ريف نجد
20/12/2010, 09:26 PM
السلام عليكم
مساكم الله بالخير ياوجيه الخير
السالفة يمكن قد قيلت لذلك اعتذر عن تكرارها مقدما ,والسالفه قديمه ومتداوله في مجالس الطيبين شرواكم لكن مايمنع نرويها لكم والذي يمكن ان البعض لم يسمع بها
السالفه سلمكم الله يقال كان هناك شايب مسافر ومعه زمله 3 او 4 اما لتجاره او غيره ,
الشايب امسا عليه الليل وامرح وشب ناره وصلح قهوته ,والا وهاك الطرقيه 2 نازلين عليه حيا بهم وقهواهم وعشاهم من عشاه الى معه, الشايب ما شاء الله عليه وجهه منور بالطاعه وجه خير ,طبعا الشايب معه سلاح.المهم الرياجيل الثنين(حنشل) ناوين يشلحون تشاورو بينهم وقال واحد للثاني انا استخرت الله عن هالشايب نبي نتركه الرجال علمه غانم قهونا وعشانا وحنا ذابحنا الجوع اتركه هو وبعارينه ونبي نسري ندور غيره المهم قال انت ذليت وخفت ومن هالكلام وحصل نقاش بينهم زعل الاول وقال انا تبت من الشغله كلها وترا الوجه من الوجه ابيض ولا عاد اني خويك ومشى وتركهم ,قال انا اذبح الشايب واخذ زمله ودراهمه ,رقد الشايب والحنشولي يخطط- ويرسم الكروكي للهجوم- قام الحنشولي بسكينه يحاول انه يصل للشايب علشان يذبحه وعجز والشايب نايم وطول ليله كله حاول منا جاه منا روح تعال مافيه فايده.
طلع الصبح قام الشايب وضى واذن وصلى الفجر ويوم التفت لون خويه الي امرح عنده جالس ماهو بعيد عنه .صوت له وقال له صليت قال لا . قال تعال خذ الماء ياولدي وتوضأ وصل.شب النار الشايب وسوى قهوته .وقهوى رفيقه وسأله الشايب عساك ياولدي رقدت البارح .تبسم وقال لاوالله مارقدت ولو تدري عني وش كنت ناوي كان ذبحتني .انا من البارح احاول اذبحك واسرقك وعجزت ,فيه جدار حال بيني وبينك لين قمت واذنت وصليت وابيك تسامحني ياعم ,تبسم الشايب وقال الله يهديك ياولدي والمسامح الله
تدري وش الجدار هذي آيت الكرسي الى حفظتني بعد الله سبحانه قال علمنيها وعلمه الشايب فيها ,قال ياولدي فك عقال البعير هذا وتراه لك فرح الرجال وتاب على يد هذا الشايب..
وكان فاتحت خير لهم في دنياهم واخرتهم
ارجوا ان لا اكون اطلت عليكم.
مساكم الله بالخير ياوجيه الخير
السالفة يمكن قد قيلت لذلك اعتذر عن تكرارها مقدما ,والسالفه قديمه ومتداوله في مجالس الطيبين شرواكم لكن مايمنع نرويها لكم والذي يمكن ان البعض لم يسمع بها
السالفه سلمكم الله يقال كان هناك شايب مسافر ومعه زمله 3 او 4 اما لتجاره او غيره ,
الشايب امسا عليه الليل وامرح وشب ناره وصلح قهوته ,والا وهاك الطرقيه 2 نازلين عليه حيا بهم وقهواهم وعشاهم من عشاه الى معه, الشايب ما شاء الله عليه وجهه منور بالطاعه وجه خير ,طبعا الشايب معه سلاح.المهم الرياجيل الثنين(حنشل) ناوين يشلحون تشاورو بينهم وقال واحد للثاني انا استخرت الله عن هالشايب نبي نتركه الرجال علمه غانم قهونا وعشانا وحنا ذابحنا الجوع اتركه هو وبعارينه ونبي نسري ندور غيره المهم قال انت ذليت وخفت ومن هالكلام وحصل نقاش بينهم زعل الاول وقال انا تبت من الشغله كلها وترا الوجه من الوجه ابيض ولا عاد اني خويك ومشى وتركهم ,قال انا اذبح الشايب واخذ زمله ودراهمه ,رقد الشايب والحنشولي يخطط- ويرسم الكروكي للهجوم- قام الحنشولي بسكينه يحاول انه يصل للشايب علشان يذبحه وعجز والشايب نايم وطول ليله كله حاول منا جاه منا روح تعال مافيه فايده.
طلع الصبح قام الشايب وضى واذن وصلى الفجر ويوم التفت لون خويه الي امرح عنده جالس ماهو بعيد عنه .صوت له وقال له صليت قال لا . قال تعال خذ الماء ياولدي وتوضأ وصل.شب النار الشايب وسوى قهوته .وقهوى رفيقه وسأله الشايب عساك ياولدي رقدت البارح .تبسم وقال لاوالله مارقدت ولو تدري عني وش كنت ناوي كان ذبحتني .انا من البارح احاول اذبحك واسرقك وعجزت ,فيه جدار حال بيني وبينك لين قمت واذنت وصليت وابيك تسامحني ياعم ,تبسم الشايب وقال الله يهديك ياولدي والمسامح الله
تدري وش الجدار هذي آيت الكرسي الى حفظتني بعد الله سبحانه قال علمنيها وعلمه الشايب فيها ,قال ياولدي فك عقال البعير هذا وتراه لك فرح الرجال وتاب على يد هذا الشايب..
وكان فاتحت خير لهم في دنياهم واخرتهم
ارجوا ان لا اكون اطلت عليكم.