المساعد الشخصي الرقمي

مشاهدة النسخة كاملة : ابغير زيت الدفرنسات والدبل للجمس 99 وش افضل زيت


سلكي نت
23/12/2010, 12:34 PM
السلام عليكم ورحمة الله وبركاته
ابغير زيت الدفرنسات والدبل للجمس 99 وش افضل زيت
لقيت زيت عيار 90 و 120 و 140
ماذا تنصحون
الباسلي
23/12/2010, 12:41 PM
نصيحة زود النقص ولا تغيــر
ابوصالح77
23/12/2010, 12:47 PM
أخوي سلمك الله
الدفرنسات ما يحتاج تغير زيتها
أما الدبل على هواك
وبالنسبة للزيت فيه نوع ممتاز إي سي دلكو علبة لتر واحد لونه أسود ولون الزيت أصفر يحط بالقير العادي والدبل قيمته 35
وإبعد عن الزيت التجاري
وأما عيار الزيت فراجع الكتلوج بيفيدك واجد
تقبل مروري
والدبل ما يشيل زيت واجد
Bader-M
23/12/2010, 01:08 PM
وعلكيم السلام

من الافضل لك الرجوع الى كتلوج السيارة لمعرفة الزيت المناسب او الذهاب الى الوكالة لمعرفة ما هو مناسب لسيارتك
YUKON_GMC
23/12/2010, 02:12 PM
إاذا تبي تفك الدفرنسات ومضطر فالأفضل 140 للدفرنسات مع ملء اليد شحم عادي

لكن الافضل عدم تغيير زيوت الدفرنسات نهائي لأن التغيير يضر بالدفرنسات ولايفيدها وتلاحظ الصوت بعد مدة من التغيير

دبل الجمس من موديل 93 الى 2005 هذا فيه كلتشات وزيته 10
دبل السيارات القديمه وبعض الجيوب القديمه 90 والقير العادي 90 والتماتيك 10
ibnaffan
23/12/2010, 02:28 PM
طول الله عمرك
يوم السبت يطلع جمسي من الصيانه باذن الله
وتم تغير الدفرنس مستعمل وارد امريكا وعليه ضمان شهرين
كله بسبب الزيت وعدم الاهتماام والنسيان
فاشكرك على اهتمامك
كلفني ٥٥٠٠ ريال مع التركيب وربي يخلفهن
تقبل مروري
امير الامراء
23/12/2010, 02:32 PM
نصيحه لاتغيرررررررررره ابد ابد
اذا هو ناقص زوده او نقص شوي من القديم وزد عليه جديد شوي ترااااااااا بيطلع ونه في الدفرنس
انا غيرته على جمس 96 وطلع لي ونه في الدفرنسات
نصيحه وانصيحه تشرى ها الايام
الستانس
23/12/2010, 02:46 PM
انا كان هندي جيب هونداي

غيرتد زيت الدفرنس وياليتني ما غيرته

صار مغير يون ون

ان كانك مصمل فيه معالج ينحط مع زيت الدفرنس

يقال انه يحمي من الونه

ولكن للدفرنس الافضل انك تزيد الناقص

اما القير للتوماتيك عادي غيره وغير فلتر زيت القير

واحرص عل الاصلي او اللي يعادله
سلكي نت
23/12/2010, 04:02 PM
اشكر جميع الاخوة كل واحد باسمه
على ردودهم التي استفدت منها بلا شك
انا يا اخوان عندي جلدة(صوفة) الامامية الخارج منها عمود الدفرنس الخلفي
يووووووووه كيف بشرحها
الدفرنس الخلفي فيه عمود كردان .......... صوح
هذا العمود فيه صوفه من جهة القير
هذي الصوفة بزاتها خربانه تهرب زيت وتطرطش على الدفرنس والبودي من اسفل
ورحت ابغيرها قالي الاصلي ب 250 ريال
انصرعت عنده شوي وبعد مافقت ... قالي فيه صوفه اصلية ب 30 ريال تسد بمكان الاصليه
كلامة ما دخل مزاجي
ومن شان هالسالفة كلها الزيت ناقص بس لان السيارة دبل العمود مشبوك بمحول الدبل فالزيت المهرب هو زيت دبل ولا انا متوهم؟؟
شوركم يا الوجيه الغانمة
الرحال تبوك
23/12/2010, 07:22 PM
السلام عليكم
انصحك لاتغير الزيت والصوفه ركب الاصلي لو انه 1000 ريال عادي الدفرنس ب 6000 الاف انا مغيره وحطيت الزيت 140 وخربه مره ثانيه وضبته ب 2300 والزيت من الوكالاه اربع علاب مع علابه مانع احتكاك صغيره واذاكان لابد من التغيير فك الغطا الخلفي بتاع الدفرنس واغسلاه في بنزين حتا ينضف من الرايش (الكرونه والعكوس والرمنات) ونضفه من البنزين وركب الغطا مع سليكون اصلي موتركرافت ولابد يكون الزيت من الوكالا هو عند التقوى ارخص
YUKON_GMC
24/12/2010, 02:11 PM
ياغالي العمود الخلفي موصل بين القير والدفرنس الخلفي ..

الدفرنس له صوفه والقير له صوفه وكل واحد منهم ماله علاقه بتهريب الآخر ..
moooj
24/12/2010, 03:08 PM
غير-الصوفة-اصلي-من-الوكالة
وركب-الصوفة-عند-ورشة-ثقة-ما-يبدلونها-بتجاري-او-يلعبون-بالتركيب
زود-الزيت-وخذه-من-الوكالة-وخذ-معه-علبة-مانع-احتكاك
بالتوفيق
بدوي جنوبي
24/12/2010, 05:52 PM
ياغالي العمود الخلفي موصل بين القير والدفرنس الخلفي ..

الدفرنس له صوفه والقير له صوفه وكل واحد منهم ماله علاقه بتهريب الآخر ..


قصدك موصل من الدبل للدفرنس الخلفي

اذا كانت السياره مزودة بدبل يكون الدبل راكب على القير مباشره
والدبل يخرج منه عمودين

وعمود للدفرنس الامامي
وعمود للخلفى
انظر الصورة :

http://www.mekshat.com/pix/upload04/images194/mk32037_bbf1369fa17a.jpg

يا صاحب الموضوع انتبه تغير الزيوت نصيحه لوجه الله
سلكي نت
24/12/2010, 10:23 PM
اوكي
توبه وما اغير الزيوت
وتشكرات كثيرات على جهود الاعضاء وقبلهم المشرفين على الاهتمام والتعقيب
والله لا يحرمني من جمعتكم بهالمنتدى العامر بكم
YUKON_GMC
25/12/2010, 12:15 AM
قصدك موصل من الدبل للدفرنس الخلفي


صح انا كنت اقصد بين الدبل والدفرنس بس مدري وشلون كتبت القير "العجله وماتسوي "
عاشق الكابرس
25/12/2010, 01:40 AM
ان عندي سوبر بان 2002 كلن قالي لاتغير الزيت بتطلع الحنه ون عزمت اغيره
رحت الصناعيه حق المغلوث وخذت اربع علب زيت دفرنش وجه الزيت لا تخذ ايسيديلكو اخذ gmجي ام سي العلبه با 70 ريال ووجه الدفرنش با 20 ريال ونتبه تحط زيت ايسي ديلكو اغلبيت الي تطلع لهم الحنه بسبب زيت الايسي ديلكو التجاري الزيت الاصلي جي ام لون العلبه اسود ومختومه ون نقلت لك تجبتي وما ادري عن الموديلات الثنيه
عاشق الكابرس
25/12/2010, 03:41 AM
ان عندي سوبر بان موديل 2002 كل قالي لاتغير زيت الدفرنش بتطلع حته وبيضرب بس رحت شريت 4 علب زيت للدفرنش جي امسيgm اصلي العلبه با 70 ووجه با 20 وغيرته ولا طلعت حنه ولا خترب الدفرنش نصيحه اذ بتغير الزيت ابعد عن اي سيديلكو لنه تجاري والاصلي gmالعلبه السود والوفه لاتركب لا اصلي لن التجاري مايدوم كم شهر ويرجع يهرب بس والله يكون فعونك اتمن اني افدتك