير وتسبحت فيه ونظفت ماعليها من فحم وصارت مثل قمر اربعطعش
وجت تمشي لين جلست عند زوجها.
وتقهوا هو ومرته وقامو وركبو مطيتهم ومشو متجهين يم عمه
المهم يوم وصلوا ديرة عمه
قال عمه : من طول الغيبات جاب الغنايم
قال الولد : ابشر ياعمي بالغنايم والمال والحلال كله
قال عمه : بشر عساك ماكشفت ستر زوجتك
قال الولد: لاولله ياعمى هي الى غصبتى على نفسها امس
قال عمه: ياخاين الامانة قم ياصبى دخل يده مع فتحة الجدار هذا
ورح من الجهة الثانية واقطع يده
يوم دخل الولد يده مع فتحة الجدار جت زوجته وطلعت يد زوجها ودخلت يدها
مكان يده
وقالت: يابوي لو قطعت يده كيف تبيه ياكلنى ويصرف علي.
قال ابوها: شفت ياولدي انت مامسكت من وصايا ابوك شي
يوم يقول: ابن لك بيت في كل ديرة
قصدة معرفة الرجال تعرف على الرجال الطيبة في كل ديرة تحتاجهم
ويوم يقول:
ام البنتي وام الكنتي وام المسمار الي ينتي لاتزوجها
قصدة لاتزوج الى لها بنت من زوجها الاول وكل شوي رايحه يم بنتها تمشط شعرها
او تفقد احوالها
ولا تزوج ام الكنتى الى تزوجت واحد قبلك وكل شوي تعايرك وتقول لك
لو كنت مثل فلان فلان كان يسوي كذا وكذا
وام المسمار الي يانتي لاتزوج الى لها ولد وكل حلالك تحفظه لولدها
عليك بالبكر الى قلبها على قلبلك وانت شفت بنتى وش سوت لجلك
اما قول ابوك :
لا تخون من امنك لو كانا خاين
وانت خنتنى يوم قلت لك لا تكشف ستر بنتى
لكن تراك مسامح ياولدي مدام حلالك رجع لك ون شالله تكون استفدت
ارجو ان القصه نالت لكم
واسمحولي اذا حصل اي تقصير في السالفه
واسمحولي على الاطاله يا اخواني
وتحياتي لكم
محبكم
محمد الظاهري