.. طيري مايرتفع وش الحل ...

[ابوسمرى]

السلام عليكم ورحمة الله وبركاته
والصلاة والسلام على رسول الله

مساكم/صبحكم الله بالخير
عند طير حر قرناس هديته كم مره يرتفع وطياره ممتاز وريحته يمكن اسبوع انشغات عنه
والحين افكله حمامه اذا ارتفعت حل عنها مع ان الطير صنيع
ابي الحل ولكم جزيل الشكر والاحترام...

[أبو أمين]

الطير يمكن فيه كوكسيديا

[abo_Majed]

السلام عليكم ورحمة الله وبركاته
والصلاة والسلام على رسول الله

مساكم/صبحكم الله بالخير
عند طير حر قرناس هديته كم مره يرتفع وطياره ممتاز وريحته يمكن اسبوع انشغات عنه
والحين افكله حمامه اذا ارتفعت حل عنها مع ان الطير صنيع
ابي الحل ولكم جزيل الشكر والاحترام...
تاكد من وزن الطير يعني وزن اللي تهد فيه عاده الطير الصنيع يحل عن الصيده والضعيف كذالك

[بندر99]

مثل ماقال اخوي ابو ماجد وزن الطير مهم
الطير اذا كان صنيع ما يشفق على العلف
وشكراً

[قرناس شماالي]

اخوي مدامه صنيع اقصر عليه وهده كل ليوم لين ترجع لياقته

[أبوفرحان]

افااااااااااادوك

[ابوسمرى]

مشكورين على الردود
وزن الطير وزن هدد
ابو امين الكوكسيديا وش علاجها..

[yasser1389]

عطه حبوب دودة الرئه ودودة الكبد ودودة الامعاء (كورس)

[# نومـــــاس#]

عليكم السلام ورحمة الله وبركاته
ابو سمرى اسعد الله صباحك

اخي الكريم لا تكسر نهمت الطير ولا تعطيه حمام سلم او بمعنى اخر غير مريش ، لانك راح تفشله بعد كذا ماراح يلحق الحمام ولا راح يرتفع لها ابد وتدريبك لازم تبدا فيه من الصفر ، لابد تاخذ الطير بالتدريج ريش الحمامه مره ورى مره وكل ما شفت طيرك يزيد في الارتفاع قلل الترييش من الحمام ، وبعد ذلك استخدم الحمام المشرطن للارتفاع بس انتبه اول الهداد عليها لازم يكون من قرب ثم للابعد فالابعد وانشاء الله راح يزين طيرك.
عندي ملاحظه بعد : دائماً الطير لو ما جاب صيدته لا ترميله غيرها خله ينزل وبعد كذا حاول انك تاخذ لك نسر وتقرب وتدعيه من قرب وتعلفه على يدك ومن بكره تكرر المحاوله لكي لايجعلها ذريعه للفشل ويترك فريسته لاجل انه يخبر انك راح تعطيه غيرها وهنا المشكله الكبرى .
وبالتوفيق انشاء الله

[ابوسمرى]

عطه حبوب دودة الرئه ودودة الكبد ودودة الامعاء (كورس)
يعطيك العافيه وماقصرت

[ابوسمرى]

عليكم السلام ورحمة الله وبركاته
ابو سمرى اسعد الله صباحك

اخي الكريم لا تكسر نهمت الطير ولا تعطيه حمام سلم او بمعنى اخر غير مريش ، لانك راح تفشله بعد كذا ماراح يلحق الحمام ولا راح يرتفع لها ابد وتدريبك لازم تبدا فيه من الصفر ، لابد تاخذ الطير بالتدريج ريش الحمامه مره ورى مره وكل ما شفت طيرك يزيد في الارتفاع قلل الترييش من الحمام ، وبعد ذلك استخدم الحمام المشرطن للارتفاع بس انتبه اول الهداد عليها لازم يكون من قرب ثم للابعد فالابعد وانشاء الله راح يزين طيرك.
عندي ملاحظه بعد : دائماً الطير لو ما جاب صيدته لا ترميله غيرها خله ينزل وبعد كذا حاول انك تاخذ لك نسر وتقرب وتدعيه من قرب وتعلفه على يدك ومن بكره تكرر المحاوله لكي لايجعلها ذريعه للفشل ويترك فريسته لاجل انه يخبر انك راح تعطيه غيرها وهنا المشكله الكبرى .
وبالتوفيق انشاء الله
جزاك الله خير وبيض الله وجهك..

[الصاعقة33]

مايبيله شى خف الطير وادعه وراح يرتفع ويلحق الحمام

[(هزاع)]

اول شي ضمر الطير ولاتحرمه مره والثانيه تمرين لاتفشله خذ من ريش الحمام