شوزن ملقيت معلومات عنها بالانترنت ( صور )

[بن حران]

السلام عليكم ورحمة الله وبركاته
صباح الخير للمكشاتيه
عرض على خويلي شوزن مرخصة ودورت بالانترنت معلومات عنها ما لقيت هذي صورها وتمنى تعطوني معلومات وافيه عنها من مميزات وعيوب ونوع الفشق اللي يصلح لها ، ومشكور للاخوان سلفا ....
ملاحظه / الشوزن لها 15 سنه من انرمى فيها هل يضرها شي


http://www.m5zn.com/uploads/2010/12/22/photo/thumb/122210231219qr19ilvzhw0n8yxql.jpg


http://www.m5zn.com/uploads/2010/12/22/photo/thumb/122210231219k0l8jakzs.jpg


http://www.m5zn.com/uploads/2010/12/22/photo/thumb/122210231220vl2iqrtonogm0ae.jpg


http://www.m5zn.com/uploads/2010/12/22/photo/thumb/1222102312219fy4vhb4r2yy.jpg


http://www.m5zn.com/uploads/2010/12/22/photo/thumb/122210231222gbwqn0yy73prp4.jpg

[صرخة طلق]

حياك بن حران: اللي اعرفه انها بلجيكيه وما ترمي الضغوط حدها 36جرام وفيه نوع منها يرمي اكثر من الجرامات هذي بس انت مانت موضح الصور ونظفها وزيتها واتكل على الله وارم فيها .

[بن حران]

مشكور يا صرخة طلق على المعلومه، انا صورت الصور بكاميرا 14 ميجا بيكسل يعني تقدر تحفظها عندك وتكبرها بالكمبيوتر وراح توضح مكتوب عليها براوننج وتحت البراوننج دائرة ومكتوب داخل الدائرة( اف ان) بالانجليزي ومؤخرة البندق مكتوب براوننج واتوماتيك
http://www.m5zn.com/uploads/2010/12/23/photo/thumb/122310021201utiiyagi523yl3.jpg


http://www.m5zn.com/uploads/2010/12/23/photo/thumb/122310021202bvegf6nbnm6692r.jpg

[الحر2002]

هذه البراونج نوعية طيبة جدا وبعد من القديمات بصراحه مثلها نادر واستخدامها ممتاز
اترك من كلام الناس بس لاتحط فيها ضغوط فوق الاربعين
نظفها زين وتأكد انها ماهي مقلده
وترى سعرها يتراوح من 4500-الى- 6000 بالكثير

[Abo gssar]

السوجن من شركة براونق البلجيكية وتراها بندق مكدة ورميها ممتاز جدا وراح تشوف الشي ذا ان شاء الله بنفسك اذا جربتها موديها قديم شوي وهذا يعني ماتقدر ترمي فيها ظغط عالي ...
ومن ميزات هذه البندقية تنضيمها للرش فتلقى رشها منضم وموزع بطريقة ممتازة
وايضا ترمي مسافات اطول من غيرها لانها تجمع الرش مسافة اطول
وحديدها قوي جدا ومتين يعني تتحمل الكرف والرمي الكثير
ويكفي انها من شركة براونق البلجيكية الغنية عن التعريف
بس ياليت تقول كم طلب فيها الشخص اللي عرضها عليك..
وتقبل مروري

[بن حران]

اولا مشكورين يا الحر ويا صادق الوعود على المرور والرجل ما يعرف باسعارها قالي اسال عن سعرها وعلمني .

[بن حران]

لو سمحتوا اي نوع من البراوننج يعني لو ابي ابحث عنها بالانترنت وش اكتب نوعها

[ابو سفيان]

ان كنت بتبحث في النت اكتب براوننج هريستال
او اكتب الكتابه الانجليزيه الي موجوده في السبطانه ورح تجيك ان شاء الله
طيب انا برد عليك
هل تعلم انك رح تتمتلك افضل قطعه ولا يطيح فيها غير القليل
هذي براوننج بلجيكيه صناعه بلجيكيه من بلدها الاصل
وليست بلجيكيه يبانيه وكلهم زينين مافيها مشكله لكن هذي بلجيكيه الاصل
والفرق بينها في الزناد وحرف اف ان
الله يعطيك من خيرها ويكفيك شرها وبارك الله فيما اقتنيت
حدود اسعرها من 4500 - 8000 على حسب النضافه
بس قبل لا ترمي بيها نضفها زين من كل الاوساخ وزيتها لانها تقول مخزنه من فتره
من عيوبها طال عمرك ندفها شويه قويه اممم ولا تقبل الضغوط العاليه حدها 36 جرام وفيه بعضها تقبل 40 جرام لكن هذي نادره الوجود احيانن ينشطب الحاضن وسبب في شطبه عدم شد الصاموله الي تجي فوق الحاضن
نصيحه لا تفك الحذوه حقت الاخمس الي توضع على الكتف لان احيانن ان فكيت المسمار رح ينشطب الاخمس وسارت معنا كثييييييير
الابره احيانن تنكسر وهذا مو عيب وتوجد قطعها بكثره وش كمان ايه حاول انه ما يدخلها الاتربه لانها رح يخرب الجهاز الداخلي ابعدها عن مصدر الرطوبه قدر الامكان لانها سريعه في انها تصدي
يعني حافض على سلاحك بقدر الامكان ولا تهمل فيه ان اهملت سلاحك فهو عدوك وان حافضت عليه وتحرزت فهو صديقك الوفي والي يمجدك
تقبل مروري وتعليقي

[بن حران]

بيض الله وجهك يا بو سفيان كفيت ووفيت

[صبي مسرد]

ارحب ملايين
يابن حران
تبي العلم خذها ولا تشاور <<< من واقع تجربه
عندي وحده اختها بالضبط
ابشر بسوووووووووق غير طبيعي لان ماصورتها تجي 32 بوصه
نثر ما تنثر الا بعد مسافه كبيره وهذا ازين للسوق
ممتازه جدا لرمي الطيار خاصه مع فشق ال RC 7,5
ندف ما تندف مره <<< بتعود عليها وتصير ما تنبسط الا اذا رميت بها وندفتك
عيوبها :
التنظيف بعد كل ثلاث طلعات ورمي متوااااااصل
ما ترمي ضغوط فوق 40gm
خشبها الامامي ينشعر مع الوقت ولا لقيت له حل وخليته ولا اثر على رميها بشي

موفق خير وعقبال ما نشوف صيدك بها ع المنتدى
الله يوفقك وانا اخوك واتمنى اني عطيتك من تجربتي الشي الي تبيه
اخوك / صبي مسرد

[بن حران]

اسال الله انه يوفقك يا صبي مسرد انت وابو سفيان ما قصرتوا على المعلومات كفيتوا ووفيتوا

[ابن الاصيل]

اسلام عليكم اتمنى اني اظيف معلومه يخوي ابعد عنها والله راح اتعبك بخراباتها وتبي تغثك بعز الرمي تشكل اناس ترمي وانت اطالع فيهم وتبي كل يوم تنظيف وبعدين هذي مهي اصليه البلجيك سكرة شركتها سنة 1986 وماعادة تصنع وانا متواجد الحين في امريكا ورحت اكبر محل بيع سلاح وقالي مديرهم هل كلام انه مسكر والي الحين موجود كله تقليد حتى القديم تقليد ماعدا الي تجيك عليها جسر واتمنى اني وصلتلك معلومه

[الكركي الملكي]

وعليكم السلام ورحمة الله
اخوي هاذي من مصنع Fabrique National Herstal اختصار (FN) تابع لشركة براوننق البلد المصنع بلجيكا
أسعارها من 4000 الى 6000 اذا كانت جداً نظيفة ولا تتعدى هاذي الاسعار .

[عجمي]

الربع افادوك ان شاء الله
هذا موقع الشركة
http://www.browning.com/index.asp

[ابوصالح3]

هذي هي النموذج الاول وافضل بندقية صيد مرت على السعوديه من عام 1390 ه الى عام 1410 وهي الاولى بالساحه ولايقتني القناص اللي راعي صنف الاهي
بعدها طلعت البنادق الجديده اللي غطت عليها ؟؟بالعربي مثل الجموس والهافات من اول وبعدها طلعت السيارات اللي غطت عليها

[ابوفهيدان]

اكتب باليوتيوب browning auto 5