رجاء أخوي بدون عاطفة أبي رأي من يملك السيارة فقط وفقه الله

[aziz66]

أشغلني النيسان باترول الجديد ولكن لم أجد معلومة موثوقة ممن يمتلك هذه السيارة وكل ماقرأت هو تحيز وتعصب لهذه السيارة أو للاند كروزرأو لليوكن أو التاهو
فرجاء أخوي ممن يملك معلومة موثوقة مبنية على استخدام لهذه السيارة وبأمانة أن يسرد المميزات والعيوب ومقارنة بسيطة بينه وبين فئته وله مني دعوة بظهر الغيب

[المطلق]

استاجر لك واحد لمدة يوم وجربه بنفسك

والتجربة خير برهان

[بدر الشويلعي]

استاجر لك واحد لمدة يوم وجربه بنفسك

والتجربة خير برهان

:good2::good2::good2::good2:

لانه ما يمدح السوق الا الي ربح فيه

خذه وجربه وانت الحكم

اتمنى لك التوفيق

[صوعان]

والله يا اخوي اني مثلك اشغلني كل ماصديت عنه رجعت اهوجس فيه
لكنه غالي ولا اعرف احد جربه
نسمع الناس تمدحه من بعيد بس ولا شي اكيد مافيه
لكن اذا ركبته وشفت السعه الي فيه ونشاطه حسيت انه موتر موتر موتر مشالله
لدرجه اني رحت سألت عنه لقيت اقل نوع se1 طبعا 320 حصان بــ 167000 ريال جديد اصفار
يجي دفلك بس
من دون فتحه

[الوزير2]

أخوي صوعان
= هل أنت متأكد من السعر لأني أخبر أقل سعر 178000ريال بارك الله فيك .

[صوعان]

متاكد يا اخوي الوزير في معارض النسيم
اسم المعرض ماني متاكد منه تعرف يدور الواحد وهو مايناظر اسماء المعارض
لكن المعرض في الشارع الداخلي وعنده باترولات جدد وجيوب تايوتا والله ماني متذكر اسمه
والماريه انه جاي على شارعين زاويه تفتح غرب على الشارع وله بوابه تفتح شمال على شارع ضيق
والباترولات اثنين موقفه عند الباب الشمالي لونها ابيض
والسعر هذا انا سالت الي في المكتب وقالي سعرهن
وان كان صامل والمعارض بعيده عنك مريتها اليوم وتاكدت منها
لانها قريبه جنب البيت

[قناصه]

السلام انا بفيدك باللي اقدر عليه:

رحت مع نسيبي للصيد في الساحل الشمالي مرورا بالقصيم حائل للتزود ببعض الاغراض وقعدنا ثلاثة اسابيع :

في الخط مريح جدا ماهو مثل الامريكي بس اريح من سيارتي 2006 هدد بكثير
في البر مريح ونشيط جدا تحس انه متماسك وخفيف نفس
صرفيه البنزين حليوه وتعتمد على السرعه لالالالالالكن اقل من القديم 2008بكثير مع انه اكبر مكينه
تحس ان السياره واسعه جدا من الداخل ومكيفها ثثثثثثثثثثثثثلاجه في عز الصيف والقوايل وحرارته ثابته
راسي في الخط قوي في البر مريح فخم عزم ماشاء الله

لالالالالالالالكن :1- الموتر جديد مابعد بانت عيوبه
2-لالالالالاتنسى تمر قطع الغيار وتسئل عنها <<<مع الاكيد انه غالي يكفيك انه نيسان <<<
3-استاجر لك واحد لمده يومين ثلاثه وجربه يمكن مايعجبك الى الخساره اخف
4-اسئل لك شريطي في المعارض والا مر المعارض لا اني سمعت من اكثر من واحد ان سعره يطيح لان ماله زبون الا الشريطيه ويخفسون بقيمته
5-استخر ربك وشاور روابعك ودراهمك وماحد مطاول بها الدنيا<<كل يموت وحاجته ماقضاها>>>
6-سمعت من اكثر من واحد ان البابطين افضل وارخص واكثر مواصفات واطيب ظمان من الحمراني

[سفاري959]

الموتر مع واحد من اخوياي فل الفل 400 حصان انا سقته وسألت الرجال عنه الصراحه موتر ما عليه كلام بالنسبه للقياده والرجال يمدح فيه بس طبعاً بالنسبه لي وهذا رأي شخصي بما اني راعي بر واجلد الموتر في البر ما راح اتعدى 80000 بسياره واكسرها في البران اما الرجال الي طلعاته خفيفه وراكد في البر ومنعم الله عليه يحقله ياخذ سياره بسعر غالي ويكسرها في البر والله اذا شفته مع الرجال اتحسف عليه موتر قيمته 280000 اجلده في البر خساره والا الموتر عز الله بالنفود ما نمشي مع دربه بجيوبنا ما شاء الله تبارك الرحمن

[راعي كيف]

نصيحه لأتأخذ اول تطبيق يعني اصبر 2011 دفعه ثانيه او اصبر 2012

[الاميراال]

المشكلة انه غير متوفر في محلات تاجير السيارات اللي دورت انا عليها

[نفود حائل]

أخي الكريم انا ماجربت السيارة الا بمهرجان التدشين قبل كم شهر

واللي اقوله لك اذا انت انسان تحافظ على السيارة خذها ولا تشاور احد

لانها سيارة مدينة وليست سيارة للإستخدام الشاق والمطامر

وحسب ما سمعت ان السيارة عاملين عليها تجارب اكثر من سنتين قبل نزولها

ولك الحكم

[غاوي رومانس]

انا من عشاق النيسان باترول

بس لو انا في محلك ابشري لي واحد

بنتظر لما ينزل اخر دفعة 2011 او ابداية 2012 علشان نعرف العيوب اللي فيه

فمن وجهة نظري اشوف انك تنتظر اشوي ازين لك

[aziz66]

:heart:شكرا لكل من دخل وداخل في الموضوع ولا أخفيكم القول أنني لم أصل إلى الحقيقة التي أنشدها ولا زال عشمي كبير بكل أمانة ومصداقية ممن استخدم السيارة ولكم وافر الشكر والتقدير أيها الفضلاء:heart:

[aziz66]

السلام انا بفيدك باللي اقدر عليه:

رحت مع نسيبي للصيد في الساحل الشمالي مرورا بالقصيم حائل للتزود ببعض الاغراض وقعدنا ثلاثة اسابيع :

في الخط مريح جدا ماهو مثل الامريكي بس اريح من سيارتي 2006 هدد بكثير
في البر مريح ونشيط جدا تحس انه متماسك وخفيف نفس
صرفيه البنزين حليوه وتعتمد على السرعه لالالالالالكن اقل من القديم 2008بكثير مع انه اكبر مكينه
تحس ان السياره واسعه جدا من الداخل ومكيفها ثثثثثثثثثثثثثلاجه في عز الصيف والقوايل وحرارته ثابته
راسي في الخط قوي في البر مريح فخم عزم ماشاء الله

لالالالالالالالكن :1- الموتر جديد مابعد بانت عيوبه
2-لالالالالاتنسى تمر قطع الغيار وتسئل عنها <<<مع الاكيد انه غالي يكفيك انه نيسان <<<
3-استاجر لك واحد لمده يومين ثلاثه وجربه يمكن مايعجبك الى الخساره اخف
4-اسئل لك شريطي في المعارض والا مر المعارض لا اني سمعت من اكثر من واحد ان سعره يطيح لان ماله زبون الا الشريطيه ويخفسون بقيمته
5-استخر ربك وشاور روابعك ودراهمك وماحد مطاول بها الدنيا<<كل يموت وحاجته ماقضاها>>>
6-سمعت من اكثر من واحد ان البابطين افضل وارخص واكثر مواصفات واطيب ظمان من الحمراني

شكرا لك أيها الغالي . لكن ممكن توضح ماتحته خط لي أكثر؟ هل تقصد أنه ليس بمريح مثل الأمريكي التاهو أو اليوكن ؟