تسجيل الدخول

مشاهدة النسخة كاملة : بخصوص النمره 2 بالقير


ابوحميد122
21/12/2010, 11:08 AM
السلام عليكم
انا سيارتي لاندكروزر في اكس ار 99
غيرت صحنة الكلتس والدسك والفحماااات
بشهر رمضان 1431هـ
من شهر تقريبا او اكثر لما اقوم السيارة بالاول وارجعها للثاني فيه مشكله وهي ما يلقط الثاني بالهداوه الا بالضغط اكثر من مره على دعاسة الكلتش
ما المشكله
او انها طبيعية
مقطع العروق
21/12/2010, 08:20 PM
وديها لمكانيكي مضبوط يوزنه لك

وان شاء الله هذي هي المشكلة ويارب تتسهل امورك

وان شاء الله تبشرنا بحل هالمشكلة
عاشق وسم
21/12/2010, 09:16 PM
علبة كلتش الفوقيه شيك عليها ..
الشيخ البدراني
21/12/2010, 09:34 PM
الله يكون في عونك
بن دويش
21/12/2010, 09:41 PM
إذا القير يلعب مكانه يعني يدور ماهو بثابت فيه قطعة أسفل العصى القير
غيره و أن شاء الله يصلح لاكن شيك قبل
والله اعلم...
VIP-503
22/12/2010, 12:35 AM
عندك وزنيه زيت الكلشت وتيسر الامور رجعه للي ركب الدزق والصحن وتزين الامور ولا اتوقع من سواقتك تحن الموتر بواحد لين يقطع وتبيه يلقم ثاني على طول لقمه ثالث ابرك هههه لك احترامي
حاتم العمر
22/12/2010, 08:02 AM
اذا كانت المشكلة من يوم تغيير الكلتش فهذا اكيد يبيله وزنيه اما اذا طلعلك تالي الله يعينك شيك على القير
ابوحميد122
22/12/2010, 10:17 AM
يعطيكم العافية
المشكلة فقط الصبح يعني اذا اتمشيت به وخذيت به مشوار لقم بسرعه
والمشكله هذه ظهرت تقريبا مع حلول الشتاء
الرحال 2003
22/12/2010, 01:00 PM
يعطيكم العافية
المشكلة فقط الصبح يعني اذا اتمشيت به وخذيت به مشوار لقم بسرعه
والمشكله هذه ظهرت تقريبا مع حلول الشتاء
عندي موتري مثل مشكلك الصبح فقط اتوقع السبب ان الزيت يكون
بارد ونازل واذا مشى الموتر ارتفع الزيت للتروس وثم يبدأ يلقم
ROSS
22/12/2010, 02:11 PM
السلام عليكم اخوي ابو حميد

شي طبيعي الصباح وخصوصاً في الشتاء

تبديل النمرة من الأول الى الثاني تكون النمرة ثقيلة

لدرجة انك تسمع قرة بالقير ومع المشي يحمى الزيت

ويصير التبديل طبيعي وذي الحركة اكثر شي بالتايوتا


ROSS
راعي الهدد 7
24/12/2010, 12:32 AM
السلام عليكم


والله حتى انا عندي نفس الحاله وماألاحظها الا الصباح او مااحرك وبعدها ترووح .والظاهر المسأله عاديه مايحتاج لها شي
ابوحميد122
28/12/2010, 08:54 AM
ابشركم
جيت ورشة الرخى
ولقى المشكله في جلبه
اول شي فك عصى القير وحطله قطعه بلاستك بـ (2ريال) بنفس القير
وحط جلبه ب(5) ريال
والحمد لله انتهت المشكلة .......

للفائدة