المساعد الشخصي الرقمي

مشاهدة النسخة كاملة : يا أصحاب آيكوم (8000) .. عاجل !!


أبـ [مطلق] ـو
12/10/2005, 02:10 AM
السلام عليكم ورحمة الله وبركاته

كيفكم أخواني ؟

أن شاء الله طيبين

يا أخوان شريت لي جهاز آيكوم 800 مستعمل .. الجهاز ولله الحمد نظيف وماعليه كلام

لكن تجيه حالات ان شاء الله انكم تعرفون حلها بإذن الله

*مرات إذا كبست على الريشه ما يضغط لين تكبس مرات متكرره

*ومرات يعلق الريشه كأني باتل ضاغطها ما فكيتها حتى في نفس وقت التعليقه اقلب قنوات ما يقلب لكن اصبر فتره بسيطه ويفك التعليق

*ومرات يشتغل معي مضبوووط .. يعني إذا علق صبرت شوي او إذا عيا يضغط الريشه الا بعد ضغط متكرر اصبر شوي ويشتغل مضبوط

وإذا ضبط الناس تسقبلني مضبوط وارسال تمام وصوتي واضح

أنا والله ما ادري البلا من وشو الريشه ولا من الجهاز لكن .. لو انه من الجهاز كان ما خرب وزان.. خرب مره وحده مهب مره يضبط ومره يخرب

مع العلم انه شغال على بطاريت سياره .. مهب على محوّل

لكن انتظرك ردكم يا اخوان تكفوون

وأنا آسف على الإطاله

تحيااتي

.
بــرق الشمال
12/10/2005, 06:27 AM
الأخ: ابومطلق... اتوقع ان الخلل من الريشه...
وصار معي نفس الشي بالضبط...
والحل ياطويل العمر...يوجد محل في مدينه الرياض(ان كنت من سكان الرياض)..ويبدل لك ضغاط الريشه من الداخل...بآخر(حق فديو)..وترجع لك الريشه..مثل اول او احسن...
والموقع..(الرياض_حي الربوه_شارع الثلاثين_)
واسم المحل(ليزر)..وان كنت تريد وصف اكثر..راسلني على الخاص...

آآآآآمل اني افدك اخوي ابو مطلق...


تحياااااتي لك
برق الشمال
الخبير
12/10/2005, 02:06 PM
اخوي اعتقد المشكلة في الريشة وإذا حبيت تتأكد خذ لك ريشة آيكوم 8000 أو ريشة لآيكوم 2100 ( كلهم يصلحون ) إذا راسلت تمام فالمشكلة من الريشة صلحها أو غيرها إليث تشوف.
بالتوفيق
أبـ [مطلق] ـو
12/10/2005, 02:26 PM
يعطيكم العافيه وماقصرتوا


بيض الله وجيهكم

لكن ان شاء الله بجرب وارد لكم خبر .. لكن الي عنده اي معلومات إضافيه ولا شي يفيدني جزاكم الله خير

تحيااتي

.
صاروخ
12/10/2005, 02:52 PM
اخوي ابو مطلق كلام برق الشمال صحيح المشكله من الضغاط (الزر) اللى داخل الريشه
انا حصل مع نفس المشكله وفكيت غطاء الريشه وصرت استعمل الريشه بدون غطاء اضغط على الزر مباشره حتى وصلت الديره .
وسأحاول تغيير الزر ( الضغاط ) ان شاء الله .
اخوك ابو خالد
أبـ [مطلق] ـو
12/10/2005, 04:59 PM
يعطيك العافيه يابو خالد

ماقصرت

.
أبـ [مطلق] ـو
13/10/2005, 12:54 AM
ياخوان الظاهر ان العله من بطاريت السياره ولا انتم وش رايكم ..

لأني رحت شغلته بمحل على محول كهرب وشغل تمام

وانا اطفي الموتر ونتكي واشغل الجهاز اول ما اشغله مضبوط لكن بعد ربع ساعه كذا يبدا التعليق شكله إذا ضعفت البطاريه لأني موتري ددسن وبطاريته مهب ذاك الزود

ولا انتم وش رايكم ؟


.
جفيل
13/10/2005, 02:52 AM
خذ العلم مني واناخوك!!


هذي تصير في حالتين:


1- الحاله الأولى:- الأمبيرات عنك قليله<< وهذي قد صارت لي

2- الحاله الثانيه:- الراجع عندك عالي يعني الكهرب او بمعنى اخرى الأريل موب مظبوط<< وهذي اكثر الأوقات تجيني

3- الحاله الثالثهوالمهمه:- الريشه يها خلل واكثر اجهزة 8000 بها هالخخل

تبي تصلحها خذ شوري لامحلات ولاخنبقه فك الريشه وبتلقى الضغاظ حق الريشه(( قطعة حديد)) حط قدامها قطعة منديل او قطعة الورقه

وطبق الغطاء حق الريشه وانتهت المشكله وتمتمع بالمراسله برواقه وسعة صدر
أبـ [مطلق] ـو
13/10/2005, 03:26 AM
أخوي شايب سدير ..

يعطيك العافيه وماقصرت

وبسويها ان شاء الله

تحيااتي

.
جفيل
13/10/2005, 02:05 PM
اجل يابو مطلق لاتفك شي

مادام الخلل من البطاريه خلاص ركب بطاريه جديده وامبيراتها واجده

واذا ماانحلت المشكله..


سو الي قلتلك علييه
أبـ [مطلق] ـو
13/10/2005, 04:50 PM
لكن للأيكوم 8000 .. كم امبير آخذ يعني

وشو الي يصلح له ؟
جفيل
14/10/2005, 01:57 AM
شفني واناخووك انت بتشري البطاريه موب بس للآيكوم بتشريها للأشياء الثانيه بعد.. صح ولا لا خلاص خذ اكثر شي بس يكون صغير يعني تكون اكبر بطاريه للونيتات من حيث الأمبيرات.

وتقبل تحياتي
أبـ [مطلق] ـو
14/10/2005, 04:08 PM
صح كلامك والله

وأنا آسف اني اشغلتك معي


تحيااتي

.
الخبير
14/10/2005, 09:38 PM
السلام عليكم
الآيكوم 8000 ياخذ 13 امبير، ولكن يمكن تكون بطارية سيارتك 55 امبير فوش يبقى للجهاز؟
أبـ [مطلق] ـو
15/10/2005, 02:04 AM
طيب اخوي الخبير ..

اشتري بطاريه كم امبير ؟

.
الخبير
15/10/2005, 10:46 AM
بطارية سيارتك كم امبير؟
خذ زود عن إلي عندك ب 10 أمبير بالكثير
أبـ [مطلق] ـو
15/10/2005, 02:50 PM
أخوي الخبير .. ما قصرت يالغالي

وأنا آسف اني اتعبتك معي .. وأول ما اغير البطاريه ولا اشوف لها حل ارد لك خبر


تحيااتي

.