الربذي
20/12/2010, 09:31 PM
السلام عليكم
يقول عام 1397 تقريبا كنا شمال بريدة بهكا الطعوس الرائعة وايام شتاء والامطار وكان وقتها السيارات قليله مره وان طاقلي ددسن موديل 76 بيضا كان العين تشوفها وعمري ب17 سنة تقريبا وبس اعرض !! ماادري وش يقصد:D على ام عزيز الددسن يقول باخر شهر 11 وديت ابوي لبريدة عشان يبي يحج وودعته واشتريت مسجل ب50 ريال واروح للبيت كان بيت شعر بحيد النفود وانا الي اشغل المسجل ونلتهي فيه كل العائله متجمعه ومن العصر لين قربت الشمس تغيب وامي تقوم قالت البهم وينه وادوره مالقيت شي والقى اثره لان المطر تو كف واثره واضح الا يمشى شمال مشيت على رجولي لين امساني الليل ورجعت للبيت وامي زعلانه البهم ضايع ولا نامت يوم اصبحنا قالت رح لخالك وروحوا دورا البهم يقول وانا اركب امر خالي كبير بسنه بالاربعينيات بس مايعرف يسوق ويركب واقعد اجورفها فيه بين الطعوس لا جاي مطر بالليل طول الليل ديم وراحت جرة (اثر )البهم انمسحت يوم طبينا الا اشوف ذاك بيت الشعر مبناه وش زينه وممتس اثر المطر الي جاء البارح وخلنا نضيع الاثر يوم اقبلنا عليه الا واشوف البيت يوم انهلع مع فتحات الرواق الي يم الحريم قلت يومك جاك يامهنا ماتتمنا ياسلام يقوم من قدي والبنات يطالعن في اكيد لانه من جهة النساء يفرحة قلبك قلت في نفسي لازم اوريهن اني سواق وكان البيت مبني اسفل طعس والطعس هذا يكون خلف البيت وانا ازر السيارة واتعدى البيت وارقى على الطعس واديور راجع للبيت الا مفتوح من جهة الطعس والحريم جالسات يخبزن وشابات الضو برا البيت وارتبك وانعفس وانصى الحريم وهن على نارهن يخبزن وحطات رواق بينهن وبين قسم الرجال منا منا وينحاشن واجيك طاير مرتبك متجهم الوجه متفشل داقن وجي اسيود !!!! وادخل عليهن وهن ينحاشن وادعس نارهن وصاجهن واحوس اغراضهم واتوطى بريقاتهم !!واصدم العمود حق البيت الي بجهت الحريم وتطفي السيارة وسط البيت واللتفت الا الرجال جالس على ناره ودلاله جاهزة يناظر فينا ويضحك !!!!! و انا وسيارتي فوق فرش ومهجع الحريم وش وجهي اللوان وتنافض ابي استعرض عندهن وتفشلت فشيله وخالي من القهر والزعل وهو يصفقتي وانا بالسيارة والحريم يتفرجن وراعي البيت عجيييييييييييييييييييييييييييييييييييب غريب ايمدح فيه ويترحم عليه يقول والله انه جالس على دلاله مقام حتى القوم ويقول لخالي لالالا خله مقسوم مقسوم مكتوب انزلوا انزلوا يالله حيهم وحنا ننزل وسيارتنا بشق الحريم وعيي خالي الا نطلع السيارة ويحلف علينا انا نتقهوى ونفطر وبعدين نطلع السيارة تخيلوا وش هالرجل قلت من اي قبيله قال والله ماادري بس الله يرحمه فوق الارض وتحت الارض ويوم العرض تقهوينا اتجغم القوه كانها سم ببطني من الفشيله بعدها طلعنا السيارة وهاوشني خالي وقالي يالي ؟؟؟ وقف بعيد عن البيت وانزل على رجولك واسالهم زين يالي فيك ومافيك فشلتنا يقول واول بيت وقفنا عنه يجي كيلوا واروح لهم على رجولي زين وجهي
يقول موقف مانساه
انا علقت عليه وقلت اشتر صاج واباريق ودورهم بدال الي تقرشعت
طبعا هو يقصها من فمه اروع وانا اختصرت لان الكتابه متعبه شوي وعندي شغل .
يقول عام 1397 تقريبا كنا شمال بريدة بهكا الطعوس الرائعة وايام شتاء والامطار وكان وقتها السيارات قليله مره وان طاقلي ددسن موديل 76 بيضا كان العين تشوفها وعمري ب17 سنة تقريبا وبس اعرض !! ماادري وش يقصد:D على ام عزيز الددسن يقول باخر شهر 11 وديت ابوي لبريدة عشان يبي يحج وودعته واشتريت مسجل ب50 ريال واروح للبيت كان بيت شعر بحيد النفود وانا الي اشغل المسجل ونلتهي فيه كل العائله متجمعه ومن العصر لين قربت الشمس تغيب وامي تقوم قالت البهم وينه وادوره مالقيت شي والقى اثره لان المطر تو كف واثره واضح الا يمشى شمال مشيت على رجولي لين امساني الليل ورجعت للبيت وامي زعلانه البهم ضايع ولا نامت يوم اصبحنا قالت رح لخالك وروحوا دورا البهم يقول وانا اركب امر خالي كبير بسنه بالاربعينيات بس مايعرف يسوق ويركب واقعد اجورفها فيه بين الطعوس لا جاي مطر بالليل طول الليل ديم وراحت جرة (اثر )البهم انمسحت يوم طبينا الا اشوف ذاك بيت الشعر مبناه وش زينه وممتس اثر المطر الي جاء البارح وخلنا نضيع الاثر يوم اقبلنا عليه الا واشوف البيت يوم انهلع مع فتحات الرواق الي يم الحريم قلت يومك جاك يامهنا ماتتمنا ياسلام يقوم من قدي والبنات يطالعن في اكيد لانه من جهة النساء يفرحة قلبك قلت في نفسي لازم اوريهن اني سواق وكان البيت مبني اسفل طعس والطعس هذا يكون خلف البيت وانا ازر السيارة واتعدى البيت وارقى على الطعس واديور راجع للبيت الا مفتوح من جهة الطعس والحريم جالسات يخبزن وشابات الضو برا البيت وارتبك وانعفس وانصى الحريم وهن على نارهن يخبزن وحطات رواق بينهن وبين قسم الرجال منا منا وينحاشن واجيك طاير مرتبك متجهم الوجه متفشل داقن وجي اسيود !!!! وادخل عليهن وهن ينحاشن وادعس نارهن وصاجهن واحوس اغراضهم واتوطى بريقاتهم !!واصدم العمود حق البيت الي بجهت الحريم وتطفي السيارة وسط البيت واللتفت الا الرجال جالس على ناره ودلاله جاهزة يناظر فينا ويضحك !!!!! و انا وسيارتي فوق فرش ومهجع الحريم وش وجهي اللوان وتنافض ابي استعرض عندهن وتفشلت فشيله وخالي من القهر والزعل وهو يصفقتي وانا بالسيارة والحريم يتفرجن وراعي البيت عجيييييييييييييييييييييييييييييييييييب غريب ايمدح فيه ويترحم عليه يقول والله انه جالس على دلاله مقام حتى القوم ويقول لخالي لالالا خله مقسوم مقسوم مكتوب انزلوا انزلوا يالله حيهم وحنا ننزل وسيارتنا بشق الحريم وعيي خالي الا نطلع السيارة ويحلف علينا انا نتقهوى ونفطر وبعدين نطلع السيارة تخيلوا وش هالرجل قلت من اي قبيله قال والله ماادري بس الله يرحمه فوق الارض وتحت الارض ويوم العرض تقهوينا اتجغم القوه كانها سم ببطني من الفشيله بعدها طلعنا السيارة وهاوشني خالي وقالي يالي ؟؟؟ وقف بعيد عن البيت وانزل على رجولك واسالهم زين يالي فيك ومافيك فشلتنا يقول واول بيت وقفنا عنه يجي كيلوا واروح لهم على رجولي زين وجهي
يقول موقف مانساه
انا علقت عليه وقلت اشتر صاج واباريق ودورهم بدال الي تقرشعت
طبعا هو يقصها من فمه اروع وانا اختصرت لان الكتابه متعبه شوي وعندي شغل .