نداء لأهل الباترول ((فزعتكم))

[محب الطيبين]

السلام عليكم
موتري (باترول 2005فتك) ولله الحمد والمنة مالي عينيي , لكن فيه مشكلة جدا محيرة وذلك لأني كشفت عليه عن عدد من المختصين وكلهم بالنهاية (يبلم)اي (يفهي)بمعنى يعلن فشلة مع إقراره بوجود المشكلة ووضوحها
المشكلة هي / عندي طقة بالموتر بدأت ضعيفة والان واضحه , الطقة تجي عند الوقوف(مثلا عند الإشارة) تجي على حالتين
الأولى/اذا بغت تاقف السيارة تماما قبله بأجزاء من الثانية تطق
الثانية/إذا ماطقت عند الوقفة تطق إذا رفعت رجلي عن الفرامل ابمشي تطق

(الطقة أقول احيانا انه بالقير واحيانا اقول بغيره)
انا في انتظاركم يالنشامى

[تنوم]

لا تتعب نفسك هذي طقه عادية بكل البواترول

[ال حمزه]

كان لدي جيب باترول 2002 ثم ظهر صوت قرقعة وبعد فترة صار الصوت عالي
اكتشفت ان جلد المساعدات طاحت وهي اللي تطلع الصوت

[سفاري نجد]

تطمن ماهي من القير

معي 2003 سوبر سفاري قير اتوماتيك نفس حالتك غيرت عمود الكردان على الضمان ومافيه فايده رجعت الطقه !؟؟
والوكاله بكبرها ما عرفت حل للمشكله وحصلت حل في مكشات ومواقع أخرى ؟!!


والحل شي بسيط تشيحم الصليبات لعمود الكردان وعمود الدبل وتروح بإذن الله ,,, تشحيم بـ5 ريال
كل ما حسيت فيه طقه شحم والتشحيم من اول مره ما تروح خذ لك مشوار فيها وجرب الطقه راحت اول لا أو خفت
وشحم مره ثانيه ليين تتشبع الصليبات ,

الطقه ترجع بعدين بسبب التحميل الزايد لأن بستم عمود الكردان يضغط على الشحم فيتسرب .

مع التشييك على الجلد احتياط !

وليتك تعلمنا وش يصير لك !

في أمان الله

[ابوالولد]

اخوي صارت معي الطقه وغيرت كل شي في الموتر وكثير من الورش الي فحصها بحديد والي بعتله وكلهم يقولون الكراسي ممتازه واخر شي صار عندي 2 كراسي قير 1 كرسي مكينه والا اكتشفها واحد من الشباب بهذي الطريقه
شيك على كراسي القير والمكينه تشيك بدقه يعني مهوب بحديده هز الموتر وهو واقف وساحب الجلنط وانت مشغل الدبل وا فحص كراسي القير واذا ماسمعت شي خل واحد يجي عند كبوت الموتر ومعه كشاف (لمبه) ويشوف كراسي المكينه وانت تهز الموتر وهو في محله ويشوف الكراسي تتحرك ولالا

[العرندس909]

نفس المشكلة عندي

[حاتم العمر]

جرب ابسط الحلول اولا شحم بطن الموتر واذا مافيه فايده تأكد من الجلب وافحصها زين .. والله يوفقك ويعينك

[محب الطيبين]

شكري وامتنناني للجميع
ما قصرتوا
اذا فيه تجارب او نصايح مجربين لا يبخلبه علينا

المزيــــــــــــــــــــــــــــد

[Steve]

أنا كانت عندي هالطقه وغيرت كراسي الجير وكلوا تمام الحين

[algali9090]

أيضا أنا عندي نفس المشكله وسيارتي باترول 2009


لكني لاحظت بأنها في القير والدليل و أنت في لحظة الوقوف شف القير يتحرك ويظهر هذه الطقة


وتصدقون بعض الأحيان تتوقع فيه أحد من وراء طخك من قوته ...


وبعض الأحيان الرديف يحس فيها ...


ولكن جربت عدة تجارب منها : عشقت الدبل الخفيف ومشيت فيه وبعدين وقفت ولا ظهرت


بس تظهر إذا كان القير على D ... ولا عشق الدبل


وأيضا إذا مسكت طريق طوويل ولا وقفت أبدا بعدين وقفت ما تظهر


والصراحه أنا كل مره أروح أغير الزيت أخليه يشحم العامود صارت عاده مع الزيت وترووح فتره مؤقته بعدين ترجع يعني حل مؤقت



هذا عيب في الباترول وإلى الآن لا يوجد لها حل حتى الوكاله ماعنده حل ...



اللي عنده حل لايبخل علينا ويعلمنا تكفووووون

[adil33]

نصيحه اذا الموتر زين ومغنيك عن غيره غير جلد اعمده ربط الشاصيه بالدفرنس وغير جلد البودي وكرسي القير وغير الصلبان (نبدا التغير بجلد البودي ) ثم ( جلد عمود ربط الدفرنس بالشاصيه ) ثم الباقي

[عاشق الغضا]

الطقة عاديه بجميع الباترولات . لاتتعب نفسك .تبي تريح نفسك لاجيت توقف حط القير بN واذا جيت تمشي حط D وبالله التوفيق