جي اكس آر

[نسيم الذواري]

السلام عليكم

حي الله الربع

عندي جيب جي اكس ار 2006 ودي افك سير المكيف هل هناك اضرار على السيارة ؟ في المستقبل القريب او البعيد ؟


والامر الثاني : كم يسوى الجيب ؟

[نسيم الذواري]

وينكم يالربع ؟

[ابوحميد122]

قريبييييييين

[عبررر]

لا مايضر واخف للموتو لكن وصلك الصيف

[نسيم الذواري]

طيب يالغالي عبررر اخف للموتر ممتاز لاكن وش دخل الصيف ؟


وسمعت انه يثقل الطارة تصير ثقيلة هل الشي هذا صحيح ؟

[حاتم العمر]

ياخوي ماشاء الله موترك جديد 2006 وشوله تفك سير المكيف خله بلد وماعليه اخلاف واذا الطاره فيها مشكلة فهي من اصلاح علبة الدركسون لأنها دايم تخرب في الاندكروزر ..

[نسيم الذواري]

اخوي حاتم الدركسون ما منه اي خلاف لاكن علبة الدركسون اذا خربت وش يصير في الطارة ؟


والشي الثاني انا ودي افكها ودي الطاره تثقل لاكن هل له اضرار ؟

[VIP-503]

وش دخله سير المكيف البلا من سير علبه الدركسون تلقاه ماهو مشدود ولا السير ضعيف مايعطي اللفه الكامله للعلبه احترامي

[عمري سراب]

شي اكيد اذا فيه تفريط للسير بتثقل معك الطارة
واذا فكيت سير المكيف ما راح يضر السيارة شي بالعكس بتثقل الطارة عليك بالزحمه والمواقف بتعبك
واذا على العزم ما راح يفرق على ثقل السيارة

[ابوصالح77]

هلا بك أخوي
لالالالالالالالالالالالالالالالالا تفك سير المكيف
وشو له
إذا فكيته يمكن يجيم الكمبرسر(دينمو المكيف ) والشداد

أما أخف للموتر هذا أيام زمان للدداسن والهايلوكسات القديمة جداً
تقبل مروري

[نسيم الذواري]

اخوي اف بي اي و عمري سراب الطارة ولا احلى منها ما فيه اخف منها انا الي اسأل عنه اذا فكيت سير الدركسون وش الاضرار على السيارة ؟

اخوي ابو صالح ان متأكد ان الكمبرسر يجيم واذا جيم وش يصير طيب ؟

والشداد وشو الله لايهينكـ

المعذرة ياشباب تعبتكم لاكن والله مالي خبرة في السيارت واعذرونا على كثر الاسئلة ^^

[أبوجهاد التبوكي]

الاخوان يفيدونك...

[آلجنيدي]

؟؟؟؟؟؟؟؟؟؟؟؟
وآلله تبي آلنصيـحه .. لآتفك شي آلآ آذآ خرب معآك

مآدري من وين يجيبون آلعآلم آلمعلوِمآت هذي

آلي يقول لك آذآ شلنآ آلقطعه هذي يقوى عزمه

ولآ آذآ ركبنآ عليه بعد قطعه يصير به كذآ وكذآ

مدآم آنه يمشي مآعليك ... يعني ليه آلوآحد يدور آلي يخرب موترِه .....؟

[نسيم الذواري]

يااخوان الظاره انكم ما بعد وصلتو مرادي

الي ابيه انا ان الطاره تثقل ابيها تصير ثقيله ما همني يقوى ولا ملا يقوى الي استفسر عنه اني اذا شلت سير الدركسون الطاره راح تثقل طيب اذا ثقلة وش الاضرار هل فيه اضرار مثلا يجيم الكمبرسر مثل ما قال اخونا ابو صالح ؟؟

[بدوي جنوبي]

اذا سير المكيف مستقل
ما عندك مشكله تقدر تفكه مؤقت

بشرط ما يكون السير متصل مثلا مع الدينمو
او مع علبة الدركسون .

فهمت قصدي

[نسيم الذواري]

اخوي بدوي جنوبي بيض الله وجهكـ

لاكن مؤقت الى متى ؟

وهل فيه علامات تبين لي انه يكون مستقل او لا ؟

[الرحال 2003]

مثل ماقال اخوي ابوصالح
يخرب رمان الكمبرسر ورمان الشداد اللي يشد السير بسبب الرمل والماء ، ولا به ضرر من فك السير على الكمبرسر نفسه

[سليمان 10]

اذا فكيت السير يجيم رمان الكمبرسل مع الطين والماء 0علما انني قد فكيت السير ولم استفد شي 0والمشكله كل المشكله في تماتيك المروحه هو الذي يثقل على عزم السياره اثناء الصعود في النفود000

[نسيم الذواري]

بيض الله ويجهكم يا اخوان


لاكن يخرب ولا يجيم رمان الكمبرسر والشد بسبب الماء والطين وذا حصل يعني امره هين تنظيف وانتهى ولا انا غلطان ؟

واخوي سليمان انا منيب راعي نفود ومراقا انا بس ودي اغلي الطارة ثقيلة قلت خل افك سير الدركسون لاكن قبل نسأل اهل الخبرة .

لاكن يا بو سليمان يو مفكيته ثقلت الطاره ولا ؟

وياليت تعطينا نبذه عن تماتيك المروحة !

[الرحال 2003]

اذا خرب الرمان بأمكانك تغيره، اوتنظفه وتزيته ، لاكن سير الكمبرسر لحاله
ماله علاقه بالدركسون
وتماتيك المروحه بعض الناس يفكه ويركب مراوح كهرب علشان التطعيس يخف الموتر
ونصيحه لاتركب مراوح لانه ماتضبط بالجيب

[has-120]

ما خاب من استخار ولا ندم من استشار

أخوي نسيم الذواري
أشوف أن طاره اللاند زينه
وما يحتاج فك السيور

وتماتيك المروحه:
هي مروحه المكينه اللي تبرد الاديتر
بعض الناس يفكها ويركب مروحه على الكهرب
مالها دخل في المكينه: يقل صوت الموتر
ويبرد المكيف - وتخف المكينه شوي
بس إذا خربت : ترتفع حراره الموتر
وتقشر بصل

لك رساله على الخاص

[رفيع المقآم]

حبيب قلبي بافيدك باللي اقدر عليه
الحين السيارة لما تشتغل يدور عموم الكرنك
عمود الكرنك هذا بنهايته بكرة وبجنبها بكرات مثل بكرة طرنبة الماء وبكرة المروحة وبكرة طرنبة الدركسون وبكرة كمبروسر المكيف وبكرة طرنبه الماء
بالمواتر اليابانيه يجي كل البكرات هذي لحال وبكرة الكمبروسر لحال كل هالبكرات مربوطة بسير واحد ببكرة عمود الكرنك لانها هي اللي تخليهن تدور واللي يوصل الدوران السير
والسير الثاني يوصل الدوران من بكرة الكنرك الى بكرة الكمبروسر
هذا اللي انت بتفكه
يمكن يجيم معك بكرة الكمبروسر وتحتاج تغيير الكمبروسر وقيمته للجمس 2000 ريال م 99 والباترول الظاهر ماني متاكد 3000 من غير شغل اليد والفريون والقروشة
وظيفة الكمبروسر اللي بتفكه يظغط هواء الفريون البارد ويدخله لثلاجة المكيف التي بدورها تشغل المروحه وتدفعه اليك لكي تستانس ببرودته وتزيل العرق عن جبينك >>> تعبان على اخر جمله
ارجو اني افدتك
وشوري لا تفكه لانه قروشه بلحاله وانا اقولك عندنا جمس م99 غيرنا له كمبروسر 3 مرات وماظبط ماراح يظبط مثل الوكال فليش تخسر نفسك
تبي تطلع عضلات ولا شلون هههههههههههههههه

[الخزاعي2010]

ياخوى لاتفك شي

اليباني افهم منى ومنك لو ماله فائده محطو السيرر كان وفرو على انفسهم خسائر

وذا تسئل عن قيمت الموتر قبل يومين سايم واحد 2006 ابيض جي اكس ار نظيف ورده قالى بـــ 112 الف ريال