هل يمكن تبديل القير الاتوماتيك الى عايدي

[صاحب الكشتات]

السلام عليكم ورحمة الله وبركاته دمتم بالخير يا اعضاء مكشات
عندي استفسار عن تبديل القير الاتوماتيك الى عايدي
هل يمكن ذلك ؟
وماهي القطع المطلوبة ؟
وكم التكلفة ؟
السيارة لاند كروزر 94

[HW80]

القطع المطلوبه حسب خبرتي هي:
1-قيرعايدي.
2-كلتش[صحن-دسك-فحمة].
3-علبة اصلاح كلتش تحت-علبة الكلتش مع دواسة الكلتش.
4-يمكن تحتاج الى تغيير دواسة الفرامل اذا كان مافيه مساحه او تقص منها.

والله اعلم ننتضر باقي الاخوان

[ناصر]

اخي والله اني متحسف ان القير في سيارتي عادي تايوتا 2001 جي اكس ار
بهذله في التعشيق والزحمه في المدن
نصيحه خله مثل ماهو توماتيك
او بيعه واشتر عادي

[المظل]

وعليكم السلام ورحمة الله وبركاته

اخوي تبديل القيرمن تماتيك الى عايدي
راح يكلفك من خمسة الاف الى سبعة الاف

على حسب نظافة القير اللي راح تلقاه وسعره

والقطع اللي تحتاجها هي كالتالي

1- قير عايدي مع العصاء
2- حذاف
3- كلتش (صحن + دسك )
4- فحمه
5- هلال فحمه مع المشكبه حقت الفحمه
6- سرندل كلتش تحت مع اللي حقه
7- علبة كلتش فوق
8- ماصورة الزيت اللي تجي من العلبة اللي فوق الى اللي تحت
9- دعسة كلتش مع القاعده
10- دعسة بريك مع القاعده
11- عمود دبل امامي
12- عمود كردان خلفي

ولاتنسى انه يختلف طول العمدان من العايدي الى التماتيك الى الدفع الرباعي
وكذلك قاعدة كرسي القير لازم ترهم لانه يختلف طول القير
القير التماتيك طويل والعايدي قصير

ولازم تشتغلة عند واحد مظبوط لان فتحت القير اللي بالغماره تختلف من التماتيك للعايدي
ولازم يظبطها والا راح تتعبك بصوت الهواء وصوت القير
ودخول الهواء معها بالصيف يكون حار وبالشتاء يكون بارد

وارجو اني اكون قد افدتك

[صاحب الكشتات]

الله يجزاكم بالخير ويسعدكم في حياتكم الحقيقة الجيب اغليه ولا ودي افرط فيه لانه نظيف جدا ولله الحمد ولكن حبيت اسأل علشان فيما بعد لو احتجت تغيره احوله عايدي لاني من عشاق البر ومشكورين على ردودكم

[ابوصالح77]

ما قصرو الربع الله يبيض وجيههم ومن يقرأ

[لاندكروزر11]

بع وشتر عادي شد بلد
احسلك