المساعد الشخصي الرقمي

مشاهدة النسخة كاملة : توضيب مكينة فتك 2002


mamsdt
20/12/2010, 10:52 PM
بسم الله الرحمن الرحيم

السلام عليكم ورحمة الله وبركاته

الموضوع وما فيه باترول 2004
ارتفعت حرارته وطفى (الرديتر كان مكسور)
ووديته للحمراني يكشف عليه قال الزيت مختلط مع الماء
والحين ادورلي ورشه صاحيه توضب لي المكينه
ياليت اللي خابر له ورشه يدلني عليها


والله يجزاكم خير
احمد4.4
20/12/2010, 10:55 PM
انصحك بتشليح
ألشاكي
20/12/2010, 10:56 PM
أنت في أي منطقة

وللمعلوميه النيسان كلها وخاصه الجيوب القديمه الظاهر 2003 وتحت تجي الواجهه الي فوق الرتيتر بلاستيك والمفروض تحافظ عليها لانها دايم تنكسر ؛؛ وتتغير هي لوحدها او من الافضل تركب راتيتر المنيوم ؛

وشكرن
قدر مكتوب
21/12/2010, 11:47 AM
جرب يوسف الخضير موضب مكاين فتك كثير

القصيم وهذا رقم جواله

0555143338
ابونواف نيسان
21/12/2010, 11:58 AM
اخوي ارجو الاتصال على 0553831310
عبررر
21/12/2010, 02:38 PM
ركب مكينة كاملة تشليح اضمن وارخص
mamsdt
21/12/2010, 07:27 PM
مشكورين على التفاعل
وانا موقعي الرياض
وبالنسبه للمكاين الجاهزه ما تضمنها
وجزاكم الله خير
طرابيش
21/12/2010, 11:20 PM
مع احترامي لي قال الخضير
الخضير معاملتة سيئه جداا يحسب نفسه هو الي صانع
الباترول هذي نقطه
النقطه الثانيه اذا انت ببريدة رح لبو خالد الخضير الي بطريق اخضيرا رجل عاقل حبيب سمح
وامين وحط امين بين قوسين وغيره الله يستر وفهم يافهيم ونا اقول وضب ازين وشكرا
VIP-503
22/12/2010, 12:16 AM
اخوي تبي التوضيب رح لم ابو راكان بندر المورقي باذن الله تيسر امورك الحمد لله عنده مهندس اسمه ممتاز وعز الله انه اسم على مسمى باذن الله مايقصر معك وهو بالرياض صناعيه السلي وهذا جواله يوصف لك الورشه 0506241817 وقله انك من طرف المنتدى من طرف اخوك فواز السبيعي وباذن الله مايقصر معك اخوي الغالي لك احترامي
حاتم العمر
22/12/2010, 08:07 AM
اخوي خابرلك كم ورشه ممتازه دق علي 0506477633
مركب الجمس
22/12/2010, 08:13 AM
مع احترامي لي قال الخضير
الخضير معاملتة سيئه جداا يحسب نفسه هو الي صانع
الباترول هذي نقطه


كلام سليم .. معامله سيئه لأبعد درجه ..

توضيب الفتك مكلف جداً .. خذلك من التشليح موديل 2006 او 2007 اضمن و أوفر
بوعبدالعزيز84
22/12/2010, 02:30 PM
وعليكم السلام ورحمة الله وبركاته
اخوي لاتعتمد على كلام الوكاله تأكد من مكينة موترك وصارت معي في الجميح قالو لي توضيب وطلعت الموتر منهم ولا كلفتني برا الا حدود 1000 ريال
التعـ King ـديل
22/12/2010, 05:43 PM
اذا انت بالرياض مر على ورشه ابو صالح التركي قصمنجي حبيب ونصوح

بالصناعيه القديمه اذا ضيعته اسئل عنه ميزان المجد لانه جنبهم
YUKON_GMC
22/12/2010, 09:55 PM
اللي اعطاك المعلومه هذي نصااااب

خلط الماء مع الزيت مايبي له توضيب ... هذا يبي تفحص الرأس والطبات ومبرد الزيت فقط .. لو سليم تغير وجيه وطبات فقط ..

لو الرأس مشعور تجيب واحد مستعمل وبلاش تتخسر في قيمة التوضيب والمكينه سليمه
عاشق الvx
23/12/2010, 01:48 AM
مشاء الله تبارك الله ماقصرو الشباب الله يجزاهم خير
انا سامع عن واحد بالقصيم متخصص قي الباترول واتوقع انه الخضير,,,
اخويsafary2 ملاحظته بمحلها كان عندنا فورد وخلط المويه والزيت والسبب الطبة
وغيرناها وضبط ,,,
ترى كلام الوكالات ماهو صحيح كل مره اعرضه على اكثر من مهندس وتاكد
الله يكتبلك الي فيه الخير,,,
mamsdt
04/10/2011, 01:00 PM
مشكوووورين على الردود
وعذرا على تاخري فالرد
ابشركم السياره وضبتها عند ابو صالح التركي وكلفت حول 9000
والسياره ما عليها خلاف من تاريخ الموضوع
SHAS2006
09/10/2011, 09:03 PM
هلا اخوي

هل وضبت توضيب كامل وقطع غيار أصلي

لاهنت ممكن تعطينا تفاصيل شوي بخصوص القطع الي غيرتها وهل خرطه الراس ولا غيرته

مشكور
بدوي جنوبي
09/10/2011, 10:36 PM
اللي اعطاك المعلومه هذي نصااااب

خلط الماء مع الزيت مايبي له توضيب ... هذا يبي تفحص الرأس والطبات ومبرد الزيت فقط .. لو سليم تغير وجيه وطبات فقط ..

لو الرأس مشعور تجيب واحد مستعمل وبلاش تتخسر في قيمة التوضيب والمكينه سليمه

الله يجزاك خير
جالس أبحث عن رد مثل ردك
ليس كل محرك خلط الماء مع الزيت يحتاج توضيب
قد تكون المشكله من طبه
او
وجه الراس حصل في ثقب او الراس منشعر
تنحل المشكله اما بتغيير الطبه او بتغيير وجه الراس
مع الخرط للراس ان كان يحتاج خرط

بعد هذا كله يتم تغيير الزيت والسيفون
مرتين لخروج الماء من داخل المحرك بالكامل .