افضل ورشه لحل مشكله الحره بالقصيم

[عبود بلاص]

السلام عليكم
اخواني اعضاء ورواد منتدي مكشات
ابي افضل ورشه بالقصيم يكون عنده الحل الشافي للحره للاندكروزر
واذا امكن رقم الورشه
تحياتي للجميع

[ابوصالح77]

أخوي سلمك الله
الحرة لايوجد لها حل شافي
وغالباً تكون من العمدان وحتى لوغيرت صلبان مايفيد
للفحص :
1- تأكد من الكفرات
2- إرفع كفرات قدام وشيك على الرمانات (دور الكفر بيدك)
3- شغل الدبل الخفيف وإمش عليه بسرعه متوسطة ( إذار راحت الحرة فالبلى بعمود قدام )
4-إذا شغلت الدبل وماراحت الحرة فك العمود الخلفي وإطلع على الموتر بالدبل دفع أمامي ( إذا راحت الحرة فالبلى بالعمود الخلفي ) .
5- هز العمدان بيدك شف فيهن فضاوة أو لا .
6- شيك على الربطات الخلفيه والربلات والرباط الأمامية وكرسي القير و كراسي الماكينة . ( من دون ما تغير شيء)

الحل الإقتصادي :
ركب فرارت قدام بـ 530 مع التركيب ، والعمود الخلفي فكه وإقلبه (خلف خلاف )

عندك بالقصيم بريدة ابو عبدالله الصمعاني + أبو وليد الصمعاني + العثمان وكلهم بالتشلييح مفرق السكراب
تقبل مروري

[زيتون أبيض]

ياخوي رح للوكاله وأسأل بدل هالعمال والتخرص !

[راعي الأشهب]

شوف يا خوي انا قبل كذا حصلت معي بلاند كروزر ماخليت شي عليه والحره ماراحت حتي اني شريت عمود جديد من الوكاله ونفس المشكله بالأخير طلع من فلنجة البنيون الخلفيه فيها رجه وغيرتها وطلع تمام بعد خساره اكثر من 3000 ريال ترصيص عمدان وغيار رمانات احيانا تطلع من شي مايجي علي بالك اتمني انتها تنحل مشكلتك بأقل خساره لا كن لا تبدل شي إلا متأكد ميه باالميه .. موفق

[عبود بلاص]

اشكركم شكر حار من القلب علي الردود
الله يعطيكم العافيه