مشاهدة النسخة كاملة : نبي رايكم وش الافضل القلص(مقطوره) او السله الخلفيه ؟؟؟؟؟؟
مرقاب الشرق
23/12/2010, 05:53 PM
السلام عليكم
نبي رايكم وش الافضل القلص(مقطوره) او السله الخلفيه ؟؟؟؟؟؟
نبي عيوب القلص وعيوب السله الخلفيه والسعر لاهنتو ليستفيد الجميع ويكون مرجع .
العاذر
23/12/2010, 06:32 PM
الأفضل عندي السلة للأغراض الخفيفة وما تأثر عليك وانت تسوق ..
المقطورة تقيد حركتك (نوعا ما ) وما تاخذ راحتك في السواقة لكن تاخذ اغراض اكثر ..
وتحتاج سواق حذر ..
الاسعار تختلف من نوع لنوع صعبة تحدد
مرقاب الشرق
23/12/2010, 08:10 PM
الأفضل عندي السلة للأغراض الخفيفة وما تأثر عليك وانت تسوق ..
المقطورة تقيد حركتك (نوعا ما ) وما تاخذ راحتك في السواقة لكن تاخذ اغراض اكثر ..
وتحتاج سواق حذر ..
الاسعار تختلف من نوع لنوع صعبة تحدد
بيض الله وجهك وننتظر الاخوان
من خلال تجربة للأثنين .. السلة أفضل بكثيييييير .. أولاً لأنها أكثر أمان من القلص وأكثر ثباتاً على الطريق وأريح وأسهل أثناء القيادة وأرخص سعراً ولا تأخذ حيز في المنزل بعد إزالتها إضافة إلى سهولة تركيبها
هارون97
23/12/2010, 08:27 PM
اقول السلة افضل مثل ماذكر اخوي شاص وانا اخطط عليها
مكرم الضيف
23/12/2010, 10:57 PM
اشوف ان السلة اخف وأريح. اخذت سلة صناعة خارجية ميزتها مرة مالها صوت . لكن المشكلة بتطبيقها اذا فيه استبنه مثل الباترول.
مافيه لها حل؟
1-أبوماجد
24/12/2010, 01:13 AM
السله أفضل ورفيق الدرب الضمن لخفته وسهل التركيب مصتوع من الألمنيم بأرضيه صاجه مع انه غالي القيمه مايقارب 1300ريال
غير الصيني والسعودي حديد وارضيت السله مثل الشبك وثقيل على السياره والقيمه 500ريال
ودمتم برعايت الله
ماقصرو الربع الى سبقوني
لكن حسب احتياجك وحسب الحاجه والرحله
هل تريدها للسفر وحمل الشنط اقولك خذ السله
واذا تريدها للرحلات البريه وشيل الخيام والحطب والعزبه والماء اقولك اشتر مقطوره
عيب السله اذا حملتها ترفع مقدمة الموتر بشكل كبير وملفت للنظر
المقطوره يبيلها سواق راكد وفطين شوي
ونصيحتي لك خذ مقطوره تريح راسك وسيارتك تبقى نظيفه
رفيق الدرب
24/12/2010, 02:00 AM
يسعد موسسة رفيق الدرب ان تقترح عليك سلتها الانيقة والخفيفة المصنوعة من الالومنيوم وبها من القوة والمتانه ما يمكنك ان تراه بالصور وسعرها مع التركيب 1150 ريال
http://www.travelmate.com.sa/store/image/cache/data/2%20CC/%203%20%20ركاب-1000x1000.jpg
http://www.travelmate.com.sa/store/image/cache/data/2%20CC/%20مسحوبة-1000x1000.jpg
http://www.travelmate.com.sa/store/image/cache/data/2%20CC/IMG_1022%20w-1000x1000.jpg
http://www.travelmate.com.sa/store/image/cache/data/2%20CC/%20محمولة%20بالجراب%20w-1000x1000.jpg
MjNo0oN
24/12/2010, 02:14 AM
اخبر قبل حوال 5 سنوات مسكت غلط مع احد الاقارب انه يرهم له قلص للعفش بحكم انه راعي سفر و اذا حط عفشه فوق التنده يثقل على الموتر ويرده الهوى ومايتعدى ال150
فا تم الترهيم على حوض ددسن غمارتين كان مجدوع في المزرعه الي سويناه طلعنا العوض + الدفرنس وفصلنا قاعده ((شبيهه بالشاصي لاكن ليسة بمتانته)) و الدفرنس فرغناه و الحوض سوينا عليه بعض التعديلات الخفيفه لتصغير حجمه من اجل تسهيل السحب و توصيل الكهرب في احد الورش
فا النتيجه كانت ممتازه و التكلفه تقريباً لا تتعدى ال1000 ريال لاكن كانت مشاكله كثيره من اهمها 1- عدم الثبات في الخط تشوفه يروح يمين ويسار 2- يناقز لدرجة اذا ماربطت العفش اعرف ان نص اغراضك بتطير 3- اصوات مع السرعات العاليه 140 وطالع
وكانت نهاية هاذا القلص قبل ثلاث سنوات محملين عليه شوية رملة نبيها للمزرعه وفي الطريق نمشي 160 فجئة انفصل الدفرنس عن القلص وتقلب على جانب الطريق (( الحمد لله الارواح سلمت و السياره سالمه لاكن القلص راح ))
و السله سمعت انها ماتنفع في النفود لان الموتر يهابد الا اذا كنت رااااااكد وتمشي مع درب تعرفه
وعن نفسي اذا كنت بشتري باخذ السله ((اوذف و ارخص وامن على الطريق )) واهم شي انها ماتحتاج صيانه مثل القلص
وانا ما افكر في القلص الا اذا كنت بحمل عليه دباب او تانكي مويه من ال500 لل1000 لتر
وللمعلوميه كل شي وله استعماله و الاستعمال انت الي تحدده مهوب اعضاء المنتدى انت علمنا وش تبي تحمل و و الاستعمالات الاساسيه ((مثل تبي تحمل عفش للسفر او تنقل عليه اغراض معينه مثل الحطب او تحمل عليه العزبه و الاستعمالات الاساسيه مثل خطوط السفر او المزرعه او النفود))
عموماً النفود من رايي الشخصي لا احد يدخله ومعه في السياره عفش واجد لانه بتبهذل منه فا وش رايك بسله خلفيه مليانه عفش خطر مايطير عفشك او تنكسر سلتك
مآإآإآجد
24/12/2010, 06:05 AM
اذا حاجتك للسفر اقولك سله
واذا حاجتك للبر والرحلات اقولك قلص
انا فصلت قلص للدباب 160*120 وسويت له شناكير على الجوانب بحيث ان اسوي شبكه على العفش واحمل فيه العزبه والحطب والدباب
والحمد لله احسن شي معي ...
طلع علي مع رشة كامل بـ 1200 ريال
ربي يوفقك يالغلا
مرقاب الشرق
24/12/2010, 06:02 PM
بيض الله وجيهكم ومشكور على الافادة.
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir