من عنده فكره الأمارات؟

[جي اكس ار2000]

اخي العزيز هل عندك فكره عن اسعار ال جي اكس ار 2005 -2007 وهل متوفره وهل رخيصه وهل نظيفه وهل السفر بطاقه اوجواز واي المدن افضل هناك

الله لايهينكم 0500070343

[مكشات واحد]

افضل شي ابوظبي ومنطقه يقال لها بني ياس هذي اكثرها جيوب رح العصر يكون العرض من قبل صاحب السياره
وبعدها الشارقه وانتبه من النصابين حقين المعارض تنزيلت الطبلون ما تبي شي عندهم
ودبي معارض العويربس 2005 ممنوع يدخل الحين من 2006 وفوق
والفر بالجوازواذ انت من الرياض تبي تطلع بالسياره اطلع عنطريق حرض بس بالنهار بعرين والرمل يغطي نصف الخط
والله يرزقك بالموتر اللي يسر خاطرك
ود اصير ملقوف خذ في اكس ار افضل بالعزم خصوصاً اذ حمل

[نايف الجهني]

متى ما شي الوقت كان ودك بخوي

ابحث 2007 جي اكس ار او سفاري ربع 2006 او 7

[نايف الجهني]

بعد اذن صاحب الموضوع

كيف طريقة دفع المبلغ اي السحب من البنك
وإجرائات النقل ودخول والسعر والنصاااااااااائح عامة لا تبخلون علية وعلي ...
وشكرا لكم .

[جي اكس ار2000]

الأخ مكشات ماقصرت بيض الله وجهك ورزقك من حيث لاتحتسب

[جي اكس ار2000]

الأخ نايف انا جاهل بهذه الأمور ولاكن سألت واحد يقول خذ فلوسك بكيس وانتبه!!!
اوافتح حساب في بنك الأمارات بالرياض وتسحب هناك

واذا تعرف احد ثقه رد لي 0500070343

[مجالس الرجال]

الأخ نايف انا جاهل بهذه الأمور ولاكن سألت واحد يقول خذ فلوسك بكيس وانتبه!!!
اوافتح حساب في بنك الأمارات بالرياض وتسحب هناك

واذا تعرف احد ثقه رد لي 0500070343
يالحبيب لا تاخذ فلوسك بمخباك وحلول العصر الحجري تصدم علشان هالقرشين اللي
معك خذ معك شيكات مصدقه واذا هي على خبري فانا كنت آخذ من الراجحي
شيكات مصدقه واصرفه من بنك الامارات في الامارات

[مكشات واحد]

الشيك المصدق امان لكن لا يمكن تصديق شك سوا 36 الف باليوم من عند الراجحي او اي بنك بالسعوديه يقولون نظام موسسة النقد تقوله وياخذ عليك البنك بالامارات 270درهم رسوم
افتح حسبا في بنك لامارات اللي بالسعوديه وقاله ابي اسحب من الامارات درهم حتى يكون الصرف حلو ولا تخسر
انا بالصراحه اخذ كاش معي وحوله اهناك او اتفق مع صاحب المعارض يخذ سعودي ويحسب الفرق
يصرف 97 واوقات 97.50 وبعضهم 96.50

[جي اكس ار2000]

يقول احد الأخوان لا تصرف الأ اذا حصلت سياره هناك يعني لو مأشتريت ترجع فلوسك كما كانت سواء كاش او شيك مصدق

عندي فكره اذا كان البنك لا يصدق الأ36 ضع مبلغ اخر في حساب زميلك الذي سوف يرافقك ثم يأخذ هو شيك مصدق وهناك انت تسحب وهو يسحب والسلام الله يحفظ يجميع المسلمين

[مكشات واحد]

يا غالي تقدر تاخذ بسمك اكثر من شيك 36 لكن التحويل من هنا بالسعوديه لك باليوم 36 بس ومن قال ترجع الشك ترجع قروشك كامله موصحيح يعتبرونها بيع ومشترا عمله
ملاحظه بخصوص الجمرك الاماراتي والسعودي
حاول تاخذ مقاصه يعني ان مجمركه بالامارات
حتى ما تخذ عليك السعوديه جمرك
حاول تكون بالاجمارك السعوديه الساعه 6 مساءً حتى تتمكن من الدخول مع الافراد
لكن اذ اتيت الصباعه تذهب مع الشحن والله يعينك

[راشد الحربي]

ماقصروا الشباب .. وبالنسبة للمبلغ انا احيانا اخذه معي كاش ..

لكن نصيحة من اخ إن كنت تبي سيارة تستخدمها فانا انصحك تاخذها من السعودية ..

لان سيارات الامارات اكثرها مصدوم .. مرشوش ..مكروووف إلين طلعت ريحته .. وهناك شريطية اكثرهم عراقيين او ايرانيين .. او شوام .. والذمة على الاخر ... وبتحصل اكثر السيارات مغير الممشى حقها ...

ماراح تحصل فرق كثير بالسعر .. إلا بالسيارات الامريكية على حسب معرفتي .!!

وإن كان رحت فترا المكاسر يمشي هوا .. اذا قالك السيارة مسيوم بثمانين قل ابشتريها بسبعين ..

وإن كان تبي امريكي ففيه واحد هناك ثقة جدا وسبق وان اشتريت منه عدة سيارات وهو كندي الجنسية افغاني الاصل ورجل ملتزم وممكن تساله لو عنده سيارات وانت هنا ويرسلك ايضا الصور ...والسعر على الايميل ..!!

اتمنى لك التوفيق واتمنى انك تستخير قبل كل شي .!!

[السنعوسي 2]

ماقصروا الشباب .. وبالنسبة للمبلغ انا احيانا اخذه معي كاش ..

لكن نصيحة من اخ إن كنت تبي سيارة تستخدمها فانا انصحك تاخذها من السعودية ..

لان سيارات الامارات اكثرها مصدوم .. مرشوش ..مكروووف إلين طلعت ريحته .. وهناك شريطية اكثرهم عراقيين او ايرانيين .. او شوام .. والذمة على الاخر ... وبتحصل اكثر السيارات مغير الممشى حقها ...

ماراح تحصل فرق كثير بالسعر .. إلا بالسيارات الامريكية على حسب معرفتي .!!

وإن كان رحت فترا المكاسر يمشي هوا .. اذا قالك السيارة مسيوم بثمانين قل ابشتريها بسبعين ..

وإن كان تبي امريكي ففيه واحد هناك ثقة جدا وسبق وان اشتريت منه عدة سيارات وهو كندي الجنسية افغاني الاصل ورجل ملتزم وممكن تساله لو عنده سيارات وانت هنا ويرسلك ايضا الصور ...والسعر على الايميل ..!!

اتمنى لك التوفيق واتمنى انك تستخير قبل كل شي .!!

جزاك الله خيراً
ورزقك من فضله
ليتك ترسل لي عنوان الكندي على الخاص مع جواله
او على إيميلي salhabad@hotmail.com
لإن لي رغبة في شراء سيارة
ودمت بود

[الفهد 989]

السلام عليكم ورحمة الله وبركاته

انا ياخوي بجاوبك على سؤالك بخصوص الدخول بالبطاقه او الجواز

انا قبل شهر كنت بالامارات ودخلت بالبطاقة طبعا الجديده

واذا تبي تتاكد اتصل على الاستعلامات وخذ منهم رقم منفذ البطحا واستفسر منهم

[جي اكس ار2000]

الحقيقه كلكم ما قصرتم وكل احضر نصائحه والسؤال الأقتصادي هو؟
نريد جميع تسلسل خطوات الشراء والتي تضمن التوفير المالي والزمني بداية من السعوديه ونهاية فيها كذلك وهذه المعلومات وتسلسها نريدها من صاحب خبره
اسال مجرب ولا تسال طبيب الخطوات نريد ترقيمها

في السعوديه نعمل مايلي : في الأمارات نعمل مايلي :
1- 1-
2- 2-
الريال =.......درهم . افضل الفنادق ام الشقق؟ الشيك المصدق من هنا بالعمله السعوديه من بنوكنا السعوديه ام بالعمله الأماراتيه من بنك الأمارات بالرياض .

والله اسأله ان يجزاكم خير الجزاء على نصائحكم. تحملو اسئلتنا كما تحملنا نصب الشريطيه

[راشد الحربي]

السعودية ولم جوازك .. وزهب قروشك .. والافضل تمر الراجحي وتاخذ الشيك بالمبلغ اللي تبيه انا من زمان ماخذت شيكات ..مادري ايش نظامهم بالضبط ..لكن اذا رحت للموظف بيعطيك التفاصيل ..
واقرب رحلة عاد انت وميزانيتك نقل جماعي بـ 150 .. الخطوط العربية 400 إلى 1000 على حسب موعد حجزك .. الخطوط السعودية اعتقد انها رايح 1200 او اكثر شوي ماعندي علم بالضبط ..

اذا وصلت هناك افضل سكن الشارقة .. والفنادق ممتازة واجاراتها تقريبا اليوم من 250 وانت طالع ..
طبعا افضل معارض للياباني الشارقة ... والامريكي الشارقة بالصناعية .. وعجمان فيها معارض امريكي ممتازة جدا ..

طبعا التنقل بالتكاسي ..

اذا اشتريت سيارة من اي معرض تسحب المبلغ او تعطيه اذا كان معك .. وانصحك ماتصرف الشيك إلا بعد ماتشتري ... افضل من ناحية الامان ومن ناحية انك ممكن ماتحصل سيارة وترجع ...

طبعا المبلغ بالشيك يصير الدرهم الامارات لانه لازم يحوله لك وانت بالسعودية للدرهم لان الصرف لابد ان يكون يدا بيد ..

طبعا المعرض هو اللي يتولى لك كل شي .. يخصلها من الجمارك الخاصة فيهم ومن الميناء -المقاصة والتصدير- ويطلع لك اللوحات طبعا بسعي ... مالك إلا ولد يقرا .. سلم الفلوس ورح نم وتجي بكرة تستلم سيارتك واوراقك كاملة...

سعر الصرف المائة ريال سعودية تعادل 95 إلى 97.50 درهم .. حسب سعر الصرف وحسب بعض المحلات او الفنادق

[ابو مشاري 10]

انا رحت للأمارات شهر11 وشريت سياره
اما بالنسبه للسعر لاتروح هنا افضل لإن لو حسبت التذاكر والجمرك وفرق العمله والمصاريف تطلع لك سيم سيم
واذا عزمت على الذهاب
1- جيت اكثر البنوك مافي طريقه لتحويل المبلغ قدامك
2- خذ الفلوس معك اذا جيت الامارات افتح حساب باي بنك واودع اما عني انا فوضعتهن في خزانة غرفتي وكان الفندق جداً امين ويدخاون وانا مو موجود وينظفون الغرفه وفلوسي امكانهن (فندق كرستال ) مقابل معارض الشارقه سعر الغرفه 200 درهم باليوم
3- اذا حصلت السياره وشريت اصرف فلوسك من الصرافين في المعارض
4- افحص السياره بنفسك لأن مراكز الفحص عندهم تعتمد على جهاز الكمبيوتر وهو ليس دقيق من ناحية الرشه والكثيرون ليسوا ثقات
5- شريت السياره يروح صاحب المعرض ويسقط الوحات ويحطلك لوحات تصدير
6- توكل على الله وللمنفذ وفلل لأن المحطات قليله اذا جيت منفذ الامارات المكتب الجمركي و200درهم
7- الجمرك السعودي ويخذون لوحات الأمارات ويعطونك لوحات مؤقته وتدفع الجمرك وتعفى من الجمرك بحالة احضرت مقاصه من ميناء ابو ظبي وهذي يخلصونه لك المعقبين في المعارض بشرط اخر موديلين
واطلب الجمارك ان يحولون البطاقه الجمركيه الى اقرب منفذ لك او الميناء الجاف بالرياض حتى تستلمها من عندهم بعد ماتخلص الموصفات والمقاييس .
8- بعده الموصفات والمقاييس ولزوم احضار طفاية حريق وفيه ناس باسطين بالطفايات عندهم وحقين الأمن يخلصونك ويسددولم مقابل 50ريال او حقين الطفايات .
9- بعد الموصفات والمقاييس تخذه وتروح للمنفذ القريب منك او الميناء الجاف بالرياض وتاخذ البطاقه الجمركيه
10 تروح للفحص وبعدين المرور وتسجل سيارتك بأسمك وتاخذ الوحات .
11- تبي تقول الله لا يعيده

[جي اكس ار2000]

الله يجزاك خير ياراشد انت وجميع من شارك لاكن الذي يبدو من كلامك ان الجمارك السعوديه مايسمحون الإبالجوازالسعودي اما الأمارات فيسمحون بالبطاقه السعوديه(الهوية الوطنيه)

هذا الذي تقصده ؟

[جي اكس ار2000]

ابومشاري ماقصرت وضعت النقاط على الحروف الله يستر من فقرة 11 تقسيم15

هل دخلت بالجواز او البطاقه الجديده

[هوايتي مكشات]

بارك الله فيكم

[السنعوسي 2]

السلام عليكم
بيّض الله وجهك أخي راشد الحربي
وصلت الرسالة , وفقك الخالق ورزقك من فضله
والشكر موصول لإبو مشاري جزاه الله خير على الإيضاحات
دمت بود

[أبومطرف]

فلوسك خذاها كاش ازين لك انا رحت بكاش بمبلغ70الف تقريبا
حطها في شنطت السفر واذارحت هناك للمعارض خذ الشنط حقت الاندنوسين في الحج الي على البطن
والصرف لوتصرف في المطار حق دبي الانصار او الانصاري تراه رخيص وافص بنفسك فحص دقيق وحاول
لوماتدري اتفلسف عليهم ويعطونك العلوم الي في الموتر وفيه واحد في الشارقه سوري اسم ابو زاهر
فحصه حلو بعد ماتفحص بنفسك ود الموتر عند عشان تطمان وبانسبه للجوازات خذ الجواز معك مب مثقل عليك واضمن
والله يوفقك

[المنتهي2000]

تم إلغاء الدخول للإمارات بالهوية الوطنيه

[ابو مشاري 10]

ان سافرت عن طريق الخطوط العربية
وكان ذلك بالجواز

الشكر للجميع

[علي ابونواف]

بارك الله فيكم على هالطرح
الحقيقة وبعد اذن صاحب الموضوع بغيت أسأل عن أسعار الاكسبديشن 2009 او 2010 دبل قصير كم سعره هناك
وهل في موقع متخصص بالامارات للسيارات الامريكية
وشكرا

[راشد الحربي]

اللهم آآمين ..

اعتقد ان الدخول بالجواز هو المعمول به الان ...

اخوي علي ابونواف اكثر الموجود من السيارات الامريكية بالامارات تحصلها 2006 و7 و8 ونادر تحصل موديل شبه جديد ...

لكن عجمان معارضها مرتبة جدا وفيها عرض كثير ...

ايضا صناعية الشارقة فيه معارض بين الورش ويجيبون سيارات من امريكا .. لكن نادر يجيبون موديلات شبه جديده ..

[علي ابونواف]

اللهم آآمين ..

اعتقد ان الدخول بالجواز هو المعمول به الان ...

اخوي علي ابونواف اكثر الموجود من السيارات الامريكية بالامارات تحصلها 2006 و7 و8 ونادر تحصل موديل شبه جديد ...

لكن عجمان معارضها مرتبة جدا وفيها عرض كثير ...

ايضا صناعية الشارقة فيه معارض بين الورش ويجيبون سيارات من امريكا .. لكن نادر يجيبون موديلات شبه جديده ..

مشكور اخوي راشد وماقصرت لكن برايك هل الفرق واضح ويستاهل العنوة هناك والا لأ؟

[راشد الحربي]

والله وانا اخوك تبي تاخذ شي نظيف وتستخدم خذه من هنا افضل بكثير ..

لكن لو تقول انا ابجيب شي من هناك ان جاز لي استخدمته وان ماجاز لي عرضته هذا شي ثاني .. ولازم تتعب بالبحث ويمكن تحصل فرق بسيط

واذا تبي رقم واحد هناك كندي الجنسية افغاني الاصل ارسلته لك والرجل ثقة لابعد الحدود لكن مايوفر كل انواع السيارات .. واعتقد ان عنده اليومين هذي تاهو 2007 بس ماعندي علم وش مواصفاته ..

[التعـ King ـديل]

اخوي انا خبره بالامارات اكثر من 8 سنوات اشري مواتر وابيع من هناك

زبده الكلام اذا تبي موتر عليه الكلام وتستخدم اشتر من هنا واذا تبي تتصيد مواتر وتترزق الله اشتر من هناك بس يبيلك جلسه وقنص مواتر

طبعا اول كنا نترزق بالقديم لكن الحين بعد قرار المنع الله لايوفقهم صار الموديل المسموح بشراءه من هناك مثل اللي عندنا ويمكن اغلا

واللي مب مسموح تلاقيه برخص التراب ويضيق صدرك وتصرف دراهم سكن ونقل وبدل اختلاف عمله وترجع حافي اليدين وخذها مني كلمه

واقراء كلامي مرتين وثلاث وعشر ودق على جوالي لو بغيت الاستزاده 0555043355 ابوخالد ولو مارديت ارسل رساله

بالنسبه للدخول للامارات الان مسموح بالبطاقه الجديده فقط وانا دخلت بها بتاريخ 25/11/1431

[علي ابونواف]

والله وانا اخوك تبي تاخذ شي نظيف وتستخدم خذه من هنا افضل بكثير ..

لكن لو تقول انا ابجيب شي من هناك ان جاز لي استخدمته وان ماجاز لي عرضته هذا شي ثاني .. ولازم تتعب بالبحث ويمكن تحصل فرق بسيط

واذا تبي رقم واحد هناك كندي الجنسية افغاني الاصل ارسلته لك والرجل ثقة لابعد الحدود لكن مايوفر كل انواع السيارات .. واعتقد ان عنده اليومين هذي تاهو 2007 بس ماعندي علم وش مواصفاته ..
اذا ماعليك اكر اخوي راشد ممكن ترسل لي رقمه على الخاص
واهم شي يكون يعرف يتكلم عربي

[علي ابونواف]

اخوي انا خبره بالامارات اكثر من 8 سنوات اشري مواتر وابيع من هناك



زبده الكلام اذا تبي موتر عليه الكلام وتستخدم اشتر من هنا واذا تبي تتصيد مواتر وتترزق الله اشتر من هناك بس يبيلك جلسه وقنص مواتر


طبعا اول كنا نترزق بالقديم لكن الحين بعد قرار المنع الله لايوفقهم صار الموديل المسموح بشراءه من هناك مثل اللي عندنا ويمكن اغلا


واللي مب مسموح تلاقيه برخص التراب ويضيق صدرك وتصرف دراهم سكن ونقل وبدل اختلاف عمله وترجع حافي اليدين وخذها مني كلمه


واقراء كلامي مرتين وثلاث وعشر ودق على جوالي لو بغيت الاستزاده 0555043355 ابوخالد ولو مارديت ارسل رساله


بالنسبه للدخول للامارات الان مسموح بالبطاقه الجديده فقط وانا دخلت بها بتاريخ 25/11/1431

لاخلا ولاعدم يابوخالد عسى مايخلينا

[جي اكس ار2000]

اخواني الأعزاء اسأل الله ان يجزاكم الله خير الجزاء على ماقدمتموه من توجيهات

[راشد الحربي]

اذا ماعليك اكر اخوي راشد ممكن ترسل لي رقمه على الخاص
واهم شي يكون يعرف يتكلم عربي


00971507455862

هذا رقمه اخوي علي .. واسمه عبدالرحيم .. ويتكلم عربي بس بسيط شوي ...

[LPFDFD]

نصيحه اخوي ابعد عن الامارات وخاصة جبل عمر

[علي ابونواف]

00971507455862

هذا رقمه اخوي علي .. واسمه عبدالرحيم .. ويتكلم عربي بس بسيط شوي ...

جزاك الله خير اخوي راشد وماقصرت جعلي ما اعدمك

[علي ابونواف]

نصيحه اخوي ابعد عن الامارات وخاصة جبل عمر

أفاااااااااااااااااا

وراه اخوي عسى ماشر بارك الله فيك

[GM0C]

مآقصصرو الششبآب ,.


: )

[الكرنشاف]

بسم الله الرحمن الرحيم .
السلام عليكم ورحمة الله وبركاته .
بعد الاذن من صاحب الموضوع .لكونه هام ومفيد .والدال على الخير كفاعله ..
اخواني انا لي صديق في الأمارات وسألته عن السيارات فقال السيارات في االمعارض غاليه اما انك تشتري من خارج المعارض ارخص ..
حيث طلبت منه السؤال عن قيمة vxrجيب2007_1فقام بالبحث بالمعارض عندهم واتصل بي فقال سعر ال vxr 2007 1 غالي بحدود 130 الف اما بالنسبه لخارج المعارض فهو رخيص جدا بحدود 90الف فمافوق وذلك عن طريق شركات او ناس من اهل البلد وبمعرفة وعلاقات خاصه ...
اسئله اريد طرحها:
1/ هل هذا الكلام صحيح انه فيه سيارات عن طريق شركات اوغيره..
2/ مامدى نظافة السيارات هذه من خلال الذين جربوا ذلك .
3/اذا تم شراء سيارة من خارج المعارض او من اشخاص عن طريق صاحبي هذا كيف يتم البيع والأتفاق وانهاء الأجراءات . لازم عن طريق المعرض .
4/هل الأفضل اني اذهب الى الأمارات او اقوم بتوكيل صاحبي . واحول له المبلغ ..
5/اخواني ارجو الأجابة بكل دقة ..وترتيب الخطوات الأجرائية ..حفضكم الله من كل مكروه .ورزقكم فسيح جناته ....والسلام عليكم ورحمة الله وبركاته ..

[جي اكس ار2000]

اخي كرنشاف كنت عندهم قبل سبوع المعارض مثل السعوديه واذا حصلت مواطن فلايبيع مباشره ولكن المعرفه افضل
وفيه يمانيه يبيعون واقل سعر من المعرض والعيب جميع السارات هناك بديها يلمع وتخدع وتريد واحد جيد بالفحص

ولوحسبت مصروفاتك والجمارك والمقاييس وفرق العمله فان السعوديه افضل بكثير

ولاتنسى سيارات ابوظبي مصديه من الأسفل واي مسمار تتوقع ان ينكسر

اذا ارت الذهاب اتبع الخطوات التاليه
1-كونو مجموعه
2- معك سياره
3-معك عزبه
4- تذكر ان العرض العصر والسارات قليله وتعد على الأصباع
5- الجيوب من 2008 اغل من السعوديه لأن روسيا تصدرها بكثره
6-معارض بني ياس مناسبه للجيوب وحولها نفود تفحص فيها وتتمشى فيها اذا لم تسكن بالمدن
7- مدينة العين كذلك يمدحونه








اي سؤال0500070343

[راشد الحربي]

اخوي الكرنشاف
1- سيارات عن طريق الشركات تكاد نادرة جدا .. مثل عرس المسيار عندنا بالسعودية خخخخ
2-سيارات الياباني المستخدمة بالامارات مكرووووووووووووفة إلا ماندر ..
3-عادي لو اشتريتها من برا المعارض اقرب معرض ويخلص لكم الامور ..
4-لاتوكل احد خلك مثل نظام الشيبان سلم واستلم -الثقة اليوم تكاد معدومة إلا ماندر -
5-تمت الاجابة

ومثل ماقالوا لك الشباب كان تبي موتر استخدام خذ من السعودية ...

[الكرنشاف]

اخواني الأعزاء ..
جي اكس ار 2000
راشد الحربي .
اشكر لكم تفاعلكم وسعة صدوركم وافادتكم النيرة العطرة ...
اخواني اكثرت عليكم لأني استفيد منكم ومن مشورتكم ..
اريد ان اوضح لكم يان صديقي هذا يعمل في دائرة السير واصدار التراخيص في الأمارات حيث يفيدني بان الشركات العاملة في الأمارات ملزمة من الدوله بإستأجار عددمن السيارات سوى كانت في حاجة هذه السيارات ام لم تكن بحاجتها وبعد مضي خمس سنوات يتم بيعها بعد اجراء الفحص عليها من قبل الصيانة وتغيير مايلزم ...ويكون قيمة الصيانة مكلفه بقيمة السياره . فيوجد من استأجر مثل هذه السيارة ولم يستخدمها الأ شي بسيط جدا حتى اذا سوى لها صيانه لم تكلفة الكثير ويقوم ببيعها باي سعر ...
السؤال : هل هذا ممكن ........ وهل دائرة التراخيص لها دور في ذلك ..وماهو رأيكم في شراء جيب 2007 VXRواحد...يعني فل الفل .بهذه الطريقة التي ذكرت لكم ...
وسامحوني على الأطالة جعل ربي يجزيكم الجنة ......

[راشد الحربي]

والله وانا اخوك اذا الرجال بيتهزلك انه يدبر لك فكسار رقم 4 فل الفل بسعر مثلا مائة الف .. فلا تردد ابد .. وبدون ماتشاور احد توكل على الله ..
بشرررررررررررررررررررررررررررررررررط لا تعطي الرجال ولا فلس احمر الا باستلام وتسليم ..

لان بعض البشرية وانا اخوك يوهق العالم انا عندي سيارات بسعر مغري وحولي الفلوس ويغريك ان مكسبك اربعين الف خلال اسبوع .. وتروح تحول الفلوس ثم ماتشوف إلا غبرته وردد ياليل ماطولك .. وإلا ياااااااليل البعارين ...


وهذي قصة للعبرة حصلت مع احد الزملاء -قبل تقريبا عشر سنوات- طبعا خوينا هذا فاك مع البي ام دبليو .. قاله واحد من زملاه في العمل انا ادبر لك بي ام موديل 98 او 99 من المانيا بسعر خمسين الف ..وكانت تسوى فوق المائة بكثير .. بس ترا ماتوصل إلا بعد شهرين .. خوينا راح وعطاه الفلوس وسحب فيه 4 شهور .. وبعدها ضبط الرجال نقل لمنطقة بعيدة عن الرياض وغير وسائل الاتصال .. وإلى الان ماجاه ولاقرش !!

[الوادعي222]

والله وانا اخوك تبي تاخذ شي نظيف وتستخدم خذه من هنا افضل بكثير ..

لكن لو تقول انا ابجيب شي من هناك ان جاز لي استخدمته وان ماجاز لي عرضته هذا شي ثاني .. ولازم تتعب بالبحث ويمكن تحصل فرق بسيط

واذا تبي رقم واحد هناك كندي الجنسية افغاني الاصل ارسلته لك والرجل ثقة لابعد الحدود لكن مايوفر كل انواع السيارات .. واعتقد ان عنده اليومين هذي تاهو 2007 بس ماعندي علم وش مواصفاته ..
يالغالي لو تكرمت ارسل لي رقم الافغاني على الخاص لاني اريد شراء سيارة من الامارات ولك مني جزيل الشكر يالحربي

[الكرنشاف]

ابن عمي راشد الحربي ...رعاك الله
ادري اني ثقلت عليك مش حالك واحد اعليمي ..
اخوي مالفرق بي فكسار 4 فل الفل وفكسار 1 فل الفل .الأمارتي ..وايهما الأكثر رغبة

[swwa7]

.



تبي الصراحه وانا اخوك .. استخر واقضب ارضك

رحت قبل ثلاث سنوات او اكثر انا وولد عمي وشرينا سوبر سفاري فتك 2003 الموتر ماشاء الله وردهـ

واخذناه بـ 72 الف ر.س

المهم طلعنا من الشارقه ومسكنا طريق السعوديه مايمدينا اخذنا تعدينا ابو ظبي الا والحراره ترتفع

وكان الوقت متأخر اخر الليل

قمنا ندورج عليه لين وصلنا المنفذ واضطررنا للمبيت في المنفذ حتى الصباح

خلصنا اوراقنا ونقعد ندورج

لين وصلنا الحسا

وديناه ورشه قال ماعرف له لانه فتك

قلت ياولد غير تماتيك المروحه يمكن يكون البلا منه

غيرناه ودعسنا والمشكله هي هي

وماوصلنا الرياض الا الصباح

يعني ممشانا يومين الله يجيرك ههههههههه

واخر شي ضبطه ومشا حاله

فـ انا اقولك نصيحه لوجه الله اببببببببببببعد عن الامارات

لا تشتري الا من شخص تعرررررررررفه اما تبي تروح مدرعم والله لتغريك بعض السيارات وتشتريها

عليها اشكال تغريك بقوووووه لدرجة انك ترمي فلوسك واهم شي انك تركبها

وكان تبي نصيحتي

اترك الامارات عنك

اذا انت رجال تدور الجيب النظيييييييف عندك ثلاث حلول

الاول / تاخذه من الكويت { مع العلم ان السعر غالي } لكن نظيف

الثاني / تاخذ من السعوديه

الثالث / تاخذ من قطر

وانت عاد بكيفك انا قلت لك سالفتي والمؤمن لا يلدغ من جحر مرتين

اذا السيارات عندنا بالمعارض تعرض بنسبة 70 بالميه من شريطيه

فـ هناك السيارات عندهم تعرض بنسبة 200 % شريطيه المشكله تشوفهم تقول ذولي اماراتيين حتى كلامهم اماراتي بس بالحقيقه تلقاها يا سوري ياعراقي يا فلسطيني الخ

انتبه لا تشتري الا من واحدً تعرفه

غير كذا لا تروح ابدنننننن

والفرق والله مايسوى العنوه


وسلامتك ياكحيلان

[راشد الحربي]

ابن عمي راشد الحربي ...رعاك الله

ادري اني ثقلت عليك مش حالك واحد اعليمي ..

اخوي مالفرق بي فكسار 4 فل الفل وفكسار 1 فل الفل .الأمارتي ..وايهما الأكثر رغبة


على عيني وعلى راسي ياولد العم ..
الفكسار 4 فل الفل ..
3 اقل بشوي ..
2 اقل ..
1 ساااااااادة مافيه اي مواصفات ..

طبعا حسب معرفتي رقم 4 جاء من الفين وسته وسبعه .. اللي يجيك ونش وطبلون زينون وشاشة جي بي اس وبلوتوث ..بالاضافة إلى الونش والدفلك والفتحة .. واعتقد يجي لونه واحد مع الصدامات يعني غرنون ابيض في ابيض

رقم ثلاثة فتحة ودفلك و ونش ..

رقم اثنين فتحة ودفلك

رقم واحد مافيه شي ..

القير توماتيك او عايدي ماله دخل بالرقم ..

[الكرنشاف]

ابن عمي يسعدلي ايامك وعساك على القوه.
والله لايحرمنا منك ومن نصائحك الثمينه .
لي عودة.

[راشد الحربي]

اللي انتم تامرون ابشروووووووو به ..

[الشمالي 1]

تحسفت وندمت اني شريت سيارة من الامارات السيارة من برا وداخل نظيفه لكن متبين العيوب الا بعد فترة اسبوعين تقريبا قطع مشلحه وموضوع بدل منها قطع غيار غير اصليه وهذا اللي حصل معي.
نصيحه لاتعدى سعوديا اريبا والله مامثلهم.

[الكرنشاف]

LPFDFD
جي اكس ار 2000
راشد الحربي
الوادعي 222
SWWa7
اشكركم جزيل الشكر والعرفان على ما اسديتم من نصائح جمة استفدت منها الكثير . وغيري كثير وهذا دليل على حرصكم ومحبتكم لآخوانكم فيما يعود بالمصلحة العامه لكل من يبحث في هذا الموضوع . ..حقا انه اتحاف بالمعرفة والخبرة والتجارب ممن له السبق.. والشكر موصولاً لصاحب الموضوع لكونه من وضع لبنة الأساس...
رعاكم الله ووفقكم لكل خير ويسر لكم كل عسير ....

[جي اكس ار2000]

نيابةً عنهم نشكركم ولم نقدم الإالقليل من الواجب ودمتم بخير

[عمر العصيمي]

قريت جميع الردود والي اخذته منكم انكم ما تأيدون شراء سيارات من الامارات للمستخدم

لكن يا اخوان عندنا بالسعوديه الشريطيه شابين نار

اشكر صاحب الموضوع على طرحه << جا في وقته

[راشد الحربي]

و وجيهكم جميعا ...