مشكلة الطقطقه بالمكينه واسبابه وكيفية اصلاحها افيدونا الله يجزاكم الجنه

[عاشق الماركيز]

بسم الله الرحمن الرحيم

مساكم الله بالخير والرضى ياخواني انا عندي ماركيز 2005استخدام امريكي الموتر نضيف بس المشكله الطقطقه اول ما اشغل الصبح يطلوع بصوت قوي ثواني ويروح واذا رحت مشاويري ورجعت اسمع صوت الطقطقه خفيف مره فمالمشكله الله يجزاكم خير ناس تقول من الزيت وناس تقول من فلتر الزيت فما الحل الله يجزاكم الجنه وانا والله ماني مرتاح من هالصوت والموتر جديد ماودي اوديه ويفكون ويلعبون فيه والزيت ماينقص تمام

[ثعل البرد]

حياك الله ..

معي كراون فيكتوريا 2002

وطلع فيه صوت طقطقة نفس وصفك بالضبط

وبعد الكشف عليه في عدة ورش

طلع العطل في (( جنزير المكينة ))

ويجب تغييره مباشرة


وقد قمت بتغييره واختفى الصوت ولله الحمد


أعانك الله

[شبح alsahra]

السلام عليكم
اخوي ممكن يكون المشكله عندك من جنزير المكينه او رمان تورس افحص السياره عند كبيواتر افضل لك ورحي راسك ولازم تخلي السياره تبرد علشان توضح العله والله يعطيك من خيره ويكفيك من شرها .

[عاشق الماركيز]

الله يجزاكم خير وبيض الله وجيهكم بس الجنزير يبغاله وقت وكم التكلفه علشان اكون على بينه لااني ماعندي اي خبره والله الله يطول بعماركم

[صنهات22]

السلام عليكم
صوت المكينة انوع
واى مكينكى فاهم يعلمك من وين الصوت
ممكن يكون عندك داخل المكينة جلبة ذراع فيها فراغ
اول ما تشغل تطلع صوت واذ رفع الزيت قطع الصوت
ممكن يكون عندك صباب قافل اول ما تشغل يطلع صوت حتى يرفع الزيت
ممكن يكون صوت سبيكة متحركة
ممكن صوت فوق من البلوف

نصيحتى افحص عند اكثر من ميكانيكى

[عبدالكريم وبس]

ياشباب عندي بليزر ٢٠٠٢ دبل لما اشغله الصباح اسمع صوت طقطقه قوي وواضح وبعد التسخين لفتره طويله مايقارب العشر دقائق يختفي الصوت وعند فتح غطاء الزيت للمكينه يخرج بخار زيت كثيف كذلك عند سحب عيار الزيت يخرج البخار. توقعت انها شنبر ولكن الذي حيرني ان الشكمان عند الدعس لايخرج دخان وفي التشغيل الصباح تحصل الشكمان ينقط ماء. وش السالفه وش المشكله واللي عنده خبره وعلم لايبخل علينا. شاكر ومقدر